للعبا س
للعباس أجت زينب طفل حسين وياها * تشكي من العطش حاله تجري دموع عيناها
-------------
طبت لعند صيوانه منها العين هماله * تقله شوف عبدالله شسوا العطش بحواله
يخويه يبس لسانه وذبا لهرش دلاله * سوي لهالطفل شاره يبني اللما يذل جاره
دمعتي عليه تتجارى
وأخاف رويحته عليها يخويه يلحق ضماها
------------
شوفه يدير بعيونه ويتلفت لعد جودك * ترضى يموت عبدالله يبحر الجود بو جودك
يخويه لمثل هذا اليوم إلنا ذاخرك عودك * تراه العطش ماذينا غيرك من يروينا
لون تعاين سكينة
من العطش ياعباس نار وتشب بحشاها
--------------------------
يخويه اطفال أخوك حسين كلها تصيح عطشانه * حر العطش ماذيها تتلاوع بصيوانه
ياعباس أخوك حسين شنهي ذنوب رضعانه * عليها الماي يتحرم وتتصارخ بالمخيم
ما تنهض يالمشيم
تسل السيف بيمينك وتحورب على عداها
--------------------------
لمن شاف عبدالله شاف الدمع من زينب * تغير وانخطف لونه لاح الزعل بيه واغضب
شال على المتن جوده وسلم چفه المدهب * لاح بظهر ميمونه دار لزينب عيونه
الماي العدا يمنعونه
لجري لك بحر هاليوم يازينب من دماها
--------------------------
يختي لخيمتك ردي بشري اطفال اخويه حسين * خليهم يتانوني وانا الماي أجيبه الحين
قامت زينب تهلهل شبحت عالطريج العين * لمن شافته الفرسان مجبل للحرب زعلان
صايح صاح بالجمان
وين اليوم منواكم لفت كل رواياها
-----------------------------
اخذنا ويا العدا ساعه لن واحد قطع يمناه * اخذ سيفه بسياره وقام عن جوده يرد عداه
صابوا بالسهم عينه يويلي وثنو بيساره * وقف ومقطعه زنوده وصابوا بالسهم جوده
لن واحد بعاموده
طب راسه وقع مرمي وهاشم فقدت لواها
24-03-2007, 09:15 AM
.. للعباس أجت زينب طفل حسين وياها .. 
المواضيع المتشابهه 
العرض العادي
