رواية غرور يوسف

[سيزرر]

السلام عليكم ..
طبعا القصه منقوله من الكاتبه ضياء القمر والقصه عجبتني وابيكم تشاركوني
ويالله اذا عجبتكم حطيت كل الاجزاء تحياتي



تمضي ايام عمرنا سريعاًَ بحلاوتها وقسوتها التي تشعل نيران قلوبنا .. ممزوجه هذه الايام بالحب والكراهيه بالعنف والحنيه وبترابط الاخويه ..

معكم لنعيش ايام جديده مملؤه بجميع معاني الحب والعشق والشوق في قصتي الثانيه غرور يوسف ..



(( غرور ))
الشمعه المضيئه بالحب والقلب الكبير الحنون على الجميع .. جمالها وظروفها هم عوامل غرورها .. صريحه جريئه عمليه عفويه عمرها 21 سنه تدرس محاسبه ..

(( يوسف ))

رجل بمعنى الكلمه عملي مزاجي متقلب وسيم ولطيف .. يجيد اخفاء مشاعره التي لا يظهرها الى في اوقات محدده وشخصيته الرومانسيه والحساسه جداً . عمره 24 سنه مهندس .

الابطال الرئيسين ..

(( سمر ))

تؤم روح غرور بنت عمها لكنها اكثر من اختها .. توفو والدين سمر وعندها 3 سنوات رباها عمها ابو غرور وصارت زي الاخت واكثر لغرور اهي واخوها حمد وخصوصاً ان غرور وحيده امها وابوها..

عمرها 21 سنه هادئه خجوله جميله انطوائيه قليلاً.

(( سيف))

خطيب سمر وولد عم غرور ويوسف وسيم وايد وله دور كبير معانا بالقصه عمره 25 سنه ..

(( حمد))
اخو سمر .. فنان هوايته الرسم حبوب وحنون عمره 24 سنه..

(( شوق ))

اخت يوسف .. دلوعه تهتم بالموضه ..حلوه بريئه وعلى نياتها .. عمرها 19 سنه .

(( ناصر ))

اخو يوسف. 26 سنه شخصيه غامضه مع الايام بتعرفونها (( شخصيته مفاجأه))

هناك الكثير من الشخصيات بالقصه ان شاء الله بتتعرفون عليها ..

[سيزرر]

الفصل الاول.

مسك يدي بقوه نظر لي نظره غريبه وكأنه يقول لي كلام لا استطيع فهمه .. دمعه عيوني وكأنني اودع شخصاً غالياً .. لا اعرف من هو هل هو حمد لا ليس حمد انه يبتعد ويبتسم وانا انظر اليه باستعجاب اريد معرفه من هو..

(( سمر ))
تقربت من ابنه عمها النائمه هزتها بهدوء وهمست لها : غرور
فتحت عينيها بصعوبه ودقات قلبها غير مستقره توزعت نظراتها ع الغرفه وعلى سمر وفي هذا الوقت عرفت انها كانت نائمه وفي حلم جميل ..

سمر وهي تقرب من غرور وتبوسها: صباح الخير يا قمر

ابتسمت غرور: صباح النور

غرور: الساعه كم

سمر: 8

غرور: ليش مصحيتني بدري

سمر: علشان تقولين لي الحلم

غرورباستعجاب: ومن قال لج اني كنت احلم

سمر: يبين عليج

غرور : والله انج فاضيه (( صرخت وغطت وجهها بالفراش ))

سمر : قولي الى تبغينه بس تقولين لي الحلم .. (( سمر تترجى غرور ))

كشفت غرور عن وجهها وقالت بنبره رومانسيه : حلمانه فيه

سمر ما تستحمل هذا الكلام ..

سمر: تحبين من وراي (( نبره عتاب))

غرور: يعني انا اذا بحب لازم اسوي اعلان

سمر : يعني انا حالي حال الناس

غرور : من قال انج ما تدرين

سمر: يوسف صح ؟

مره وحده عصبت غرور : ومن الى دخل هذا بعد في السالفه

سمر: دائما بعد العداوه محبه (( غمزت لها وقالت )) اهو

غرور: لا اصلاً ما اقدر اقول لج ايه ولا لا لاني اما ما ادري منو بس حاسه اني احب

سمر بنبره غشمره: انتي ويه حب

قامت من على السرير..

غرور: عيل انا شنو اقصد ويه شنو

سمر: خناق..

ركضت وطلعت من الغرفه بسرعه لانها مو متوقعه ردت فعل بنت عمها

سندت غرور راسها حاولت استذكار الحلم واستذكار الشخص ولكنها فشلت ..

(( يوسف))

فتح خزانه ملابسه رأى في اعلاها الصندوق الذي اعتاد ع جمع مذكراته فيه قرر فتح الصندوق.. فتحه .. ومن ضمن مذكراته صوره لغرور قبل خمس سنوات رسمها لها حمد اخرجها وجلس فوق احدى الكراسي يتاملها ..بت في باله هذه الافكار خلينه ندخل في داخله ونعرفها ..

معقوله معقوله هذه الصوره الى تروري شوقي لغرور لا اكيد مو هذه اصلاً غرور ساكنه ومتربعه بقلبي..

دخل اخوه ناصر عليه فجأه من غير احم ولادستور..ارتبك يوسف وبان عليه الارتباك ما عرف المسكين وين يغطي الصوره ..

ناصر: شنو الى بيدك

يوسف: ها

ناصر يصارخ وهو معصب: اكيد صوره بنت من البنات الى تعرفهم..

عصب يوسف: الى اهني وكافي انت وبعدين معاك.. ليش تشك بلحواليك بسبب ومن غير سبب ..

ناصر: اذا انا كذا وريني الصوره الى عنك واثبت لي

يوسف ارتبك اكثر .. شنو بصير لو ناصر شاف صوره غرور اكيد بعلم الكل والكل يعرف ان يوسف يكره غرور وغرور تكره يوسف..

ناصر: الى سكت

يوسف: مو يمكن .. الى بالورقه شي ما يخصك..

ناصر: يعني شكوكي صحيحه..

يوسف: اهم شي انا مقتنع بنفسي..

حس ناصر بهذه اللحظه باحساس غريب وقبيح حس انه فضولي واناني لانه سمح لنفسي يوم الايام انه يحب وحده من كل قلبه لكنها خانته تعقد المسكين من هذه السالفه ومن يومها اهو ع هذا الحال معارض للحب..

((حمد))

نزل الصاله الرياضيه الى بالبيت بسرعه وهو يركض ..لقى سمر وغرور صار له ساعه وهو يدورهم..

حمد: انتو اهني

سمر: لا اهناك

حمد: خالتي نجاح (( زوجه عمه ام غرور ))

غرور وهي ماسكه قلبها : شفيها ..

نجاح حالتها الصحيه على قدها وهذا الى خلاها ما تيب عيال غير غرور ..


انتهى البارت الاول

[سيزرر]

وبن تفاعلكم عشان نكمل الروايه

[سيزرر]

وييييييييين

[سيزرر]

الفصل الثاني

(( يوسف ))
للقلب نذهب راكعين ..
للقائكِ يا حبيبتي نحنه قادمين ..

لبس جاكيته الجو بارد بره تعطر .. مو مصدق نفسه اليوم بشوف غرور رغم غرورها ومعاملتها الى مو لهناك معاه الى انه يحن لمناجرتها

طلع من الغرفه وهو يغني ويصفق نزل ويا ليته ما نزل ..

بو ناصر: يا بنت الحلال اهدي
ام ناصر اخت ام غرور
ام ناصر : شلون اهدأ وهذه اختي الوحيده الى ما عندي غيرها

بو ناصر: الى يشوفج كذا يقول انها اول مره تدخل المستشفى .. طول عمرها يوم بالبيت وعشره بالمستشفى

تنهد وقال: وبعدين اهي شنو فيها الضغط والسكري الكل فيه هذه الامراض هاليومين

ام ناصر وهي تبجي: مسكينه خويتي ما تهنت بشبابها من كثر المرض

يوسف : شفيكم..

ام ناصر: خالتك نجاح مرقده بالمستشفى

انهارت ام ناصر ..

555

اليوم اليمعه بدل ما يتيمعون كلهم ببيت يدهم تيمعو كلهم بالمستشفى

سيف الى كان واقف جنب سمر وباله كله مع غرور .. ويوسف في هذا الوقت كان توه واصل مع امه

ام ناصر: غرور حبيبتي

ضمت ام ناصر غرور لصدرها غرور الى كانت ماسكه نفسها علشان لا تبجي بجت بهدوء ... سمر الى عارفه غرور زين وعارفه انها من بره جبل ومن داجل بركان .. مسحت ع ظهرها بهدوء

سيف الى يتعذب كل لحظه يشوف سمر مع غرور ..
ويوسف العاشق الولهان الى فضل الصمت والابتعاد

(( حمد))

مو قادر يتصور حياته من غيرها ام غرور .. امه الى ما ولدته الى تضجك مع ضحكته وتدمع عينها مع دمعته .. دمعت عيونه اول مره يحس نفسه ضعيف يمكن خوفه من اليتم من جديد..

لاحظ يوسف ابتعاد حمد .. لذلك تبعه..

بوسف: حمد

حمد و هو يحاول يمسك نفسه ودمعته الى جربت تطيح

يوسف: شنو قال الدكتور

تذكر حمد كلام الدكتور بكى باعلى صوته وضرب راسه بالجدار .. عرف يوسف الجواب من غير ما يتكلم نظر الى غرور القويه الصامته وقال: لا حول ولا قوه الا باله

مسح دمعته الى طاحت من عينه من غير شعور ..

غرور الى جالسه وسط ابوها وخالتها ام ناصر والحزن مخيم عليها مو مصدقه الى يصير مو حاسه بالي حواليها حاسه انها بغيبوبه .. خالتها الى تبجي وتون بصوت عالي وابوها القوي الى اول مره تشوفه منكسر كذا..

سمر الى ما لقت احد تفضفض له غير سيف خطيبها..

سمر: ما اتخيل الحياه من غيرها

سيف: الله يشافيها..

سمروهي تبجي: عمرها ما فرقت بيني وبين غرور بنتها بشي

اهني طلع الدكتور..

الدكتور: من الاستاذ عادل

بو غرور:انا

الدكتور: المدام تبغيك داخل .. تفضل..

قام بو غرور وغرور ترتجف من الخوف مسكت يد ابوها وقالت : يبه بيي وياك

بو غرور الى خاف ع بنته الوحيده: لايبه يلسي اهني مع خالتج..

ناظر ام ناصر وكانه يوصيها عليها .. ودخل

سيف: مايد

الدكتور مايد رفيج سيف..
تقرب مايد منه ومن سمر

سيف: ها بشـ ــ ر

سمر الى مو قادره تمسك نفسها حاسه انها بتموت مو قادره توقف ع ريولها مسكت يد سيف..

مايد: ادعو لها بالصحه والعافيه

سيف: الدكتور الى قبل قال ..

نظر الى سمر بخوف ما يقدر يكمل يخاف تطيح عليهم

مايد: قال انها يتموت .. لا الاعمار بيد اله الله الوحيد الى يحدد

تنهدت سمر وقالت بصوت خاشع: يا رب

مايد: هذه بنتها

ابتسم سيف بمراره: لا هذه سمر خطيبتي

مايد: اها .. اهلاً

سمر الى مالها مزاج كلش: هلا .. عن اذنكم

مرت من جدامه متوجهه الى مكان غرور وام ناصر

اعجب مايد بجمال سمر وقلبها الطيب الحنون .. كل هذا علشان مره عمها الى ربتها صج اصيله ..

[ruba]

حلوووووووووووووة كمليها...

[رزونه]

رووووووووعه بس بالله عليك كملها ترى مره متحمسه

[سيزرر]

ابشرو

[سيزرر]

الفصل الثالث

دخل بو غرور الغرفه المظلمه لقى ابتسامتها الى تعود عليها في اقسى ازماتها

همس وقال: انتي بخير

ابتسمت ام غروربسخريه وقالت: ودني البيت ابغي اموت ببيتنه

ما قدر ابو غرور يسمع هذه الكلمه ضغط ع يديها وقال: العمر الطويل لج

ام غرور : علشان خاطري انا ادري ان هذا اخر طلب لي

دمعت عيون ابو غرور وسقطت دمعته مسحها بسرعه وابتسم بمراره وحرقه: ان شاء الله

طلع من الغرفه كلهم تقربو علشان يعرفون الاخبار

غرور بلهفه: خير يبه

ابو غرور: تبي ترجع البيت

غرور: اي يبه وافق ع الاقل تكون بوسطتنا ومنحطها بعيونه..

ابو غرور وهو يدور لسيف: سيف وين رفيجك الدكتور

خلصو اجراءات خروجها من المستشفى

(( الليل))

نزلت غرور من فوق بعد ما تطمنت على امها.. تحاشت نظراتها الى يوسف ما تبغيه يشوفها ضعيفه ومهزومه؟؟

غرور: مشكوره خالتي تعبناج معانا اليوم

ام ناصر: لا تشكريني انتي اكثر وحده تعرفين امج شنو بالنسبه لي

ابتمست وقالت: الاخوه احساس جميل

دمعت عيونها صج حمد وسمر زي اخوانها لكن بعد الوضع مختلف

ام ناصر: الله يخلي لج سمر وحمد.

غرور: اَمين

(( يوسف))

دار الحوار بين امه وغرور وهو طول الوقت ساكت يا ترى تحسين فيني يا غرور تحسين بحبي لج وخوفي ع مشاعرج

صار موقف حز في داخله كلهم تقربو منها في المستشفى يهدونها الى اهو ظل بعيد رغم انه اكثر واحد يحبها .. لكن غرورها اهو الى مانعنعه من التقرب منها

سرح بغرور وجمالها عمره ما طره ع باله انه ايي يوم تنكسر فيه غرور مو مصدف الى جدامه غرور الى مهما يصير الى ما تهتم الى بنفسها.. شبهها بالورده الذابله الحزينه..

غرور: تفضلي خالتي بس يمكن تكون نايمه

ام ناصر: عيل بركب لها بروحي انا مو غريبه

غرور: اوكي

وكبت وظلو بالصاله سيف ويوسف وغرور

سيف ونظراته الى غرور نظرات غير طبيبعه: الدكتور مايد طمني عليها

غرور: ادري قالت لي سمر

سيف: عيل (( متردد ومتردد اكثر بوجود يوسف))

غرور: عيل شنو

سيف: لا تزعلين نفسج تراج غاليه

يوسف عصب من غير ما يحس ع نفسه: شلون ما تزعل مو هذه المريضه امها

تعجبو من ردت فعله صج غرور استعجبت من كلام سيف لكن من يوسف اكثر

سيف الى ارتبك ومو عارف شنو يسوي ~: انا قصدي اطمنها

نظر اليه ونظر الى غرور الى تغيرت ملامحها

سيف: عن اذنكم

غرور: على وين

سيف: بدق على سمر بقول لها تطلع لي بالحديقه

غرور الى تتهرب من جلوسها مع يوسف : لا انا بطلع اناديها لك

يوسف الى يحاول انه يدقق بابسط كلامها

سيف: لا ما يحتاي مشكوره

طلع سيف ...

غرور وهي تضغط ع اسنانها : شنو الى سويته هذا

يوسف: ما لج دخل

سكتت غرور نظراتها الى الامام وعيونها تدمع .. ما تدري ليش حاسه انها محتاجه الى حضنه وحنانه..

يوسف الى اول مره يشوف غرور كذا العاده اهي ما تسكت يقول لها كلمه ترد بدالها عشر

يوسف ولاول مره يتاسف لغرور: اَسف اذا خطأت

غرورالى ماسكه اعصابها

يوسف الى يحاول يبرر موقفه: بس اهو الى مو محترم نفسه ولا محترم خطيبته الى اهي بنت عمج والى اكثر من اختج

رفعت يديها اغمضت عينيها وقالت بترجي: بس

يوسف يترجى : غرور الى سويته اشوفه صح واذا على سيف بعتذر منه

رفعت راسها وهي تضحك ضحكه مصطنعه ودموعها تنزل

غرور: انت طول عمرك تشوف نفسك الصح والباقي كلهم خطأ دائماً مندفع وما تحب غير نفسك وما تشوف الى نفسك بالحياه

يوسف ؛؛ ممكن ان اتحمل هذا الكلام من اليميع الى من غرور الامل الى زرعته في نفسي ونمى على امل انه يحلق يوماً في سماء الحب

هذا هو الحب الاول من طرف واحد احببتها وتمنيت ان تبادلني شعوري تمنيت وتمنيت كلها امنيات تبخرت كالبخار

لم استطيع ان اسمع واسكت واسكت على قتل قلبي وحبي الاول حب حياتي .

يوسف: ما احد غيرج فيه هذه الصفات

تلاقت نظراتهم مع بعض تلك النظره القاسيه نظره التحدي الى تحولت بعدها الى نظره حب

جرت غرور متوجهه الى غرفتها..

(( شوق))

بينما اهي جالسه انان شاشه التلفاز كالعاده .. حياتها كلها نوم واكل وتلفزيون وكمبيوتر ووسوق..

دخلو يوسف وامها.. يوسف على طول ركب فوق مزاجه متعكر وانتو تعرفون السبب ما ينلام

ام ناصر بنبره لوم وعتاب: ما تدرين ان خالتج تعبانه

شوق:-

ام ناصر: ما دام تدرين ليش حتى سماعه التلفون ما رفعتيها

شوق: يمــــــ ــــ ـــه

ام ناصر: وصمه متى بتكبرين وبتحسين وبتتحملين المسووليه لمتى بظل حياتج كذا


ساعه كامله محاضره وشوق لا تعليق

ركبت ام ناصر وهي معصبه ع بنتها .. كان خاطري اعرفكم ع شوق بهدوء لكن القصه اهي الى بتعرفكم عليها

رن موبايل شوق

شوق: هلا قلبي""

فهد: هلا فيج عمري .. شفيه صوتج متغير

شوق: ما يسوى علي طلعتي معاك امي زلزلتني

بتعرفون قصه شوق وفهد في الايام اليايه خلينه الحين ننتقل الى ابطالنا..

(( غرور ))

تساقطت دموع احزانها .. بحرقه لا تعرف كيف تفكر .. تلوم نفسها تاره واخرى تؤيد فعلتها..

فكرت بيوسف ولاول مره تعترف انها تفكر فيه .. لامت نفسها ع الى سوته كل هذا علشان مطنشنك لا عيل تواجده بالمستشفى شنو تسمينه شنو اقدر اسميه غير اصول .. ولا اهو يكرهني .. وانا بنت الاصول موجود ببيتي اهنته ..

سمعت صوت قريب من غرفتي قررت اطلع مستحت دموعي غسلت ويهي ابتسمت امثل على نفسي اني سعيده .. لكن ما في في قلبي غير الالم والقلق والجروح

فتحت الباب وطلعت بهدوء سمعت صوت وكأنه صوت ابوي وحمد

حمد بخيبه امل: يعني خلاص

ما قدر بلفض الكلمه لسانه ما يطاوعه

بو غرور ودمعته تنزل: الدكتور قال ان العلاج ما له داعي وايامها بالحياه معدوده .. تمـــ ــــ ووو ت في بيتها وسط اهلها افضل

حمد: بس يا عمي انا ما اقدر اتحمل هذا الكلام

بوغرور: ولا انا ..لكني محتاي لريال يوقف معاي

اذا انتو ما تقدرون عيل بنتها وحيدتها شنو تقول .. شنو الى يقدرها ع فراق جوهره حياتها وعمرها (( امها))

سقطت دموعها دخلت ع امها الغرفه يلست يم ركبها تبوس يديها وتبجي بصوت عالي

ام غرور وهي تبجي مع بنتها: غرور انتي انسانه مومنه لا تخوفيني عليج.. خليني اروح وانا مطمنه عليج بعد عيني

غرور من غير تصديق: لا

ضمت ام غرور بنتها الى حضنها وكانها تودعها .. غرور تون من الحزن والام تون من الالم ..


نهايه البارت ..

لقائي معكم في البارت الياي بأحداث جديده..

[ميوية]

اختى ممنوع كتابة اكثر من ثلاث مواضيع فى اليوم
حتى تتيح الفرصة لبقية الاعضاء