...شوفي سواد الليل هذا احتواني أخذت من جوره بلاوي كثيره...

[alqrm]

كثر النهار أشتاق

كثــــر الـــنهـــــار أشــتـــاق و إنــتي بعيـــده
الــــين أشــــوفــــك كثـــر ما تـــنبت أشجـــــار
ومــثـــل الــرمــــال أحــس روحــي وحــيــده
الي أجـــدبت عامـــــــين مـا طــــاحت أمـــطار
طـــال الـــســــهــــر والـــليل ينـــزف وريـــده
في صــدري اهمـــــوم وهـــواجـــيس وأســرار
كــــل الــحــــروف المـــبـــطيـة والجــــديــده
تطــري علي لاشـــك فـي شــوقـــي احــتــار
قبــــل الـــورق وانـــتي فـ بـالـي قـصـــــيده
وبعـــد الــــورق ضيــعــت أنــا كـــل الأشـعـــار



*
*
*
*


رسمتك


رسمتك نون في عيني كأنـي للخيـال خيَّـال
وكأني بعد ما أَصحى أَشوفـك وردة بيدينـي
من أَول ما نبض قلبي لقيت الحب بك ترحـال
ولقيت النـار فـي بـردك تبعدنـي وتدنينـي
وقلت إني على دربك أبضرب للعشق أمثـال
أبضرب شي في الدنيا قطفتـه مـن دواوينـي
كفاية إني عرفت دربك ولا همي أنا لو طـال
حلفت اني أبد ما توه لـو ضاعـت عناوينـي



*
*
*
*


ودنا بالطيب


((ودنا بالطيب)) بس الدهر جحـاد طيب
كل ما تخلص مع الناس كنـك تغشها
يدك لامدت وفاء لاتحرى وش تجيب
كان جاتك سالمه حب يـدك وخشها
كل ماشبيت نار المحبـه مـع حبيب
قام يسحـل فـي مشاهيبهـا ويرشها
وكل ما واجهت لك فالزمن وجه غريب
مثل ماقال المثـل دام تمشـي مشها
وذمةٍ ماهيب تنـدار للحـق المصيب
جعل قشاش الحطب لاسـرح يقتشها


*
*
*
*



الزمان


يقولون الزمان اغبر وانا اقول الزمان بخير

ما دام اللي سكن في ناظرك ما طاح من عينك



*
*
*
*



اموت بفرقاك


أموت من فرقاك وأموت بلقاك *** وأموت من جورك وأموت بحنانك

كل قضاه يمــوت مره .. و يفداك *** و أنا أموت ألفين مره عـشــانك

أذكرك .. لا مني نسيت إني نسيتك *** أنـسـاك .. لامني ذكرت نسيانك

رضيت أنا بالهم لرضاك مرضاك *** و ارخصت لك قلب جرحته وصانك



*
*
*
*


نسيتي


نسيتي من نسى الدنيا ولكن ماقدر ينساك


ولو نفرض نسيتيني شعوري كيف تنسينه ?



*
*
*
*


جبين الصبح


ياللي جبين الصبح من مفرقك لاح
ليتك تركت الليل يملا سمايه

كان الهنا ما جا حياتي .. ولا راح
ولا فقدت اليوم نورك هنايه

جرحتني يامداوي الجرح بجراح
وأنا أحسب إنك صادقٍ في دوايه

وكانك على جرح المحبين ترتاح
إرتح .. قطعت اليوم تالي رجايه

وابشر ترى روحي نست كل الأفراح
وتهدمت تبكي عذابي معايه



*
*
*
*


لاتدعي


لاتدعي حب جحدته من اعوام
ولاتعتذر وقت المعاذير ولى

رح في طريقك لاتفكر باالأوهام
ولاتنسى انك من بدا ومن تخلى



*
*
*
*


على وين ؟



على وين .. وأنوار الشوارع ورى خفت ؟
............................. رحل من هنــا .. وإستانس الحلم بإغماضي

ضحك شامت .. وعين المخاليق ما كفت !!
............................. عن مشاهدي .. وآنا آتوجع على الفاضي !!



*
*
*
*


مصدر احزاني


أحاول ما اجيب ذكراك
لاكن يغلط لساني
وكل ما انسى انا القاك
بين روحي ووجداني
اغمض عيني عن رؤياك
واشوفك في ذرا اجفاني
واعزم و افتعل فرقاك
ويرجع قلبي يعاني
وبالتالي عجزت انساك
ونسيانك مو بمكاني
شسوي بستمر وياك
لو إنك مصدر احزاني



*
*
*
*


صح أنا أحبك كثير


هذا إنتي ..!
ماتغيرتي كثير ..!!
تاخذين " الصبح " من كفه !
ومن كفه أطير !
وتقلبين الريح مشهد : من مواويل وعبير !
وهذا أنتي تسأليني : صح أنا وحدي الأميرة ..!
وانت لي وحدي .. الأمير !!؟
ماتغيّر أي شي !
" بس أنا أحبك كثير "



*
*
*
*


حفنة تـراب


تعبت ادور بين الاحباب .. أحباب
....... تعبت أنادي ياترى وينهم فيه ؟

الحظ عوّدني على .. قفلة الباب
....... والعمر يجري بي ولا اقدر أجاريه

قالوا : ولايسوى الأمل حفنة تراب
.......هو فيه أمل جاني وانا قلت : مابيه ?



*
*
*
*


سواد الليل


شوفي سواد الليل هذا احتواني
أخذت من جوره بلاوي كثيرة
إنتي سألتي : ليه دايم اتعاني ..؟
وش سر مطلع هالدموع الغزيرة ?
ودي أجاوب بس وين المعاني ؟
اللي توضح تجربات مريرة !
أقول خليني من اللي دهاني
خليني اسلى لو ثواني قصيرة



*
*
*
*



يا هيـه


ياهيه ياللي ماخذك عنّي .. إغياب
القلب بعدك ياترى ..... وين اوديه !؟

اليّا متى حنّا مع الناس .... أغراب !؟
والحب .. يدعينا ولااحد .... يلبّيه !؟

أسألك باللي حط بك سحر الأهداب
واللي رسم في مبسمك سالفة تيه !

ودي نكون بعالم الحب .... أحباب !
واليا سألتك ( ودك نكون ؟) قل: إيه !



*
*
*
*



ياحلوتي


ياحلوتي..مافاد حزني..ولابكاي
ولافاد دمع..لاجل عينك..بكيته
ليتك قتلتي أول الحزن....جوّاي
ماكان قلتي : بسألك..مانتهيته
جيتك وشايل في ضلوعي هداياي
وحلم كبير..ومن جروحي..بنيته
ماعاد تغري ضحكة الحب..بشفاي
من يوم ماصك الأمل باب....بيته



*
*
*
*



شف لي طريقه


تعبت انا أنثر هم قلبي...على الناس
وتعبت ادور للحقيقة .... حقيقة

يلعن ابوه .. شعور .... لابوه إحساس
لاجيت أسوي من جراحي " حديقة "

شف لي طريقة لاغدى دربنا.. ياس
تعبت انا ترديد..( شف لي طريقة )

ماعاد ياسع للحزن أي.......كرّاس
وماعاد قلبي يحتمل ... أي ضيقة

شفني رشفت من الغرابيل كم كاس
والصبر مابلّت أمانيه ......ريقه



*
*
*
*



الشوق والجفاف


صار بعض الشوق فيني منطوي خلف الجفاف
وهذا بعضه في خفوقي يحتري باقي الوعود

" من فقدتك ياحبيبي.. والمشاعر ماتخاف..
وش بعد خوفي من انك من غيابك ماتعود؟؟ "




*
*
*
*



ايه احبك


كلمه .. ماتت في شفاتي من سنين

كلمه .. خلّت هالزمن قاسي .. و .. عظامي تبين

كلمه .. لامنّي نطقتـه :

يقطع الكون بـصداها لساني

وآتنهد أنين ..!



*
*
*
*



سقى الله


يا عنك الهوى ما يدخل قلوبنا بوضوح .
.................... ترك في عروق أيامنا ما يكفيها




سقى الله ليالي قد مضت طربتن ومزوح !
....................... ليالي يفز القلب لا مر طاريها ..



*
*
*
*



ياخلف جدّي


الليله اللي بليّا صوتك تعدّي
أحسها شوكة بحلق العمر كلـّـه
وأنتي بغيابك تحسبين الجفا قدّي
وأنا وصبري صغار .. نضيع في ظلّـه !!
وانتي صغيره .. ولكن ياخلف جدّي
لو قلتي :-"إهلك عشاني" .. قلت لك :- "يالله" !!



*
*
*
*



وداعة الله


سجيت رجلك..و النوايا طليقـه
والله يسهلهـا على ما بغينـا

عندي حكي .. إصبر بأقوله دقيقـة
وش معجلك .. دامه خلاص إنتهينا

ليـه الحزن غطا عيون الحقيقـة !
وصرت أتخيـلنا..مثل مابدينا؟

وداعة الله .. ياليدين الرقيقـة
والله مادري..تذكر إللي حكينـا !؟



*
*
*
*


كفة الميزان


ماابي اقولك ليش ولاتقولي كان

بس ابي اسالك ؟؟ باالواحد إللى خلق خمس الاركان.
مااشتقت لى يوم كان إللى كان ؟؟
ترى ماقصيدي شى...
بس ابي اعرف لك محل بكفة الميزان
ولا انا لحالي وانت مالك
مــــــــكـــــان.........؟



*
*
*
*



قالوا تزقح ؟


ناظرتني بطرفها الساهي وقالت
لو تفارقني أموت!
وافترقنا .. لا لقا .. لا رسايل .. ولا صوت
وكنت أسال دايم أسأل
يا ترى وش صار فيها !؟
قالوا تزقح! ماعليها .. صارت أجمل
إبتسمت وقلت هذا اللي ابي.. بس!
كيف أنا صدقت يوم قالت بموت ؟
الصحيح .. إني غبي



اشكر كل من مر من هنا

[دلوعة فلسطين]

مرسى على هلموضوع الحلوة جدا رائع جمليه جدا

[اهتم فيني]

[move=down][align=center][i]|--*¨®¨*--|[font=Tahoma][size=7]عسى الله لا يفرقنا [/size][/font]|--*¨®¨*--|[/i][/align][/move]

[اهتم فيني]

[لحظة غروب]

مشكوره ياعمري عالرسايل الحلوه

[الدمعه الحزينه]

المسجاااااااااااااااااااااات جنااااااااااااااااان

[الصقر الفضي]

روعة لا تبخل علينا بالجديد ولكم خالص الشكر