أنظر أيها الانسان ابحث في داخلك عن ذلك الإنسان الذي يتألم بصمت هو هنا وأنت تبحث عنه بعيدا ..أغمض عيناك وحاول أن تراه ستجده ينتظرك وقد تجد في عينيه نظرة عتاب لا تعاتبه بل ساعده على الخروج امنحه قلب جديد وامنحه الحياة
تقريبا كده دايما بدور على حاجه ساعات ببقى عارفه ايه الي بدور عليه وساعات ببقى مش عارفه ايه الي ضايع مني يمكن تكون حاجه مني ..او حاجه عني او حاجه حتساعدني بدور كتير وفي كل يوم رحلة البحث عن الحاجه دي بتطول ببقى خلاص قربت اوصل الاقي كل الحبال اتقطعت ولا عمري يأست ومكملتش بالعكس كل مرة بزيد اصرار اني الاقيها ساعات كتير بتعب وساعات اوي بعيط وبلاقي دايما حاجه صغيرة بتديني امل..بس يمكن مفيش حاجه بقول لنفسي لازم ادور عليها.. زمان كونت بدور دايما بعيد وفي سنة من السنين دورت جنبي دورت جوه لاقيت حاجات كتير كنت بدور عليها عرفت ايه يعني اكون مع نفسي في حالة سلام وتصالح بس دلوقت في حاجه جديدة بتناديني اوقات بلاقي في الفضا عيون هايمه وبسمع صوت بينادي بصدى مسموع بينده يمكن أي حد يفوق اوقات بمشي بسكة على امل انها تكون الطريق بقول لنفسي في وسط السكة خلاص مفيش رجوع الاقي نفسي بصوت هادي بقول مش هو ده !! السكة مرسومة جوايا شفتها في حلم من احلامي عارفه مكان الشجر فيها وعارفه الشمس بتشرق منين طريق فيها بئر ميه بتروي اي انسان بتدي من غير ما تاخد ومرسومة من زمان.. ساعات الطريق بيبقى شبه الحلم بس مش هو..عندي احساس ان في طريق حيكون هو إلي بدور عليه شبه حاجه مرسومه في خيالي ..شايفاها وسمعاها..وفي يوم حلاقيها .....
24-04-2007, 08:27 PM
نظره الى الداخل!!! 
المواضيع المتشابهه 
العرض العادي
