رساله من بريطانيا للمملكه العربيه السعوديه

[همــ الشفاة ـــس]

بسم الله الرحمن الرحيم
.


.
.
.
.
.
.


أول شي أهني علي وجمهور علي الي أنا أحدهم على المستوى العظيم الي قدمه علي خلال أو ان صح التعبير طيلة وجوده بالأكاديمية وهذا فخر كبير تفتخر به المملكة العربية السعودية أو دول الخليج او حتى الدول العربية والاسلامية.
إنه مثل شعب أبو متعب خير تمثيل وعسى الله يوفقه إن شاءالله في حياته القادمه.
قبل إسبوع انا كنت في لندن للدراسه وحقيقة انا كنت هناك من قبل برنامج ستار أكاديمي4
طبعاً العائله الي كنت عندهم نادراً مايتفرجون على التلفاز ويوم عرض البرنامج صرت مستقعد عند التلفاز على قناة ستار اكاديمي أربعة وعشرين ساعه حتى من يوم أرد من المعهد . على طول ادخل مع الباب على الصالة دايركت واشغل التلفاز على القناة.
المهم العائله هذي حست ان في الموضوع إن << وش هالقناة الي يتفرج عليها هالولد
المهم صارو يطالعون في القناة واحيانا يطلبون مني تغييرها عشان انهم مايدرون وش الطبخه
انا قلت لهم هذا برنامج ستار اكاديمي ومدته ثلا شهور وطريقته كذا وكذا وجلست أشرح لهم البرنامج << رغم ان لغته بالانجليزي مش ولا بد
المهم من هنا ومن هنا شرحت ويالله قدرت أوصل لهم المعلومه
المهم صرت أتابع بشدة علي السعد أولاً لرابطة اللحم والدم كونه سعودي وثانيا وهو الأهم لأنه بعيد كل البعد من سماجة الشباب الي معاه الثانيين من الضمضمه والبوس وقلة الحيا
والشيء الثاني هذا الأخير هو الي خلى العائله الي انا معاهم تستغرب ليش مايسوي كذا وليش مايضم هذي ويسوي كذا وهذي ياحليلها خرجت ليش ماضمها ومن هالكلام * وانا من طبيعتي وطبيعة أخوي علي الاسلامية وخصوصاً إنا من أرض الحرمين قلتلهم انه مايجوز ومن هالكلام ديننا محرم هذا ويمنع الشي هذا* ومع الأيام والله العظيم اني صرت لما أرد من الدراسه الاقيهم حاطينها على هالقناه لا وبعد يقولون تراه سوى كذا او تراه غنا له أغنية أو .... إلخ


المهم


رجعت للمملكة بحمد الله بعد انتهائي من الدراسه هناك


ماابي اطول عليكم بس ابيكم تكونون بالصوره



الي خلاني اكتب المقال هذا والي يعتبر كأول مقال لي هنا ولا في باقي المنتديات هو انه من دقايق قليلة تلقيت اتصال من جون يرنغتون<< رب الاسره الي بلندن قال بصراحة توني شفت البرايم وانا والله حزين على خروج علي وهو يستاهل انه يكون النجم بأخلاقه وترتبيته وحملني أمانه ان ابلغ تحياته وتهنئته وتبريكاته
** تحياته لكل من يعشق علي السعد وشجعه لأنه يوصل لهالمرحله


** تهنئته لوالديه بشكل خاص وعائلته بشكل عام على حسن تربيتهم له


** أما تبريكاته فهي له لعلي السعد على دخوله قلوب الناس والي وصلت من المشرق الى المغرب ومن الشمال الى الجنوب وقال انه مسوي بارتي الليله وعازم أصدقاءه علشان يعرفهم على علي ويعطيهم نبذه عنه


وقال لي بكل صراحه انه صوت له مره وحده كشي يفتخر به ويقول صح ان المره هذي قليلة بحقه بس قال هذا أول شخص يصوت له في الشرق الاوسط ولكن صحيح ان صوتي ما يسوي له شي بس انا بعثته له من باب اعجابي بهذا الشخص


عالعموم ماابي اطول عليكم هذ والله رساله بلغتها لكم من اصدقاء لعلي السعد والشعب السعودي ككل من بريطانيا ومن لندن بالتحديد.


أكرر وأقول نفس كلامه .. إن والله علي صحيح ماطلع من البرنامج بس إنه دخل قلوب الملايين من البشر


********ودمتم بود***********
منقول من منتدى علي الرسمي
((تأكد ياعلي أن اللقب هو اللي خسرك مو أنت اللي خسرت اللقب))

[مغرور بس معذور]

يسلموو على الموضوع واكيــــد اللقب هو اللي خسر علااوي وعلااوي ماخسر شيئ بس كسب حبناا له وأنا من بعد علااوي ماأصوت إلا لشـــذى فقط تقبلي مروري اخوك مغرور بس معذور

[همــ الشفاة ـــس]

تسلمو أخوي مغرور ومعاك حق والله بكل كلمه تحيتي لك

[ستار خليجي]

والله قهر علي يطلع ومظلوم بعد

[مغرور بس معذور]

يسلم قلبك وروحك ويسلم غاليك ومغليك يااقلب مغرور

[همــ الشفاة ـــس]

بالأول أنقهرت بس الحين أقول رولا هي الخسرانه لأنها بتخسر جمهور علي الكبير وأكيد بتعلن أفلاسها وعلي كسب حب الناس وطلع منصور والشي الوحيد اللي سوته رولا خير فينا أنها عرفتنا عالإنسان هذا وفعلا يستااااهل تصويتنا وحبنا وقلوبنا معاه

[همــ الشفاة ـــس]

المشاركة الأصلية كتبت بواسطة مغرور بس معذور

يسلم قلبك وروحك ويسلم غاليك ومغليك يااقلب مغرور

ههههههههههههههه تسلم والله من ذوقك

[aziza tanegawiya]

خسارة طلوعك يا أسد

[همــ الشفاة ـــس]

أنبسطوا يامحبين علاوي ليش خسارعه للمره المليون أقولكم البرنامج خسر كثير بطلوع علاوي وأنا عني أعلنت مقاطعتي من خروج علاوي رغم أني أشجع شذى ومروة واتمنى وحده منهم تآخذ اللقب

[aziza tanegawiya]

مشكورة يا همس