ولعت طوشة بين ابو العبد وابو مرزوق على راس السنة

[maes]

رأس السنة

أبو العبد: السلام عليك يا أبو مرزوق. كل سنة وانت طيّب يا رجّال.

أبو مرزوق: سلمت يا هالأخو، بس إيش المناسبة؟ العيد خلّص زمان.

أبو العبد: راس السنة يا رجل.

أبومرزوق: السنة إلها كم راس؟؟ ما كان لها راس أول شهر واحد واحتفلنا بالكريسميس.

أبو العبد: السنة الهجرية يا رجّال.

أبومرزوق: هو السنة الهجرية لها راس يا بن الحلال؟

ولعت طوشة بين ابو العبد وابو مرزوق على راس السنة

أبو العبد: باطل يا رجّال ما نعرف أعيادنا.

أبو مرزوق: دشرك يا زلمه، إحنا عايشين مع الخواجات وما شحشوف روش هشناه(بلعربي المهم راس السنة)، واحنا مْبرمَجين عليها.

أبو العبد: والله هيذي مصيبة!.

أبو مرزوق: بخول زوت.. شناه طوفاه( على كلام الخواجات على كل حال كل عام وانت بخير) يا أبو العبد.

هههههههههه

[فلسطيني ...]

ههههههههههههههههههههههههههههههه
يسلمووو يا ميوووس بس انا شايف اننا قلبنا عبري ( اسرائيلي )
ههههههههههههههههههههههههههههههه

والله روووعه نكتك البدويه يا فاضحيتنا
هههههههههههههههههههههههههههه
يسلمووو

[maes]

هههههههههههههههههههههههه يا فس فس احنا عايشين نعاهم يعني صعب انوما نحكي عبري
حتى تعرف احنا بنحكي كلمه عربي وكلمه عبري
خخخخخخخخخخخخخخخخخخخخخخخخخ

[معاند الوجدان]

والله أنا ما أشوف شي مشرف إننا نتكلم
بلغة أعداء الإسلام ومغتصبين أرضكم ....
تقبلي مروري ...

[maes]

صحيح يا اخي بس احنا عايشن معاهم يعني صعب واحنا نحاول بس
وشكرا لمرورك

[hanona muslima]

المشاركة الأصلية كتبت بواسطة معاند الوجدان

والله أنا ما أشوف شي مشرف إننا نتكلم
بلغة أعداء الإسلام ومغتصبين أرضكم ....
تقبلي مروري ...

اخوي معاند
ميس ما تتشرف ولا غيرها يتشرف لكن غصب عنهم لازم يتكلمو عبير
تخيل انك مشيت على فرنسا وكانو الناس يتكلمو فرنسي
شو راح تضطر تحكي معاهم لغتهم لانو مستحيل تتكلم عربي مع شخص ما يفهم عربي وبالاول والاخير انت عايش ببلده يعني غصب لازم تتكلم لغتهم
تخيل انك تتكلم عربي مين راح يجاوبك
واولادك بالمدرسه معقوله يتكلمو عربي والصف كله يتكلم فرنسي

يا اخي الله يعلم بحال اخواننا الفلسطينيين العايشين باسرائيل
حرام الاسرائيل ضدهم وحتى اخوانهم العرب المسلمين يكونو ضدهم
واذا ودنا نلوم احد نلوم انفسنا كعرب ومسلمين تخلينا عن قضية فلسطين وتركناهم اسرى للعدو

[معاند الوجدان]

أختي حنون مافي حاجه إسمها إسرائيل وتانيا إنتي مغربيه وبتتكلمي فرنسي
فلا تجي تتفلسفي عليا وتقولي الفلسطينيين عايشن مع الإسرائليين في بلدهم
راجعي التاريخ الله يسعدك تعرفي إنو أساسا ما في دوله إسمها إسرائيل في الخريطه ...

[maes]

معاند انت صحيح شو تتكلم انو الدوله دوله فلسطين بالاصل كل كلامك صحيح بس احنا اسع وين مع مين مين الحاكم اسرائيل
ويعني احنا لما بدنا نروح نتعلم لازم انكون نتكلم عبري عشان نقدر ننجح بالتعليم حتى لما تمرض وبدك اتروح على المستشفى اذا ما اتكلمت عبراني راحت عليك ما تقدر اتفهم الدكتور ايش يوجعك حتى لما بدك اتروح على دائره حكوميه مثل التؤمين الوطني قليل اتلاقي هناك موضفين عرب يعني كمان لازم تحكي عبري
حتى البنايين الي يشتغلو بالعمار اذا بدهكم يشتغلو لازم يتعاملو ويحكو عبراني حتى الزبال لازم يعرف عبراني عشان يقدر يشتغل وبعدين احنا ساكنين بقريه ولا بمدينه عربيه حواليها مستوطنات يعني كيف ما تروحوكيف ما تلف بدك تحكي عبراني عشان هيك احنا نص حكينا عبراني واحنا عارفين انو لازم انقلل ولازم انقلل العبرانيات شوي او لازم ما نحكي عبراني بس اللسان لما يتعود يحكي كل النهار لغه صعب باخر النهار تنسى وتتكلم بس عربي وعلى فكره النكته هاي النكت بتخلينا نضحك على حالنا انو احنا ليش نحكي عبراني مع انو احنا عرب بس غصبن عنا مو بخاطرنا

وشكرا على المررورو وانا حطيت هاض الموضوع عشان نضحك شويه بس اذا بدو يعمل مشاكل راح يغلق وانا راح اغلقوا

[hanona muslima]

المشاركة الأصلية كتبت بواسطة معاند الوجدان

أختي حنون مافي حاجه إسمها إسرائيل وتانيا إنتي مغربيه وبتتكلمي فرنسي
فلا تجي تتفلسفي عليا وتقولي الفلسطينيين عايشن مع الإسرائليين في بلدهم
راجعي التاريخ الله يسعدك تعرفي إنو أساسا ما في دوله إسمها إسرائيل في الخريطه ...

الف شكر على الرد
تسلم اخي