شئ مش فاهماه...!

[guest]

أخواني الأعزاء رجعت أقرفكم بمشاكلي بس تعملو أيه قدركم ونصيبكم ومفيش منه مفر
من حوالي أسبوع جالي شغل وحكيتلكم عنه بس المشكلة أنه نت أول يوم شغل حسيت أني مش مرتاحه فيه وحسيت نفسي هعيط من أول يوم وأنا وسط الشغل وبالرغم من أن الشغل بالمعرض مدته أسبوع لكني لولا أتفاقي مع المسؤلة كنت عايزة اترك الشغل لكن أعطيتها كلمه وما ينفعش أرجع فيها المهم كنت بنتظر الأسبوع يمر بفارغ الصبر وكنت بقول أبصم بالعشرة مش هرجع أشتغل كده تاني ولكن في أخر يوم شغل وأنا راجعه للبيت بكيت بالسيارة حسيت أني متضايقة جدا يمكن لأني هرجع لنفس الروتين بالبيت بس أنا ما حبيت الشغل صراحة بقيت مش عارفه انا عايزه ايه وفضلت طول الليل أعيط وبعدها يمكن ب 3 أيام أتصلت عليا المسؤلة وقالت أن في معرض تاني وعايزاني أشارك فيه لقيتني ومن غير تفكير قلت ماشي انا موافقة أنا بجد مش عارفة ليه عملت كده بس بصراحة يمكن أتحرجت منها لأنها واحده كتير محترمة وطيبة ودايما تقولي انتي بنتي كمان روتين البيت محسسني بالملل بس الشغل مش مريحني مش عارفه بقيت أحس نفسي شي معقد حتى أنا مش فاهمه نفسي يا ريت تنصحوني يمكن تشوفو فيني شي انا مش شايفاه وانصحوني اعمل ايه بالشغل اللي وافقت عليه هو هيبتدي أخر الشهر ده بأذن الله يعني لسه في مده وأنا عايزاه عشان أهرب من روتين البيت ومش عايزاه عشان مش مرتاحه فيه شوفو أنا لو كتبت أكتر هعقدكم معايا بحس بكلامي اني بقعد الف حول نفسي
وبتمنى أشوف ردودكم ..... ولكم الشكر

[kitty-kitty]

اختى الكريمه براحتك اقرفينا من هنا للصبح انتى زى اختنا
حبيبتى حاولى انك تدورى على شغل تانى غير دا يريحك وفى نفس الوقت يبعدك عن الروتين الممل
حبيبتى لازم كل واحد يعمل اللى بيحبه لانك لو اشتغلتى فى حاجه انتى مش حباها مش هتدى فيها ولا تتقنيها زى لو حاجه انتى حباها
حاولى تصلى صلاة استخارة وربنا يهديك ان شاء الله ومين عالم ربنا يعوضك خير عن الشغل دا وتلاقى شئ بتحبيه

[أم ياسمين]

السلام عليكم ورحمة الله تعالى وبركاته
اختي فعلا اذا حسيتي انك غير مرتاحة في الشغل اعتذري وربنا يعينك وتلاقي شغل احسن ان شاء الله
والروتين يا غالية حطميه عن طريق عمل جدول لاعمالك كل يوم يعني خصصي وقت لقراءة القرآن ولما لا حفظ جزء منه ووقت للصلاة "اقصد النوافل" وجزء للرياضة وجزء لقراءة اي كتاب مفيذ وجزء لزيارة الاقارب او المعارف وجزء لعيادة المرضى ووووووو
وربنا يارب يعينك ويوفقك

[guest]

الرقيقه كيتي شكرا على نصيحتك وفعلا لو مش حابه الشغل مش هقدر اعطي فيه وبأذن الله اصلي صلاة استخاره ولكي تحياتي رقيقتنا

[guest]

العزيزة ام ياسمين بالرغم من الملل اللي انا عايشه فيه لكني عمري ما فكرت اعمل جدول يومي بس فعلا فكره حلوة أما الشغل فربنا يجيب اللي فيه الخير بس بجد حاسه اني فعلا هعتذر بس المشكله ان شخصيت المسؤله وطيبتها مخجلاني اقولها لا ربنا يجيب اللي فيه الخير ولكي تحياتي يا غاليه

[ضى القمر]

حبيبتى اولا مقرفتناش ولا حاجة بالعكس بقى
فترة غيابك اللى فاتت دى كانت محسسانا ان فى حاجة ناقصة
انت اختنا الغالية
حبيبتى بتعالجى مشكلة(الروتين)بمشكلة تانية(شىء مش حباه)
زى ما قالت كيتى هتستمرى فيه ازاى كفاية احساسك انك بتعملى حاجة مش حباها
صلى حبيبتى صلاة استخارة وربنا يقدم اللى فيه الخير ليكى يارب
وان كان على هذه السيدة ممكن تعتذرى بكل زوق انك مشغولة مش هتقدرى مسافرة اى حاجة
وربنا يوفقك انا اعتقد ان البيت ارحم بجد
اة ينعم كله روتين مملل بس زى ما ام ياسمين قالت غيرى من يومك حبيبتى
نمى مواهبك اى حاجة
ربنا يكرمك يارب ويوفقك
ومتنسيش تبلغينا قرارك النهائى
تحياتى ياغالية

[tweety 2007]

اختى لا تروحي شغل انت ما بتحبيه حتتعبي اكتر تحياتي

[guest]

أختي ضي بجد عندك حق البيت أرحم اني اعمل شي مش حاباه وبأذن الله هبقى اقولكم على قراري وشكرا على مشاركتك
أختي تويتي شكرا على ردك

[الحب الكاوي]

المشاركة الأصلية كتبت بواسطة guest

أخواني الأعزاء رجعت أقرفكم بمشاكلي بس تعملو أيه قدركم ونصيبكم ومفيش منه مفر
من حوالي أسبوع جالي شغل وحكيتلكم عنه بس المشكلة أنه نت أول يوم شغل حسيت أني مش مرتاحه فيه وحسيت نفسي هعيط من أول يوم وأنا وسط الشغل وبالرغم من أن الشغل بالمعرض مدته أسبوع لكني لولا أتفاقي مع المسؤلة كنت عايزة اترك الشغل لكن أعطيتها كلمه وما ينفعش أرجع فيها المهم كنت بنتظر الأسبوع يمر بفارغ الصبر وكنت بقول أبصم بالعشرة مش هرجع أشتغل كده تاني ولكن في أخر يوم شغل وأنا راجعه للبيت بكيت بالسيارة حسيت أني متضايقة جدا يمكن لأني هرجع لنفس الروتين بالبيت بس أنا ما حبيت الشغل صراحة بقيت مش عارفه انا عايزه ايه وفضلت طول الليل أعيط وبعدها يمكن ب 3 أيام أتصلت عليا المسؤلة وقالت أن في معرض تاني وعايزاني أشارك فيه لقيتني ومن غير تفكير قلت ماشي انا موافقة أنا بجد مش عارفة ليه عملت كده بس بصراحة يمكن أتحرجت منها لأنها واحده كتير محترمة وطيبة ودايما تقولي انتي بنتي كمان روتين البيت محسسني بالملل بس الشغل مش مريحني مش عارفه بقيت أحس نفسي شي معقد حتى أنا مش فاهمه نفسي يا ريت تنصحوني يمكن تشوفو فيني شي انا مش شايفاه وانصحوني اعمل ايه بالشغل اللي وافقت عليه هو هيبتدي أخر الشهر ده بأذن الله يعني لسه في مده وأنا عايزاه عشان أهرب من روتين البيت ومش عايزاه عشان مش مرتاحه فيه شوفو أنا لو كتبت أكتر هعقدكم معايا بحس بكلامي اني بقعد الف حول نفسي
وبتمنى أشوف ردودكم ..... ولكم الشكر

التردد في القرار والموقف سمه غير محببه ........ فكري وحللي وقرري

[guest]

أخي الحب الكاوي شكرا كتير على نصيحتك وربنا يكتب اللي فيه الخير