ماجفيتك ياعيوني لو يصير اللي يصير
وماعاش قلب(ن) نسى في يوم اعز احبابه
مثل ماتناساني ذاك الولد وخلاني ضرير
ونسى اني بيته لاسدت الدنيا بوجهه ابوابه
ونسى اني فارش دروبه عن مذلت ذاك الحقير
يوم كان اعز اصحابه حاشي الشوك في ثيابه
ونسى انه يوم طاح اسقيته بكفيني غدير
يوم همّلوه كل ربعه واتركه باقي اصحابه
ليته ذكر فاقد البصرلجل يحيا باقي عمره بصير
ويعيش في دنيا بسمه شفاها بين الاقطاب كذابه
انا ماني بالذي اشوف الشعر بيزيدني قدر وتقدير
ولاني قايل سواتي فيه لجل اعيب الرجال واغتابه
لا لا انا همومي لامن مالقت في القلب حل وتفسير
بديت اكتب قصيد الهم بقلام الزمن وفي كتابه
وانا ماني بالذي لاحزن يذرف الدمع الغمير
انارجل(ن)لاقالوا على القوم السلام ينادونه وينخابه
وانا همي لودنيته برحلتي كسر ظهر البعير
ولو دنيته على الجبل زدت حمل الجبل واتعابه
هذا حبيبي ولو تباعدنا مارضيت انه يعيّير
يعيروني بما فيني ولا يطرونه في اعيابه
ياصاحبي... قالت الناس اترك صاحبك لا حصل منه تقصير
وارمي ذكرياته مع نجوم الليل ومع شهابه
مادروا أني ماطيع كلام العواذل وهرج الشوير
اللي لادخل نار(ن)سارت باقي القوم على اعقابه
لكن ببقى على قول البدو لولا الامل مات الفقير
وببقى اكسّر خاطر قليبه لين اضيع بين اهدابه
لاني اعرفه حبيبي هو غير وباقي الناس غير
هو مثل المسافر لاطالت الغيبه حن لترابه
هوالوحيد اللي احسه قال احبك من قلب وضمير
وهو الذي لامن اخطيت جاني بهمه وحامل عتابه
وهو الذي لاطراني بالخطا ذاك البزر وخلاني صغير
رفع كمه وشهر سيفه وسن في حينها انيابه
وهو الذي لاوقعت جاني يجبر العظم الكسير
وهو الذي لادمعت مسح دمع عيني بجلبابه
وهوالذي لارتعشت يوم صابني برد والجو المطير
جاني بغصن يشعر نار الشتاء وهو للغصن حطّابه
وهو الذي لاطاردتني اوهامي بحظنه الجا واستجير
لأن كل هواجيس الليالي ترتعد منه وتهابه
لاتحسبون يوم عني ابتعد تحسبون هذا المصير
او تحسبون ان تفارقنا بعد ماطول غيابه
يحسبون ان انتهينا وكل(ن) على دربه يسير
مادروا ان قلوبنا مدينه عشق بالازهار خلابه
كل الحكاية اني جرحته ذاك الجرح المر الغزير
اللي عجز كل من في الكون يلاقي حل لعطابه
وهو ابتعد لجل ينسى جراحي وينسى هالماضي المرير
وانا بديت ابكي لأن البكاء للرجل زود قوه وصلابه
تعبت اجمع انا اعذاري مره له نصيحه ومره اغير
والصراحه اني اغير عليه من نفسه ومن احبابه
بس وش عاد يفيد الكلام ووش تفيد المعاذير
دام العطش زاد وزاد في بعده عني سرابه
صرت احس ان صحيبه جاله بالكذبه نذير
ولعب بعض الحيل عنده لجل يلعب بأعصابه
غديت راحل كظيم الحزن والوهم داخلي اسير
ويعلم الله عن صياح طفل قلبي وعن عذابه
كأنه يتيم(ن) ماتت امه وانقتل والده وهو له نظير
وصابه جنون العقل بعد ماسهم الحزن في الحشا صابه
جالس بحالي وسط الاضلاع على الذكرى انوح(ن) واستخير
وقول ليته يوم يحس بحالتي ويشوف قلبي ويش سوابه
احط يدي على خدي وافترش ذاك الحصير
مشتري ساعة فرح وتطلع الساعه كئابه
وش اسوي في زمن طال وقته والوقت اصلا قصير
ولا عاد في الحياة غايه ولا الشجر طلنا اعنابه
في سكون الجو ومن حوله .....ابتداء ورقي يطير
وطارت علومي من اللي مقبل بعد ماطول غيابه
حبيبي جاي يحضن كفوفي ويطفي ناري السعير
حبيبي من طييّب قليبه؟؟ ومن جاب حظرت جنابه؟؟
((يقول:تعب قلبي من اعذارك تبكي وانا بليلي سهير
ادور فرحه من بعدك وانا فرحي على بابه
وترى سرك حافظه في قفص صدري بداخل البير
وما قوه على سرك سيدالقوم ولا جنده ولااحزابه
انا اسف على الفرقى ولوتبي افرش الدنيا حرير
وبعداسف على الدمعه ويادمعه على الخل غلابه))
حبيبي ابي لحظه استوعب فيها وفيها اعيد التفكير
احس اني وسط قبري واحس كوني في غرابه
ياحبيبي هذي الدنيا تقـفيك وترجع لك تستدير
وتلاقي اصحاب العمر ويرجع الماي في مصابّه
وياحياتي احنا مابيننا أحد رابح وأحد خسير
الخساره في العمر وانت عمرك في شبابه
البارحه اقرب صحيب غدا ينصح حبيبي بوجه منير
نصيحته لايخدعك زايـــد بكذبه وبنظرة اعجابه
وبصراحه وقع الخبر على القلب صعب وعسير
بس لعن ابو ذاك الصحيب ولعن ابو ذيك القرابه
كنت احسبه لاغزت هموم قلبي جاني بالرايه نصير
ماحسبته مثل البنات الخايفات بيخـتبي وينزل حجابه
وين الرجوله ياولد ووين اللي على قولك خطير.....؟؟
ووين خوفك من الأله ووين تعاليم الصحابه......؟؟
سلام الله على دنيا دام بها مثل مثلك كثير
اليا غبت عنهم قالوا حقير وان جيت قالوا هلابه
محد يترجى منهم شي ان كان شر او كان خير
عنوانهم كذب وخداع ونفاق وكلها بوجه الدعابه
اي دعابه واي مزح وش بقى للآدمي وش خلا للحمير
وكرم الله السامعين صارت اطباعهم من الحمير....اتشابه
احمدو ربكم هذا زمنكم ماهو زمن المتنبي ولا جرير
كان شفتوا دموعكم تسابق من الجاحظ ومن اسبابه
بس الوكاد ان زايـــد في زمنكم هو القايد وهو الامير
وصارت الناس له اكواب وصار الشعر يملي اكوابه
هو الذي لاكتب اتتعناله حروفه على صوت الصفير
وتمطر له كلمات العرب من على متن السحابه
والمهم ان حياتي في البدايه ماوصلت صوب الاخير
يعني يمدي للعـقل لو التهى يعود ثاني لصوابه
ماهمني حكيهم دام انا وسطهم معـتلي العرش الكبير
ودام محبـيني في جمعهم حولي كأنهم للعدو لآبه
ودام خلّي قال احبك قالها من قلب ومن ضمير
بجمع انا كل العواذل وبقول ترى هذا حبيبي وهذا.....
جوابه
.....منقوول.....
اتمنى تعجبكم
20-04-2007, 02:38 AM
ادري طويله ... بس ترااهاا ...... 
المواضيع المتشابهه 
العرض العادي
