لعشاق الظــاهرة الغيوانية

[jawhar]

الضر الواعــر



يِبْـكِـيـكْ الخاطر يـا الـمــاضـــــي بْ عْسُولْ وازْهَار
ويْدْحِيكْ الخاطر يا الضر الواعــر وشـطـون لَكْـــدَارْ
والجفن الساهر والحزن الوافـــر وحـمـول لـقــــدار
السيف الناحــر ف الصدر الزاهر المَضِّي المَنْشـَــارْ
تحالفات لــقدار بالـفَـعْـلْ الـكـَافـَرْ ودموع لَشْـفَــــارْ
وْلاَزَلْتْ صَابَــرْ عسى لمضافــــر توصلني لَلَّعْمـَــارْ
نترجى الغافــر يفاجي الخـاطــر وتــزول لـُـوْعـَـارْ
وُعِيشْ لَمْغَامْرْ بـدون الـقــــادر مَا لِـيـهْ تَـنْـصَــارْ
_______________________________
الصينية

فين اللّي يْجْمًُْعُو عْلِيكْ اهَلْ النِيَّة
آه يا الصينية . . .
دُوكْ اللّي يَونْسُوكْ . . .
فِينْ اهْلْ الجُودْ وَالرْضَى . .
فَِينْ حْيَاتِي . . . فِينْ حُومْتِي وُاللِّي لِيَّا
آْه يَا الصِّينِيَّة . . .

وَاعْرْ بْلاَهْ مَا سَاهْلْ حْبْ الكَاسْ
آهْ يَا غْيَّاتْ مَا نْسَاكْ الخَاطْرْ
وَاعْرْ بْلاَهْ مَا سَاهْلْ عَشْقْ النَّاسْ
آه يَا غْيَّاتْ حْرَامْ يِنْسَاكْ الخَاطْرْ
وَاعْرْ بْلاَهْ . . . جَايْنِي بْغْرَامُه . . .
وَالْعَنْبَر إِلَى يْجِي كُدَّامًُه . . .
وُالنْعْنَاعْ . . . وًُالشِّيبَة . . .
آهْ يَا الصِّينِيَّة . . .

أَيَا نْدَامْتِي وَيَانْدَامْتِي
وُمَالْ كَاسِي حْزِين مَا بِين الْكِيسَانْ ؟
أَيَا نْدَامْتِي وَيَانْدَامْتَِي
وْمَالْ كَاسِي تَايْهْ تَايْنِينْ زَادْ قُوَّا عْلِيَّا ْلحْزَانْ ؟
مَالْ كَاسِي بَاكِي وَحْدُه
مَالْ كَاسِي نَادْبْ حَظـُّه
مَالْ كَاسِي يَا وَعْدُه هَذَا نَكْدُه . . . غَابْ سَعْدُه . . . ؟
آْه يَا الصِّينِيَّة . . .
أَيَا نْدَامْتِي وْلِيعَة بْرَّادِي فِينْ غَادِي يْتْشْحَّرْ ؟
أَيَا نْدَامْتِي وُحِيرَةْ بْرَادِي جَايْبِينْ جُوجْ مْجَامْرْ
مْجْمْرْ عَامَرْ بِالْفَاخْرْ
وُمْجْمْرْ بِاللّْظَى الْهَاجْرْ َفَاخْرْ صَارْ رْمَادُه
لْقْلْبِي الْمْحْرُوقْ بْ لْبْعَادْ . . . آشْنُه ذَنْبْ الْبْرَّادْ
آهْ يَا الصِّينِيَّة . . .

أَيَا نْدَامْتِي وُمَالْ سُكْرِي عَاجْزْ يْزُولْ هَادْ لَمْرُورَة ؟
أَيَا نْدَامْتِي وُمَالْ نَعْنَاعِي عَاجْزْ يِطْلْقْ لْخْضُورَة
مَالْ كُلّْ حَاجَة مَعْكُورَة . . . ؟
مَالْ دَاتِي هَكْذَا مَهْجُورَة . . . مَنْكُورَة مَقْهُورَة ؟
آهْ يَا الصِّينِيَّة . . .

يَاللِّي مَا شْفْتُونِي رَحْمُوا عْلِيَّــــــــــا وَأَ نَا رَانِي مْشِيتْ وُالْهُولْ دَّانِــــــي
وَاْلدِيَا وُاحْبَابِي مَا اسْخَاوْ بِيَّـــــــــــا بَحْرْ اْلغِيوَانْ مَا دْخَلْتُه بَلْعَانِـــــــــي

تَانْعْيّْطْ لَْلشِيخِي مَا تْضِِيقْ بِيَّا
أَنَا يَا مِيلاَفِي فِينْ نْبْغِي نْجِيكْ
وَإِلَى جِيتَكْ عْزِّينِي
يِجْعْلْ ذَنْبْ الدَّنْيَا عْلِيكْ انْتَ اللِّي فَارْقْتِيِنِي
وَتَانْعَيّْطْ للْشِيخِي مَا تْضِيقْ بِيَّا
غَرَضْ الله بُوعْلاَمْ الْجِّيلاَلِي

وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي

فِينْ الْبْنَاتْ تْجِيكْ لَابْسَة وُالْبُوكِيَّة
فِينْ لَكْسَابْ تْجِيكْ رَايْحَة وْقْتْ عْشِيَّة
وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي

وَالْدَّنْيَا مَثَّلَتْهَا لْبُوسْ الْعَارْيَة
طَاعْ الزِّينْ لْحَادَّة وُخِّيتْهَا وَرْدِيَّة
وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي

وَالْدِيَّا نَتْرْجَّاكُمْ لاَ تْلُومُونِي فَ الْكِيَّة
وَالْدِيَّا نَتَرَجَّاكُمْ لاَ تْلُومُونِي فَ اْلبَلْيَة
بْلِيتْنِي أَنَا . . . كِيْتِي أَنَا . . . أنْكَبَْتِي أَنَا بَكَّاتْ عَدْيَانِي
وَالْدِيَّا وَاحْبَابِي مَا سْخَاوْ بِيَّـــــــــــا بَحْرَ الْغِيوَانْ مَا دْخْلْتُ بَلْعَاني
وَأَنَا رَانِي مْشِيتْ وَالْهَوْلْ دَّانِـــــــي وَالْدِيَّا وَاحْبَابِي مَا سْخَاوْ بِيَّـــــــــــا
بَحْرَ الْغِيوَانْ مَا دْخْلْتُ بَلْعَانِي
'''''''''''''''''''''''''''''''''''''''''''''''''' '''''''''''''''''''''

[jawhar]

الصدمة
همومك ف حياتك صدماتـــــــك وبفعايـــل خوتــــــك هدماتـــــك
مصايبــك واحوالـــك ندماتــــك شوف كيف أمواج الدنيا غرقاتك
وُمــَـــا الدنــيــا إلا اســمــيــــة تغطي بها عل الوجوه ظلماتــــك
تْعَامِيتِي وتْخْفِيتِي وسط الظـلام بْقِيتـِـي جثـة ف لخـــلا مْرْمِيـَّــة
ضيعتــي مــن حياتــك عــــوام تهتــــي بيــــن النـــاس عــــوام
يِزِّيـــكْ مِــنْ لْكْــــلاَم الـخـَــاِوي
* * * *
يا الغــــادي ف سْـــدُولْ الـلـيـــــــل وما مضوي طريقه ب مشعل منور
اعرف اشحال من واحد عايش دليل لا نعاس جاه، ولا رزقه مصــــــور
شق طريقه ما وَاصْلْ فِـــيـــــنْ القــلب المجـــروح لابـــد ينيـــن
رَدَّدْ لْمْحَايْنْ بصُوت حْزِيـــــــنْ
* * * *
تعالي يَاوَا نْصْفِيوْ لحســـــــاب الخايــــن مِنـَّا يْلْگـَــى لْعـْـــــذَابْ
نحاسبـو اللـي كـان سبـــــــاب ودار مــن فلـــوس الخـاوا بــاب
* * * *
هذا عـــــل العبــــاد صَــايـْـــــلْ والكـــــــل ليـــــــه خـــــــــدام
هـــــذا ف زيـــــــن الــدنــيــــا قــــابــض قــبضــة مــا نـــــادم
هـــذا ف حياتــه مــا مْـعْـيّْـــــدْ والخــــــوف عــلـيــه قـــــادم
هـــذا بْ لْغـْـــــــلاَلْ مْقـْـيـّْــــــدْ واش أنــتــمـــــــا بنــــــــــــادم
الله يــــا ربــــي مــــولانــــــــا
لعفو . . . الله يـا ربـــي مولاي
________________________________ لبطانة

عبيد الصنك المعبود يا گلوب الحجر
گلوب طايشة مليانة ب لغدر
سلسلتو لقبور . . . ها الحق . . . وها المنكر
الخز للصخر من هم لبحر شكا
والرياح العاصفة هجرات البرق والرعد
ما بين صخرة جامدة وعوافي زاندة. . .
ل صهد الريح هامدة
هذا ب مهمازه ينغز . . . هذا ما يرد عليه
لا دوا يداوي
حسبت عشرة وعشرة عرفتها شحال تساوي
القرن العشرين هذا
عايشيت عيشة الذبانة ف لبطانة
راه الفرق عظيم بين التفاح والرمانة
واش من فرق بين أنت . . . وأنت . . . وأنا ؟
* * * *
مـــرحــبــا يــا مــرحـــبــــا والله يا سيدي مرحبـــــــــا
هدي دنيـــا هــــدا طمــــــع فيــــن غـــــادا يــا دنيــــــا
حــــال خــوتـــي عــذبــنــي فيــــن غـــــادا يــا دنيــــــا
حــــال خـــوتـــي مرتــنـــي فيــــن غـــــادا يــا دنيــــــا
* * * *
الـطيــــــور الــبــيـــــضــــا جـــيـبـــــــوا لامـــانـــــــة
تــــبــــــــان المـــحــــبـــــة نســـــلــــم لـــيــــكـــــم
نــــــرجــــاو النــــوبــــــــة ف طـــريـــق الخـــــــــاوة
تظــــهـــــر يــاقـــوتـــــــة نـــــــــورو مــهـــيـــاجـــة
* * * *
لــوعــاد كبيــــــر الفــــــــم لو نصدويهضر مورانـــــا
يقطـع فينـا صواصبلــــــــه وعــــيــبــه نــاســيـــــــــه
گولو له لو كان يتلهــــــــى ب عـــيـــبــه يــنــســانــــا
والى طل الصح عل لكذوب يـــفـــضـــح مــوالــــيـــــه
الحال الحال يا أهل الحـــال واللي ما فيه الحال يذبــال

[jawhar]

الحـــصـــادة

حَلاَّبْ حَلاَّبْ بُويَا لْحْلِيبْ
وَاهْ يَا سِيدِي وُلَنْوَارْ عْلِيكْ ضَاوْيَة
وَا طَيْرِي الطـَّيْرْ لَبْيَضْ
وَالرَّايْحْ لَزْوَرْ مْعَ لْعْشِيَّة
وَالعَارْ عْلِيكْ أَبُو حْمْرِيَّة حْمْرْ التْرَابْ
وَالحْمَامَاتْ الطـّوْبِيَاتْ . . .
وَالطـَّالْعَاتْ فُوقْ النَّخْلاَتْ
ِويْقُولُوا: الْمُولَى الرُّوحْ فْنَاتْ
تَعَالِي نْعِيدْ لِيكْ مَا جَارِي
أَنَا خَلِّيتْ رْسَامِي وُخَلِّيتْ الدّْرَاِري
* * * *
الزِّيـــــنْ و َالثْبـــَاتَـــا بــــــَابــــــــَا لاَ وَاهْ يَــــا بّـــَا هْـنِّـيـنـــــــــــــِي

الرّجْلَة وُالزْعَامَة خُويـَـــا
حـْـرْشْ الْعْيُــــونْ أَبـَـابـَـا
ِزيــــنْ لُـــوْلاَدْ أَخـُـويـَـــا
بـُـوكْ أَلاَلـَّــــة حـَــــــادَّة
اصْحَاِبي اصْحَابْ الجَّدْبَة
اصْحَاِبي اصْحَابْ القصْبَة
اصْحَاِبي اصْحَابْ العَشْرَة
عْمَّـــارْ لْمْطَامْــرْ سِيـــدِي
بْنـَّــايْ النّْـــوَادْرْ بَـــابَـــا
قْنْدِيـــلْ الظـْــلاَمْ أَ بَــابَــا
عْـلاَّمْ السّـلاَمْ أَخُويـَــــا
وَاَرْكْدْتُوا أَيَا الوَا لْعـَـــاتْ
* * * *
رَاهْ يْحُومْ كِيفْ الطّوِيرْ
سَالْ الطّالْبْ سَالْ الطّبِيبْ
سَالْ اللِّي هُمَا دَايْزِينْ
وَاشْ العْزْرِي تَاعْ السْبْيلْ
عاَدُ عْلِيهْ الْحَرَّازَة
بُو كُمِّيَة حْرْشْ لعْيُونْ
خُوك الطـَّفْـلَة سَرْ لَكْنُونْ
* * * *
سِيـدِي إِلَـى كـَانْ الكْــرَى نْكِْريــــــهْ إِ َلـــــــى كـَــــانْ الشـْــــرَا نْشـْــــرِيهْ
إِلَـــــــــى كـَــــــــانْ لَقْصَـــــــــــارَة نَهْـــــدِي عُمْــــِري عـْـلَــى قِْرينِـــي
وَايْلِي وْمَالِي وْكُلْهَا يْزْهِى مْعَ قِْرينُهْ
* * * *
اَلْخَيْـــلْ وَالخَيْـل تَرْعـَـى النـُّــــــوَارْ فِيـــــنْ وْلِيــــــدِي مُـــولْ الــــــدُّوَارْ
الخَيْــلْ وَالخَيْــل تَرْعـَـى البَهْمَــــــة فِيـــــنْ وْلِيــــــدِي مُـــولْ الدَّهْمَــــة
آه يـَـــــا مـُــــــولْ العـَـــــــــــوْدَة
عَنْدَكْ آوَا شِي عْيُونْ وُحْجْبـَـــــانْ ؟
* * * *
سيـدي نهـدي سالفـي من راســـــي نهــــدي شعــــوري مــن راســـــي
نهــــــدي خواتمــــي بثلاثــــــــــة ونزيد النبالة والخلالة على قرينــي
وايلي ومالي وكلها يزهى مع قرينه
* * * *

لالـَّـــة لالـَّـــة عْلـَــــى بُوكُمِّيـَــــــــة الفـْـرُّوجْ احْمْــرْ وُبَنَّــارَة ذَهْبِيـَّــــــة
سْعْدَاتْ اللِّي ارْضَى عْلِيهْ الغْزْوَازنِي سْعْدَاتْ اللِّي ارْضَى عْلِيهْ الكْنْفَاِوي
وُهَادْ المَجْدُوبْ مَا بْغَا غِيرْ الجَّدْبَـــة وْهَاد ْالمْجْدُوبْ مَا بغا غِيرْ القَصْبَـة
جَـابْ الحَوْلِـي وْكْتْفـُو بِيـنْ يِدِيَّـــــــا مْيَـــــة عـْـلاَمْ دَايْــزَه تَحْـتَ عْلاَمـُـه
لالـَّــة لالـَّــة عَلَــى ِزيـــنْ النِّيَّـــــــة لالَّـــة لالَّــــة عَلَـى ِزيـــنْ السّْمِيَّـــة
وُهَادْ المَجْدُوبْ مَابْغـَا غِيرْ الحَضْرَة
________________________________

آهَــا فـِيــنْ

إلَى أنَا هـَـايـْــمْ طـــول أيــــامــــــي
راه مواجك العالية بدات تـــتــلاوح
إلى أنــا شــارب كــاس سقـــامـــي
هاني ب لهموم وعــايــش مــعـارك
آرا عذابك لا يــهــمــك تـَذْمـَــامـِــي
ب رْيُوسْ لْحْزَانْ موالــف نْـتْـنَاطْحْ
زمــان الذل صــيـــاد لــلـــرامـــــي
جبال التيهان راه عقلي مـــتـــدارك
كلام الشيطان رديتيه كــــــلامـــــي
كلام الشيطان غـَــطـِّـتِيــهْ بْ إِزَارَكْ
غرك جهدك وحرگتي عـــــلامـــــي
علام السلام في أرضي يــــتــلاوح
بسلاسل الجهل هدمتني ارسامــــي
بنسور الظلم راك غرزتي مسمارك
عذاب خوتي مْكْحّْلْ ســـحــــابـــــي
يكفاك يا بنادم ما درتي لـصـــــلاح
يمين وشمال سباب لْـــجـَــــامِــــي
أنا الإنسان وما غرضي فْ هْـــلاَكْ
* * * *
أها فين يمكن نلگى مرادي
أها فين يمكن نلگى اللي بغيت
أها فين يمكن نلگى ما ناوي
أها فين يمكن نلگى نواجه لقساوة

[jawhar]

أتمنااأن تكون مشاركتي طيبة)[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل])

[jawhar]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[akramino]

l3azz rak 3ajabni wasil wasil anta lbassil

[anas1100]

akramino machkour 3ala lmourour tbarklah 3lik

[anas1100]

hachi zwin asi jawhar alah ikhalik dima haka wakha rak sahbi ou ktare mn sahbi

[moses46]

شو هالكلام ...؟؟
وباي لغه يقرأ..!!!
موسى

[fakir32]

..رائع اخي .شكراااااااااااااااااااااااااااااااااااااااااااااا اا