ان لمحت بعيوني دموع سوي نفسك ما لمحت

[امل عساف]

صعب لا منّك فشلت .. وصعـب لا منّـك لقيـت
إن من يكره نجاحك .. يدري أنـك مـا نجحـت

أمس ضقت .. ورحت أقلّب ذكرياتي .. وانتهيـت
عند صورة طفل ***ه مثل ***ـي لا إنجرحـت

وش مثل ؟ لا والله إلا هـذا أنـا يـوم ابتديـت
انطق حـروف تلعثـم فـي لسانـي لا انمدحـت

هذا أنا يوم الحيـاة فـنظرتـي عشريـن بيـت
ومسجدين ومدرسة من طين كم فيهـا اصطبحـت

هذا أنا .. وأصبحت أتمتم: ( هذا أنا ) حتى بغيت
اختنق.. بس القدر عيّا على موتـي .. وطحـت

وصاح *** الطفل فيني : أنت من وين ارتميت
قلت: أنا المستقبل اللي فيه كـم همـت وطمحـت

أمس كنت أبيك تكبـر .. بـس والله لـو دريـت
إني اللي عشت لجله.. مـت عنـدك واسترحـت

لو دريت إن الزمـان يجـر رجلـي مـا عديـت
ولو دريت إن البحور بـلا موانـي مـا سبحـت

كان دربك لي طويل .. وكل مـا شفتـك هويـت
قلت لك كبـوة جـواد ومـا كبيـت إلا وجمحـت

ليه تسمعنـي وتمشـي .. آه ليتـك مـا مشيـت
وآه ليتك مـن كثـر عثـرات الأيـام انتصحـت

ضاعت أحلامي وضل الحـزن فينـي واهتديـت
للطريـق اللـي يودينـي علـى دمعـي ورحـت

يا الحزن ليتـك مثـل دمعـي وتنـزل لا رقيـت
بس أعرفك لو مسحت الدمع تبقى مـا انمسحـت

كان حلمي فـي وجـود إنسـان يبكـي لا بكيـت
وصار حلمي في وجود إنسـان يفـرح لا فرحـت

كنت أشوف الناس مثلي كل مـا جعـت وظميـت
ما دريت إن الأوادم نـاس فـوق ونـاس تحـت

آه يأول ذكرياتي .. خذنـي افـحضنـك نسيـت
لا أسألك عن وجه أبوي اللي معه يامـا سرحـت

خذني افـحضنك أبغفى .. يا آه مبطي ما غفيـت
وإن لمحت دموع عيني .. سو نفسك مـا لمحـت

خذني افـحضنك وبعثر في جروحي .. وإن قضيت
هز لي كتفي وقلي : عيـب تبكـي لـو سمحـت

اضحك .. وعلّم زماني من أنا .. ومن وين جيت
طق باب الحـزن وأصـرخ فـيّ لامنّـي فتحـت

وضمني يمّك ... وكمّل ضحكتـك لا مـن بكيـت
ودي اذكر كيف كانت ضحكتي .. لا مـن فرحـت


منقول

يارب تعجبكم

امول

[ملكة الأنوثه]

اختيار موفق,,
الله يعطيك العافيه ؛؛وننتظر المزيد

[سفيان0]

صح السانك امل
النقل جميل وفيه معاني كثيرة
ولكن ؟؟؟؟؟؟؟؟؟؟
ياريت ننتفع ونقبل نصيحة الايام وتجاربها
نسمع كلام الزمن ونقتدي بيه ونعلم الي بعدنة
ان الحياة فرصة للخير والمحبة
ان الحياة ماهي لعب ولا عيشني اليوم وموتني باجر
الحياة عبادة
حب
سلام
مودة
كلشي في الحياة جميل وممكن ان نحلة
بس؟؟؟؟؟
جرح القلب كيف ينحل يا امل؟؟؟؟؟
تقبلي مروري

[عسولة الدوعن]

لو دريت إن الزمـان يجـر رجلـي مـا عديـت
ولو دريت إن البحور بـلا موانـي مـا سبحـت

كان دربك لي طويل .. وكل مـا شفتـك هويـت
قلت لك كبـوة جـواد ومـا كبيـت إلا وجمحت

خذني افـحضنك أبغفى .. يا آه مبطي ما غفيـت
وإن لمحت دموع عيني .. سو نفسك مـا لمحـت

خذني افـحضنك وبعثر في جروحي .. وإن قضيت
هز لي كتفي وقلي : عيـب تبكـي لـو سمحـت

كلمات في قمة الروعـــــــــــــــــــــه

لا حرمنا الله من مواضيعك الزينه حتى

لو انها "منقوووووووووووله"

تقبلي مروري
**************

[عيون النرجس]

إحساسك حلو أختي
شكرا لنقل الرائع

[الحب الكاوي]

اختيارك رائع شكرا لك