... هـــي كــلـــهـــا هــا لــســـاعــتيــن وعـقـبـــهــــا بـــبقـــى وحــيـــد ...

[القحطاني]

ألا أنت سولف لي عن أحوالك وخل عنك القصيد
يعني وش اللي في غيابـك راح أقوله واكتبـه ؟

شعري .. على حطة يدك !! في غيبتك ما من جديد
البيت من قبل اكتبـه .. أفكر أني اشطبـه !!!

دامـك تعـرف أن الشعـر لا يقنعـك ولا يفـيـد
استوعب حضوري ! وهـو انسـآآه لا تستوعبـه!

ركـز معـي .. الله يرضالـي عليـك ولا تـزيـد
الهـم هـم .. وعدّنـي ضيـف ٍ نويـت توّجبـه

ما أبيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !

ضيّعني بشهقة بكاك .. وجيب فيني ألـف عيـد !!
بحكيّـك اللـي حافظـه ولا عـرفـت ترتـبـه !!

هـي كلهـا ها لساعتين وعقبهـا ببقـى وحيـد
لا تشح بشعورك علـي ّ ولا أتمادى !! وانتبـه :

لا شفتني سجيت ( عنك / فيك ) جوّدني من ( إيـد
قلبـي ) ووصلنـي لقلبـك برضـاه أو اغصـبـه

هذه سنه ! أن ما سكنت القلب ! مسكنك الوريـد !
ونفس السنة مرت ! وحقي فيـك ضايـع واطلبـه

يـا آدمـي مـدام نظراتـك بأحاسيسي تشييـد
لا تترك ( اسألتي ) تموت ولا لقت بك ( أجوبـه )

ليه أنت راضي بالعناد ؟ وبالرضى تصبح عنيـد ؟
ليه أتساهل بالجفـا ؟ ليـه الوصـل تستصعبـه ؟

وليه أتمنى الموت في بعدك وأحس انـه بعيـد ؟
وليه اشعر أن الموت في لحظة وصولك ما أقربه ؟

وليه اعتبر نفسي إذا ذبحني شوقي لـك شهيـد ؟
ولا أنت حتى الشـوق لا ردك علـيّ تستغربـه !!

جاوب وريحني !! أو أنسى كل شي.. ولا تعيـد:
سؤالك عن شعر ٍ شطبتـه مـن قبـل لا أكتبـه !!
..............................................
منقول

ما أبيك من بعد الجفـا ترجـع لـي بقلـب ٍ بليـد
حسسني بشوقك ! ودمعك مـن عيونـك اسكبـه !


من بعد غربة جيتك وكلي محبة
عجزت ألقى في عيونك حنان

كل ما أشوف صد ونسيان

من العيون اللي حبتني

ولا العيون اللي خانتني



القحطاني

وش تبغاني أعيد وأزيد

ما ينفع إني أضيف الماء لنهرك العذب

لأنه هو الأساس


صح لسانك أخوي ولا هنت والله

[القحطاني]

صح بدنك طال عمرك

ولاهنت على المرور وشرفت صفحاتي بووجودك وطلتك

لاخلا ولا عدم