يوم هجرتي لعمريكا <<دراما محليه
احم كح
ياورع ... درب درب
يالله سترك
السلام عليكم
اااااااااااااااااا اممممممممممممم ووووووووووووووووووووووو ايه ... لا لا <<<< عقدتها المقدمه دايم
جداتكم وش زينهم جنب عجوز قريح ام الوالد <<< لقت مقدمه
ايه جدتي بغت تشتت شمل العيله وتحرمهم من بنتهم لولو <<<ياشين مقدماتك
مرتن من المراريت كنت قاعده وبكل براءه مراهقين قدام التلفزيون .. ايه التلفزيون مغيره
كنت اشوف فلم امريكي وانا مسرحه والاخت جدتي جالسه بجنبي وتاكل فول سوداني حتى اذكر مديت ايدي اخذ منها وعيت علي
المهم رفعت عيني على ذاك المزيووون الامريكي ياسبحان من خلقه عليه جمال فتاك
وانا هاك الوقت مبطيه عن الزين من كثر ماشوف عيال الاسره اللي كلهم شيووووووون كل واحد اقرد من الثاني
ويوم طلع ذا المزيون قلت بكل حماس يالملعووووووووووووون ياصلبي ... وجدتي قامت تقول وراتس تصارخين يمال الماحي
وانا التف لم ذي العجيز ومتحمسه اقولها ناظري يالعميا ..ابن التسلب هذا اوووووووف وش هالحلا وش هالزين
والا يطق عردز العجز فيها وقامت تسبني وتلعني <<<< لاحظو سبت والعنت
واقعدت تحلف انها تبتعلم الفذر بتاعي عن اللي قلته يووووه عاد الوالد مزين مهذب مايحب الالفاظ الخارجه عن حدود البلاغه
قلت لولو لازم تتداركين الموضوع العجيز تبي تجيب ارقبتك ... وتنقز براسي فكره اني اجيبلها حلاو البقره البردقاني لانها تحبه جعل بعير يبحبها
والله وكلفت على عمري وجبت لها كرتون من حسابي الخاص ...يوم سفته وقضت... الوالد مامداه دخل من هنا وهي تنقز من هنا وتعلمه السالفه لاحووووووول تونا صارفين عليتس فلوس
بنتك قالت ابن كلب وقالت ملعون ومدري وشو وبنتك ماتربت ووووووووووووووووو
يوم مصختها وارتفع عندي الضغط الجوي وابوي قال وش هالافاظ يالولو ووووووووووووو
انا انفجرت عليهم ... قلت امك بعد تقول تسذا دايم تلعن وتسب سب مهوب زين
الوالد : مييييييين !!!!
انا بكل ثقه ااشر على جدتي واقول امممممممممك
الوالد : تقولين لها اممك
وطراااااااااااااااااااااااااخ صكني باند <<< افهموها عاد يعني كف
واركض على غرفتي واصك الباب واقعد ابتسي ابتسي ابتسي
والبزران كل شوي يدخلون علي .. باخذ السجاده .. باخذ اورقه ... شفتي قلم ... لولو وين دفتري
اللحين انا اصيح وذولا يغثوني لاحووووووووول حتى مايخلون الواحد يضبط التراجيديا من جد اضطهاد
المهم اني قعدت على حالي الكئيبه حاقده على العجوز ومتالمه من الفاذر
انا انصك كف ..انا ..انا !! لمتى يالولو بتعيشين وسط ناس مايقدرون مواهبك .. ولا قدراتك
عمري سبع طعش دهرا يعني تنزل لي رخصه واستماره وهم توهم يستخدمون اسلوب التربيه الهمجي مغير اطرااااااخ وطراااااااااع
لوني بعمريكا كان امداني الحين رائدة فضاء .. ويمكن امسك ناسا بكبرها ..
او يحشروني بالغصب في هندسه وراثيه ولا علم جينات
فالاخير قررت اني ابعد ...... ارحل ... افارق اسرتي ... ادور مكان يلم مواهبي وطاقاتي ويقدر اني منيب شخصه عاديه
اخذت جلال وفرشته ولميت به ملابسي كلها وربطته بعصا وقلت الوداااااع .. الوداااااع
طلعت الصاله واذا باخوتي واقفين طابور وعيونهم تساقط دموع اربع اربع
لووولوووووووو لا تروحين حنا بدونك بنموت من الطفش بنشتاق للحش .. مين يشيل عنا البلاوي .. مين ينكسر راسه بدالنا لاسوينا جريمه مين ..................
قلت لاتكملون .. انا مالي مكان بينكم .. انا خلاص حياتي هنا مستحيله
بس الله الشاهد انكم ناس اجاويد وماقصرتو .. وماشفت من وراكم الا الخراب
حمودي.. ماوصيك اخبار الهلال ابيها توصلني اول باول ولاتنسين تسجلين حفل اعتزال الثنيان
طيف .. الله يسامحك على الليز الحار اللي سرقتيه
عزوز .. انتبه على خواتك ولا تضيعك امك بدلعها <<< غمض عيونك لاتقرا الاسم همين تنشب
وشلت ( بقشتي ) عصاتي وجلالي وقلت استودعكم الله
وطلعت الحوش وانا عيني على باب الشارع وكنت افكر امر على صادق سواقنا اتسامح منه ومنها اتسلف منه ريالين اشري بهن شاورما
وانا امشي سمعت صوت امي تناديني ( لوووووووووووووووولوووووووووووووووو )
التفت لمها وقلت بابداع درامي ::: يمه.. ارجوك لا تحاولين هذا قراري ولا يمكن اتراجع يمه.. ولو تبكين دم مارح اتراجع و....
الوالده :: اقول امشي قدامي ... واسجبتني مع شوشتي ورقتني بالغصب << طيحة وجه
طبعا مافي امل اطلع من البيت بس لازلت مصره اني اهاجر قلت مهنا مكان يضفني غير الملحق اللي بالصطح
ورحت استحليته وقلت لهم بالحرف الواحد منيب راجعتلكم ليييييين تعرفون قيمتي وتنفذون اوامري وتعطوني حريه تامه ومطلقه
ويانا ياجدتي بهالبيت <<< فقشه ساكنه على الجمله المتحركه
وانا ارقى الدرج امي قامت تهدد
الوالده :: لولو ارجعي ..
انا : منيييييب
الوالده :: ارجعي ترا يبي يجيك السكني
انا :: منييييييييييييييب
الوالده : لولو صراصير وفيران هناك
انا : منييييييييييييييييييييييييييييب
الوالده :: لولو مهنا اكل لاقعدتي هناك
انا :: منيييي.... هاه.. وشو اكل!!!!!!! ..... يمه بلا نذاله عاد
الوالده :: ارجعي وربي ماتاكلين من اللي ازينه
استجمعت قواي وقلت احسن.. من زين اكلك عاد.. مغير كبسه او مرقوق واذا ملينا زينتي سليق يعنني تغيير
<<< ماحذفتها بالجزمه ابد
وجلست في الملحق لحالي وانواع الحوسه ( الغرفه محيوسه باغراض الكشته ) قلت يلا ابدبر نفسي والاكل ان شالله اخواني ماينسوني
وانا اللي اسحب المجر والمشب وكيس الفحم.. وشفت هاك البشت ريحته ريحة الثمامه والبسه واصفط الشماغ واجدل شعري جديلتين يعنني بدوي مخنفس
ايه وشبيت نار ومسكت العصا وابدا اهوجس وانشد القصيد
ياااااااااللللللللله ياللييييي تكرم بعطياك .... انا انشدك ان ترحم الحااااااالي <<<سحبه بربابه هههههههه
في هاك اللحظه دخل علي اخوي مامداه يشوفني واشوفه الا ضحتس و قضب ثوبه وركض وانا الحقه تعال جبت لي شي اكله
تعاااااااال لاحق على التصوير >>> ماعنده غير ذي الكاميرا كل ماشاف شين غريب قام يصور
وامسكه قلت يالاخو تكفى والله اني ميتتتن من الجوع عندك شين ينوكل
قام عطاني كيسه بها قطع لحم الله لايوريكم حاطين قطع لحم هذا كبره ولا بعد بكيسه تقل قطو عندهم
ونزلته بعد مالعنت جدفه وصفقته تصفيق لايحمد عقباه
وقلت لازم اعتمد على نفسي ونزلت عندهم وادخل المطبخ واسرق دجاجه من الفريزر واطلع بها فوق في مقناصتي
قمت اقطعها واسنعها وشويتها .. وسفيته وعلي بالعافيه.. ورقدت وقلت الاذكار لاجل لا يوطوط علي سكني
ويوم قمت الصبح والكل نيام وظهري متكسر .. وانا منيب متعوده على قومة الصبح لاكن من وين اجيب النوم هنا
وبصراحه استاحشت لحالي .. لا ونيس ولا اكل زين .. ولا فراش زين .. ولا صوت تغاريد البزران .. . حتى التلفزيون مايطلع ناس سنعنين
مابه الا القناة الاولى والثانيه وطبعا الصبح القناة الاولى تفنن بعرض برامج اطفال جده
بس مهنا حل ثاني .. وربك يعين..
المهم بهاك الوقت كانو عارضين مسلسل بزران ..ممثلين يلبسون حيوانات الله يكرمكم ويعنني بالغابه
الخلاصه ان واحد من هالجداويه هو الجمل .. كان يبي يروح للغابه وابوه يقوله ياولدي لاتروح بتاكلك الوحوش وهو يقول
الا حروح ياابويا وحيصير الاسد صديقي وابوه يقوله لا لا يبياكلك الاسد
المهم انه ماسمع كلام ابوه وراح لم الاسد والاسد هذا رجال طيب وابن اجاويد ويعرف الاصول ويوم شاف الجمل ناوي يصير صديدزن له رحب به واكرمه وماقصر لان الجمل ولد حمايل من عيال المجاهيم تخبرون ذي قبيلة معروفه
لاكن كان عند الاسد مستشار ( ثعلب ) يكره الجمل يقول انه يبياخذ مكانه ويبي الاسد ياكل ذا الجمل باي طريدزه
وقعد يخطط يجيه منا ومنا مافي فايده وقام الثعلب التسذوب استغل مرض الاسد وقاله ياعمي الشيخ اذا تبي تطيب من المرض اللي برجلك مالك الا تاكل تسبدة ذا الجمل ترا يمدحون تسبدة الجمل وانها تشفي كل داء وقد ذكرت بالقران <<< يلعب عليه
قال الاسد امووت ولا اكل تسبدة دخيلي
قال الثعلب بس ياشيخ لا مت الغابه كلها بتتشرد ومدري وشو وتعرفون عاد مكر الثعالب مثل مكر الرجاجيل
اقتنع الاسد وقال اباكل تسبدت ذا الجمل لاجل حماية البيئة والمستنقعات ونط عليه وقام ياكله
والجمل يصارخ لااا لا اااا ابويا الحقني ياابويا .. لااااااااااا ياريتني سمعت كلامك ياابويا يالييت ااااااااااااه ويموت
وانا قمت اصارخ مع الحماس لاااااااااا لاااااااااااا يالثعلب يالملعون لعبت على الرجال تهئ تهئ
وقلت بس يستاهل هالجمل محد قاله يعاند ابوه ويطلع عن شوره يستاهل
وهمين قلت لولو انتي لازم تنهين هالمهزله وتسمعين حتسي ابوتس وامتس لاجل لايصيبك اللي صاب الجمل
وشديت اظهري ورحت اركض وانزل مع الدرج ( في هاك الوقت امي علمت ابوي اني بت بالصطح وهو عصصصصصصب )
المهم وانا نازله مع الدرج شفت ابوي وركضت لمه يببببببببببببه ومتحمسه على بالي بيخمني في لقطه عاطفه ابويه
<<< وين بامريكا انتي
ومامداني وصلت الا وهو منزل العقال وشاف شغله مع اضافات لفظيه لطيفه
يعني وش ذي العيشه ... وش ذا التعامل ..
اللحين بمجتمعنا بزر يضيع بالبر وسط البرد ساعتين ولا لقوه بدل لاتخمه امه تقوم تصفقه ليين يصيح زياده
طيب هدوه بالاول همين العنو اجدفه ياربيييييييه ناس مايقدرون النعم الا لابلاهم الله
والله حاله ماينسكت عنها بالله انقلو موضوعي للمواضيع الساخنه وخل نقلبها جد
<<<<<<<<هههههههه لاتصدقون عاد
ملاحظات مفيده جدا
اولا : اسمع كلام ابوك عشان ماتنوكل تسبدتك
ثانيا : مهوب لازم اللي حولك يقدرونك اهم شي ثقتك بنفسك واقتناعك بقدراتك
ثالثا :: اقرا الاذكار قبل تنام لاجل لايتوطاك السكني
رابعا والاهم : رد على الموضوع رد سنع يثبت انك قريته مهوب تشكرني ..
ملطوش..
23-04-2007, 01:24 AM
يوم هجرتي لعمريكا <<دراما محليه 
المواضيع المتشابهه 
العرض العادي
