يا بنات نصائح ايام الخطوبه علشان متفضحوناش

[warda84]

اجمل ما فى الخطوبه الخروجات الرومانسيه و خصوصا لاحلى محلات اكل فى البلد اللى مش هتشفيها بعد الجواز..المهم نصائحى ليكى عند اى عزومه مع خطيبك ...الرقه اهم حاجه]

]1-
1-الاول لازم تعرفي ان الشوكه و السكينه بيتمسكوا من ايديهم من الطرف يعنى مش من الوسط ولا من البوز زى الخنجر ولا من فوق طبعا.

2-العيش اوعى تفضحينا وتقطعيه بسنانك..ولا الرغيف نصين باءيديك وكل نص لقمه وتحشري..اوعى..العيش بيتقطع بالسكينه فى الطبق...وبعدين تاخذى لقمه لقمه..بالعافيه..قال يعنى نفسك مسدوده.....اضغطى على اعصابك جداا وبعدين لما تروحى ---ابقي حففى زى ما انتى عايزة.

3-الشوربه_ابوس رجلك_بند الشوربه ده مهم اوى_الشوربه تتشرب من غير صوت خالص _ومن غير ما تعدى تنفخى فيها_زى القهوجي اللى بينفخ فى الحجر للزبون...وطبعا عايزاكى تنسى تماما السلطانيه اللى بتقوميها على بقك فى البيت_وتدلقى على نفسك. .......بالمعلقه و بدون صوت_سخنه ولعه بدون صوت...متنسيش تسيبي تلت الطبق على الاقل.

4- السمك:مشكله تانيه..شوفى..بتفصلى اللحم عن الشوك..ازاى؟؟؟ تقطعى اللحم من النصبالطول..وبعدين تفردى اللحم على الجنبين...ولما تخلصي ناحيه متقلبيش السمكه..بلاش شغل الفلاحين ده

5-الجمبري: اذا كنتى عارفاه..اول ما طبق الجمبري ينزل..بصيله بقرف و احتقار شديدين...ال يعنى زهقانه من كتر اكل الجمبري الجامبو فى البيت...واتنهدى جامد وقولى...برضه؟؟_وتروحى قطعه راس الجمبرايه بالشوكه...انا فى عرضك امسي المصمصه دلوقتى.

6-الفاكهه:لو فيها بذر طلعيه من بؤك براحه و حطيه فى ايدك و هى مقفوله ...وبعدين فى طفاية السجاير اللى على الترابيزه...بلاش نظام تفتفة البذر ..انسي.

"لما تخلصي حطى ايدك على بطنك اللى عصافيرها بتصوصو من العينات اللى كلتيها...وتقوليله مش ممكن انا عمرى ما اتفجعت كده..انا ادامى اسبوع هبطل اكل فيه".
"وبعدين تستاذنى منه لدخول التواليت لاصلاح المكياج،،،وتروحى مطلعه من شنطتك فى التواليت لفة الفول و الطعميه اللى جايباها معاكى ...وبالهنا والشفا

الله يبارك فيكي اختى على النصائح مشكورة

[alex-muslim-girl]

موضوعك رائع وجميل
دمك زي العسل والشربات
ههههههههههههههههههههههههههههههههههههههه
بس نسيت تقوليلنا المشروبات الثيك تتشرب ازاي بالشليموا( المصاص للمشروبات )زي عصير المانجا
وتخيلي كمان لو جت لبنت كحه او زغتة بجد موقف محرج جدا في المطعم وكمان قدامه
هههههههههههههههههههههههههههههههههههه
بس فعلا نصائح مفيدة

ربنا يكرمك انشاء الله ويرزقك بالامور الي يفوز بيكي
ولو ربنا رزقك خلاص عقــــبــــــــــــالــــــــــــــــــــنا يــــــــــــــــارب إنشاء الله تكوني سعيدة طول حياتك دنيا واخره

[warda84]

مرسي حبيبتي كتير على الكلام الحلو
والله انت الي دمك زي العسل

[اشتاقينا]

خخخخخخ حلوه كثير هالنصائح

[hasna ottengren]

lich koli hada manibka tabi3iyen ahssan

[الملكه بوبه]

والله دمك شربات مكرر ميرسى على النصايح واوعدك اول ماتخطب ده لو يعنى حصل؟؟؟؟؟ وطلع عندو زوق وعزمنى على الغدا هعمل كده وهدعيلك ميرسى ياقمر

[غاوى حب موت]

موضوع قيم جدا جدا

[علي الغريب]

المشاركة الأصلية كتبت بواسطة warda84

"وبعدين تستاذنى منه لدخول التواليت لاصلاح المكياج،،،وتروحى مطلعه من شنطتك فى التواليت لفة الفول و الطعميه اللى جايباها معاكى ...وبالهنا والشفا

وعلى شو العزومه والمطعم ؟؟؟
ما لفة الفلافل بتكفي واقتصاد يعني مش بخل
يسلمو بجد حلوه

[aiyoub mamat]

مشكووووووره على الموضوع جدا جدا....طيب والمكلخه وما تعرف شو تسوى؟؟؟