اقرا الفاتحة ينالكم الثواب

[اشوربانيبال]

بسم الله الرحمن الرحيم

اخواني اريد اتساعدوني بفكرتي ويارب تكون ولو شي بسيط نكدر أنسوي لاهلنه واخوتنه العراقيين كلكم تعرفون انه احنا خسرنا هوايه ناس ابرياء ما الهم ذنب غير همه وتعرفون هوايه شباب ورود راحوا من اخوان واقارب واصدقاء وجيران وهذوله اهاليتهم تعبوا عليهم وجانوا بالنسبه الهم امل يمشي عالكاع الام او الاب يشوفون ابنه يكبر كدام عينهم حرموا نفسهم من كلشي لاجل املهم والابن يكبر ويتعلم حتى يكون عنصر فاعل بالمجتمع وبلحظه يتبخر كلشي ويموت هذا الانسان على ايد شي تافه ميستحق نكول عليه انسان احنا خسرنه هوايه ناس واقل شي انقدمه الهم واللي يوصلهم هو الرحمه والدعاء وسور القرأن وبالاخص الفاتحه خلي نبدي يومنا وصباحنا بقراءة صورة الفاتحه والدعاء لكل مظلومينا بالرحمه اخواني واخواتي والله هوايه بداخلي كلام بس ما اريد اطول عليكم هله هله بالعراق واهل العراق كل واحد من مكانه يحاول ينهي هذا الشي اللي يشتغل يخلص بشغله كل انسان على قدر أستطاعة وبعون الله عز وجل وبجود الطيبين تفرج .. ما اوصيكم اخوان الفاتحه على روح كل مظلوم وانشروا هذا الايمل لان ما اعتقد اكو انسان بينا ما فقدله عزيز وميريد توصله رحمه ويمكن نكون بشارة خير من الله...... اوصي اخوانا من باقي الاديان بان يدعوا لكل العراقين