لمن يحب السفر الى الشام ضروري

[yasser_kashaf]

-1لما بتمشي بالشارع وبتلاقي بني آدم(مع وقف التنفيذ) عم يتعربش و ينط من فوق الأسوار مع أنو الجسر أو النفق يا دوب عشر متار قدامو، بتعرف أنك بالشام.
-2لما بتلاقي شرطي المرور ماشي على الموتور بعكس اتجاه السير مشان ما يعذب حالو ويلف من الشارع التاني (مع أنو المازوت مو هو اللي دافع حقو)، بتعرف أننا عم نحكي عن شرطة الشام.
-3لما بتركب بباص النقل الداخلي وبتلاقيه بيوسع (أو بيجبروه أنو يوسع) لحد الـ 400 زلمة جلوساً ووقوفاً وتفعيساً (حتى أحيانا بيخطر لك تدق لموسوعة جينيس تسجله أو لجمعية حفظ حقوق الباصات لأنو لو هالباص كان ألو روح كانت انتقلت إلى رحمته تعالى من زمان)، بتعرف أنك بالشام.
4- لما بتلاقي المحارم والكياس وعلب الكولا وغيرو عم بينلحش لحش من قلب السيارات على الشارع مع أنو الشارع يا دوب الحكومة منضفتو، بتعرف أنك بالشام.
-5لما بتكون ماشي مروق الصبح والعصافير عم تزقزق من حواليك وفجأة بتلاقي واحد قدامك بالشارع عم يتنخع بنص الطريق (خع تفوووووووو)، بتعرف أنك بالشام.
-6لما الحكومة (وما رح بالغ إذا قلت) موظفة زبالين بعدد نجوم السما (فينا نقول زبال لكل مواطن) شغالين على مدى 24 ساعة ومع هيك بتلاقي الشوارع وسخة والعالم عم ترمي كياس الزبالة شي من عالأسطحة وشي من الشبابيك وشي ما بتعرف من وين جاية، بتعرف أنك بالشام.
-7 لما بتلاقي زحمة عالسرافيس ولما يا دوب يعني يا دوب بتدحش حالك أنت وكم زلمة بشي سرفيس وبعد شي حارة ولا حارتين واحد طلع معك من دقيقتين بيقلو للسرفيس "عمهلك نزلنا هون" مع أنو كان أسرعلو يمشي من هالوقفة وهالخناق بس الأفندي مو جاية على مزاجو يمشيلو شي شويتين مشان هيك أخد سرفيس (وبكون وقتها طبعا أخد مطرح شي واحد متأخر على وظيفتو ولا شي طالب على جامعتو) ، بتعرف أنك واقف بمواقف الشام.
-8 لما سواق السرفيس بيوقف وين ما بدو وايمتى ما بدو مع أنو في مواقف رسمية بكل شارع، ، بتعرف أنك بالشام.
-9 لما بتكون عم تعيّش عيلة طويلة عريضة وفينا نقول عنك موظف عادي (ما رح نقول مثالي) بشي شركة خاصة، وفجأة بتلاقي حالك بالشارع لأن مديرك سمع حكي عنك ما عجبو كتير، بتعرف أنك بالشام.
-10لما دكتور الجامعة بياخد راتب قد راتب الخريج العادي، وخريج الجامعة بياخد قد راتب اللي معو باكالوريا، واللي معو بكالوريا مو ملاقي شغل، واللي معو تاسع أبوه فاتحلو شركة خاصة، بتعرف أنك بالشام.
-11لما بتكون معك شهادة معهد ومع هيك عندك خبرة ألف مهندس ومديرك بيعرف هالشي ومع هيك راتبك يا دوب عم بكفيك اللقمة لأنو متل ما عم بقلك المعلك (عفواً المعلم) البلد هيك وشهادة المعهد مو قد المقام، بتعرف أنك خريج الشام.
-12لما بتكون رايح الصبح على الوظيفة (مو عامل شي) ومع هيك حاطط ايدك على قلبك وماسك وردة عم تنتف وراقها وعم تقول: يا اليوم بتقلع يا أما ما بتقلع - يا اليوم بتقلع يا أما ما بتقلع ، بتعرف أنك متوظف بالشام.
-13لما بيقطعولك خط التلفون لأنك نسيت تدفع الفاتورة وما إجاك إنذار متل باقي البلدان تبع العالم والناس (مو تبعنا يعني) وبتروح و وشك أصفر على مركز البريد لتدفعها وأنت عم تقول لحالك: "ولي على قامتي أكيد طلعت كتير عالية لحتى قطعولي ياه للخط) بتقوم بتلاقي فاتورتك (80 ل.س) يعني قيمة الاشتراك لا غير، بتعرف أنك بالشام.
-16لك لما بتشغل التلفزيون وبتسمع أخبار صايرة عندك بالبلد ولما بتقلب المحطة على قناتك الفضائية (على أساس بدك تتابع الأخبار من قلب الحدث) وبتلاقي أنو القناة ولا كأنو عندها خبر بالموضوع، بتعرف أنو عم نحكي عن قناة سورية الفضائية بالشام.
-17لما بيجبروك تصف سيارتك بمرآب خصوصي مع أنو الشارع طويل عريض برة وما عليه عجقة ولاممنوع الصف فيه ولا حتى محطوط لافتة ممنوع الوقوف، بس لأنو صاحب الكراج عاطي الشرطي قرشين وقايللو يشحط كل سيارة رح ترفض تصف عندو، وبتقول لحالك ماشي الحال الله بعيننا رح نروح للمرآب وبتلاقي أنو اللي رح تدفعو هنيك ببساوي راتب شي 6 موظفين بالشهر وبيقولولك عادي هيك الأسعار، بتعرف أنك بالشام.
-18لما بتحكي وبتحكي وبتحكي وبتحكي وما حدا بينطش إلا اللي ما بدك ياهن يسمعوك (بيت خالتك) ، بتعرف أنك بالشام.
ولك آه

[مسـاكن برزه]

الشام شامك لو الزمن ضامك ويسلمووووووووو

[حبوبة مره]

إنت بتعطينا انطباع سيء جدا عن الشام

[nawfal]

شكرا لك

[yasser_kashaf]

شكرررررررررررررررررررررررا
على الردود

[ساهر الحب]

يااااااسر انت شااااامي

[emanm]

الشام كنانتي

[جفنشي]

الله يعينكم ويسر حالكم هذي الظواهر حاصل في كل بلد مشكور اخوي على الموضوع.

[besoooo99]

تحياتي لكل الاعضاء والزوار
اول شي بحيي اخي صاحب الموضوع والذي اعجبني صراحة بصراحته
ما نقله الاخ( والذي سيصبح صديقي انشالله ) هو واقع نعيشه عامة في سوريا وخاصة في دمشق ( الشام ) انا لست من الشام ولكني معني بها احبها واشتاق اليها وكأنها عشيقتي
ولكني عندما اصل لشرفة نافذتها يتراجع شعوري واشتياقي وما ألبث ان ارجع لمحافظتي وبلدتي الهادئة الجميلة النقية
لا انكر اني احب الشام هوائها , أهلها , شوارعها , ابنيتها , شجرها , نباتها , ياسامينها ,
كل شي فيها

لكن ... لا اريد ان اشرح واطيل لأن الاخ ياسر قال ما قال ولا أضيف على ما قال الا ان الشام جميلة بما فيها ومن فيها فأهلا وسهلا بكم في شآمنا شآم المجد

تحياتي لك ياسر .... اعتقد ان ردي غير متناسق ولا مضبوط لأنني في عجلة من امري

تقبلوا فائق احترامي جميعا

[تركي الفهد]

والله الشام بتجنن وأن أرتاح فيها !! بس فيه أمور حدثت في الآونة الأخيرة زعلتني وزعلت عشاق الشام إللي أعرفهم.
يارب تزبط الأوضاع لأني مشتهي توت شامي ونفسي أروح أشربه في ساحة المرجه !!!!!