انواع البنات بالماسنجر؟؟هع هع

[الراهـvipـي]

أنواع البنات بالماسنجر

العاقلـــــــــــــــــــه!!

لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..

واذا أحد ارسل لها فايل او رابط اغنية حطت له علامة استفهام وتسكت نص ساعه ماتكلمه..

ولما تكون متحمسه في الكلام.. تكتب كل كلمة في سطر وتضغط انتر.. تخاف من الاخطاء الاملائيه.


وضحكتها عبارة عن ابتسامه واذا كانت مستانسه واجد تحط ثلاث ابتسامات.



المصلحجيــــــــــــــــة!!

ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم متواجده وساكته..

وتستخدم مشغول أو في الخارج.. واذا احتاجت مساعدة تجيك وتسلم عليك وتقول وينك من زمان
ماشفتك؟ شدعوه

ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في الدراسة.. لووووول حلوه الترقيعه


وبعد ماتخلص مصلحتها تقولك عن اذنك بروح اكمل مذاكره واختي بتستخدم الجهاز مكاني لاتكلمها بليز لووووول.


الرسميــــــــــــــــــــة!!

ترتب المجموعات الى قسم العائله و قسم الزملاء فقط.. طبعا مافيه قسم اصدقاء.. واغلب كلامها مثل.. احترم نفسك..

رجاء هذي امور خاصة فيني.. ولما تسالها شخبارك؟ ترد انا بخير وتسكت.. واذا سلمت عليها ترد وعليكم وتسكت..

ولما تعطيها اهداء تقولك شمعنا انا بالذات؟ لووول ياحياة الشقا.. واغلب وقتها تقرا مواضيع في المنتديات

في قسم الرأي الاخر.. وتعشق برنامج الاتجاه المعاكس.


الهبلـــــــــــــــــــــة!!

هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا ثلاث سطور..

واغلب كلامها بالصور.. تستخدم كل صور الماسنجر وغلطاتها الاملائية كثيرة.. وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..

وتقرا العناوين الرئيسية في الجريدة وتجي تسال عنها.. ينقالها متابعة الاحداث العالمية خخخخخخ.
وكل شوي تغير الصورة الجانبيه.. والنك.. ولون الخط لوووول.



الدفشـــــــــــــــة!!

تغيب أيام طويلة مادري وين تروح وترجع فجأة.. وكلماتها مثل.. شخبار امك عساها طيبة؟

يالله اذلف..اقلب وجهك.. ابي فزعه.. لاتزعل من اخيتك ترى اضحك معاك..
ودايم تطيح الميانة.. وثقافتها ماتعدى المتوسطه.. وتفكيرها في البر والتشفيط والددسن..

وتمووت في اغاني خالد عبدالرحمن..لووووووووووووووول

وماتعرف من العطورات غير دهن العود ابوعشرين.. ولو كلمتها عن ماركة قوتشي او

ديور بتقولك مقاطعة الامريكان.. وضحكتها هع هع هع

وتكتب بلون اسود لانها ماتعرف تغير الالوان..حدي لوووووووووووول



البطـــــــــــــــة!!

طباخة ممتازة وتحب تسولف عن الاكل.. ودايم جوعانه.. ونقطة ضعفها الجالكسي جواهر والاندومي.

. وقبل موعد العشا بساعه يكون مزاجها متعكر ودايخه و تسولف من غير نفس..

ولما ينادونها للعشا تقفل الماسنجر بسرعة البرق.. لوووول وعادة يكون نكها فراولة

او شوكولاته أنيقة او رمانه مخصرة..

ودائما تتكلم عن تجاربها الفاشلة في الريجيم .. مستحيل تشوفها في النهار لان الجو حار.

. اوقاتها من العصر و طالع دمها خفيف ومرهفة المشاعر وأقل موقف ممكن يبكيها.

البريئـــــــــــــــة!!

عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة تتأثر.. وكل يوم تسألك كم عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد
في العصر و المغرب لانها تنام امبجر.. ماعدا يوم الخميس طبعا..
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في المدرسه..

لو بلغتها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع رجول.. حتى انت لو تمشي على اربع بتخاف منك.

الشينــــــــــــــــــة!!

اسمها الحقيقي نوره او ساره او حصه او عنبره او رقيه.. ويعايرونها في البيت ام ضرس او الحولا او البطه او ام جبهة..
وتجي الماسنجر تتميلح وتقول اسمي الجوهره أو مشاعل او فاتن او شهد او ريم.. ودايم تنتقد

تحتار كيف ترضيها.. تعطيها اغنية تقولك ماحب الاغاني.. تعطيها كرت تقولك انا مو بزره جدامك.

. تشبه سنفور غضبان كل شي يضايقها وكل شي يزعلها..

تكره اليسا ونانسي وتموت في الطقاقات.. ماتعرف تجامل ولاتمدح الا نفسها..

دايم توصف نفسها بالجمال والرشاقه..
تختار اسماء مثل الدلوعة.. الفاتنة.. الماسة.. أميرة.. الى اخره.


المتزوجــــــــــــــــــــة!!

هذي ممكن تكون سبب في كرهك للزواج.. كل سوالفها عن مشاكل الزواج و غثى ورعان

وفجأة تقولك برب وتروح تصارخ على ورعانها وترجع

وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل الماسنجر

في وجهك وتطلع من غير لاتقول باي لوووول..

اوقاتها مختلفه مالها وقت محدد.. وترز صورة ورعانها في الماسنجر ينقالها تحبهم لوووول..

شعارها يازين حياة العزوبيه

نكها مثل المهمومه.. الجريحه.. المهاجره.. وتحب تسمع الكلام العاطفي وأغاني عبدالحليم..

مزاجها متقلب مره تضحك ومره تبكي واحيانا..

>>> على حسب زوجها مرضيها ولااااااااا لأ. .

منقول
ولايزعلون البنااااااااااااات والله شكلهم بيزعلون علي ........

[بنت جده وتفتخر]

يسلموو ع الموضوع ومني عارفه اش فيك اليوم ع البنات


بنوته جده

[الراهـvipـي]

والله مدري شفيني هع هع هع هع
ولاتاخذين بخاطرك يالغاليه........
كله مزح وضحك ........

[كويتيه وافتخر]

لووووووووووووووووووووووووووووول

[هياااوي]

صحيح كلام بنوته وش فيك اليوم على البنات موعاجبينك على العموم مشكوووووووووور
كل شي يجي منك حلووووووووو هع

[سالمين2005]

برااااافو عليك يا ابطل
موظوع فى محله لاكن مووووو كلهم
ولى على راسه..............؟ خل اى وحد تكمله


مشكوووور اخوى نهاية

[عيون الغزل]

يسلمووووووووو اخوي على الموضوع

تحياتي عيــــــــــــــــ الغزل ــــــــــون

[الراهـvipـي]

مشكورين على مروركم

[لحظة شروق]

أخي ( نهاية قصتي )

لاجل ما يزعلوا البنات وياخذوا بخاطرهم منك ....

ياليت تتحفنا بمواقف الشباب مع الماسنجر .....

وإلا نترك هالموضوع لهم ....؟؟؟؟
سلمت عزيزي ....................... أخوك ( لحظة شروق )

[الراهـvipـي]

والله يالحظه شروق مااشوف شي يعيبنا احنا يالشباب.......
ههههههههههه
ولا شرايكم ياشباب...........
لا البنات مايزعلون علي لانهم عارفين اني امزح معهم وشكرا على مرورك........وعلى ملاحظتك