انا راح انزل لكم جزء واحد واذا حبيتوها بنزل لكم الباقي
ابي تفاعل كبير منكم ..
خلونا نبدأ ...............
تخيل أن لك وردة .. يمكن هي مو ملكك بس أنت اللي مراعيها , كنت النور لظلمتها بدمع العين مسقيها , وجاء إنسان يقطفها وأنت اللي أحق فيها ,
أكيد بتموت من قهرك ’’ خذاها وأنت راعيها ....
بســم الله الــرحـــمـــن الرحـــيم
مـــســـاء الـــخــــيــــــر
هاذي روايتي أنا همس المشاعر وأتمنى أنها تعجبكم
مـــا كـــان الــــفراق أخـــــتــــيـــاري ..
الفصل الأول
عيله بــو زيـــد (( عايله من أكبر العوائل في السعوديه ))
أعرفكم على العيله واحد واحد .....
في عــيــله بـو زيـــــــد .....
يـــوم الأحد الساعه 12 الظهر ...
بو محمد وأوراق كثيرة على مكتبه وصـــمـــت .. مافي غير صوت القلم يخط التواقيع ..
وشوي .. يدق التلفون .. يرفع بو محمد السماعه وبصوت خــشــن جـــاف يقول : الــــــو .
والطرف الثاني أخوة بو جاسم : هـــــــلا بالغالــــي ..
ــــ هــــلا أخـــــوي .. خـــــير .
ـــ الخــــير بوجهك .. أشـــفـــيــــك مســـتــــعجل ؟؟
ــــ لا .. بس مشغول شوي .. خــــيـــــر آمــــر ...
ــــ مــايآمر عليك عدو .. بس أنــا وأخوك بو فيصل بنمرك اليوم عقب صلاه لعشاء
ــــ خـــيـــر في شيء ..!
ــــ لا ياخوي ’مـــاشي بس موضوع حبينا نفاتحك فيه .
ـــ يا هـــلا بيكم في آي وقت البيت بيتكم ..
ــــ تـــســـلم .. طيب أخوي لا أعطلك .. فمان الله ,,
ـــ الله يسلمك .. فمان الكريم ..
يقفل سماعه التلفون ويقول في خاطرة ) وش ها الموضوع اللي يبون يفاتحوني فيه ؟ لا يكون تقسيم أرباح المصنع ؟ وهم هذول مايفتكرون الا وفي السالفه أربــاح وفلوس .. لا حــــول ..(
وصوت السكرتير .. ـــ أستاز .. أستاز .. أستاز
ـــ وبصوت حـــاد : ش فيك أنت . ش تبغى بعد ’ روح على شغلك ..
ـــــ استاز .. أنتهى الدوام من شي نص ساعه ..
ــــ ولـــــيــــه ماتقولي يا غـــبـــي ..
ـــ استاز صارلي اكثر من عشر دئايئ وانا عم عيط عليك ,, وباين أنك سرحان استاز ..
ــــ ســـرحــــان ولا مو ب سرحان مـــو شغلك .. انقلع على بيتك ..
ــــ استاز انا ناطرك تتخلص .. وأئـفل الباب وراك ..
ـــ عن القررقررة الزايدة .. & لبس البشت والمسباحه بيدهــ .. وطـــلـــع ..
====================
أم فـــــيــــصل وبو فيــــــصل ,, )) جالسين با الصاله يشربون شاهي ((
بو فيصل إلى أم فيصل : وين ولدك فيصل ؟
أم فيصل : أكيد في الشغل وين بيكون في هـ الحزة ؟
بو فيصل :أبيكم أنتي ولدك الليله عقب صلاهـ المغرب ؟
أم فيصل : خير عســى مـاشر ؟
بو فيصل : تذكري يم فيصل , لما تخرج فيصل من الجامعة وكنتي دايم تقوليين بس يكون فيصل حاله شوي بخطب له نــدى بنت عمه بو محمد ..صـــح؟!
أم فيصل : صـــح كلامك .. بس ليه تذكرت هـ السالفه الحين ؟
بو فيصل وبتسامه حــلوة : الليله راح يصير اللي كنتي تبينه ,,؟ ولا غيرتي رايك ؟
أم فيصل :ككلللللووووووووو ألـــــــــف الصــــــــــــلاة والـــــــــــــــــــــــسلام عليك يــــــــــا حبيب الــلـــــــه مـــــحمد ..
بو فيصل : بسك فضحتينا ,, لسه ماصار شي الليله بأذن الله نروح نخطب .
بو محمد جالس مع زوجته نهله ومحمد ..
بو محمد : اليوم بجون أعمامكم ..أبيك يا محمد تكون موجود .. طيب
محمد : طيب مايصير خاطرك الا طيب
أم محمد : يشرفوا ويأنسوا في أي وقت ,,
بو محمد : طيب انا قايم أتحمم على مايوصلون ,,
فيصل : هــا يبا تقول أمي أنك بغيتني .. خير آمـــــر يا الغالي ؟؟
بو فيصل : أجــلس يا ولدي ,, ] جلس بو فيصل وجلس وراة فيصل [
بو فيصل : أسمع يا ولدي أنــا كبرت وودي قبل لاموت أشوفكم أنت وأخوك حمد ,, وأشوف أحفادكم ,,
يقاطعه ؛ بــعد عمراً طويل يبا ,الله يخليك لنا ؛
بو فيصل : وانت الحين كبرت ولازم تكمل نص دينك. وأنـــا يا ولدي قررت أخطب لـــك بنت عمك بو محمد * نـــدى * ) وقف فيصل ( مذهول
فيصل * ونظرة كلها غضب * : أعــذرني يبا أنا عمري يالغالي ماعصيت كلمتك ودايم كلمتك أهــي اللي تمشي .. بس السموحــه يبا هـ المــرة ولأول مــرة بقولك \لا \ وطلبك يبا ماقدر أنفذهـ ..
بو فيصل : أنت ش قاعد تقول ؟ تخالف شورتي يا فيصل ؟
فيصل : أنــا ما خالفك يا الغالي ,, بس مابي أتزوج بطريقه أجدادي .. يوم الملكه أروح حالي حال المعازيم .. ولا تبني تعاستي على رغباتك ؟؟
بو فيصل بصوت هز أركان البيت : جــــــــــــااااااااااب .. أنــا اللي كلمتي ينحسب لها ألف حساب وكلمتي أهي المسموعه ومحد يقولي لا ..,,قــسم باالله أن مـــ.... ) وتدخل عليهم أم فيصل فجــاة وهي تقول : صلي على النبي يابو فيصل وهدي أعــصابك
اللي تبيه يا لغالي راح يصير بس أنت هدي أعصابك الحين ,, موزين حق صحتك ,,
بو فيصل : عليه أفضل الصلاة والسلام . ولدك أن ماعقل الحين .. لاهــو ولدي ولا أعرفه ولا أبي أشوف رقعه وجهه في هـ البيت انا قلت راح تتزوجها يعني راح تتزوجها .. عجبك ولا ماعجبك صك راسك بالحيط يا ولد أمك ,) طلع بو فيصل من الصاله اللي أهو جالس فيها (
أم فيصل : فيصل أنت فاكر نفسك صغير اللي في عمرك عندهم أولاد .. تزوج يا ولدي وستقر
وماراح تلقى آحلى من ندى بنت عمك بو محمد ..
فيصل بصوت يقطع القلب : يمه أنتي عارفه أني أحب هبه بنت خالي وأني أبيها تكون زوجتي ..
أم فيصل : يا ولدي أنت عارف المشاكل اللي بين أبوك وأعمامك وبين عيله الدرعي ..يعني زواجك من هبه ماراح يتم .. وبظل تحلم فيها طول عمرك وبتخسر شبابك يا ولدي من شانها ..
فيصل : انا عارف كل اللي قلتيه واللي تبي تقولينه .. بس مستحيل أتزوج بنت عمي بو محمد ..
أم فيصل بكل برود أعصاب : أسمع كلمه أبوك وروح تكشخ وتعال أبخرك ,,
فيصل بصوت مخنوق : من متى كلمتنا تنسمع أحنا مثل العبيد في حكم أبوي دايم تبونا نقول أنشاء الله , حاضر , ســم , ولا يهمك , على هـ الخشم . أسمعوني لو مرة بحياتكم انــا إنسان لي كلمه و لي رأي ,,
أم فيصل : ياولدي أستهدي باالله .. وأسمع كلمه أبوك هــو يحبك ويبي مصلحتك ,,
فيصل : مصلحتي زواجي من ندى ولا مصلحتكم أنتو ..
أم فيصل بعصبيه : تــراك مصختــها ..اليوم ملجتك على ندى راح تروح وراسك فوق رجليك ,, عجبك ولا ماعجبك ..
فيصل وهو ينزل الدرج يبي يطلع من البيت : شوفو ليكم أحــد ثاني تبنو عليه مصالحكم ,, أسمحولي أنا ماعندي أستعداد أهدم أحلامي وأمنياتي من شان رغباتكم ومصالحكم الشخصيه
أم فيصل : فيصل تعال .. صلي على النبي .. وين رايح ..
وبدخله حــمــد : السلام عليكم ..
وفيصل يمر من جنبه طاير طيران .. أم فيصل : الحق علينا ياحمد .. يبي يطلع .. الحق عليه ..
يركض وراة ويمسكه من يدهـ حمد : أنت مجنون ؟
فيصل والدمعه تلمع بعينه : والله أشك أني مجنون .بيحجرون عليي وبزوجوني غصب .
حمد : يا فيصل .. اللي قاعد تسويه ماراح يجيب نتيجه .. لاتتعب حالك ولاتعبنا معاك واللي عافيك .. محنا ناقصين مشاكل يافيصل أستهدي باالله ودخل جهز حالك وخلي هـ اليله تعدي على خير ..
كل وصل العم بو جاسم .. : هــا شكله المعرس مستعجل على العروس .. واقف برهـ أشوف .كيف حالك ياحمد ؟ .... بالمبارك مقدماً ياولدي * ببتسامه حنونه *
فيصل ماقدر يستحمل أكثر قعد على الأرض وحط راسه بين رجليه . يبكي من خاطر على حياته وحب قلبه هبه .. اللي يحلم فيها و أحلى لحظات قضاها معاها في كندا ..
. .. فيصل تأثر بفرحه عمه له وتأثر بكلام أخوهـ بأنه مهما سوى ماراح يقدر يغير شيء ..
بو جاسم أستغرب قعد جنبه وهو يقول : ش فيك يا ولد الغالي .؟
فيصل مخنوق موبـ عارف يتكلم . يقاطعه حمد : عمي أهو تعبان شوي .. . الا وجيه بو فيصل : هــا أخوي وصلت ؟
بو جاسم : تعال يا خوي شوف ولدك شفيه ؟
بو فيصل : مــاعليك منه خلنا نروح نجيب الشيخ وفيصل وحمد وولادك يلحقونا ؟؟ بو فيصل يهمس إلى فيصل : خلك رجال لا تبكي مثل الحريم ..لأنك مهما سويت ماراح تقدر تمنع شي أنه يصير و أنا أبيه يصير ..فــاهــم يا ولد منيرة ..
قام فيصل .. ناظر أبوهـ بنظرهـ كلها عتاب وغضب ..
دخل فيصل البيت وحاس أن جسمه ثقيل . وما هو بـ قادر يشيل عمرهـ وقف عند الباب .وكانت دلال قدامه مسكته من ذراعه وهي تقول والدمعه ترقر بعينها : حاسه فيك يا خوي ؟
أبتسم لها فيصل أبتسامه كلها يــأس .. ومشى راح غرفته يستحم .. ويروح معهم سلم أمرهـ إلى الله .
************
الساعه 8 المغرب ..
فيصل لابس ثوب كانت مفصله على جسمه الأصيل .. وطالع رهيب ..
وجات أمه تبخرهـ وهي تقول : ش حلاتك .. اللهم صلي على النبي ..
طلع فيصل بدون مايرد على أمه ..
بو جاسم إلى حمد : ش فيه فيصل ياحمد ؟
حمد : مايبي يتزوج ندى بنت عمي ..
بو جاسم وهوعاقد حاجبيه : كيف ؟ بس أبوك قالي أنه أهواللي طالبها .. وأنه أهو اللي يبيها وأنه ماصدق على الله يجي هـ اليوم ... حمد : أنت اللي على نيتك يا عمي ؟
بو فيصل : هيه انتو .... ش عندكم ..
بو جاسم من دون مايطالع أخوهـ بو فيصل : يا الله مشينا .. توكلنا على الله ..
تحركت السيارات ..
فيصل مع أمه ودلال اللي كانت تحس بالموت وهي تشوف أخوها على ها الحاله وماتقدر تساعدهـ
بو فيصل وحمد .. حمد اللي كان حاس أن فيصل اللي كان راح يتغير .. ويصير فيصل جديد ...
بو جاسم وزوجته أم جاسم وسناء .. وكانت فرحانه كثير لجاسم لكن بو جاسم اللي أخوهـ كذب عليه
وقعد يفكر طول الطريق ليه أخوهـ بو فيصل تصرف كدهـ ..
خالد بسيارته
وفهد ...
فيصل اللي كان متصلب مثل الخشب وبدى دموعه تنزل على أغنيه "" سمر "" * يعني أشوفك قدرت اليو م تنساني وتحب بعدي وتنسى قلب مظنونك .. هم علموك التجافي قبل تجفاني .. أو فهموك بغيابي كنت أنــا خونك .. صدمه ولا قدر أفكر بعدها ثاني صعبه تخيل أعيش العمر من دونك ..
فيصل تذكر أول لقاء له مع هبه بنت خاله .. لما كان رايح كندا منشان مشروع .. لقاها ..
مانسى أول أبتسامه مانسى نظراتها .. صوتها الدافي .. اسلوبها الرايق .. كلامها ..
يذكر لما كان معاها على البحر وبعض خصل شعرها الناعم طالعه من تحت الطرحه يحركها الهوى بنعومه .. من يذكر كلمتها له : فيصل أنا أرتاح لما تكون جنبي ...
يحس بخناجر في قلبه يضيق صدرهـ .. كيف يعيش مع ندى وهو قلبه ينبض بأسم هــبــه
,, وصلو بيت بو محمد وكان واقف على الباب وبتسامته الحلوة على وجهه ..
بو محمد : ياهلا ياهلا تفضلوا حياكم الله ..
بو فيصل : الله يحييك .. دخلو الحريم من الباب الثاني ..
ام محمد الى ام فيصل : هلا والله هلا بـ ام فيصل زارتنا البركة وينك انتي يالقاطعة .. من زمان عنكـ
ام فيصل: ياهلا فيكـِ واللة انتي الخير والبركة بس انتي عاارفة اشغااال الدنيا الا ش اخباااركم وش اخبار العيال
ام محمد:الحمد الله كلهم بخير ويسألون عنك
ام جاسم : كيف حالك هدى ؟
هدى : الحمد الله بخير أنتي كيف حالك ؟
أم جاسم : الحمد الله شلون سلمان الصغير ؟
هدى : السنه الجايه راح أدخله الروضه .. أنشاء الله
دلال : وين شوق ؟
أم محمد : تلاقينها جالسه برهـ في الزراعه شرينا ها الأرانب وهي يادخله بهم ياطالعه بهم ..
ام جاسم : ههههههههه باين تحب الحيوانات بنتك ..؟
ام محمد :تحبهم وبس قولي تموت عليهم
هدى : شكلها ماتدري أنكم جيتو ..
\\\\\\\\\\\\\\\\\\
في مجلس الرجال بعد سوالف طويله ..
خيم صمت لفترهـ .. تكلم بو فيصل اللي لقاها فرصه جيدهـ أنه يفتح الموضوع ..
بو فيصل : اسمع يا بو محمد الموضوع اللي أحنا جايينك فيه ..
يقاطعه بو محمد : قول ياخوي .. تفضل
بو فيصل : راح أدخل في الموضوع على طول على شان الشيخ على وصول ..
بو محمد : الشيخ .. آي شيخ .. وليه لشيوخ يا خوي ؟
بو فيصل : انــا اليوم جاي أخطب بنتك ندى حق ولدي فيصل .. وأظنك تعرف فيصل زين
وعن قريب انشاء الله راح تكون له شركته الخاصه فيه ..
وماظن عندك أعتراض .. فيصل وألم يقطع قلبه من كلام أبوهـ تخيل حاله جاي يخطب هبه أبتسم لحاله ..لكن سرعان ماعاد للمصيبه اللي أهو فيها ..
بو محمد عدل جلسته : أسمع ياخوي . من ناحيتي أنا ماعندي أي أعتراض على فيصل أهو ولدي مثل ماهو ولدك ...
بس هاذا زواج والمفروض ناخذ راي أخوها وأمها .. والأهم رايها أهي ..
بو جاسم : المفروض يا بو فيصل تعطيهم مهله يفكرون مو على طول هذا زواج مولعبه ..؟
بو فيصل : شنو تقولون أنتو .. أسمع يا خوي بو محمد .. الحين عندك ربع ساعه روح شاور الأهل بو محمد ماحب يدخل في كلام مع أخوهـ لأنه يعرف أخوه عنيد وراسه يابس ..
بو محمد : محمد تعال شوي أبيك ..
طلعوا برهـ المجلس ..
بو محمد : ابي اسمع رايك يا ولدي ..
محمد : فيصل بصراحه شاب كويس .. بس ما تلاحظ عليه أنه كئيب شوي ومتضايق ..
بو محمد : أفهم من كلامك أنك موافق على فيصل .
محمد : من بعد رايك وشورتك يا لغالي ..؟
بو محمد : انا موافق مبدئياً .. بس نروح نخبر أمك ونشوف ..
بو محمد : يــا أم محمد .. أم محمد ,,
ام محمد : هــا يا بو محمد .. خير آمر بغيت شيء
بو محمد : تعالي أبيكِ
أم محمد : خير ؟
بو محمد : أخوي بو فيصل جاي يخطب ندى إلى ولدهـ فيصل ..
أم محمد : هاذي الساعه لمباركه.. كلوووووووووووووو .
بو محمد : ماتسكت أمك أنت فضحتنا ..
ندى جالسه مع دلال سمعت صوت الزغاريد ..
ندى : وش صاير ؟
دلال : علمي علمك ..؟ دلال نزلت دمعتها على اللي قاعد يصير
بو محمد ينادي على ندى .. : ها يبا بغيت شي
بو محمد : ايه يابنتي ..بغيتكـ في سالفة
ندى : خير يبا امرني ش بغيتني فية
بو محمد : حبيت اعرف رايكـ في ولد عمك فيصل؟
ندى ((وهي مستغربة)) : كل اللي أعرفه أنه ولد عمي وأنه شايف حاله بس .. ليه يبا تسألني ؟
بو محمد : سمعي يابنيتي ..بدخل في المووضوع على طول .. فيصل ولد عمكـ خاااطبك! ش قلتي؟
ندى وملامح وجهه تغيرت .. ونزل عليها هدوء فضيع : ليه يبا ؟
بو محمد : شنو ليه ؟ طالب يدك تكونين زوجته وتشاركيه حياته ..
ندى : ليه أنا يبا ؟
بو محمد : بلا ليه وما ليه ؟ حنا خلاص وافقنا ..
ندى وجهه البريء : منو أنتو ؟
بو محمد : أنا وأمك ومحمد ..
ندى بهدوء : طيب وأنا مالي كلمه ..؟
بو محمد : أنتي كلمتك من كلمتنا ..
ندى : يعني تبوني أتزوجه.. غــصــب ..
بو محمد : لا من طيب نفس .. عندك ربع ساعه تفكري في الموضوع .. قبل لا يجي الشيخ ولشهود
ندى : يعني أنتو مقررين وخالصين شيخ وشهود وأنا آخر من يعلم .. هاذي حياتي أنا يبا ..
بو محمد : القرار ألك .. فكري وقوليلي جوابك .. أنا رايح تأخرت على أعمامك
راح بو محمد .... وظلت ندى وملامحه تجمدت ..
أم محمد : هـا يا بنيتي .. موافقه ..
ندى تصرخ بوجه أمه لأول مرة : لا مو بـ موافقه ..؟ ندى اللي طول عمرها ماتقول لأمها غير أنشاء الله , حاضر , من عيوني ,
راحت غرفتها .. جلست قدام لمرايا .. وظلت تطالع بوجهه وقت طويل بهدوء والدمعه تسبح بعينها . وهي تسمع صوت الضحكات والسوالف من تحت ..
دخل أبوها عليها ..
بو محمد : فكرتي ؟
ندى دارت وجهه ناحيه أبوها والدمعه تعلن السقوط : أنت يبا اللي تزوج بنتك بها الطريقه
.. ليه .. يبا حس فيني .. وأختنق صوتها وغاب .. تبكي على حالها ..
بو محمد : أنتي عارفه أن أذا رفتي فيصل وش راح يكون با لعيله ؟
ندى : وانا مافكرتوا فيني ... حرامـ عليكمـ ((وغاااب صووتها من كثر البكـي))
و محمد ماقدر يشوف بنته بها الحاله طاحت دمعه من زوايا عينه مسحها وطلع .. راح إلى زوجته نهله .. أم محمد
وقال لها : تصرفي مع بنتك .. ! أنا رايح المجلس ؟
دخلت أم محمد غرفه بنتها وهي تقول : أستهدي باالله يابنتي ..
ندى وهي تمسح دموعها : لا أله الا الله
ندى ونطره بريئة : يمه أنتي راضيه باللي قاعد يصير لبنتك ؟
ام محمد : اللي يشوفك يقول بيذبحونك ؟ وبعدين فيصل خوووش رجال
ندى : يما هاذي حياتي انا اللي أقرر مو بـ هم .
أم محمد : يا بنتي .. الحب الحقيقي يجي بعد الزواج ..
ياالله حبيبتي جهزي حالك وحرام تتعبي أبوكِ اللي داخل وطالع ..
ندى : يما مابي مابي ..
ام محمد : خلاص بسك دلع .. ألبسي وطلعي الصاله .. أنتظرك .. مابقي الانص ساعه ويجي الشيخ ..
ندى وعيونها إلى السما : يــارب ساعدني ..
يجي الشيخ مع لشهود .. وزاد توتر بو محمد أكثر وأكثر ..
وفيصل اللي يحس أن حياته انتهت .
دخلو الشهود والشيخ ..
خالد يدق جواله أغنيه عباس أبراهيم أمنتك الله ياحبيبي أبرحل يمكن غيابي يعرف الشوق قلبك مع مرور الوقت أرجوك أسأل خلــي ...... أخذ جواله وطلع برهـ با الزراعه ..
خالد : ها حبيبتي بغيتي شيء . ههههه ,, وحشتك بهـ السرعه .. حبيبتي ريــم بكلمك بعدين .. طيب .. فمان الله .... خالد قعد يتمشى شوي با لحديقه لأن حس الجو حلو .. عكس داخل الكل كله توتر وخوف وقلق ...
لاحظ في نور بعيد مشى قعد يناظر من بين الشجر ..
لقى شوق اللي جالسه وبحظنها الأرنب كانت لابسه تنوره ورديه تحت الركبة وبلوزه بيضه فيها شك وردي .. ولابسه أساور ورديه في يدها كثير , وشعرها البني الحريري على وجهه .
خالد أنسحر , عينه تجمدت عليها ماقدر يبعد نظرهـ قعد يقول في خاطرها : سبحان اللي خلقك .
خالد رجع المجلس .. وهو سرحان في ملامحها .
جاسم : وين رحت أنت ؟
خالد : أكلم رفيقي .. وهم هذول مخلصوا ..
فهد : أنا مليت بطلع أتمشى شوي ..
خالد وهو يمسك يد أخوهـ فهد: خلك قاعد محلك .. الحين بنطلع جميع ,,: ليه أنا ماخليت فهد يطلع ؟
بو محمد قعد يفكر في بنته .. هاذي بنته ندى الحنونه أهي أقرب وحدهـ في خواتها إلى أبوها
يتذكرها وهي صغيرهـ دايم تبي تجلس في حضنه ..
وماتروح المدرسه الا أذا تصبح ببوها وتبوس راسه ..
والحين يحطم كل أحلامها وأمانيها منشان أخوهـ البارد المتجبر .. اللي مايعرف وش يعني أنسانيه
يدوس على ضحكاتها اللي تنور حياته منشان شنو منشان أخوهـ وحترام له ..
لكن تذكر وصيه أبوهـ بو صالح الله يرحمه : يا ولدي بعد عيني مابي أي شي يفرقكم أنتو الأخوان ..منشان خاطري يا ولدي
وصيه الميت لازم تتنفذ ..
أم محمد : يا الله يا ندى ينتظرونك يا الله حبيبتي .. فتحي الباب
ماحد رد عليها .. خافت راحت تركض إلى محمد .. : تعال يا ولدي شوف أختك مادري شفيها ماترد علي ..
محمد فز وراح غرفتها .. : ندى , ندى أنا محمد فتحي الباب ..
ندى بصوت حزين هادئ يادوب ينسمع : أبي أمـوت خلوني أموت ..
محمد من سمع كلمتها راح نادى على أبوهــا منشان يساعدهـ بكسر الباب
لكن ويــن... بو محمد الحزن وخوف على بنته من وين تجيه القوهـ
راحو يفتحوا الباب .. واحد .. ثنين .. ثلاثه .. بضربه وحدهـ أنفتح الباب .. كانت الغرفه ظلمه
شغلو الا نوار .. بو محمد لقاها جالسه في زاويه من زوايا الغرفه .. وهي ترجف من كثر البكي
ماقدر يتحمل يشوف بنته بهـ الحاله ويسكت .. جلس على كرسي من كراسي الغرفه رمى جسمه عليه بيأس ..
محمد راح لها مسكها من يدها وهو يقول : لا تخافين حبيبتي ماراح يجبرونك على الزواج وانا راسي يشم الهوى
ندى حست بأمان مع أخوها حطت راسها الصغير على كتفه وهي تقول بصوت يقطع القلب : خايفه يا خوي ..
أم محمد اللي واقفه محتارهـ ميب عارفه ش تسوي في الأبو اللي نفسيته تعبانه على بنته ولا البنت اللي بتموت من كثر البكي .. ولا الولد اللي يبي يمنع الزواج ..
أم محمد : حيرتوني معاكم قوم يابو محمد .. شوف حل لبنتك ..
بو محمد اللي يشجع قلبه من أنه يقول هـا الكلمه : خلاص .. بسك هرج قومي لبسي ونزلي تحت ..
محمد : يبا انت راضي بهادا الزواج .. يبا انت المثقف الدارس المتحضر ترضى بهادا الشي ..
بو محمد : خلاص .. راح تنزل يعني راح تنزل .. وماعندي كلام ثاني معاكم .
طلع بو محمد وراة أم محمد ..
محمد : ندى خلي أملك بربك قوي ونزلي تحت .
ندى :" أنت اللي واقف معاي الحين صرت معاهم
محمد : ندى أنا ماقدر أخالف كلمت أبوي لكن لاتنسي وصيه أبوي بو صالح لما قال إلى عمومي أنهم مايتفرقون مهما صار .. وصيه الميت لازم تتنفذ يا ندى
ندى ببراءة : وأنا وش ذنبي ..
محمد : لأنك ادا رفضتي فيصل راح يتفرق شمل العيله وأنتي تعرفين بأن عمي بو فيصل عنيد وعصبي ..
ندى وعينها اللي تورمت من كثر البكي : ما بي أتزوجه
محمد : خلاص يا ندى ماعادت كلمتى وكلمتك تجيب نتيجه ؟؟
وقف محمد ومـــد يدهـ يساعد أخته أنها توقف ..
مدت يدها الصغيرهـ وهي ترجف ..
محمد : أستهدي باالله وسلمي أمرك له ..
ندى تاخذ نفس عميق : لا آله الا الله ..
طلع محمد من الغرفه ..
وظلت ندى واقفه مكانها .. راحت طلعت لها جلابيه أرجوانيه ولمت شعرها بطريقه حلوهـ وناعمه
دخلت هدى لها .. وهي جايبه العدى تبي تحط لها ماكياج.. حطت لها لون الظلال بنفس لون الجلابيه وكثرت لها كحل في عيونها وروج ناعم لمعه ورديه .. وطلعت مثل القمر .. وأحلى بعد ,,
هدى لم خلصت تعديل : ولا أحــــــلى .. راح يستهبل عليكي ولد العم ..
ندى تطالع ختها بنظرهـ حزينه .. هدى اللي عز عليها تشوف ختها بهـ الحاله ..
هدى : ندى .. صدقيني راح تحبينه في فترهـ الخطوبه .
ندى اللي تعبت من كثر البكي بتسمت إلى ختها أبتسلمه كلها ألـم ..
ونزلت تحت وكان أخوها وأبوها ينتظرونها وأمها معاهم ودلال واقفه تطل من الصاله الثانيه ونفس الشي أم فيصل وأم جاسم اللي تمنت تخطب إلى ولدهـ خالد .. ندى بس .. نصيب
نزلت من الدرج وكانت مثل القمر "" مـــلاك "" جمال مايرسمه رسام ولايتخيله شاعر ..
بو محمد يقول في قلبه حرام بنتي مثل القمر أحطمها .. أنا قاسي ماعندي رحمه عديم الضمير ..
أم محمد اللي سمت برحمان لا يحسدونها .. وأم فيصل اللي شهقت يوم شافتها ..
وأم جاسم تقول إلى دلال : هاذي وخطوبتها وطالعه تجنن كيف بليله عرسها ..
سناء : طالعه تشبهني ..
دلال : ههههههه تشبهك أنتي .. سكتي سكتي واللي يعافيكي ..
وبدخله شوق من باب الصاله بوجه طفولي وفي يدها الأرنب .. وهي تقول : وش صاير ؟
ام محمد : باركي لختك يالخبله نحن لو نموت ولا نهاجر ماتدري عنا .. ولاتدري وين الله حاشرنكـ.
شوق بنعومه صوتها : على أيش أبارك لك ؟
ندى راحت تركض إلى ختها .. وتضمها وهي تقول : ترحميلي مو تباركيلي ؟
شوق : على أيش فهموني السالفه ؟
محمد : ندى خطبوها إلى فيصل ولد عمك .. ووافقت ..وهو يناظر أبوهـ ’’ أ قصد حنا وافقنا ..
شوق مستغربه : مبروك حبيبتي والفال لي أنشاء الله
ندى وهي تمسح دموعها : اتمنى مايحطموك مثل ماحطموني ..
بها لكلمه تقطع قلب بو محمد وضاق صدرهـ
وشوي وصوت أم فيصل : ام محمد متى راح تدخلونها ..
بو محمد : روح يا محمد قول إلى الرجال يطلعون من المجلس علشان راح تدخل أختك ..
راح محمد : وهو يقول .. الحين بتدخل ندى
بو فيصل : يا الله ياشباب روحو ..
خالد : قومو طردوكم يا الحريم .. ههههههههههه
جاسم : أنتهى الدوام
فهد : الا قول أنتهى المسلسل
حمد : أنتظرو الحلقه الجايه لكن هـ المرهـ البطل خالد ..
خالد :أقول سد حلقك . موبـ خالد اللي يتزوج به الطريقه ..
حمد : منو هادا خالد اللي أنت دابحنه فيه ..
جاسم : واحد أحول .
خالد : أقول سدو هـ السالفه اللي مثل وجيهكم ..
طلعو الشباب مابقى غير بو فيصل اللي قعد عشان يبارك الى بنت أخوهـ ...
وش راح يصير لما تدخل ندى وتشوف فيصل ؟ وش شعور فيصل لما راح يشوف ندى ؟
13-03-2007, 09:41 PM
مـــاكــان الفراق أخــتــيــاري 
