الكلاب

[selzy_84eg]

انا حلمت امبارح انى كنت بكلم واحدة صحبتى وبحكلها انا هعمل اية فى الفرح وانا فعلا مخطوبة وبعدين بصيت على الساعة ولقيتها 11 الا تلت الا ربع مش فاكرة بالضبط واختى كانت لسة مرجعتش من الكلية وماما كانت نايمة فوقفت فى شباك وقعدت ابص عليها جت ولا لسة وكان فى الشارع اتنين واحدة عجوزة واحد وبعدين ظهرت هى وهى راجعة كان فى كلبين من بعيد وانا كنت عايزاها تيجى قبل ما يجو وهى فعلا عدت قبلهم بس جت تدخل من البوابة لاقت كلب كبير واقف على باب البوابة من تحت وانا لفتلها فى بلاكونة وجبت مشابك وقعدت اخبط فى الكلب علشان يمشى بس ممشيش راحت هى لافة وقعدت تخبط فية كتير لغاية ممشى ودخلت وانا برجع من البلاكونة لقيت كلب صغير وخبطت فية وخفت خالص ورحت لماما وقلتلها ان الكلاب دى كلها لازم يرموها وفعلا ايجة واحد وقعد يلمهم فى كيسة علشان يرموهم وبعدين كان فى حوالى 3 او اربع كلاب بس كانو متغطين ببطانية وانا برجع خبطت فى واحد وتقريبا وقع دخلت الاوضة وكانت اختى نايمة على السرير لقيت ماما جايبالى كلب من المتغطين ومصممة انى لازم المسة من تحت البطانية وانا كنت خايفة ومش راضية بس هى خلتنى المس جسمة من البطانية وانا عيطت عياط بس غريب زى ما يكون ضربت عيل وحبس العياط بيعيط بحرقة بس من غير صوت/انا مخوبة وفرحى كمان 3 شهور ارجو التفسير

[ابو حمزة]

لو سمحتي بياناتك


العمر
الجنس
الديانة
الوضع المادي
درجة الالتزام الديني
موقع السكن
الوضع النفسي
وقت مشاهدة المنام
العمل وطبيعته
تاريخ مشاهدة المنام
هل حدثت نفسك بما رئيته قبل ان تراه او فكرت به

[selzy_84eg]

العمر 22 س
انثى
مسلمة
متوسطة ماديا
معتدلة بصلى وبصوم وبقرا قران
مصرية الشرقية
عادى مافيش مشاكل
انا صليت الفجر ونمت بس لما قمت من النوم كان حوالى الساعة 10 ونص الصبح
انا خريجة اداب ومبشتغلش
يوم الاحد 20/5
لا متكلمتش مع حد فى حاجة بس انا يومها السبت الصبح شفت فى الجرنال كلبة كانت حامل والبوليس اطلق النار عليها وماتت

[selzy_84eg]

المشاركة الأصلية كتبت بواسطة selzy_84eg

العمر 22 س
انثى
مسلمة
متوسطة ماديا
معتدلة بصلى وبصوم وبقرا قران
مصرية الشرقية
عادى مافيش مشاكل
انا صليت الفجر ونمت بس لما قمت من النوم كان حوالى الساعة 10 ونص الصبح
انا خريجة اداب ومبشتغلش
يوم الاحد 20/5
لا متكلمتش مع حد فى حاجة بس انا يومها السبت الصبح شفت فى الجرنال كلبة كانت حامل والبوليس اطلق النار عليها وماتت

وانا مخطوبة وان شاء اللة هتجوز فى 9

[selzy_84eg]

لو سمحتو الحلم دة بقالة اكتر من اسبوع ومحدشة فسرة

[selzy_84eg]

لو سمحتو انا عايزة افسر الحلم حتى لو كان تفسيرة مش كويس

[abu kareemo]

الاخت الفاضلة
هي ربما مشاكل بسيطة من بعض الاقارب على اغلب الظن اقارب الخطيب ربما ستحدث قبل إتمام الزواج لكنها ستمر ببساطة وبدون خوف ولن تسبب لكي مشكلة كبيرة
والله اعلم
"وإحذري ممن سيدخلون عندك في بيت الزوجية وتقومي بتشويفهم الشقة والجهاز وهذه الامور فربما بعض الاصدقاء يحسدونك والله اعلم"