بسم الله الرحمن الرحيم
(( الموضوع برعاية حلواني وخيين وشابورة النخله وسوق حجاب وطبعا جميع محلات البنشر ))
$$$ اللي وزنهم أكثر من خمسين وقيه الله لايهينه يمسك الصف الثاني هذا بس لأحباب الله المعصقلين والمعصقلات .. ونرجو عدم الدف
هلا بكم ايها العصقولين والعصقولات كثر مامشى الدجاج حافي وكثر الشراريب من عصاقيلكم
تحية إجلال وإكبار لكم أيها المناضلون في سبيل حرية النعيميات وجميع انواع الدواجن ...
تحية لكم ولقوة عزيمتكم في تحمل بثارة ومصالة الدببه وإستخفافهم بكم وبوزنكم الاجتماعي ( رقعتها بالاجتماعي ولا ماهنا وزن )
--
فقد يجهل البعض مميزات العصقله والنعم اللتي ترفس فيها هذه الفئه من معصقلون وعصقولات .. طبعا غير انهم يمتازون بحدة الذكاء وقوة النذالة وطول الاصابع والعصقول ايضاً استخدامه سهل وقابل للتطبيق ( اتصلوا بانتر وود ) .. ومن فترة ليست ببسيطة وإخوانا في الله أصحاب الكروش وصاحبات الكرشات وهو يمارسون ضدهم جميع انواع التحرشات والمضايقات لجهلهم بنعمة ان تكون عصقووووووولا ... وهنا بنذكر شوي ( بس شوي ) بمحاسن العصقله ..
عزايميــاً : طبعا العصقولين والعصقولات يمتازون برهافة الحس وذوق المشاعر وطول الرقبه ... المهم فالعزايم أو العروس تلقا أطقع مايفكرون فيه العشا ومتى يجي .. بينما اصحاب الكروش والخدود اللي كنها المخدات اللي تجي فوق الكنب تلقاهم شوي ويجيهم شد عضلي في ايدينهم من كثر مايوايقون على ساعاتهم واذا جات وقت العشا وقلط المعزب ضيوفه تشوفهم زبنوا على الصحون في لحظات ( تجيهم الخفة ماتدري من وين بعض الاحيان ) طبعا العصقول يخلي الين تنتهي هالفوضى ويجي بعدين واثق الخطوة يمشي .. وما عنده اي مشكلة .... يوخر صحن الفاكهة ولا الببس اللي في زاوية السفرة ويستريح طال عمره ... شفتوا النعم اللي هم فيها ...... ,,, وطبعا المعصقلات شرحك سرى .. يعني سيم سيم ... بس تخيلتوا المتينه اذا انعزمت والمجلس زحمة والجلسة على الارض كيف حوستها وهي ماتدري وشلون تجلس .... .. واحلالاه بس على من حطني وزير الزراعه يومين بس ... طيب
تصريفيا : طبعا افلقني ان احد قدر يصرف المعصقل خاصة ان فيه طلعه مع اهله ولا مع اخوياه وقالوا مايمديك الموتر مايوسع بسيطة يجلس بالنص على درج الاشرطه .... بس انتبه اخوي المعصقل لايستلعن اللي يسوق ويدوس فرمل وتنشب في البريك .. ( من يفكك بعدين ) .... على طاري البريك اللي معه ونيت أو اي سيارة عادي ينسى ان ركب معه واحد كرش انه يحط السيارة فالرابع ( أهم شي شيل بكت الدخان قبل يكرب .. وان قابلوا تفتيش ويبي يفرك ينسى انه يريوس بعد ... ..
صحياً : العصاقيل مستحيل يصابون بمرض السمنه .... (تكفى يالذهين ) ,,, المعصقلين والعصقولات أقل الناس نسبة للتعرض للحوادث والاصابات ( هي عظمتين وبينها توصيلة والراس فوق مزبط المنظر على ايش اصابات ) >>> وش فيه قلب ذا ... لا صدزز يعني تخيلوا عصقوله مطفوقه جايه مدحتره مع الدرج وتعرقلت وجات على وجها ( بسم الله عليها وعلى كل عصقول ,, وتخيلوا وحدة من اللي حزام الذهب تلبسه عقد في نحرهاجات على وجها مع الدرج ..( عز الله اللي راحت خريطة اندونيسيا ) ... وبعد العصقولين والعصقولات ان جاهم طاري ولا شي وراحوا مستشفى بيسوون اشعة ... مايحتاج اشعه .. يجيب الدكتور قطعة كربون ويمسطبها على صدر العصقول اللي كنه سكة حديد ويلمخ بيده عليها بقوة ويبان كل شي ... .. وبسذذذذه هم دايم متجنبين الاشعاعات واضرارها
مسابقاتياً : العصقول يقدر يشارك في من سيربح المليون وعينه قويه بس المتين يبيله استراحه ماينفع الكرسي هذاك حق جورج قرداحي كع ع ع .. بس سوولهم برنامج عشانهم ( وزنك ذهب )
نفسياً : العصقولات واثقات من نفسهم ( امحق ثقه ) على الاقل حالهم مايكسر الخاطر مثل الدبيات وهم كل شوي مخترعينلهم جهاز ولا مرهم و(قبل وبعد ) وياقلبي لاتحزن ... وقابلني ان نحفوا ولا نقصوا ... أجل واحد يبي مرته تخس شوي وقدملها في نادي وبعد شهر الا وزنها زايد ويوم جا الا وهي مسنتره في بوفيه النادي كل ماتروح ..
فزعاتيا ً : تلااااااايس اخوي المعصقل ومش خشمك مالك صلاح لا بالفزعات ولا الفرعات لاتاخذها فوجهك ... وخل حكمتك فالحياه ( اذا حجزك انتظار ... ماعليه يمكن يتأكد ) ...
.. (( نصايح للعصقولين والعصقولات )) :
أخواني وأخواتي بعد ماقلنا هالشويتين اللي فوق وارتزينا شوي لازم نواجه انفسنا ببعض الحقايق عشان لاحد يتشمت فينا نبي دايم نصير سذذذا
أخوي المعصقل انسى انك تقص جواز الا اذا توعدني بس انك تروح البحرين وصلاله .. لانك ان بتسافر غيرها لازم تدق البدلة ( بنطلون وقميص ... )( وحنا عارفين الحال ) عشان كذه اصرفلك لاتقص مرة جواز يصير لايطريلك تهبق وتسافر ... ومهوب لازم في مواسم الحر تطلع كثير من بيتكم خل البرد يجي وطق الفروة وسنتر خمسه وعشرين ساعه في هالشوارع ( الفروة طيبه اسمع مني .. ان اشتركت في نادي لاشوفك بعتها و طبيت للمسبح وان قطيت انت واخوياك في عشوة وحطوها لاتشمر وانت تاكل احسن دورلك ملعقه .....
وانتي اختي العصقوله .. ان اشتريتي تنورة ولا بنطلون اشتري معها مغاط مال ابوها داعي والسحاب مره يمين ومره يسار ... ومالها داعي بعد الكتات والتي شرتات عظمة الكتف بتفشلك وهي كل شوي مرتزة ... والاصرف دوريلك كرته ( فسطان يعني ) .. وما عليك بنرفع دعوه على اصحاب الشركات ورى مايطلعون اكس اكس سمول ... الله واكبر ليه فيه اكس اكس لارج جعل من هي مقاسه للتنتريون >> (( حاقد )) ... وانصحك بعد بعدم استخدام النظاره دبري عمرك عدسات طمشات اي شي لانها تأثر في توازنك وانتي تمشين خاصة اذا كنتي من اصحاب المشيات الجديده .... ولا تدخلين المطبخ الا ومروحة الشفط كلوزد ,,,, وانتم بصركم سوو اللي تبون ...
تحياااااااااتي لكم
تــــــــــــوتــــــــــو
03-09-2006, 09:43 PM
إلي عندة ثقة بنفسة يدخل ولا ؟؟؟؟ 
المواضيع المتشابهه 
العرض العادي
