ياوقت قلّي ليش بالماضـي تعـود
وترد شيّ(ن) كاد يرحل مَ الوجـود
وتعود في وعدك وتخلف بالوعـود
وعد(ن) قضى خَص الليالي الماضيَه
--------------
ماودي اذكر وانت ترجـع تفتكـر
يالين حتى مـا بقـى فينـي فكـر
ياوقت..قم لي واعتذر..وش تنتظر؟
انهي قصيدي؟ لا ومانـي بناهيَـه
-------------
اعاندك واكسر عنـادك واكسـرك
والعن مصيرك لين محد(ن) يذكرك
وامحي وجودك واحقرك واستحقرك
واكشف مصيري والليالي اللافيَـه
-------------
ياوقت قلّي وش هو الـي تستفيـد
غير العذاب الي تكرر مـن جديـد
غير الحروف الي غدت دمع القصيد
لا مـن وزن ..لا قافيتهـا قافيَـه
------------
قلّي وش الي زود عندك من عذاب
صد وحزن وفراق واشواق وعذاب
ماهاب..حتى لو تبا قص الرقـاب
خالي ..وتدري باليدين الخاليَـه !
-----------
اقلب وعدّل واعمل وسوّي عمايل
ياوقت..مثلك مايجي منّه هوايـل
لا ماتهز الريح ولـدان الحمايـل
لو هزّت اجبال الرواسي العاليَـه
---------
ياوقت سيفك ما قطع حبل الامل
راسي علا والياس عني ما رحل
والعين للواطي نظرها ما نـزل
والشمس..لوخلف السحابه دافيَه
30-08-2006, 05:38 PM
ذكرايات 
العرض العادي
