بين النســــاء بالشـــــكل تلقى بـــديــــــله

[عبدالله المرشدي]

مصافحة اولى آمل ان تنال رضاكم واستحسانكم (القراءة اولى من الردود)

الشعر ولّع في خفوقي فتيله=باقصى معاليق الحشا تشعل اشعال
ماكل بيتٍ نسمعه نهتويله=بعض البيوت يمر ماكنه انقال
ان ماكسبت الشارده والجزيله=مالي مع اهل العرف مخرج ومدخال
الهرج واجد والفوايد قليله=وقت الصمايل تختلف بعض الاقوال
قولٍ بليا فعل وش ترتجي له=ضربٍ من التظليل وازعاج واجدال
احدٍ يحصل من كلامه فشيله=واحدٍ تشيله كلمته فوق ماطال
اللي يبي درب الخنا والرذيله=يطلق عنان النفس ويعاشر انذال
على طريق الغي يلقى زميله=والكل منهم لاسود الفعل يحتال
واللي يبا العليا يروم الطويله=يسعى لها ويثبت اقوال بفعال
يمشي على درب الشرف والفضيله=ماينحني لو فيه كف الدهر مال
يسعى لكسب الغانمه والجميله=ويحط له في ماكر العز منزال
اللي يبي قطف الزهر ينحني له=ماتكفي النيه لتحقيق الآمال
نيل المنى لابد له من وسيله =بالصبر والمجهود يتغير الحال
من غاص في غب البحور المهيله=لابد يصبر لين ياقف على الجال
لاصرت في غربه يبي لك دليله=بس البلا لاصار في مخك هبال
مايقنعك شرح العميل لعميله=يبلش بك اللي مقصده ينصح الضال
الحر في دربه يخاوي مثيله=والبوم ماله بالمراقيب مدهال
ممشى الهبيل بجنب ناسٍ هبيله=لو يعرفون الدرب مافيهم الدال
العاقل ان ماجاك حاول تجي له=احذر تماشي في مماشيك جهال
ترى الخوي لازم خويه يشيله=واحد من الاثنين لابد ينشال
النفس تهوى كل برقٍ تخيله=لاهملتها ترميك في وسط الاهوال
احذر تطاوعها بما تشتهي له=اضغط عليها لين ترضى بالاحوال
ترى القناعه للنفوس العليله =تحصين حتى عن مرض جمع الاموال
اد الصلاه الواجبه والنفيله=صم وتزك وحج ياطيب الفال
احرص على الارحام واللي تعيله=وامك وابوك اجزل لهم كل مكيال
والجار له حقٍ حرامٍ تزيله=وفه حقوقه واعذره كل ماعال
البخل رسمٍ بالوجيه البخيله=يبين لاجا صاحبه يدفع ريال
والبيض يكفي من هواهن حليله=تحفظك في غيبتك وتربي اجيال
بين النساء بالشكل تلقى بديله=فرقٍ بسيط وجوهر الشكل لازال
الفرق يظهر بالصفات النبيله=بالعقل والاخلاق ماهو بالازوال
احرص على بنت الرجال الاصيله=السالمه من هرجة القيل والقال
اسئل عن المنزال قبل تعني له=ماكل شجره ينوجد تحتها ظلال
ماكل وادي لو تسايل مسيله=تطلع بوادر بذرته عقب ماسال
وقت الرخا يطلع لك الفين حيله=تلقى الخوي والجار والعم والخال
ووقت الشدايد تنصدم بالحصيله=يطلع لك النصاب والنذل والذال
تلقى خويٍ شهم يسوى قبيله=والا الدويني منظره بس تمثال
الطيب ميزه والفعول تهدي له=ماكل من يلبس من الشمغ رجال
قافٍ دعاني مابغيت ارتكي له=فجر بجوفي من عنى الوقت زلزال
حاولت ابين زبدته وتحليله=في نص ساعه سقته اقفاي واقبال
قلته وقلبي فوق صلو المليله=وارتاح بالي يوم روضت الامثال
وصلاة ربي عد وبل المخيله=على الصدوق الصادق بكل ماقال

[الوااااافيه,,,]

الله الله عليك أخي الكريم صــــــــح السااااااانك ولاهنـــت...

قصيدة جميلة ننتظـــــر جديدك...

[كـاسـ vip ــبر]

صح السانك وعلا شانك

الف شكر اخوي عبدالله على القصيدة الرائعه

احترامي وتقديري

[قيس ابن الملوح]

صــــــــــــــــــــــــــــــــح لسانك

[تركي فقط]

تسلم اخوي عبدالله وصح الله لسانك وصح الله بدنك( نيابه عنك)

[Blue Berry]

صح لسانك أخ عبدالله
لاشلت يداك على القصيدة الرائعة
ننتظر المزيد من ابداعاتك

[يتيمه ويكفي]

صح السانك شاعرنا


قصيده روعه

وربي اعجبتني

بس كلمات مافهمتهاا( صلوا المليله --وبل المخيله



بالعقل والاخـلاق ماهـو بـالازوال
احرص على بنت الرجـال الاصيلـه
السالمه من هرجـة القيـل والقـال
اسئل عن المنزال قبـل تعنـي لـه
ماكل شجره ينوجـد تحتهـا ظـلال
ماكـل وادي لـو تسايـل مسيلـه
تطلع بوادر بذرتـه عقـب ماسـال
وقت الرخا يطلع لـك الفيـن حيلـه
تلقى الخوي والجار والعـم والخـال
ووقت الشدايـد تنصـدم بالحصيلـه
يطلع لك النصـاب والنـذل والـذال
تلقى خـويٍ شهـم يسـوى قبيلـه
والا الدويني منظـره بـس تمثـال
الطيب ميـزه والفعـول تهـدي لـه
ماكل من يلبس من الشمـغ رجـال
قافٍ دعانـي مابغيـت ارتكـي لـه
فجر بجوفي من عنى الوقت زلـزال
حاولـت ابيـن زبدتـه وتحليـلـه
في نص ساعه سقته اقفاي واقبـال
قلته وقلبـي فـوق صلـو المليلـه
وارتاح بالي يوم روضـت الامثـال
وصلاة ربـي عـد وبـل المخيلـه
على الصدوق الصادق بكـل ماقـال

هذي الابيات قمه وربي


لاعدمناك ابداا


بس


انا

يتيمه ويكفي

[الحب الكاوي]

صح لسانك أخ عبدالله
لاشلت يداك على القصيدة الرائعة
ننتظر المزيد من ابداعاتك

[همــ الشفاة ـــس]

أهنيك عالإبداع وأحييك عليه بجد مبدع أخوي عبداللله وننتظر منك المزيد تقبل مروري المتواضع

[فارس المفرده]

جزل القصيد

صح لسااانك ولاهنت


يظل الشعر بخير بوجود امثالك

كل الود