|  |
 |
|
|
|
| |
| للاعلان فى موقع عينى عينك اضغط هنا
|
| |||||||
| التسجيل | التعليمـــات | قائمة الأعضاء | التقويم | اجعل كافة الأقسام مقروءة |
 |
| | LinkBack | أدوات الموضوع | انواع عرض الموضوع |
|
#1
08-08-2006, 06:47 PM
| ||||
| ||||
 الزجل المغربي الزجل المغربي قلبي قلبي كاوياك النار قلبي زادوك لجمار مابقا ليا ما نختار لا ف الليل ولا ف النهار قلبي خونك لحباب قلبي مابقاو لصحاب قلبي راه راجعين نتراب قلبي أو تمة لحساب قلبي جرحاتك الخالة قلبي السوايع بدالة قلبي حالتك حالة قلبي وف يوم ايفرج الله قلبي امشى ازمان لعبيد قلبي الرحمة ما تنقص اتزيد قلبي ويزول كل قيد ويعيش مرتاح ذاك لحفيد قلبي راه اتقادى لكلام قلبي وما نرضى بلسقام قلبي كلشي ملهام من عهد شلا اقوام الغيواني مراد -------------------------------------------------------------------------------- الصبر حامل الهم في كياني وحدي يا ناس انعاني لا حد فكر ف حزاني يتشفاو فيا عدياني ديرة الخير ما صبروا عليه طبعي انساني سرقو الفرحة ذبوحني ذبحة ما لقيت الراحة طبعي انساني غيرت حلي قواو عدياني صبرت على حالهم ما صبرو على حالي ما بغي المال ما نطلب المحال غير لهنا طبعي رباني جولة البلدان قطعت طرقان عاشرت ف كل امكان طبعي انساني حامل الهم ف كياني صابر والصبر دوايا هو المراد هو لغايا سمحولي على شكايا والله قصدي ونجايا مراد النايمي الغيواني -------------------------------------------------------------------------------- ويا الغادي أنا غادي قلتها نصحابي تما اسعادي وخا ابعادي داتو الدوامة مشى فيها ما ارجاع عاشو العوامة اغرق هو ما اطلع ولن غادي ويا الغادي ويا الغادي مالك في حيرة ولين غادي واش اتعماتلك لبصير ويا الغادي راه لحياة اقصير ولين غادي واش ما ارضيتي بلحصيرة الكامل مراد النايمي الغيواني -------------------------------------------------------------------------------- كل يوم كل يوم قتيل كل يوم مجروح كل يوم قتيل كل يوم مذبوح كل يوم ايطلقوا علينا نيران كل يوم خويا في دارو حيران مسلوب الكرامة محكور بين الناس عايش ف مهانة ولا حد به حاس احياتو شهامة ومعاشو قرطاس ضربانا الندامة وتبعنا لهواس كل يوم سايرين ايعذبو فينا ويحاكمو اصغيرنا قبلا اكبيرنا حنا ساكتين احنا طايعين هما بايعين احنا شارين كل يوم مراد النايمي الغيواني -------------------------------------------------------------------------------- دنيا دنيا يا لمبكية لعيون يا الساقية لجفون الحاكرة المهموم زايداه في النقوم المفرحة المغبون الماعندة المجنون راك مغدي تدوم في زمان اللوم دنيا كثرة فيك لهوال وتقطعات لحبال عوام ورى عوام كثر فيك النوام امحبتك ف المال والخير فيك اقلال اتكسرت لقلام يا عش النمام دنيا دوارة صغيرة والعيشة فيك امريرة قرية ذليلة والحقوق فيك اعليلة ك السم في لخميرة واليد فيها الجبير سولوا كل اقبيلة الرحمة فيك اقليلة يا دنيا الكامل مراد النايمي الغيواني -------------------------------------------------------------------------------- عيق فيق، نوض يا نْعْسان آش بيك؟ مالك يا إنسان آش هاد الحال أ عريبان يا لِّي على الأطلال عيشان حلم الوحدة كان زمان وحدة تلونت و شبعت لوان بلون حرية غربي طمعان بجور قمار، عسكري سكران بشراكة شرقي دار عليه الزمان حلم الوحدة كان زمان خبز العربي ينبت فالسودان نفط العربي.. مخزون فكاذا بلدان و ماء العربي..؟ .. ما ناقصيناش الويدان سلاح العربي..؟ نسولك منين جا لفلان و فلان .. وعلى كل حال، حلم الوحدة كان زمان في النضال قراع الراس و طاحو السْنان مات الشعب، قهرو الشبعان العربي مهزوم، جاهل و فْنْيان الجِّيعان، آش خصك أ الجِّيعان؟ الرياضة، التشكيل و ف كل مدينة مهرجان حلم العدل كان زمان -------------------------------------------------------------------------------- يْشِيطُو الْكْلابْ نبتة صار الغش عَنْدْنا زْرِيعَة بــــــــَدْرَة والاصوات إيلَى تكلمتْ تعـــويكة لـــْديــابْ ودياب حومتنا: جرة مجرورة جــــــــــرة واللي حك يصيب يا صحابي عجب العُجابْ بألــفْ نغمة كلامهم، بألـف نبــــــــــــــرة شقشقة تمويهْ والدماغ فــريسة لْــنْيـَــــــــابْ هاذ المخلوقات عاملة فْ كليبي جمــــــرة شُعلة شعالة لهيبها ينطح السـحـــــــــــــــابْ كمامْر منزُوعــة ونمرة تنسيك فْ نمـــرة الواجهة أوعدي عامرة بنماذجْ صعــــــــابْ ولا فيهم اللي تقـــول: هذا تعـلم وقْـــــــرَا تهذب وتأدب واستقام ومشى فالصــــــتوابْ ولا كان عْمْلنا من الدياب شي واحد عبرة كشفناه، عريناه، كيف عرانا يالحبــــــــتــابْ لو كان كلابنا .ديابنا. أساتيذ محضـــــــــــــــرةْ عفًّوا. بالإكــراه تـــابوا. يا نعـم التـــــــــــــــوابْ باعونا -يا ربي- ديابنا حسبونا بكــــــــــــــرة فرسونا. والضمير غاب اعْـــلْن لْنْسِحَـــــــابْ قساة، وعصاة، ومْراض مرضْ اللا يبــــــــــــرْا ولا فيهم اللي تقـول: هذا ماشي كــــــذابْ أو يحطْ يْدُّه. وما يطيَّرْ حتى هبــــــــــــــــــرة ويحنْ على البلاد أو يشفقْ يخشى لْحساب لْقْنافْدْ كُلْها مْشْوْكَة والدّْبِيحَة دْبْــــــــــرَة جُرْحْ كْبِير عميقْ مالْقـــى للشّْفَـا اسْبَـابْ الشعار والاقوال والسحاسح مع الغبــرة ودَرْ الرمادْ فْ العيونْ والقلــــــوبْ "غــــــرابْ" الخطفة والشر والخبث وابشع نعــــرة بلعوا ما شبعوا. جوعــونا وقــالو : مكتـابْ هاذ النماذجْ عندنا عائق وعتـــــــــــرة ترعة يا وعدي مترعــــة وعرقلة لحبـــابْ قواوْ أربي صْحاب الْقوالبْ فْ الهَــــــدْرَة حْسْبْتْ وحسبت حتى عْيِيتْ، وتْدْرْدْبْ لِي لْحسابْ يْسرقوا ويْنْبحُوا كلابنا، وبقشور الْهـــــدْرة يْنْحْتُوا نعوت لصنــــام و يْخْلقُوا ألقــــابْ وحتى إيلَى رْجْمنا كل كلب بحجـــــــــــــرة يتقاضى الحجر من الأرض ويْشيطُـــوا لْكـلابْ وباب التـوبــة يـا العالي مولـى القدرة دِيمَا مْفْتوحة فْ وْجَهْ اللـي آب وتــــابْ وكيف يمكن يتوب من جْلْبْ وجذبْ فْ الحضرة وْوَالْــف يِْعـيشْ كِالْحْبْل سْلسلَة على الرْقابْ -------------------------------------------------------------------------------- هادشي ماشي معقول الحياة ولاٌت كلها مسمومة العدو فالحقد و الحسد مجحوم الصاحب ناسي راسو كَيهوم و القريب على همومو كيحوم ها الدنيا صعيبة اللي مترباش مع الدياب, يعوم فيها بلا صبر و بلا عزيمة الموج يديه الهيهَة بعيد على دينو, على اخلاقو و على حبابو يجرب الوحدة يتخيل لوكان البحر رملة لاقوارب ,لاموت و لا حرٌاكة لوكانت الرملة زرع لا جوع, لا مرض ولا اطفال تايهة لوكان الزرع قطرة لا عطش, لا جفاف ولا قهرة لو كانت القطرة حب لا حروب, لاكدوب ولا غدٌارة يفيق من الحلم وهو تايه ضايرين به وحوش جيعانة سلٌم امرك لله و كبر ايمانك مع الناس حسٌن اخلاقك مع العدو بيٌن ذكائك عمل و خدم و كبر طموحك إلا بغيتي تحقق احلامك -------------------------------------------------------------------------------- صبر يا قلبي و زد في الصبر الحب و الهيام علينا مقدر و الحبيب منين يغدر ما ليك معاه غير الصبر قالو لجواد زمان لي يبغيك بزاف بغيه شوية و لي يبغيك شوية؛ ما تبغيه لا بزاف ولا شوية قلبي خداتو اللي غدرت بيَّ نسيت لجواد، تبليت و قتلتني البلية ... البلية كلها باش بلاتو الدنية شي بالآخرة و شي غير بالدنية وشي غير ينقز من دريه لدرية ... حتى يحصل وحيت يحصل، يمسحها فْ البليه صبر يا قلبي و زد في الصبر الحبيب لِّي بغيتو عطاني بالظهر نسى الليالي و العشرة و نكر والحبيب حبيب و ماليك معاه غير الصبر -------------------------------------------------------------------------------- تعيش لي تعيش يا والدي حتى نرد الدين اللي عندي أنتا بويا أنتا سعدى نهار فرحتك يا بويا هو عيدي تعيشي لي تعيشي يا يا يومة حتى نمسح من قلبي اللومة معاك فهمت سر هاد الكلمة يوم تتبسمي نعوم فالفرحة عومة نعوض ليك يا يوبا الوقت اللي ضاع ما ننساش يا يومة سوايع الرضاع رضاكم علية حق مانيش طماع وربي يا والدية وقتكم لا ضاع ومصير الزمان اللي ولى يرجع -------------------------------------------------------------------------------- شَمعــة مجـرُوحَــة فِـي عْشِيَّهْ رَايْقَهْ زَارْنِــي بَاكِــي دْمُوعُـو فْ خَـدُّو وْلْسَانُو شَاكِــي شْهِيقُــو حْنِيـوَنْ، وْهُـوَ يَبْكِــي قَطَّــعْ قَلْبِــي وَبْـدَا يَحْكِـــي شُنُّـو جْـرَى لُو وْشُنُّـو وْقَعْ لُـــو كَانَـتْ فُجْـأَهْ وْكَانَـتْ صَدْمَــــهْ لَمَّـا جَـانِـي بِـدُونْ بَسْمَــــهْ هَــذِي مُـدَّهْ وَاحْنَـا فْ نِعْمَـــهْ وَالْيُــومْ جَانِـي بْهَــذْ الصَّدْمَـهْ وقَالِّــي مَـا جْـرَى وَاللِّي طْرَالُـو كَـانْ كَيَقْطَـفْ لِيَّـا مَشْمُـــــومْ بَـاشْ يَهْدِيـهْ لِي فِي هَذَا الْيُــومْ وَالْـوَرْدْ مَحْبُـوبْ مَشِـي مَشْــؤُومْ لَكِـنْ يَظْهَــرْ شُوكُـو مَسْمُـومْ جَرْحُـو فْ صَبْعُـو وَشْطَـنْ بَالُــو أصْبَاعُــو شُمُـوعْ مَرْمَرِيَّـــــهْ أظْفَارْهَــا ضَاوْيَـهْ كِالْعَشِيَّــهْ والشَّاهِـدْ مَجْــرُوحْ أَثَّـرْ فِيَّـــا مْنَاقِــصْ مْ الْـوَرْدْ وَالْهَدِيَّــهْ كْفَانِـي صَحْتُــو وْرَاحَـةْ بَالُـــو وْكَانَـتْ جَرْحَـهْ بْسِيطَـهْ فْ يِــدُّو لَكِـنْ هِـيَ كْبِيــرَهْ عَنْـــدُو ! َخلَّـتْ نَارْهَـا فْ يِــدُّووْخَـــدُّو يَارِيــتْ كَانَـتْ فِي قَلْـبْ الْعْـدُو عَــزّْ عْلِــيَّ آشْ نَعْمَــلْ لُــو مَا يَسْهَلْشِـي خَبْشَــهْ وَاحْــــدَهْ أوْ نَفْخَـه دْ الرِّيــحْ وَلَـوْ بَـارْدَهْ عْــلاَشْ بْنَفْسُــو هُــــوَ وَرْدَهْ لَكِـنْ بَيْضَـا وَعْيُونْهَــا سَــوْدَا وفْ خَدْهَـــا خَــالْ وَلاَ مَثْلُــو مْسَحْـتْ دَمْعُــو وَلْحَسْـتْ دَمُّــو مْحَلَّـلْ مْحَــرَّمْ مَا كَنْفَهْمُــــو المُهـــمْ عَنْــدِي نْخَفَّـفْ هَمُّـو بْعَيْنِــي نَفْدِيـهْ فْ قَلْبِي نْضُمُّــو وَسْكَــنْ رَوْعُــو وَاهْـدَا حَالُــو وْشَرْقَــتْ شَمْسُــو وَضَـوَّا لِيلُـو     |
|
#2
08-08-2006, 06:58 PM
| ||||
| ||||
| merci ma soeur bent meknes شكرا اختي بزاف را ثرت بلادنا واااااعر و زوين |
|
#3
08-08-2006, 07:03 PM
| |||
| |||
| مشكوره اختي بنت مكناس والله روعه قريته حرف حرف مااجملها من كلمات واروعها بيقتلو.. الله يعطيك العافيه (بالسعودي) امين يارب... تحياتي. |
|
#4
09-08-2006, 04:13 PM
| |||||||||||
| |||||||||||
| طال عمرك ماجد هذا شرف لي. شكرا خويا بزاف بطبيعة الحال الثرات هو كل شي
__________________
|
|
#6
15-08-2006, 03:07 AM
| ||||
| ||||
| الروعة..الله يحفظك و صافي........هذا هو الزجل و إلا فلا .... شكرا آختي بزااااااااااااااااااااااااف..........بصّح نيت الثرات هو كل شي
__________________  "أن تعشق وطن .. ليس ذنباً.. لكـن .. أن تعشق ذنب .. وتهديه وطـن .. هذه الجريمة .. " الكاتب : محمود محمد |
|
#7
07-09-2006, 09:39 PM
| |||||||||||
| |||||||||||
| ربي يخليكم يا ربي ةنكونو عند حسن ظنكم
__________________
|
|
#8
22-09-2007, 06:39 PM
| |||
| |||
| رد: الزجل المغربي شكرا اختي على هاذ الزجل الجميل ما اروعه..تبارك الله عليك |
|
#9
22-09-2007, 11:37 PM
| ||||
| ||||
| رد : الزجل المغربي تبارك الله على بنت بلادي وعلى زجل بلادي ربي يخليك ويحميك ويخلي بلادي تاج راسي يااااااااااااااااااااااااربي امين مواااااااااااااااااااااح عليك وعلى فكرتك الزوينه تستاهلي تقييم فاعل تارك
__________________ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] غلطانه امي يوم على الطيب ربتني تحسب ناسي مثل ناسها طيبين قالت سامحي كل من عليكي يخطي الناس تخطي وهم عن القصد ساهين مسكينه امي عن غير قصد ظلمتني مادرت ان الطيب وحده مسكين هذا يا يمه واقع زماني نفس اللي يضحك معي اليوم بكره يطعني بسكين
|
|
#10
23-09-2007, 02:18 AM
| ||||
| ||||
| رد: الزجل المغربي سلمت يمناك تحياتى لك
__________________  السلام عليكم ورحمة الله أحباب قلبي بقسم الشعر حبيت أوضح لكم شيء أنا لست بشاعرة فأنا متذوقة وعاشقة للشعر العربي لكن للأسف لاأثقن فن الكتابة والتعبير خصوصا عربي.... لذلك فكل ماأكتب بقسم الشعر منقولات أدبية تعبر عما أحس به .... ولتفادي سوء التفاهم قررت التوضيح.... محبتي وإحترامي لكل من سهر وتعب في تسطيري مشاعره .. أختكم في الله نــــور
|
|
| أدوات الموضوع | |
| انواع عرض الموضوع | |
| |
العرض العادي
