السلام عليكم ورحمة الله وبركاتة:
حلمت امي انها في وليمه او مناسبه في البيت بس البيت مش بيتنا وفي سفر اكل مفروشه وكانت عمتي منى اخت والدي ترتب السفر مع حريم كتير جالسين حول السفر
امي اعطت عمتي منى صحن فيه لبن او فول وقالت لها خذي يا منى وهي ترتب السفره اخذت عمتى منى الصحن بقوه من امي من غير ما تطالع في وجه امي قامت امي قالت لها بس لا تموتي يا منى
بعدين امي كانها طلعت الدور التاني كان فيه جدى المتوفى يرحمه الله وجدته اكل من اكل الوليمه وشيع والصحون الوسخه تحته قال لامي الحمد الله انك جيتي شيلى الصحون ابغى اروح الحمام
( دورة المياه)بعدين قال لامي شيلى الصحون الوسخه وخرجيها بره
بس في براد شاي وفناجين مذهبه لا تخرجيها غسليها في هذا الشقه وارفعيها عشان هذا الفناجين والبراد حقت عمتك هي زوجته المتوفى رحمه الله قالت امي له في كاسه مذهبه كمان ولا يهمك راح اغسلها كمان وارفعها
وبعدين خرج من الغرفه بس انه ماكان يمشى على رجليه كان يزحف على موخرته مع العلم انه قبل ما يموت كان مريض لمدة شهر تقريبا لا يستطيع المشي وكان يركب على الكرسى المتحركه
امي بعدين قالت له ادعيلى يا عمى قالها الله يعطيكي كل الذي تتمنيه (الذي يبغاه قلبك ) وامي قالت في سرها تقول ادعي لسوسن ان معاملتها تنزل وتجى الموافقه بعدين قالت خلاص اتا اخلى سوسن تجى عنده وتقوله ادعيلى ياجدى
بعدين طلعوا حريم يبغوا يدخلو الشقه بس امي وقفت على لباب علشان ما يدخلوا ويشوفوا جدى وهو يزحف
وحده من الحريم استرقت النظر وشافت جدي وهو يزحف يريد ان يذهب الى الحمام قالت هذا عبد الله
قالت لها امي ايوه اش فيه
قالت يا ربي
بعدين طلعت ابنته الكبرى فاطمه
قالت اش فيه
قالت لها امي الحريم يبغوا يدخلوا الشقه بس انا ما خليتهم يدخلوا
البيانات
امي عمرها 44 وقت الحلم امس قبل الظهر ملتزمه تسكن في جدة
عمتي منى متزوجه ولديه بنتين وولد ملتزمه تسكن في جدة
سوسن اختي عمر 22سنه مخطوبه لشاب غير سعودي منتظرين المعامله تطلع
جدي عبد الله متوفى عمرها 82 ملتزم
02-04-2007, 05:10 PM
ارجوا التفسير سريعا يا ابو كريم 
المواضيع المتشابهه 
العرض العادي
