قصــــــــــــــــة جميلة جميلة جميلة أقراهاااااا ولا راح تخسير ..... لعبة الاقدار

[أســ الحب ــيـر]

السلام عليـــــــــكم
منقووووووول من جوالي
قصــــــــ خطيــــــرة ــــــــة
نسخ ولصق بدووووون ضرائب

لعــبة الاقـــــــــدار


لعبة الاقدار
J
**************
فهد لما وصل للمستشفى حصل عند فواز ناس فتراجع وراح عند الممرضة يستفسر منهم؟
فهد: excuse me. who is the people with fawaz?
الممرضة they are his family:
فهد شكرها وقعد بالكرسي اللي برا ينطرهم ليما يطلعون عشان يدخل ..
وفي الغرفة كانت ام فواز تبكي على حال ولدها والطبيب بعد ماطمنها الشخص الوحيد اللي كان متماسك كانت اخته الجوهره اللي تهدي في امها وتقويها..
الجوهره:يمه سمي بالرحمن وصليلك ركعتين ..عشان نرجع الشقة..
ام فواز وهي تصيح:لا اله الا الله..انا بقوم واصلي لكن روحه للبيت مانيب برايحه..
الجوهره بعناد:مايصير يايمه كذا من وصلنا وانتي ماذقتي طعم النوم..
ام فوازوهي تحس بتعب:معاك حق.. ان شالله ..
الجوهرة قومت امها ومشت معاها طالعين من الغرفة وقبل ماتطع ناظرت اخوها بنظرة حزينة..لما طلعوا فهد فز من مكانه مما لفت انتباه ام فواز والجوهره ..
فهد:حمد الله على سلامتكم يام فواز..
ام فواز بإستغراب: الله يسلمك ياولدي..بس ماعرفتك؟
فهد:انا صديق فواز فهد..انا اللي دقيت عليكم وخبرتكم..
ام فواز بامتنان:مشكور وماتقصر ياولدي..
فهد:ان بغيتوا شي ولا شي ياخالتي ترا انا بالخدمه ..
ام فواز وهي تهز راسها:مشكور ياولدي الله يخليك لامك وابوك..
لما راحوا فهد قعد يتأمل الجوهرة ياترى هذي اللي كلمتني..سبحان الخالق الصوت مثل الشكل كانت مثل الملاك مع انه حس بعيونها حزن كبير..فهد هز راسه وهو يأنب نفسه..انا ايش قاعد افكر فيه انا اللحين مخطوب للعنود المفروض مافكر في وحده غيرها..
الجوهرة وهي تفكر باخوها المسكين لما امها كانت بالحمام اسمعت اخوها يتمتم باسم العنود..ياترى منهي هالبنت اللي شاغله اخوي حتى وهو فاقد الوعي..هنا قررت الجوهرة انها تعرف منهي هالبنت لانها حاسه ان نجاة اخوها مرتبطة فيها..

*************
نرجع للعنود وهيفاء ..هيفاء لما شافت تركي رفعت خشمها بتكبر ومسكت العنود ومروا بجمبه ..لكن تركي سد عليها الطريق..
تركي وهو يقز العنود :على وين ياهيفاء؟
هيفاء خافت لما شافته يطالع العنود: مالك خص..
تركي التفت لها وببرود:دامك ساكنه ببيتي ..يكون لي خص..
هيفاء حست بشجاعه ممكن لان العنود معاها: لأ مالك خص ..ويكون ببالك وانا احذرك ياتركي اذا اعترضت طريقي ثاني مرة راح اخبر نواف باللي قاعد تسويه؟؟
تركي من جابت طاري نواف وتغيرت ملامح الى القسوة اللي بانت بصوته: هين ياهيفاء انتي اللي جبتيه لنفسك..والايام قدامنا
ابتعد وخلاهم لحالهم العنود كانت خايفة من تهديد تركي ..هذي اول مره تشوفه لكن ماتلوم هيفاء في رعبها منه..طالعت هيفاء وحصلتها شاحبه من بعد المشاحنه اللي صارت بينها وبين تركي..
العنود:هيفــــــاء؟
هيفاء التفتت عليها تبتسم:ماعليه يالعنود لا تخافين..تدرين احس براحه لأني رديت عليه..
العنود :طيب خلينا نروح..
هيفاء: وين تبين نروح..؟
العنود:ايش رايك نروح الحديقة..
هيفاء:بس ولا يهمك انتي تامري امر..
تابطوا البنات ذراع بعض وتوجهوا للحديقة..وهيفاء كانت تسولف وتمزح بمبالغة فحست العنود ان فيها شي ..اكيد انها مخبيه علي شي وماتبي تقولي..
اول ماقعدوا على الكرسي العنود سألتها:هيفاء شفيك؟
هيفاء وهي تتحاشى النظر للعنود:وش فيني..مافيني الا العافية..
العنود بنص عيون:يله عاد هذا الكلام قوليه لغيري انتي ناسية اني خابزتك وعاجنتك..
هيفاء وهي تفكر اذا تقولها ولا لأ..بس العنود الحت عليها..
هيقاء بهدوء:العنود...فواز مسوي حادث..
العنود تعابير وجهها تغيرت من الابتسام الى الصدمة واخيراً للألم ..همست:انتي ..ايش..تقولين؟
هيفاء وهي تمسك ايدها اللي صارت باردة:انا دريت انه الحادث صار له في اليوم اللي انتي شفتيه مع.....
هيفاء ماقدرت تكمل الجملة..اما العنود قامت من مكانها وقعدت تمشي بتوتر قدام هيفاء وهي تضم جسمها ..التفتت لهيفاء الدموع متحجرة بعيونها رافضة انها تنزل..
العنود بصوت كسير:ابــــي اشوفه..
هيفاء وهي منصدمة: العنود انتي جنيتي..مستحيل..
العنود وهي تترجا هيفاء: هيفاء ارجوك ابي اشوفه..ابي اطمن اذا كان حي ولا ميت..
هيفاء وهي معنده:لا ..وبعدين انتي ناسية انك مخطوبه لفهد..افرضي شافك عنده..
العنود وهي تحاول:هيفاء اررررجوك ..وبعدين بس ابي اشوفه وماغيرت رايي بالنسبة لزواجي لفهد..
هيفاء وهي تتنهد:طيب واذا حصلنا فهد عنده..
العنود:انتي دقي على فهد على اساس انك تبين منه شي واساليه عن مكانه..
هيفاء اخيراً استسلمت ودقت على اخوها..
فهد:هــــلا.
هيفاء وهي تطالع العنود:هلا فهد..شلونك..؟
فهد: تمام..
هيفاء:فهد بغيت منك شي...بس بالاول انت وينك؟
فهد مستغرب من سؤالها:انا توني طالع من المستشفى ورايح الشقة..خير ايش بغيتي؟
هيفاء:مستشفى..خير في شي؟
فهد:لا فواز رفيقي مسوي حادث وتوني جاي منه..
هيفاء:اها...عسا مو خطير؟
فهد: الا..راح في غيبوبه..وبعدين انتي مكلمتني عشان تسأليني عن فواز..
هيفاء وهي تمث:هاااا..اف تصدق اني نسيت انا ايش كنت ابي منك؟
فهد من العصبية سكر التليفون بوجهها..
هيفاء طالعت العنود اللي كانت على اعصابها :يله خلينا نروح مع اني احس اني بندم على اللي بنسويه..
العنود:فهد ايش قال عن فواز..
هيفاء:يقول انه بغيبوبه..
العنود نزلت راسها وهي تفكر..من كم يوم كانت تتمناله الموت..ولما حست اللحين ان فواز ممكن يموت ويروح حست بالضياع وهي تفكر شلون بتعيش في دنيا فواز ماله وجود فيها..رفعت راسها الا هيفاء قرت اللي بعيونها وتفهمتها..
هيفاء:اسمعي يالعنود انا مث ماقتلك سواء اخترتي فهد او فواز انتي راح تظلين حبيبتي..
العنود هزت راسها ومسحت الدموع من عينها:لا انا قلت بآخذ فهد وماراح اتراجع عن كلامي..وبعدين خلينا نروح قبل لا نتأخر..
دقايق الا التاكسي منزهم قدام المستشفى وهم مش متاكدين اذا كان بهالمستشفى ولا لأ ؟بس لما سألوا عن فواز العالي عطوهم رقم غرفته واتجهوا لها ولما وصوا وقفت العنود متوترة قدام الباب ومحتارة مابين انها تدخل ولالأ؟بس هيفاء شجعتها بنظرة من عينها..
افتحت الباب وشافته نايم بسلام وراسه مضمد وجهاز مراقبه متص فيه وكان شاحب ومافيه لون..العنود امسكت قلبها وهي تقرب منه..ولما وصلت قعدت تتأمله وهي ماسكه نفسها عشان ماتبكي..
العنود بصوت هادئ: فــــواز..حاولت تتكلم بس الدموع غالبتها فمن غير ماتحس قعدت تعاتبه وهي حاطه راسه على السرير جمبه..
العنود من بين دموعها: حرام عليك كذا ..حرام..عقب ما خليتني احبك واتعق فيك تسوي فيني كذا..ليه انا ايش سويت لك عشان تعملي كذا..واللحين تبي تموت وتخليني..
فـــواز اصحى..اصحى يافـــواز..
هيفاء طلت عليها وهي تعجلها:العنود خلاص يكفي اللي تسوينه بنفسك..وخلينا نروح..
العنود قبل لاتطلع لمست ايده وطلعت .
فواز وكأن بلمسة ايدها سحرته وخلت دقات قلبه تنبض بسرعه حتى وهو بسباته كان يتنشق ريحتها وكأن يسمعها تعاتبه وتناديه عشان يعيش..فواز فتح عينه عشان يتأكد اذا كانت حلم ولا حقيقة..
الجوهرة اللي كانت تمشي بالممر شافت بنتين طالعين من غرفة فواز وواحده منهم كان باين عليها التأثر..استغربت منهم وهم لما شافوها كملوا طريقهم على عجل حتى قبل لا يتسنى لها الوقت تسألهم ايش يبون.
دخلت الغرفة حصلت فواز واعي وقاعد يناظر الغرفة وكأنه يبحث عن شي ..الجوهرة قربت منه وهي مو مصدقة ..
همست:فواز..
فواز التفت عليها وهو حاس انه لساته بحلم:العنود وينها..؟
الجوهرة بتقطيبه:العنود..مين العنود..
فواز وجفونه تثقل: العنود ملاكي..وغاب عن الوعي..
الجوهرة بسرعة راحت ونادت الدكتور..دخل الدكتور ومعاه النرس وماسمح لها أنها تدخل.هنا عرفت الجوهرة انه العنود اللي يتكلم عنها فواز هي نفسها اللي شافتها تطلع من غرفته.

***********
هيفاء قاعدة تهدي في العنود اللي كانت منهارة من شافت شكل فواز هيفاء ضمتها و العنود من بين شهقاتها:حـــرام يموت ياهيفاء حــرام.
هيفاء وهي تربت عليها :العنود هذا اللي كاتبه الله ..وبعدين حرام اللي تسوينه في نفسك..
العنود تمسح دموعها وهي توقف وترفع عينها للمستشفى وكأنها تودعه..وكملت طريقها وهي خلاص قررت أنها تقنع أمها أنهم يردون السعودية وهيفاء تمشي وراها.
هيفاء وهي تحاول تفرفش العنود:ها وين نروح اللحين..
العنود ببرود:أنا برجع للشقة.
هيفاء منصدمة:بترجعين للشقة! تو الناس ..لا تدرين وين بنروح..بنروح لشوكلات بار..ايش رأيك؟
العنود من غير نفس:آسفة ياهيفاء والله مالي نفس..
هيفاء:طيب ايش رأيك نروح لشقتنا..فيه حديقة روعه متصلة بالعمارة..
العنود:اوكي..ماعندي مانع..بس على الله ولد خالتك مايكون هناك.
هيفاء:لا ماظن بعدين أنتي شايفته وهو طالع..وان شالله إشغاله تعطله..
مشوا متجهين للشقة أول ماوصلوا استقبلتهم أم فهد اللي ضمت العنود بأحضانها وتبارك لها ..وكان هذا سبب ثاني لموافقة العنود للزواج..
العنود بابتسامه:الله يباركلك ياخالتي .
أم فهد:والله يابنتي ماتصدقين وش قد فرحت لما وافقت..
العنود:والله أنا اللي فرحتي أكثر إني بصير واحده منكم..

هيفاء مسكت العنود من كتفها وهي تحثها :يله امشي خل نرقى لغرفتي..يله مامي تشاو..
أم فهد وهي تهز راسها:والله مادري أنتي وش تقولين..
هيفاء والعنود يضحكون على شكل أم فهد وهم يرقون الدرج..
العنود قعدت تتأمل روعة الشقة وإبداعها:تصدقين ياهيفاء بصراحة كأنك عايشه بعصر ولى وراح..
هيفاء بابتسامة جانبية:كنت حاسه انها راح تعجبك يله نحط الشنط بالغرفة وننزل للحديقة..
البنات حطوا الشنط ونزلوا تحت هيفاء دلت العنود على البوابة اللي تاخذها للحديقة على شان هي بتروح تخبر الخدامه تسويلهم كابتشينو..
الا باب الشقة ينفتح التفت هيفاء تشوف مين الا هو تركي.هيفاء دخلت المطبخ بسرعه قبل لا يشوفها بس لسوء حظها دخل المطبخ وهو مبين عليه التعب ومن غير مايقول شي فتح باب الثلاجه وصب لنفسه مويه وشربها كلها دفعه وحده..هيفاء شفقت عليه من شكله مبين انه تعبان،تركي رفع عينه وشافها تأمله وبنظرة احتقار:خير في ايش تطالعين؟
هيفاء وهي مجفله:انا..انا جايه اسوي كابتشينو.
تركي يطالعها بسخرية وهو يشوفها واقفه بمكانها: طيب ليه ماتسوين؟
هيفاء انتبهت لنفسها ولفت تاخذ الغلاية وتحط فيها مويه وتركي واقف بمكانه يراقبها وهي تشتغل مستمتع بتوترها..هيفاء وهي تشتمه في نفسها وتفكر شلون حست بالشفقه اتجاهه..
تركي قرب من مكان ماهي واقفه جمب الغلايه الكهربائية وهيفاء تصلبت بمكانها ودقات قلبها تسارع ،بس هو طل من الشباك وقاعد يشوف الحديقة..وبعدها ابتسم وهيفاء تطالعه من طرف عينها.
تركي وهو عينه على الحديقة:على فكرة بنت عمتك هذي حلوة..
هيفاء التفتت عليه بصدمه: انت ماتستحي على وجهك..
تركي بسخرية: وش فيها ..الاعتراف بالحق فضيلة..
هيفاء بغضب:صدق انك قليل ادب ومش متربي..
تركي وهو متعنز على الدولاب: على فكرة لما تزعلين شكلك روعه..
هيفاء من كثر ماهي معصبه: انا احذرك اذا حاولت تقرب من بنت عمتي راح اقتلك..
صبت الكابتشينو بالاكواب وطلعت وهي مفوره وصوت ضحكته تتبعها..

***************
الجوهره ايش راح تسوي ؟
والعنود ايش راح يكون مصيرها؟
هيفاء ياترى ايش ناطرها؟

الجزء الحادي عشر
كانت العنود نازلة من الطابق الثاني متجهه للباب عشان ترجع لشقتهم
بس صوت تركي استوقفها قبل ماتفتح الباب..
تركي بصوت هادئ: السلام عليكم..
العنود بأستغراب:وعليكم السلام..
حاولت العنود تطلع بس هو كان واقف بالطريق ..في نفس الوقت كانت هيفاء نازله الدرج بسرعه تبي تقول للعنود شي لما شافت تركي يكلم العنود تراجعت بضع خطوات عشان تركي مايشوفها..بس اللي مادرت فيه هيفاء ان تركي شافها وابتدى بالخطة فتكلم بصوت ساحر:على فكرة ماعرفت اسمك..
بس العنود مامرت عليها هالحيلة فرفعت راسها: على فكرة هالاسلوب مو جديد علي..فياريت توخر من طريقي..
تركي وهو يشوف ارتفاع راسها وعرف انه ماراح يقدر يكسبها بصفه فحب انه يدخل بصلب الموضوع :اسمعي يالعنود..ولما شاف ارتفاع حاجبها..ايه اعرف اسمك بس انا كنت ابي اكلمك بموضوع مهم..
العنود ببرود وهدوء:ممكن لو سمحت تخليني اطلع..
هيفاء ابتسمت بالخفا على اسلوب العنود مع تركي اظاهر هذي اول مرة احد يوقف بوجهه بعناد..بس شكله ماعرف العنود زين..
تركي تحرك من مكانه من غير مايقول شي وافسح لها الطريق عشان تطلع العنود اطلعت من غير ماتعطيه وجه..
تركي اول ماسكرت الباب التفت للدرج هنا هيفاء مسكت نفسها ياترى يقدر يشوفني..بس تركي كمل طريقه ودخل المكتب.وهيفاء ظلت بمكانها وهي تفكر ..ايش الموضوع المهم اللي تركي كان يبي يكلم العنود فيه..هزت كتوفها مش مهتمه ورقت لغرفتها وهناك صلت العشا وبدلت ملابسها ونامت..
************
في اليوم التالي اشرقت الشمس وجابت معاها يوم جديد وتخفي بين طواياها اقدار مايعلم بها الا الله..
في مستشفى في لندن وبالذات في غرفه في الطابق الثالث كان فيه
شابين يختلفون في هيئتهم عن الباقين اللي باين من ملامحهم انهم عرب هناك فهد
قاعد مع تركي يحاول يرفع من معناوياته اللي كانت محطمه من قبل الحادث وفهد بينه وبين نفسه يتساءل عن السبب فواز كان دايما مرح ماخذ الدنيا لعب وضحك ..فهد كان
يتامله مب مصدق اللي قاعد قدامه رفيقه فواز الحادث خذا ماخذه منه كانت الهالات السوداء تحت عيونه وهزل جسمه اللي كان دايما يحسد عليه ..كانت الصينيه قدام فواز
بس مالمسها ..فهد كان يحاول يقنعه انه ياكل كم لقمه بس كان رافض وشارد الذهن..
فهد بغضب:فواز انت لازم تاكل مايسير اللي تسويه بنفسك جسمك ضعيف محتاج يسترد عافيته..
فواز صد بوجهه للجهه الثانيه مثل الطفل العنيد:حد موكلك علي ترى فهد والله مالي خلق لك..
فهد توترت اعصابه:متى صارلك خلق يافواز من الصبح وانت نفسك شينه على الكل..
فواز كان يفرغ الغضب اللي يحس فيه في فهد:اذا انا صارت نفسي شينه فهدا بسببك لانك صاير مثل المراه الحنانه..
فهد منصدم من كلام فواز:انا مراه حنانه مشكور جزاك الله الف خير عالعموم انا
ماتوقع منك كلمة شكرلان اللي سويته بدافع العشره اللي بيننا...
فواز يطالع برى من الشباك بس ملامحه كانت تحمل الغيظ وكانه مب مستحمل كلمه من فهد..
فهد وقف من كرسيه وهويطالع فواز بتفكير مب عارف شلون يفهمه..
فهد ياشربيده للباب :انا رايح .. وياليت يكون مزاجك المره الجايه احسن من هالمره..
فواز ارتدراسه بقوه:وش قصدك ..ترى ماحد طقك على يدك وقالك تزورني ..
فهد هز راسه وكانه يأس من الكلام معه..ذكر نفسه ان هذا رفيقه ولازم يستحمل مزاجه
لان اللي صارله مب شويه..
*****************

هيفاء توعت من النوم وهي تحس بثقل بجسمها سحبت نفسها للحمام وخذت شاور سريع وبدلت ملابسها ،نزلت تحت وشافت البيت هادي قطبت جبينها ياترى وين الكل؟ دخلت الصاله وماحصت احد سمعت صوت جاي من الحديقة فطلعت وحصلت الكل مجتمع على الطاوله يفطر حتى فهد اللي مو من عادته ان يقوم بدري كان موجود لانه توه جاي من زيارته لفواز..زادت ابتسامتها لما لاحظت انه في واحد ناقص اللي هو تركي.
ابو فهد وهو يناديها: هلا ببنيتي تعالي يمه وقعدي.
هيفاء راحت وقعدت على الكرسي اللي بجنب فهد اللي كان بعالم ثاني.
هيفاء وهي تكلمه: من زمان مافطرنا مع بعض ،صح؟
فهد:............
هيفاء:ياهوووووو...وينك فيه؟
فهد انتبه لها:همم..لا كنت افكر بشي شاغلني..
هيفاء تبتسم:اللي شاغل بالك يتهنا به..
فهد بجديه وبصوت منخفض: الا العنود شخبارها ياهيفاء؟
هيفاء بخبث:اوه اوه من اللحين قمنا نحب..
فهد بعصبيه: انا الغبي اللي اسالك.
وقام من مكانه معصب لدرجة ان الكرسي كان بيوقع وهيفاء استغربت من اخوها وتصرفه هذي اول مره تشوفه هشكل حاولت انها تلحقه وتشوف ايش فيه بس امها مسكتها..
فهد طلع وهو متضايق حده وحاس نفسه بين نارين ومايعرف ايش يسوي كلم حمد عشان يشوف وينه وحصله بالجيم يتمرن فقرر انه يروح له بالجيم وياخذ منه جواب للي يصير لفواز وتصرفاته.

هيفاء تسأل امها:الا يمه المغرور وينه مو مبين؟
ام فهد:اي مغرور؟
هيفاء:يعني من غيره تركي.
ام فهد وهي تضربها: اه ياقليلة الادب صدق انك ماتعرفين الادب اللحين مسكننا في شقته ومتعب نفسه عشانا تقولين عنه كذا.
هيفاء:اوكي يايمه ماكان قصدي آسفه..طيب هو وينه؟
ام فهد:طلع من الصبح يقول ان عنده شغل في منطقة برا لندن ويمكن مايجي الا بكرة.
هيفاء ماتمالكت نفسها نقزت من مكانها من الفرحه اللي حست فيها اول مره تحس بالحريه في ذا البيت ..
امها تطالعها بنظره جانبيه منصدمه منها
ام فهد عصبت:هيفاء وعمى!! قومي مني لااضربك الحين والله لا تخلين اقول حق تركي يسوي فيك اللي يبيه..
هيفاء كانت مستانسه عبست لان وجهه امها الجدي مايدل على المزح وانها ممكن تسويها فكرت انها محتاجه تكون امها في صفها ..
قامت هيفاء من مكانها وضمت امهاوهي تقولها:افا يايما انا بنتك حشاشة يوفك توقفين ضدي عشان ولد اختك ترى والله مب قصدي..
ام فهد تطالع بنتها بشك:اجل وش قصدك من ذى الحركه ..
هيفاء تبررحق امها:انا قصدي ابي اخذي راحتي في الشقه مب كل دقيقه انخش في زاويه اذا مرتركي ..
ام فهد :معليه ياهيوف بنشوف اخرتك مع ولد خالتك ايش..
هيفاء اعتذرت من امها وطلعت من الصاله ناويه تروح لغرفتها وهي تفكر لها الدرجه واضحه مشاعري تجاه تركي ..ماكان لازم تكتشف أي شئ بيني وبين تركي..مضطره تمثل قدام امها انها تحترمه وتعزه على اساس القرابه اللي بينهم
كلما تذكرت المستقبل اللي راح يجمعهم حست برعشه تمشي على عامودها الفقري
************************************
فهد كان قاعد في مقهى الجوري عازمه حمد على قهوه ونفس الوقت يغير الجو اللي كان عايش فيه ..حمد الوحيد اللي يفهم فهد حس انه لازم يطلع من جو المستشفى والبيت
لان نفسيته تعبت مع الوقت اللي يقضيه مع فواز حمد كان ناوي يخلي فهد يفضفض
اللي في قلبه على الله يخفف عليه ..
فهد وهو يبتسم ابتسامة ضعف:وش الكرم اللي نزل عليك اليوم وخلاك تعزمني ..؟
حمد وهو يهزراسه:لا والله لاحظت من زمان ماقعدنا مع بعض ندردش ونضحك مثل اول..
فهد منزل راسه وعلى وجهه تعابيرغير مفهومه:حمد وانا اخوك احس اني تغيرت من حادث فواز صرت مقسم وقتي بين المستشفى والبيت لدرجة ماعاد عندي وقت احك راسي..
حمد يطالع فهد بتفكير:فهد تراك مانت ملزوم تروح له كل يوم هله موجودين وهم يتكفلون به..
فهد وهورافض:لا لا ياحمد مومن شيمتي النذاله ..الحين يومه في عز حاجته لي
اروح واخليه
حمد هو يحاول يقنعه:يارجال انا ماقلتلك لا تزوره انا قصدي انك تخفف من زياراتك بعدين تعال انا جايبك مب عشان نسولف عن فواز والمستشفى..
فهد يولع جواله باشارة انه استقبل بلوتوث..من ساحرات العيون..التفت عليه حمد يشوف وش فيه ..
حمد يضحك بسخرية:هههههههه ماانت بهين يافهيد قاموا البنات يتعرفون عليك..
فهد بحيره:تهقى استقبل ولا لا ؟
حمد مندهش:استقبل يافطين عاد فيها شك ..مالت عليهم صارلي ساعه هنا ماحد طرشلي ..
فهد ضغط على زر الاستقبال ..شوي الا دق الجوال رنة المسج فتح فهد المسج شاف
شاف رسمة بنت ملثمه مكتوب عليها ممكن اتعرف..
فهد ابتسم ابتسامة سخريه وتلفت حوله على الله يلمحها في هالجموع الخليجيه ..شاف واحده تبتسم له ومن مظهرها عرف ان البنت بايعتها ..حمد سحب الجوال من يده يشوف الرساله ..
حمد بونااسه:فهد ارسلها ! هذه فرصه ماتفوت ..
فهد قطب جبينه:وش ارسل لها ..؟
حمد وهو يطالعه بخبث:ارسلها ممكن وبعدين ارسلها رقمك ..
فهد رافع حواجبه مستغرب:انت من جدك ..انا خليت هالحركات من زمان ..بعدين انت شفت وجهها اول..
حمد تلفت:لا وين هي اشر لي عليها ..
فهد اشرله بعيونه عليها وحمد لما شافها عبس وجهه والتفت على فهد وهو ميت من الضحك..
حمد يضحك:ههههه قدرك ..انزين طرش خل نتسلى شوي ..مسكينه حالتها صعبه..
فهد ابتسم :ماشي بس نتسلى مابي ارقام ولامكالمات ..
فهد فتش في جواله عشان يطرش لها ..
رن تلفون فهد وكان رقم فواز ..رجع فهد للواقع المرير..
فواز:الو........
فهد:الو ..مرحبا فواز..
فواز:مرحبتين وش اخبارك ..
فهد :بخير الله يعافيك ويسلمك ..انت بشرني وش علومك اربك بخير..
فواز ابتسم:الحمدالله احسن اليوم ..بس بغيتك تسوي لي شئ وابيك تقولي تم..
فهد ضحك:من غيرمااقول انت تأمر..هاأمر يالطيب..
فواز:ماخاب ظني فيك يافهد رجال والنعم ..بس الا هل متضايقين من همي وابي اخفف عليهم شوي لانهم من يوم وصلوا مارتاحوا دقيقه وللا سف ماعندهم حد في لندن يزورونه وياليت يا فهد يقعدون مع اهلك يستانسون شوي ..
فهد حس باحراج :والله يافواز حنا المقصرين اسمحلنا ..كان المفروض نعزم الا هل من نفسنا ..هذا الواجب..
فواز:ندري يافهد انكم معذروين بس ياليت اذا مافيها احراج الاهل يوافقون..
فهد :لا لا ابشر الاهل اليوم عشاهم عندنا ياخي حنا اهل من ديره واحده..
فواز فرح:تسلم تسلم يالغالي والله مادري بدونك وش اسوي ..
فهد:افا عليك تركي انت فصل وانا البس وكلم الاهل ان السواق بيستناهم برع الفندق الساعه خمس الاهم في أي فندق..
فواز:في فندق الفورالسيسون ..يالله مع السلامه ومشكوريافهد..
فهد:الله يسلمك وماطلبت يالطيب..
سكرفهد وشاف حمد يلعب بجواله وباين عليه متاثر..
فهد ياشربيده:ياهووووووووو وين رحت ..
حمد وعلى فمه بسمة انتصار: ياخوي لقيت لي صيده ماتفوت ..بنت تجنن تطرش لي..
فهد ضحك على تعابير وجهه:حبيبي كلهم نفس الصنف .. الحين هد التلفون من يدك وكلمني..
حمد منزل راسه على الجوال بتركيز:هذا وقته البنت تطرشلي رقمها وانت تبيني اكلمك..
فهد عصب:اسمعني الحين بعدين تفرغ لها ..اهلك وينهم..؟
حمد رفع راسه يتافف:امي وانا طالع كانت ناويه تروح لشقتكم ..
فهد وهو يستوعب الامر:اهاا حلو والله عشان تجتمع العائله كلها..
حمد قطب جبينه :ليه من غيرهم بيجون شقتكم..؟
فهد بوجه جدي:عزمت اهل فواز يتعشون عندنا الليله مساكين ما عندهم حد في لندن
حمد مندهش:لا من من اهله هنا..
فهد وهو يفكر:امه واخته بس..ليش السؤال؟
حمد: لا بس كذا ..البنت كم عمرها..؟
فهد رفع عيونه يفكر:يعني على ماظن كبر خواتنا..
حمد ابتسم باثاره: والله.. زينه ولا شينه ؟
فهد عصب ومسك الكوب اللي قدامه:اسكت لا اكت القهوه على وجهك ..عييب هذه شوفات الرجال الحين انت ترضى على شوفاتك..
حمد وهو خايف:انا ما قلت شئ غلط عشان تعصب علي كذاا..
فهد باصرار:لا قلت ترضى انت على اختك يسولفون عنها ربعك..
حمد وهومنزل راسه :لا طبعا..ماارضى..
فهد هدأ:خلاص الحين انطم خل اكلم الوالده..
فهد رفع جواله ودق عل امه ..
فهد وهومتضايق:الو..هلا يما ..
ام فهد:هلا حبيبي وينك ماتغديت..
فهد:بلا تغديت يما لا تشيلين هم ..
ام فهد:وش فيك فديتك ..نبرة صوتك ما تبشر بخير..
فهد ابتسم:لا يما مافيني شئ بس بغيت اطلب منك طلب ..؟
ام فهد قطبت جبينها:يالبيه فهد بن سلمان..
فهد ضحك:الله لبيك يما ..رفيقي فواز متضايق عشان امه شايله هم مرضه وهو عشان تستانس شوي وتغير جو المستشفى فكر ان حنا نعزمها على العشاء..
ام فهد: ماطلب شئ هذا واجبنا ..خلاص تطمن انا بجهزالعشاء الحين وبنضيفهم وبنبيض وجهك عندهم ..
فهد استانست:مشكوره يما ماتقصرين ..اي يما ياليت تطرشين السايق عليهم لانهم مايعرفون مكان الشقه ..
ام فهد:ان شاء الله انت عطني عنوانهم وانا برسله لهم..
فهد:هم ساكنين في فندق الفور سيسون الساعه خمس بيكونون جاهزين..
ام فهد:صار..يالله يايما مع السلامه عمتك عندي هي واهلها ..
فهدتطمئن:الله يسلمك يالغاليه..
حمد طول مافهد وهو يكلم كان يطالعه و يفكر..ليش فهد عصب لها الدرجه عشان اخت فواز اول مره يشوفه حمد مهتم في بنت ولدرجة انه يزعل عليه عشانها لا السالفه فيها ان ..فهد مب النوع اللي يهتم للبنات فليش يوم جبت طاري البنت على لساني عصب..هو صح معه حق بس تصرفاته مالها مبرر اللي مايعرفه يقول عاشق غيور..
***********************
دقت الساعه خمس في شقة تركي الضاوي..كانت السوالف والضحك صدى الصوت في الصاله الرئيسيه ..ام فهد قاعده جنب ام حمد يسولفون والقهوه والشاي مرتبه على طاوله قدامهم ..والبنات هيفاء والعنود قاعدين على الارض مقابلين المدخنه يقشرون حب وياكلونها ..هيفاء كانت تسولف على العنود مغامراتها في لبنان يوم سافروا في الربيع ..
هيفاء وتعابير وجهها متاثره:الله وكيلك العنود لقيت بوت ينلبس فوق البنطلون عليه نقش بالتنين بثلاثمئة دولار..
العنود وهي مندهشه:مالت عليهم ليش غالين ..
هيفاء مسكتها من يدها:تعرفين احلى شئ قومة الصبح ننزل والجو بارد نتقهوى في السولدير ..
العنود وهي مندمجه:مالقيت حد هناك من المشاهير..
هيفاء عبست :مالقيت حد احبه .. لقيت اخت نانسي عجرم ..نادين عجرم ليتك شفت وجه فهد يوم شافها..
العنود تضحك:امانه وش سوى..
هيفاء :الغبي يحسبها نانسي لانها كانت لابسه نظاره وتشبهها فقام الله وكيللك ياخذ توقيعها يوم وقعت له شاف الاسم نادين فاستغرب..
العنود وهي متحمسه:انزين وش سوى..
هيفاء :قالها ليش كاتبه نادين قالت لاني نادين قالها يعني انت مب نانسي عجرم ..
قالت لا انا نادين اخت لنانسي..فهدعصب: اقول خل التوقيع عندك مانبغيه..
العنود تضحك:ههههههههه حرام فهد صدق تفشل ..
هيفاء ميته من الضحك:ههههههه لا يستاهل ذبحونا بذي النانسي عجرم..
العنود بحماس:اللللللللله ياهيفاء خاطري اروح لبنان(التفتت العنود على امها) يما ليه مانسافرمع خالي السنه الجايه لبنان..
ام حمد تضايقت:لا تعرفين ان ابوك مايحب هالديره ولا يدانيها..
ام فهد:مايحتاج بعد كم سنه بتروحين معنا ومع رجالك ..
تغيرت تعابير وجه العنود الى العبوس نزلت راسها عشان ماحد يلا حظ مشاعرها
بس لقطت هيفاء اللي تحس فيه العنودو حست بالعجزوالذنب لان العنود مضطره تمر في هالزواج وهي ماتبي ..هزت ام فهد كتف هيفاء وقطعت حبل افكارها..
ام فهد:يما هيفاء لاحد يوسخ السجاد بقشور الحب ترى بيجونا ضيوف..
هيفاء التفتت مقطبة الجبين مستغربه:من الضيوف يما..! ام محمد..؟
ام فهد وهي تهز راسها:لا اهل رفيق فهد اخوك فواز..
العنود اللي كانت شارده الذهن في عبوسه التفتت على هيفاء بسرعة البرق..
هيفاء حست بصدمه :يما ليه ما قلت لنا كان على الاقل تبرزنا..
ام فهد وهي تطالع في الساعه: اجل روحوا تبرزوا لانهم الحين جايين بالطريق..
وقفت هيفاء ومسكت العنود تقومها من مكانها وملامح وجهه على ماهي من الصدمه
ماتقدر تواجهه اهله وتمثل عليهم انها ماتعرفه ولا تحبه حست بخوف من مشاعرها انها تفضحها وش ردة فعل اخته لما تعرف ان احنا البنات اللي كنا بالمستشفى عند فواز العنود من غير ارادتها تسارعت دقات قلبها بقوه ..كانت هيفاء تمشيها لغرفتها
تحس برجيلها مثل الماء اذا وقفت بتنهار تمسكت بهيفاء لما وصلوا لغرفتها وتلا شت
قوتها وطاحت على السرير ..هيفاء خافت على العنود وجهها اصفر..
هيفاء تهز العنود:العنود ..العنود تكلمي وش فيك ..لاتخوفيني..
العنود رفعت راسها وهي تهزه:لا لا ماقدر ياهيفاء ماقدر اواجه اهله ماكأن شئ صار بيني وبينه..
هيفاء فهمت قصدها:العنود الله وش منه خايفه مايعرفون عنك شئ ولاراح يعرفون اذا خليت نفسك طبيعيه..
العنود مصممه:ماقدرانا من اسمعه طاريه تقلب مشاعري ..بعدين نسيت ان اخته شافتنا عنده بالمستشفى..
هيفاء هزت كتفها بغيرمبالاه :عادي بنقول جاين نمر فهد عشان نروح معه السينما اواي شئ ..العنود اوعدك انه ماراح يصيرشئ من اللي في بالك بالعكس سوالف ووناسه..
العنود بعيون كلها رجاء:توعديني ..
هيفاء بابتسامه:اوعدك ..يلا قومي الحين نتزين ونتكشخ مع اني متاكده انهم الحين تحت..
قضوا البنات نصف ساعه في اللبس والتزين وحطوا مك اب بسيط عباره عن كحل ومسكره ..واخيرا خلصوا وكل واحده تاملت نفسها في المراه راضيه من شكلها..
نزلوا تحت وسمعوا اصوات غريبه عباره عن صوت مراه كبيره في السن والثانيه
صوت بنت في مقتبل العمر..هيفاء عطت العنود ابتسامة تشجيع وتقدمتها في الدخول
لما دخلوا سلموا البنات على ام فواز وبنتها..
ام حمد بابتسامه:هذه بنتي العنود وهذه بنت اخوي هيفاء..
ام فهد :بنات هذه خالتكم ام فواز وبنتها الجوهره..
هيفاء بابتسامه:هلا والله خالتي تو مانور البيت..
ام فواز بحنان:والله ان البيت منور باهله ..
العنود بخجل:مرحبا خاله وش اخبارك ..
ام فواز التفتت على العنود:مرحبيتين يابنتي بخير تسلمين ياعمري..
هيفاء التفتت على الجوهره تبادل معها اطراف الحديث ..حست بخجل العنود فشركتها معهم بالسوالف..
الجوهره بفضول:انت بأي سنه جامعه ..
العنود بنعومه:سنه ثانيه بجامعة الملك سعود..
الجوهره استانست:والله انا بعد سنه ثانيه بجامعة الملك سعود
العنود انصدمت :معقوله بس انا ماشفتك بالجامعه باي تخصص انت ..؟
الجوهره بفخر:تصميم ديكوروانت..
العنود:انا لغه انجيليزيه ..
الجوهره التفتت لهيفاء باستمتاع:وانت وش تخصصك..
هيفاء بفخر:بدخل الجامعه هالسنه وراح اتخصص تاريخ..
الجوهره:يحليك اثرك صغيره مايبين عليك ..
هيفاء حطت يدها على خصرها:يعني وشلون مايبين علي ..
العنود تاشرلهيفاء بيدها:العنود خلك منها مانكلم بزران..
الجوهره ضحكت:هههههههههه لا انا ماقصد ماشاء الله على عقلك يعطيك اكبر من سنك..
هيفاء الفتت للعنود:شوفي الدرر اللي تطلع من فمها الله عليك يالجوهره صدق عجبتيني..
العنود كشت على وجه هيفاء:كش عليك البنت تجاملك ماتعرفين الفرق بين المجامله والصدق..
الجوهره استغرقت بالضحك على الثنتين..
هيفاء بنظرة توعد:اوريك صبري علي ياعنيد خليهم يروحون وتشوفين..
العنود رفعت يدها تمثل الخوف:لاعاد خوفتيني يامرعبه ..
هيفاء طنشت للعنود:ماعلينا امشي يالجوهره اوريك الشقه..
طلعوا البنات من الصاله الرئيسيه وتمشوا في الشقه ماقدرت الجوهره الا تعبرعن اعجابها بالشقه وفي الاخير اتفقوا انهم يروحون ويشربون كابتشينوفي الهواء الطلق..
الجوهره باعجاب:ماشاء الله عليكم علاقتكم too close..
هيفاء ضحكت:لا وبعد ابشرك البنت بتصير مرة اخوي..
الجوهره باستغراب:أي اخ ..؟
هيفاء تفسر:في غيره فهد اخوي طبعا..
الجوهره طاح قلبها في بطنها حست بشعورغير مالوف اول شئ وبالحزن على اخوها عشان كذا كان متضايق ونفس الوقت كانت مشمئزه من نفسها لانها سمحت لنفسها تعجب بواحد مخطوب بس الجوهره متاكده ان العنود تحب اخوها.. عندها الفرصه تختبرها اذاهي تحبه ولاهي توهم..
الجوهره :يابختك انا وفواز وحيدين والحين بحن عليه عشان يتزوج..
العنود رفعت راسها بقوه :ليش الا ستعجال خليه ان شاء الله يقوم بالسلامه بعدين دوروا له على عروس..
الجوهره ابتسمت برضى لانها لقت الجواب على اسئلتها :معك حق هذا اذا وافق..
هيفاء تدخلت: وليش مايوافق..؟
كانت الجوهره بتجاوب بس ام فهد دخلت عليهم وقاطعت جو التوتر اللي هم فيه
ام فهد:يلا بنات تفضلوا على العشاء..
طلعوا البنات من الحديقه وراحوا لغرفة لطعام فيها كانت السفره تحمل انواع الاكل واصنافه وكان الطبق الرئيسي كبسه باللحم..
هيفاء تطالع الاكل بشهيه :الله اشتقت للكبسه وش عرفك يما اني خاطري فيها..
ام فهد ابتسمت:من اللي قالك اني مسويتها لك هذا عشان حبيبتي ام فواز..
ام فواز :تسلمين الله يطول بعمرك..
طول العشاء والجوهره تحاول تقرب من العنود تبي تعرف وش السبب اللي خلا العنود توافق على فهد وهي تحب تركي بس مالقت الجواب الشافي منها..
على الساعه 9استئذنت ام فواز هي بنتها بيروحون البيت سلموا الحريم على بعض واتفقوا انهم يشوفون بعض مره ثانيه..
الجوهره توجه كلامها للهيفاء والعنود:امانه بنات لازم نشوفكم مره ثانيه لا تقاطعونا..
هيفاء هزت راسها:ان شاء الله انا والعنود كل يوم نطلع بكره وش رايك تروحين معنا..
الجوهره قطبت جبينها :امم بكره ماقدر لازم اكون بالمستشفى..
العنود:خلاص رقم موبايلي عندك كلمينا في أي وقت..
الجوهره ابتسمت:خلاص يالله باي بنات..
البنات ردوابصوت واحد:بــــــــــــــــــاااي
بعد هم بربع ساعه طلعت عمتها والعنود وراحوا البيت ..
ام فهد باين على ملامحه الا رهاق:احس اني تعبانه قايمه من صلاة الفجر ولاغيلت عالعموم برقى لفوق لغرفتي وبنام..
هيفاء وافقتها الراي:وانا بعد يما بروح معك ..
ام فهد حطت يدها على صدرها:اعوذ من البليس نسيت بنتي..
هيفاء خافت:وين نسيتيها يما ..
ام فهد بقلق :نسيتها عند بيت عمتك وداها ابوك اليوم عندهم من الظهر..
هيفاء ارتاحت:يما الله يهداك وين ناسيتها يعني في السوق خليها تبات عندهم الليله والصباح رباح..
ام فهد تثاوبت :أي والله انا تعبانه ومافي حد بيجيبه هالحزه..
هيفاء مسكت امها من خصرها ورقوا الدرج:يلا يما تصبحين على خير..
نامت هيفاء ليله مضطربه في نومها وكالعاده حلم الكوخ صار يرافق احلامها هالايام ويعكر نومها لدرجة انها تنام متقطع قامت هيفاء من نومها مجفله تعوذت من الابليس
وحست بجفاف في حلقها جفاف مؤلم ماقدرت تنام من بعده فقامت من سريرها بخطوات ثقيله ونفس الوقت كان قلبها يضرب بقوه من جراء تاثيره بالحلم..
لبست روبها فوق البيجاما ونزلت تحت للمطبخ قررت انها تسوي لها حليب حار يساعدها على النوم
كانت قاعده حطى يدها على خدها تنطر الحليب يفوح ..لما فاح شربته بهدوء وطلعت من المطبخ فكرت انه تشوف فهد اخوها اذا جاء ..لقت غرفته مظلمه اكتفشت انه نايم
كانت بتروح صوب غرفتها بس لفتت انتباهها الغرفه اللي بجنب غرفة فهد هذه الغرفه الوحيده اللي مادخلتها هيفاء خوفا من صاحبها مالك الشقه ..
بس هذه فرصتها هومش موجود ومارح يعرف اني دخلتها ..ذبحها الفضول وقفت قدام باب الغرفه متردده ..بس في الاخير سمعت كلا م قلبها ودخلت الغرفه المظلمه
وفتحت لمبة الابجوره اللي انارت الغرفه وبدا واضح كل شئ كان الاثاث فيها ذكوري وعملي عكس اثاث الشقه الباقي حست هيفاء بخيبة الامل مالقت شئ يثيرفضولها كانت التسريحه مليانه عطور والكبت مافيه الا الملابس..
راحت للكمودينه يمكن تلا قي شئ تمسكه عليه او نقطة ضعفه..لما وصلت يدها عند
مقبض الكومودينه سمعت حركه عند الباب التفتت لقت ظل رجل وشكله ناوي يدخل الغرفه التفتت يمين يسار تدور على مكان تستخبى فيه مالقت الا تحت السرير انبطحت واستخبت تنتظربخوف ..انفتح باب الغرفه ودخل شخص ..ماعرفت هيفاء من يكون ..سمعته يفتح الكبت لمحته هيفااء يطلع ملابس ولما عطاها وجهه انصدمت هيفاء صدمة حياتها..تركي!!!مستحيل وشلون وصل وليش ماقالنا شكله كان مرهق
لاحظت هيفاء انه بغير ملابسه فغمضت عينها من الخجل مافتحتها الا لما حست بثقل يطيح على السرير طلع من انين بسبب ضيق التنفس..فتحت عينها الا شافت يده تدلى من السرير قدام وجهها بالضبط خافت هيفاء فكرت انها لازم تصبرشوي لين يغفو لما هدأت انفاسه جرت جسمها من تحت السرير بهدوء عشان مايحس فيها لما لقت نفسها برع السرير تنهدت باطمئنان التفتت تاكد انه نام لقت في سابع نومه..
هيفاء وهي مستلقيه على ظهرها همست "الحمدالله"
تركي متعنز على يده اليمين يبتسم:مرحبا بنت خالتي وش هالزياره المفاجئه؟
هيفاء التفتت عليه برعب مب مصدقه اللي تشوفه:لا مستحيل قبل شوي كنت نايم..
تركي يطالعها بسخريه :وشلون تبيني انام والقمر تحت سريري..
ياترى وش بيصيرمع هيفاء وتركي..؟
فوازوش الخطه اللي مدبره حق العنود..؟
وفهد وش اخراعجابه بالجوهره..؟

الجــــ الثاني عشر ــزء
هيفاء من الرعب غطت عينها وحست نفسها بحلم وفي هالوقت كان تركي يتأملها ويلاحظ شعرها الحريري منتشر حولينها مثل الهاله وطالعه مثل الحور بجمالها فتحت عينها ببطء وطاحت عينها بعينه مباشرة وهنا وقف الوقت والزمن وحسوا بخيط خفي متصل بينهم يجذبها له وقرت في عيونه مشاعر كثيرة ماعرفت تفسرها واخيراً تكلم تركي بصوت اجش:
هيــــفاء؟
هيفاء حست لسانها معقود وماتقدر تتكلم..فتكلم تركي ثاني مرة بتساؤل:انتي ليه تكرهيني..
هيفاء هزت راسها من غير ما تتكلم بطريقة غير مفهومه.
تركي بصوت اثقلته المشاعر: هيفاء ارجوك ..اتركي نواف ..
هيفاء رفرفت بعيونها وكأنها كانت بحلم والسحر انفك...تركي وهو يكمل:اتركي نواف..لاتتزوجينه..
هيفاء قامت من مكانها وهي زعلانه من نفسها انها سمحت لنفسها تنجرف ورا مشاعرها ومن الكلام اللي يقوله يعني معقوله انه كان يمثل عليها بس عشان تترك نواف..هيفاء وهي ناسية انها من غير غطا ولابسه بجاما ردت على تركي بقسوة: انت حقيــر و قاسي ومغرور ..و..و..وصرخت: انـــانـــــي!
كملت وصدرها يرتفع وينخفض من الانفعال:ماهقيت انك عشان تنفذ اللي براسك بتستخدم اكثر الوسائل المنحطه عشان توصل للي تبيه!
تركي تغيرت ملامحه الى الغضب وفز من السرير بحيث خلاها تتراجع بضع خطوات من الخوف..وهو يتكلم بقسوة:انتي بالذات اللي المفروض ماتتكلم عن الانانية..تعرفين ليه..لانك وحده طماعه ونواف ماوافقتي عليه الا عشان فلوسه..
هيفاء انصدمت من اللي يقوله لكن تركي تابع كلامه مو مهتم فيها: بس خلي في بالك اني مستحيل اخلي هالزواج يتم ولو فوق جثتي..
اتجهه للباب وافتحه علامة الطرد ..هيفاء سحبت رجولها سحب لانها كانت تحس بثقل فيها وكانت بس تبي توصل لغرفتها عشان تفرغ اللي فيها من حزن..تركي جرحها للمره الثانية لما وصفها بالطماعه وانها طمعانه بفلوسهم.مرت عليه من غير ماتطالعها وهو سكر الباب بهدوء وراها هيفاء وصلت لغرفتها وهناك دفنت وجهها بالمخده وقعدت تنتحب بصوت واطي ولاقدرت تنام ..شلون وكلامه لسه في بالها..هو ليه كذا قاسي معي انا ايش سويت له عشان يعملي كذا ،انبطحت على ظهرها وهي تناظر السقف..وتتذكر ذاك اليوم لما ابتسم للعنود بنعومه حست بالغيرة لانها ماقدرت تسحب منه هالابتسامه غمضت عينها ودموعها تنزل ساخنه على خدها..


العنود في ذاك الوقت كانت صاحيه مثل عادتها.. وهي متى ذاقت النوم تفكربمراره ..هي من عرفت فواز وهي ماعرفت طعم النوم..حاسه انها مختنقه وتبي تفضفض اللي بقلبها ..وقعدت تفكر بكلام الجوهره لما قالت انهم ناوين يخطبون لفواز..هذا دليل ثاني انه ماكان يحبني..تنهدت بضيق وزاحت غطا السرير عنها ومشت رايحه للشباك وهي تناظر القمر وضايعه بافكارها ..وتتمنى تلقى الحل لمشكلتها وتغادر هالديرة وتترك وراها كل شي صار لها فيها وتحاول تجمع حطام قلبها من جديد.

******************
في اليوم التالي كانت هيفاء لساتها صاحية ولما شافت ان الساعه صارت 7 الصبح قررت انها تنزل وتشوف لها شي تاكلها .بدلت ملابسها وحطت الغطا على راسها اول ماطلعت من الغرفة اسمعت صوت باب ينفتح من وراها التفتت الا هو تركي بكامل ملابسه الرسمية نزلت راسها ومشت من غير ماتقول شي وهو مشى وراها ويراقبها بهدوء دخلوا مع بعض المطبخ وهناك حصلوا ام فهد موجوده هيفاء حبت راس امها وقعدت على الكرسي تصب لنفسها نسكافي..بينما تركي يصبح على ام فهد اللي كانت مستغربه من وجوده:صباح الخير خالتي.
ام فهد:صباح النور يابعد عمري..الا انت متى جيت؟
تركي بابتسامه ماوصلت عينه:البارحه بالليل.؟
ام فهد:وعسا نمت براحه وما تعبت؟
تركي التفت على هيفاء وبصوت ناعم: براحــــــه تامه.
هيفاء اللون الاحمر زحف على وجهها بالكامل وغطت ونزلت وجهها..عم المكان السكوت ام فهد كانت تقرا الجريده وتركي كان ياكل بصمت وبتفكير..اما هيفاء كانت تحاول تهدي من خفقان قلبها وشاغله نفسها بشرب النسكافيه..رن تلفون هيفاء اللي قطع جو الهدوء وكان التليفون بينها وبين تركي اللي رفع عينه يشوف التليفون الا التلفيون مكتوب عليه (حبيبي) هيفاء خذت التلفون وطلعت للممر عشان تتكلم على راحتها.
هيفاء:هــــــلا نواف..
نواف بحنان:هلا والله بالغالية..
هيفاء تفكر بمرارة بالفرق بين الاخوين:اهلين وشخبارك؟
نواف بصوت ناعم:اشتقتلك!
هيفاء وهي تضحك بنعومه:ههههههههههه..والله؟
نواف :والله..وانتي ماشتقتيلي..
هيفاء كانت مستحيه تقوله ولما شافت تركي طالع من المطبخ..غيرت نبرتها للنعومه: نـــــواف..ليه ماتجي للندن؟
هنا تركي وقف في مكانه متظاهر انه قاعد يقرا البريد اللي على الطاوة بالممر..
نواف بأسف:والله ياحبيبتي ودي بس الله وكيلك تركي ماعطاني فرصة ارتاح فيها ما اخلص صفقه الا مطلعلي صفقه ثانيه..
هيفـــاء:خســــارة..لاني بصراحه مشتاقتلك..
تركي رفع راسه يطالعها بقسوة ونواف اللي كان منصدم منها هذي اول مرة هيفاء تكون جريئة معه: طيب ايش رايك انه انا اول ماحصل فرصة راح اجي للندن..اوكي؟
هيفاء:اوكي..يالله باي.
نواف:باي..
تركي قط اللي بايده وهو يبتسم بسخريه وطلع من الشقة..ام فهد طلعت من المطبخ وهي تكلم هيفاء:هيفاء يمه روحي قومي فهد خليه ينزل عشان يتفطر..
هيفاء:ان شالله يمه..
هيفاء طقت باب غرفة فهد وماحصلت رد افتحت الباب ودخلت الغرفة اللي كانت مظلمه اتجهت لفهد تقومه لما انتبهت للرسومات اللي كانت موضوعه على التسريحه قربت منها عشان تشوفها،فهد كان معروف انه فنان من يوم كان صغير ،رفعت الرسمات تشوفها الرسمه الاولى كان رسم اولي خلته وخذت الرسم الثاني وشافته راسم عيون وحده وملامحها ماكنت باينه لانه ماكملها لسه بس هو رسم عيونها بطريقه رائعه وكأنها تحمل مشاعر كثيرة..فجاءة انسحبت الرسمة من ايدها بعنف التفتت على فهد اللي كان معصب عليها:انتي وش قلة الادب اللي فيكي تخليك تفتشين باغراضي..
هيفاء بصدمه:بس قاعده اشوف..
قطع عليها كلامها بغضب :ولا كلمه..اطلعي برا لا اصكك بكف اللحين..
هيفاء حزنت من الكلام اللي قاله وبان هالشي بوجهها ،فهد تنهد وتعوذ من بليس:آسف ماكان قصدي..بس انتي تعرفين انه انا ماحب احد يفتش باغراضي..
هيفاء وهي منزله راسها:آسفه والله ماكان قصدي..
فهد وهو يحط ايده على كتفها بمرح: الا وش جاب القمر لغرفتي..؟
هيفاء تبتسم:جيت عشان امي تقولك انزل عشان تتفطر.
فهد وهو يأشر على خشمه: على هالخشم..بعد آمري..
هيفاء بمزح:ابي ساعه الماس..
فهد وهو يطردها:اشوفك ماخذتها جد اقول اطلعي برا..اطلعي برا
هيفاء طلعت وهي تضحك عليه:هههههههههههههه...

******************
العنود صحت من النوم وهي تحس بتعب رهيب قامت للحمام وخذت لها شاور سريع وراحت للتسريحه تجفف شعرها وهي تحس بالم فظيع يغزو جسمها لما خلصت وبدلت ملابسها نزلت تحت،وهي نازله شافت حمد كاشخ وقاعد يصفر..العنود استغربت منه هالكشخه..
حمد بمرح: صباح الخير..
العنود وهي رافعه حاجبها:صباح النور...
حمد:وش عندك تناظريني كذا؟
العنود:ولا شي بس وش عندك كاشخ اليوم؟
حمد:كيفي مزاج...طق براسي اليوم اكشخ عندك مانع؟
العنود وهي تنزل معاه: لا ماعندي مانع..
لما اوصلوا باسوا راس والدتهم وقعدوا على الطاوة عشان يتفطرون بس العنود ماشتهت تاكل فصبت لنفسها شاي وقعدت تشربه شوي الا حمد يسألها..
حمد:وين بتروحون اليوم..؟
العنود وهي تهز كتوفها:مادري يمكن نروح نجيب الاغراض اللي هيفاء حاجزتها من المحل..
حمد:امممممم..
العنود:ليـــــه تسأل؟
حمد:ولا شي بس كنت احسبك مورايحه لمكان كنت عزمتك على المطعم نروح نتغدى..
العنود استغربت: تعزمني...
حمد:ايــه
العنود:حمد انت فيك شي...لا انت اكيد فيك شي..
حمد وهو يضحك على شكل اخته:ههههههههههههه.. ليه وش فيها؟
العنود :لان هذي اول مرة تعزمني فيها لمكان..اجل فهد وينه؟
حمد مسك راسه:بلييييييس لا تجيبين طاريه..
العنود: وش السالفه؟
ام حمد باستغراب:هوو وشفيك على ولد خالك؟
حمد: مو انا اللي شفيني الا قولي هو وش اللي فيه،من كثر مايقابل فواز حالته النفسية تأثرت صارت نفسه شينه..
العنود نزلت عيونها للكوب بينما ام حمد:مسكين والله ..وانت ياحمد لازم تراعيه..
حمد:والله ان انا مراعيه..بس هو يقول ان فواز من يوم الحادث وهو متغير عليه ومايدري من ايش..
العنود رفعت راسها لامها وبعيونها رجاء:يمه الله يخليك خلينا نرجع للرياض..
ام حمد بصوت حازم:رجعنا لنفس السالفه..انا قلتلك لا يعني لا..
العنود برجاء:لييييييييه..
حمد:انتي من جدك..اللحين الناس كلها تتمنى تقعد وانتي تبين ترجعين..لا شكلك مانتي بصاحية..
العنود كانت بترد بس حست بلوعه فظيعه فمسكت بطنها وقامت تبي ترقى لغرفتها عشان تنبطح شوي وتريح..بس حتى لما انبطحت ماحست براحه وبدت تحس بالبرودة في اطرافها ..شوي الا راس مها يطل عليها من الباب..
مها بابتسامه:هااااي عنود..
العنود ردت عليها بابتسامه واهنه:هاي..
مها:ممكن استخدم تليفونك عشان اتصل على فهد يجي ياخذني..؟
العنود:ممكن؟
العنود عطتها التلفون وقعدت تراقبها وهي دق على الرقم وبعدين تحط التليفون على اذنها تنتظر رد..
فهد:الو؟
مها:هلا فهد..
فهد:هلا مهوي..
مها:فهد بغيتك تجي تاخذني من بيت عمتي..تقدر؟
فهد:خلاص خمس دقايق وبكون عندك..بس انتي ابرزي..
مها:اوكي..باي.
سكرت التلفون وحطته عالطاوله والتفت للعنود وشافتها مصفرة مها خافت من شكلها:عنوووود انتي فيك شي؟
العنود بابتسامة اطمئنان: ايه بس احس بلوعه..
مها :طيب انا بنزل تحت انطر فهد اخوي..تبين شي اجيبه لك؟
العنود هزت راسها :لا مشكوره حبيبتي..
اول ماطلعت مها من الغرفة الا التلفون يرن ردت العنود..
هيفاء:هاااااااااااااااي..تئبريني؟
العنود:هايات..
هيفاء:ها وينك؟
العنود:بالبيت...انتي وينك؟
هيفاء:بالبيت لكن اللحين بجيك..
العنود:بتجين مع فهد؟
هيفاء باستغراب:ليه اخوي فهد بيجيكم؟
العنود:ايه راح يجي ياخذ مهوي اختك..
هيفاء وهي تصارخ:وييييييي..طيب يالله باي ..بروح الحق عليه..
العنود سكرت منها وهي تضحك..قامت من مكانها عشان تستعد بس احتاجت انها تتمسك بالسرير لان صابها دوار عنيف بس لثواني..هزت راسها واتجهت للتسريحه عشان تحط شوية ميك اب وتجهز،بعد ماخلصت انزلت تحت وحصلت مها قاعده بالصاله تتابع التلفزيون راحت لها ..
العنود:يله مهوي قومي خلينا ننزل تحت ننطرهم برا..
مها قامت وطلعت معها وقعدوا على الكرسي الموجود برا العمارة يتفرجون على الرايح والجاي شوي الا سيارة رياضية توقف قدامهم وصوت هيفاء وفهد وهم يتناقرون داخل السيارة، نزلت هيفاء من السيارة ووجهها صاير احمر من العصبية وفهد نزل من وراها وهو منبه لوجود العنود يصرخ فيها :هذي آخر مرة تركبين فيها معاي..
العنود وهي مستغربه:شسالفه؟
فهد انتفظ لما سمع صوتها ولف عليها:هلا العنود..تصدقين اني ماشفتك.
العنود بهدوء:اهلين فهد..شخبارك؟
فهد وهو راجع للسيارة ويحاول يتجنبها:بخير الله يسلمك..يله مهوي..
هيفاء استغربت اللي صار بين اخوها والعنود التفتت على العنود وحست انها مو طبيعيه:العنود ايش فيكي؟
العنود:ولا شي.
هيفاء :طيب يله قومي خلينا نروح..

************************
في نفس الوقت في المستشفى كان فيه واحد معند لاياكل والجوهره تحاول فيه انه ياكل..
الجوهره بحزن:فواز والله حرام اللي تسويه في حالك..انت كذا بتموت..
فواز وبنظرة الم: ياريتني اموت ..
الجوهرة برعب:فوووووواز ايش اللي قاعد تقوله..
فواز صد عنها وهو يفكر انه خلاص حياته مالها معنى من غيرها ودامها بتصير لغيرها يتمنى الموت ولا يشوفها تروح لغيره..الجوهرة حبت تفرحه فحبت تقوله عن زيارتهم البارحه لبيت ام فهد..
الجوهرة:امس رحنا بيت ام فهد..
فواز وهو لسه صاد عنها:وخير ياطير..
الجوهره تكمل:وكانت عندهم ام حمد وبنتها..
فواز هنا الجوهرة استحوذت على كل انتباهه فواز التفت عليها وبنظرة غامضة:لا.. وش اخبارهم..؟
الجوهرة بخبث:الحمد الله..
فواز حس انه ماراح يقدر يسحب شي من اخته من غير مايفضح مشاعره فقال بالم: تدرين ان العنود مخطوبه لفهد..
الجوهره بهدوء:ادري ..
وعشان ترفع من معنويات اخوها شوي: بس احس انها مو عاجبها هالشي..
فواز وهو يحس بالامل:شـــلون..هي قالت لك شي؟
الجوهره:لا الا بالعكس البارحه كانت هاديه بس هيفاء اللي تدخلها بسوالفنا..كانوا يبوني اروح معاهم اليوم بس انا اعتذرت منهم عشان اجي لعندك..
فواز بعصبيه:ليه ماتروحين معاهم..روحي..
الجوهرة خافت من تغير اخوها:فواز شفيك..
فواز بتصميم:دقي عليهم وشوفي وينهم..وروحي لهم.
الجوهره بتردد:بس انا قلتهم اني ماراح اروح..
فواز بصوت منخفض: اقولك اتـــصلي لـــهم..وروحي لـــهم.
الجوهره خافت منه:اوكي..اوكي..حشا كلتني..
الجوهره طلعت التلفون ودقت على العنود عشان تشوف اهم وين..لحظات الا العنود معاها:الـــــو؟
الجوهره وعيونها على اخوها:السلام عليكم..
العنود:وعليكم السلام..
الجوهره:هلا العنود ماعرفتيني؟
فواز من سمعها تنطق باسمها وهو قلبه يدق بجنون وفي خاطره يتمنى ياخذ التلفون من ايد اخته بس عشان يسمع صوتها اللي يرد الروح..
العنود:هلا والله بالغاليه..شلونك؟
الجوهره بابتسامه:بخير الله يسلمك..انتي شلونك؟
العنود:الحمدالله..هاه عسا بس غيرتي رايك وقررتي تطلعين معانا..
الجوهره بتردد:اذا مافيه حرج؟
العنود:افا عليك لا حرج ولاشي الابالعكس هذي الساعه المباركه اللي عرفناك فيها..
الجوهره:تسلمين يالغاليه..اجل انتو وين عشان اجي لعندكم؟
العنود عطتها العنوان وقالت لها ان اول ماتوصل تدق عليها رنه عشان تطلع لها خذت الجوهره العنوان واتفقت معاها ومن بعدها ودعوا بعض وصكت التلفون.
التفت لاخوها اللي كان شارد الذهن:ياهوووو..
فواز التفت عليها:هاه عسى بتروحين لهم؟
الجوهره باستغراب مصطنع:اموت واعرف انت ليش مصمم اني اروح معاهم؟
فواز ارتبك:ولا شي بس مابيك تعبين نفسك معاي وابيك تستانسين..
الجوهره حزنت ان اخوها ماقال لها السبب الرئيسي لانها عارفه انه يبيها تروح معاهم بس عشان تجيب له طاريها واخبارها..

*************************

كان تركي بالمكتب ومركز على الاوراق اللي بين ايديه لما سمع طرق على الباب
طل ايلي من الباب:مرحبا تركي.
تركي هو مازال مركز على الاوراق:اهلين..
ايلي:تركي..عندك مكالمه..
تركي وهو مو منتبه:مشغول..
ايلي بتوتر:بس هيدا نواف..
تركي رفع راسه وهو مستغرب:نواف؟
ايلي هز راسه..تركي:طيب حول المكالمه..
ايلي حول المكالمة اللي استقبلها تركي:الـــــو؟
نواف:هلا تركي..
تركي ببرود:مرحبا..
نواف: شخبارك؟
تركي وهو حاس انه في مغزى ورى هالاتصال..بسخرية:تمـــــام..
نواف بتردد:تركي بغيت...اجي لندن؟
تركي ببرود:لا.
نواف بعصبية: ليـــــــــــــــه؟
تركي بقسوة:اولا عندك شغل..وثانيا مابيك تكون بقربها.
نواف عرف تركي مين يقصد فغضب من مقصده:اسمع ياتركي اذا حاولت تسويلها شي او قربت منها بسوي شي ماشفته.
تركي بسخرية:يعني ايش بتسوي؟
نواف بحقد:بخليها تحتقرك اكثر..انا سويتها مرة واقدر اسويها مرة ثانية..
نواف بعصبية:وانا ماعلي منك..اليوم انا جاي على اول طيارة للندن.
تركي بهدوء:هذا اذا قدرت تطلع من المطار..
نواف:.................
تركي بسخرية:من سكوتك اتبين انك عارف كلامي..انا اعرف ناس بالمطار اقدر اخليهم مايسمحون لك تركب الطيارة...وسلم على عمتي.
تركي صك الخط وهو معصب حاول انه يرجع للاوراق اللي كانت بين ايديه بس تركيزه كان متشتت قام ولبس الجاكيت .بيطلع يشمله شوية هوا ممكن ينفعه.

***********************
في نفس الوقت كانت هيفاء تقيس لها بدله عاجبتها عبارة عن بنطلون ضيق للركبة وفوقه بوت وبلوزه فضفاضه وضيقه من الخصر طلعت هيفاء من الغرفة عشان تشوفها العنود وتاخذ رايها.اول ماطلعت وشافتها العنود شهقت..
العنود:روووووووووعه ياهيوف...تجنن
هيفاء:والــــله؟
العنود:والله..لازم تاخذينها..
هيفاء:خلاص باخذها....بالمناسبة الجوهرة ماوصلت ؟
تو العنود بترد عليها الا تلفونها يرن رنه علامة ان الجوهرة وصلت.
ابتسمت العنود لهيفاء وقامت من مكانها متجهه لبوابة المحل عشان تشوفها الجوهرة بينما هيفاء خذت الملابس وراحت تحاسب..شوي الا العنود والجوهره داخلين المحل وهم يضحكون.
هفاء وهي تسلم على الجوهره:هلا حياتي..شلونك؟
الجوهره:بخير الله يسلمك..انتي انشالله بخير؟
هيفاء:بخيرالحمد الله..
العنود مسكت لها بدلة كانت مترددة تاخذها ولا لأ:لحظه ياهيفاء استني شكلي باخذ هالبدله.
هيفاء: اوكي خلاص انتي ادفعي فلوسها وانا استناك برا.
التفتت على الجوهرة:تستنين معس برا ولا مع العنود.
الجوهرة بابتسامه:انا بتفرج شوي لغاية ما العنود تدفع.
هيفاء:اوكي.
طلعت هيفاء من المحل تستناهم الا بالصدفه شافت حمد مار وهو يعبث بالتلفون ومو منتبه لها قامت هيفاء ابتسمت بخبث وراحت وراه .
هيفاء :حمــــــــــد!
حمد وهو مخترع:حسبي الله على بليسك!
هيفاء وهي تضحك:هههههههههههههه..
حمد:تضحكين والله حركه سخيفه انها اللحين مشغول..
هيفاء بخبث :ماشوفك مشغول..
حمد:ههههههههه..والله ماقول الا الله يعين نواف عليك..
التفتت هيفاء للصوب الثاني من الشارع وانصدمت لما طاحت عينها في عيون تناظرها باحتقارشديد..تركي انصدم لما شاف هيفاء واقفه مع واحد غريب وتضحك وتسولف معاه فحس بالاحتقار اتجاهها..اما بالنسبة لهيفاء اللي كانت مستغربه نظراته وحمد لما شاف ملامحها تغيرت لف صوب المكان اللي هي تطالعه:منو هذا ياهيفاء؟
هيفاء ببرود:هذا واحد مو مهم.
حمد :تبيني اروح واسنعه لك؟
هيفاء وهي تتخيل حمد يضرب تركي او العكس صحيح:ههههههههه..من جدك خله منك؟
التفتت هيفاء على تركي وماحصلته ..احمدت ربها انه راح تحس انه شوي بيقتلها على انها ماتدري ايش عملت،بس هو ايش يخصه فيها.
طلعت الجوهرة وهي ماسكه العنود تعنزلها وكانت العنود مصفرة وتحس بلوعه شديده وماتحس باطرافها ،هيفاء لما شافتها بهالشكل ارتاعت.
الجوهره:هيفاء الحقي العنود فجاءة طاحت وتقول انها تعبانه وماتحس برجولها.
حمد تحنحن:احححححم..وخروا عنها انا سيارتي قريبة من هنا ..امشي يالعنود..
قام ومسك العنود من خصرها وهو يعنز لها ومن الصوب الثاني كانت هيفاء تعنز لها :العنود ..شفيك ..بايش تحسين؟
العنود ماقدرت ترد تحس اذا ردت راح ترجع ..
...
ياترى ايش اللي بيحصل للعنود؟
وفواز ايش بتتوقعون راح يصير له بالايام اللي جايه؟
ونواف هل بيعصي تركي وبيجي للندن؟
وتركي ايش اخرتها مع هيفاء؟

الجــــ الثالث عشر ــزء
حمد اخذ العنود للبيت وهناك اول ماشافتها امها تخرعت وضربت على صدرها
ام حمد:يمه العنود..شفيها؟
حمد وهو يساعد العنود:مادري شفيها يايمه تعبت عليهم بالسوق..تقول تحس ببرد ولوعه.
ام حمد:اكيد صايبها برد..حمد خذها لغرفتها وانا بروح اجيب لها شي يريحها..
حمد:ان شالله..بس انتي استعجلي..
حمد ساعد العنود وهم يرقون الدرج لغاية ماوصلها للغرفة وسدحها على السرير وهي تتنافض من البرد فقام وغطاها ..هذي اول مرة يشوف اخته بهالحاله صاير لها ايام وهي مثل الميته حتى لقلة اكلها بانت عظام خدودها وانطفى اللون المورد فيها..
بصراحه كسرت خاطره.
ام حمد دخلت الغرفة وبايدها حبوب وكاسة مويه حطت ايدها على راس العنود فحصلت حرارتها مرتفعة ،رفعت راسها عشان تاكل الحبوب.
ام حمد:العنود يمه هاك خذي هذي وان شالله بتتعافين.
العنود بتعب:يـــمه احس نفسي بموت..
امها بحنان:بسم الله عليك..كلها الا حراره..ان شالله مافيك شر
العنود بعد خذت الحبوب ارجعت وحطت راسها على المخدة وغمضت عينها فقامت ام حمد ومعاها ولدها عشان يطلعون من الغرفة بس استوقفها صوت بنتها تنتحب بصمت..التفتت ام حمد باستغراب لبنتها وحصلتها معطيتهم ظهرها وكتوفها تهتز بصمت ام حمد تنهدت يمكن تكون تعبانه بالمرة فاشرت لحمد يطلع وطلعت معاه...بس حمد حس ان اخته فيها شي ثاني ولا يدري ايش يكون..
والعنود قعدت تصيح وتنتحب وهي خلاص تعبت ..تعبت من التفكير فيه حتى في منامها يوصلها وفي نهارها طيفه موجود رفعت راسها وهي تدعي..يارب ..يارب ارجوك كفايه خلاص ابي انساه ..ابــــي انــــــساه...
انا تعبت
************************
في نفس الوقت الجوهره كانت بالتاكسي تفكر باللي صار للعنود بصراحه كانت مره خايفه عليها كان شكلها مايطمن ولازم تتصل عليها بعدين تشوف وش حالها..انتبهت انها وصلت للمستشفى نزلت ودفعت للتاكسي وطلعت لغرفة اخوها بس حصلت فهد عنده فقررت انها تروح وتنتظر في الانتظار لغاية مايطلع..
في نفس اللحظه كان فهد يشوف فواز وهو يقوم من السرير متجه للحمام بس فواز فقد التوازن فحاول فهد انه يساعده بس فواز نفض ايده بعصبيه:ماني بمشلول عشان تعنزلي...
فهد وهو يضبط اعصابه: انا بس احاول اساعدك يافواز..
فواز بحمق:ماحتاج مساعده..
لما دخل فواز الحمام رد فهد وقعد مكانه وهو يتنهد ينتظره فلاحظ المجلة اللي كان فواز يحل فيها الكلمات المتقاطعه فاخذها عشان يتسلى فيها..بس انصدم لما لاحظ اللي فواز كان كاتبه حس انه وكان احد صافعه من المفاجأه فواز كان كاتب بكل المربعات اسم واحد بس((العنود))فهد قعد يفكر هل ياترى هي العنود اللي ماغيرها ببالي وقعد يفكر بتصرفات فواز مؤخراً اهي تصرفاته ماتغيرت الا بعد ماخطبت العنود...هنا توضح كل شي بالنسبة له..فواز يحب العنود وانا اخذتها منه..ابتسم بسخرية على لعبة القدر فيهم..قام ورجع المجلة مكانها وطلع من الغرفة وهو براسه شي لازم يسويه..

الجوهره شافت فهد لما طلع من الغرفة فلمت حالها ودخلت الغرفة وحصلت فواز واقف عند باب الحمام يطالع الغرفة باستغراب التفت عليها.
فواز:فهد وينه؟
الجوهره:توه طالع.
فواز راح وقعد على الكرسي وسند راسه وهو مغمض عيونه ويتنهد:خلاص انا بطلع بكره...وبفتك من هالمكان..
الجوهره بابتسامه:مسكينه الوالده كانت تبي تجي ..
فواز:وليه ماجبتيها..
الجوهره:اولا مسكينه تعبانه وماقدرت اخليها تجي وبعدين انت بكره انشالله بتطلع..وبعدين شلون تبيني اجيبها وانا طالعه مع البنات.
فواز بغموض: ايــــه..هاه ان شالله استانستي؟
الجوهرة وهي تفكر اذا تقوله ولا لأ..
فواز رفع راسه وهو يكرر سؤاله:شفيك...ماستانستي؟
الجوهره بتردد:بلى بس..
فواز وهو مقطب جبينه:بس ايش؟
الجوهره:انا استانست بس لين تعبت علينا العنود....
فواز وهو يتفس بصعوبه:شلون يعني تعبت عليكم؟
الجوهره بخوف:مادري بس شكلها مريضة..اظاهر انها مسخنه..
فواز يتمتم بصوت غير مسموع:ماتشوف شر الغاليه..
الجوهره:هاه...ايش..؟
فواز وهو يصد عنها:ولا شي..

**********************
في نفس الوقت كانت هيفاء تزرع غرفتها من الخوف والتوتر..لانها تتصل على العنود وماترد فالاخير قررت انها تروح لها وتشوف شخبارها..نزلت تحت عشان تقول لامها وكانت تركض على الدرج وهي ماكانت منتبهه قدامها فاصدمت بشخص وارتدت على ورا وكانت بتطيح لولا انه ايد امتدت وامسكتها من معصمها ورفعتها ..وقفت هيفاء وهي تلتقط انفاسها رفعت عينها وشافت تركي قدامها فعدلت من حجابها وهي تحاول تمر بجنبه بس هو كان ساد عليها الطريق رفعت عينها عليه وببرود:ممكن امر؟
تركي بكل برود وقسوة:اللحين صدقت ظنوني فيك...
هيفاءوهي تأفف وتتكلم بسخرية:وايش هي ظنونك يا فيلسوف زمانك.؟
تركي بسخرية:خلي منك هالاسلوب لانه مايلبقلك...
هيفاء وهي تناظره بكره:...............
تركي وهو يمر بجنبها:وينك يانواف تجي تشوف خطيبتك..تسولف مع رجال غريب..
هيفاء التفتت عليه وهي تشهق:انت مجنون!
تركي التفتت عليها:لا تحاولين تنكرين لاني انا شفتك بعيني..
هيفاء افتحت فمها عشان ترد بس رجعت وسكرته اصلاً مافي فايده اتكلم معاه لانه مارح يصدقني وبعدين ليه ابرر له خليه يفكر باللي يبيه انا مايهمني..
عطته ظهرها ونزلت تحت تدور على امها وحصلتها بالصاله تنسل شعر مها فجلست جمبها تسألها:يمــــه ممكن اروح بيت عمتي؟
ردت عليها مها:اصلاً احنا بنروح لهم يالذكية..
هيفاء التفتت عليها امها:والله يمه؟
ام فهد:ايه ام حمد توها متصله لنا وعازمتنا كلنا حتى فهد اخوك..
هيفاء وقفت وهي مستانسه:من زمان مارحنا لهم ..خلاص انا برقى لغرفتي عشان اجيب الشنطه..
ام فهد:وخلي فهد ينزل معك..
هيفاء وهي طالعه:اوكي..
هيفاء دخلت الغرفه وخذت شنطتها وراحت ودقت باب غرفة فهد شوي الا فهد طالع لها :خير؟
هيفاء:يله اجهز عشان بنروح بيت عمتي..
فهد بشرود:اصلاً انا خالص يله امشي..
مشت هيفاء ورا فهد وحصلوا امهم تنطرهم تحت عند الباب وطلعوا كلهم متجهين لبيت ابو حمد.
وهناك ببيت ابو حمد كانت ام حمد عند بنتها اللي ذبحت نفسها بالبكي وتحاول تستخرج منها سبب هالبكي كله ..
ام حمد وهي كاسر خاطرها شكل بنتها:حبيبتي العنود ..انتي اللحين ليه تبكين؟
العنود وهي تدفن وجهها اكثر: ماقدر..ماقدر يايمه..
ام حمد وهي تهز راسها:طيب ايش المشكله اللحين؟
العنود رفعت راسها وطالعت امها برجاء:يمه الله يخليك لو كنت غاليه عندك ..خلينا نرجع السعوديه..
ام حمد حست ان العنود من جد تعبانه:خلاص ابشري ياعمري انا بقول حق ابوك يحجز لنا على اول طياره بكره...ومايصير خاطرك الا طيب.
العنود وهي مو مصدقه:والله يمه؟
امها باستسلام:ايه يايمه..بكره جهزي شنطتك..
قامت ام حمد بتطلع من الغرفة بس قبل لا تطلع التفتت على بنتها اللي كانت تطالع الفراغ وسارحه .
ام حمد:العنود؟
العنود ارفعت راسها لامها..ام حمد: انتي اكيد مافيك شي؟
العنود ولمحة حزن بصوتها:لا يايمه مافيني شي..بس خلاص زهقت من هالديرة وكرهتها ..وابي ارد للرياض..
ام حمد بشك:بس هذا السبب؟
العنود وهي تهز براسها:ايه يايمه..وان شالله ماراح ارجعلها ثاني مره...ابد..
ام حمد استغربت هالتغير ببنتها لان العنود من اشد المحبين لهالديره ولازم في الصيف تصيف هناك فاستغربت منها هالشي..طلعت ام حمد من الغرفة واتركت العنود لافكارها..ووحشتها.
في الطابق السفلي كانت عيلة ابو فهد توها واصلة وقعدوا يسلمون على بعض وقعدوا بالصاله واول ماقعدوا نطت هيفاء واقفه.
هيفاء:عمتي العنود صاحيه ولا لأ؟
ام حمد:بلى صاحيه روحي لها ترا مرة متغلقه.
ام فهد باستغراب:ليه عسى ماشر؟
ام حمد تتنهد:والله يالغالية مادري شفيها اظاهر صايبتها حراره..
ام فهد:سلامتها الغالية ماتشوف شر.
ام حمد: ياعمري كاسره خاطري..وعلى فكرة احنا خلاص بنرجع للسعودية بكره..
ام فهد وهيفاء مع بعض:بتردون السعوديه؟
ام حمد تبتسم :ايه لان بصراحه العنود مادري شفيها صاير لها كم يوم وهي تحن تبي ترجع السعودية وانا بصراحه كسرت خاطري احس انها فيها شي..فعشان كذا انا بكلم ابو حمد يحجز لنا على بكره.
هيفاء قامت من مكانها ورقت للطابق الثاني عشان تشوف العنود وتتطمن على حالها..اول ماوصلت الغرفة حصلتها مستلقية على السرير وشاردة ..
هيفاء:سلامات ياقمر ماتشوفين شر...
العنود وهي تبتسم:الله يسلمك ياعمري الشر مايجيك..
هيفاء قعدت على طرف السرير وهي تتأملها كانت بالمره باين عليها المرض والتعب.
هيفاء:العنود جد الكلام اللي سمعته من عمتي؟
العنود بتفكير:اي كلام؟
هيفاء:انكم بتردون للرياض..؟
العنود :ايه صحيح...
هيفاء: بليس لا تقولين لي ان السبب فواز...
العنود قامت من السرير وتوجهت للشباك: بلى فواز اهو السبب الرئيسي..
هيفاء: بس انتي كذا تخربين على نفسك.
العنود التفتت على هيفاء وبعيونها حزن: انا ياهيفاء ابي اطلع من هالديرة عشان كل شي فيها مرتبط فيه...تدرين ان انا طعم النوم ماذوقه خوف من ان فواز يطلع لي باحلامي..حتى اذا صحيت احاول اني مابقى لحالي عشان مافكر فيه..العنود ماقدرت تكمل لان دموعها غالبتها وكملت وهي تبكي...انا اكرهه ياهيفاء ..اكرهه..اكرهه لانه خلاني احبه..اكرهه لانه خلاني اتعلق فيه...
راحت هيفاء وضمتها وتحاول تهدي منها :خلاص يالعنود..ترى والله عورتي قلبي وبعدين هو مايستاهل منك هالدموع كلها..
العنود وهي تمسح دموعها: خلاص انتي انزلي تحت وانا بغير وبنزل تحت..
هيفاء: بس انتي تعبانه.
العنود:لا مافيني شي بعدين انا اللحين كويسه بعد ماخذت الدوا..
هيفاء:اوكي..انا ناطرتك تحت لا تطولين علينا...
لما طلعت هيفاء العنود راحت وبدلت ملابسها وغسلت وجهها وحطت شوية ميك اب وحطت الغطا على راسها ونزلت اول مانزلت شافت فهد طالع من المطبخ ووقف ينتظرها لين مانزلت.
فهد بغموض:سلامتك يالعنود؟
العنود وفي صوتها بحه:الله يسلمك..شلونك؟
فهد:بخير..
فهد اخذ نفس وتكلم:العنود بغيت اكلمك بموضوع..
العنود باستغراب: خير ان شالله؟
فهد وهو يتلفت حولينه:طيب ممكن اكلمك في مكان محد ممكن يقطع علينا..
العنود بحده:شلون يعني بروحنا؟
فهد بتوتر:لا لاتخافين بخلي هيفاء تجي معانا..
العنود هزت راسها :اوكي ..خلاص انا بروح انادي هيفاء وممكن نروح للسطح وهناك بنلقى راحتنا...
راحت العنود لصاله وهناك شافت ام فهد وخالها سلمت عليهم كلهم وهي خايفه تتأخر على فهد بس ابوها اللي مسكها وقعدها بجمبه.
ابو حمد بعتاب: افا يالعنود انا ابوك ولا اعرف انك تعبانه..
العنود وهي تضحك:هههههههه..فديتك يايبه انا مافيني شي الا بس شوية تعب..
تدخلت هيفاء: ماعليكم منها هذي عياره..
العنود وهي تقمز هيفاء: معليه ياهيفاء..اقول قومي بس ابيك بالمطبخ..
هيفاء:توني جايه من هناك روحي انتي..
العنود وهي تاشرلها بايدها من تحت اشارة قومي..بعد عناء هيفاء فهمت وقامت معاها ..وحصلوا فهد ينطرهم مغتاظ..
فهد:حشا كل هذا قاعدين تقرقرون.
هيفاء مستغربه: شسالفه؟
فهد وهو يرقى الدرج:بعدين انتي بتعرفين..
ولما وصلوا للسطح فهد التفت على اختها وبسخريه: ممكن لو سمحتي تتكرمين وتبعدين شوي عشان ابي اكلم العنود بموضوع..
هيفاء وه تطالعهم بخبث: الله الله ..عاملين لنا فيها روميو وجولييت..
العنود وفهد بنفس الوقت وبغضب:هيـــــــــــــــــــــــفاء..
هيفاء جفلت:طيب طيب حشا كلتوني..
راحت ووقفت بعيد وهي تطالعهم بحمق..فهد ارتد عن العنود وهو يحاول يرتب الكلام براسه ويحاول يلتقط انفاسه..العنود اللي كانت تطالعه باستغراب..
العنود:فـــهد؟
فهد تنهد والتفت عليها: اسمعي يالعنود انا بسألك سؤال وبذمتك تجاوبيني بصراحه؟
العنود :أسأل.
فهد بهدوء شديد: انتي ماتبين تتزوجيني،صح؟
فهد وكأنه يقر بهالشي مو يسألها بس العنود ماقدرت تجاوبه نزلت راسها وهي ماتعرف ايش تقول..
فهد :العنـــــــود؟
العنود رفعت راسها: مادري يافهد..
فهد عطاها ظهره: طيب يالعنود عشان افكك من هالسؤال انا قررت افك الخطبة.
العنود انصدمت وتحس ان لسانها انعقد .ايش الكلام اللي يقوله هذا معقوله يتكلم جد.
فهد التفت عليها وهو يتكلم بمراره:بصراحه يالعنود انتي بنت قمر والكل يتمناك بس انا عادك زي اختي ووالله ان غلاتك من غلات هيفاء اختي...فانا حبيت ابلغك قبل مابلغ الوالده.
فهد هز براسه ونزل تحت بينما العنود وقفت مكانها وتحس ان مشاعرها متضاربه تحس انها مصدومه وفي نفس الوقت مرتاحه من هم وانزاح بس الحمدالله انها جات منه هو..هيفاء جات عند العنود ووجهها جدي: وش عنده فهد يبيك؟
العنود التفتت عى هيفاء وهي تضحك على سخرية القدر قبل كانت تتمنى تفك الخطبة ولا تدري شلون تفكها وفي اللحظه اللي مافكرت فيها بهالشي يجي فهد وهو بنفسه اللي فكها.
هيفاء وهي تهز العنود: عنيد شفيك؟
العنود:فهد اخوك فك الخطبه.
هيفاء بققت عيونها: كذابه...من جدك تتكلمين؟
العنود وهي متجهه للكرسي :ايه من جدي..ليه مستغربه؟
هيفاء وهي تقعد على الكرسي اللي جمبها: مستغربه الا قولي منصدمه!
قعدوا البنات ساكتات فجأه هيفاء طرا على بالها شي وهي تشهق: تهقين فواز قال حق فهد عنك وان هذا اللي مغير رايه...
العنود وهي تهز راسها: مستحيل فواز يسويها..
هيفاء بحمق: تراك واجد واثقه منه نسيتي اللي سواه شلون ماتتوقعين منه هالشي..
العنود حست بالم لما ذكرتها هيفاء بالموقف وهيفاء تحسفت انها جابت طاريه .
هيفاء باسف:العنود سوري ماكان قصدي..
العنود بمراره: لا عادي انت قلتي شي واقع ..ماتدرين ممكن بيوم من الايام اتذكرها واضحك.

***********************
في مكان ثاني الجو كان حارجدا في دبي وبالتحديد في منطقه مزدهره بالعمران والشركات التجاريه كانت هناك شركه مختلفه في تصميمها الغريب والحديث وتتبع باقي شركات الضاوي للمقاولات في السعوديه وبداخل الشركه كانت الاجواء حاميه بالاشغال والعمال فيها مستغرقين بالشغل ..في الطابق الثالث عشر كان مكتب رئيس مجلس الشركه اللي يتولاه حاليا نواف بدلا من تركي ..كانت الطاوله اللي قاعد عليه نواف مليانه بالاوراق ..نواف حس بالجهد من الشغل وتعنز بيدينه على المكتب يفكر بالوقت الراهن حس بالعجز لانه مايعرف وش اللي يصير في لندن ولابأيده يروح هناك يستطلع الوضع ..نواف اعترف لنفسه انه يحس بالخوف من نوايا تركي تجاه هيفاء من كلامه من اخر مره كان واثق من نفسه وصمم انه مايجيهم وهذا دليل انه في شئ يدور براسه والله يسترر لا يخرب الخطط اللي حطيتها لان خطوبتي من هيفاء هو طوق النجاه ونفس الوقت ضربه في وجه تركي .. نواف رفع السماعه ودق على رقم معتاد عليه..
نواف وابتسامه خبث ترسم على شفايفه:مرحبا يااغلى لولو بقلبي في الدنيا..
صوت انثوي ينبع غنج:اهلييييييييين حبيبي ..طولت علي ليش ماكلمت ..
نواف ضحك بسخريه:هههههههه حبيبتي وش اسوي لازم اطول عليك عشان تشتاقين لي..
لولوه بدلع:ياسلام اصلا انت ماتعرف لوتمردقيقه ولااسمع فيها صوتك اشتاق لك فيها..
نواف وهو يفسرلها:وش اسوي ياعمري والله العظيم مشغول..
لولوه باستغراب:ليش اخوك مااعطاك للحين ورثك ..؟







نواف بتفكير:لا ماعطاني ورثي وهذا انا الحين اشتغل لما يتنزل سمو الاميرو يرجع السعوديه..
لولوه وهي تأنبه:انزين ليش خاطب مادامه ماعطاك فلوسك انت مو قلت لي انه بيعطيك فلوس..
نواف وهو مش عارف وشلون يفهمها:ياحبيبتي خطوبتي وصلتني للشغل بالشركه
والشغل بيوصلني للورث..
لولوه قطبت جبينها:وشلون مافهمت ..
نواف بتركيز:اذا اشتغلت بشطاره في الشركه واثبت جدارتي عند تركي ساعتها بيثق فيني ويخليني استلم ورثي ..
لولوه رفعت حواجبها:اهاااا الحين فهمت بعدين وش بتسوي..
نواف ابتسم :بعدين ياعمري اول ماستلم فلوسي بودع الشغل والشركه ..
لولوه بعصبيه:بـــــــــــــــــــس!والخطوبه..
نواف استدرك الوضع بسرعه:اول خطوه يا حبيبتي اني افسخ الخطبه من هيفاء واتزوجك ..
لولوه بخبث:أي على بالي نسيتني ..الا هذه اللي اسمها هيفاء حلوه مع اني اعرف انها مستحيل تكون احلى مني ..
نواف ضحك:ههههههههه والله انك تحفه ..هي الصراحه على خبري فيها يوم كنا صغار كانت جميله عيونها مشدوده ووساع وشعرها اسود حرير..
لولوه تنرفزت:اشوفك ياستاذ نواف حط عينك عليها ..لايكون ناوي تاخذها ..
نواف:وش ابي في النجوم وانا عندي القمر..
لولوه تضحك بدلع:هههههه ياحلوك يانواف وياحلو كلامك ..الناس كلها تشهد اني احبك ..
نواف بسخريه:وانا بعد ياعمري احبك ..يلا حبيبتي بخليك عندي شغل..
لولوه تأففت:لـــــــــــــــــيه لساتني ماشبعت من صوتك ..
نواف:معليه استحملي ياحبيبتي .. بكره اذا استلمت الورث بتملين مني ..
لولوه بدهشه :انا امل منك..! انا امل من الناس كلهم ولا امل منك..
نواف بغرور:خلاص ياعمري بكره ارسلك صورتي قابليها ليل نهار ومره واحده تشبعيين منها لاني بضطر اقلل من مكالماتي..
لولوه بصوت يحمل خيبة امل:لا عاد مايصير..وش اسوي امري لله خلاص حبيبي مع السلامه..
نواف تنهد مرتاح:الله يسلمك ..




*****************************
في البلكونه في بيت ابوحمد كانوا البنات قاعدين يطالعون امهاتهم اللي كانوا مبسطين في الحديقه ياكلون الفاكهه ويشربون بارد لان الجو كان ربيعي يناسب لنزهه برى بس حالة العنود الصحيه ماسمحت لهم يروحون مكان ..كانت هيفاء تطالع مها اختها تلعب بمرح وبراءه مع محمد هيفاء في هذه اللحظه كانت تمنى ترجع صغيره ولنظرة الطفل السطحيه للعالم..هيفاء ابتسمت بسخريه من نفسها والتفتت لاحظت العنود تشاهدهم بعيون ماتشوف ..تنهدت هيفاء بداخلها من حال العنود من يوم وصلوا وهي ساكته اذا تكلموا ترد عليها باجوبه مختصره كان لونها شاحب وباين عليها قلة النوم من الهالات السوداء اللي تحت عينها وشفايفها صفراء جافه ..هيفاء رثت لحالها كانت تحس بصراع داخلي بين اخوها اللي فك الخطبه وبين العنود اللي مضحيها بمستقبلها وحبها لفواز عشان العائله ونفس الوقت بسبب الخيانه اللي لقتها من فواز.. هيفاء مرات تحس نحوه بالشفقه ومرات بالاحتقار
العنود كان شعرها مفتول ويتنفس بالهواء حول وجهها الناعم رفعت هيفاء خصله عن خد العنود وحطتها وراء اذنها ..العنود انتبهت من سرحانها والتفتت لهيفاء تبتسم ابتسامه مكسوره..
هيفاء بتركيز:العنود انا بسألك سؤال بصراحه انت تعبانه نفسيا ولامريضه..
العنود نزلت عيونها للارض:مادري وش اقولك ياهيفاء اناحاسه ان مشاكل الدنيا
على راسي..
هيفاء وهي تحاول تفهمها:انزين انا هنا عندك خليني اشيل عنك شوي..
العنود ابتسمت بسخريه:هه وشلون تشيلين عني ماحد يقدر ياهيفاء يساعدني..
هيفاء وعلى وجهها علامة استفهام:ليش ماحد يقدر يساعدك ..حاولي..
العنود بيأس:اللي انا فيه قدري ومكتوب من يوم طلعت لها الدنيا..قدري ياهيفاء اني احب فواز بس ما اتزوجه..
هيفاء ابتسمت بامل:من يدري يمكن قدرك يحملك مفاجآت..
العنود قطبت جبينها:مفــــــــــــاجأت!لامااظن اللي صار صار..انا حاليا بس ابي ارجع السعوديه افكر واراجع قراراتي..
هيفاء وهي تحاول تغير من راي العنود:ترجعيـــــــــــــــــــن!وتخليني لحالي ..العنود انا مالي قعده في لندن وانت مب موجوده ..
العنود التفتت لها بارهاق:هيفاء انا محتاجه ابعد عن فواز مااقدر اكون بقربه..اتعب اتعب!
العنود حطت يدها على وجهها تبكي وكتوفها تهتز من النحيب هيفاء مدت يدها وحطتها على كتف العنود تواسيها خلتها تبكي لين ترتاح شوي ..لما هدت هيفاء مسكتها من كتفها وقومتها من الكرسي ودخلوا الغرفه لما وصلوا السرير



انسدحت العنود وهيفاء قاعده جنبها تمسح على شعرها ..هيفاء فكرت انهالازم ما تكون انانيه وتقعد العنود في لندن على حساب تعاستها ..فكرت ان العنود معها حق لازم ترجع الرياض وترتاح من مشاكل فواز اللي تلاحقها ..من يدري يمكن اذا راحت السعوديه بتنساه مع الوقت ..مثل مايقولون الزمن كفيل بالجروح..
هيفاء بنعومه:العنود حبيبتي نامي الحين ..
هيفاءكانت بتقوم بس العنود وقفتها:هيفاء اسمحيلي لاني بخليك لحالك مب باستطاعتي اني اقعد هذا شئ خارج طاقتي ..
هيفاء ابتسمت متفهمه:العنود انا راحتك عندي بالدنيا كلها واذاراحتك انك ترجعين السعوديه ..فانا موافقه ولااابعد مصره..
العنود طالعتها بنظرة امتنان:ياحياتي ياهيفاء صدق انك اختي وصديقتي ..هيفاء انا بقولك شئ انت ماتعرفينه عن نفسك ..
هيفاء بحيره:وشو..؟
العنود وخدودها مبلله بالدموع:انت ياهيفاء انسانه قويه بس ماتدركين هالشئ بامكانك تواجهين تركي وعشره من امثاله..
هيفاء بحزن:انت تقولين كذا عشان تخففين على نفسك تأنيب الضمير..
العنود تفسرلها:لاوالله ياهيفاءاقول الحقيقه ..انت اقوى مني والدليل انك بتزوجين نواف وتركي اخوه..
هيفاء رفعت اللحاف وغطت العنود:انت نامي الحين وخلي تحليلاتك النفسيه بكره..
العنود مسكت اللحاف بخوف:هيفاء على فكره احنا بنسافر بكره..
هيفاء بخيبة امل: حجزتوا به السرعه..
العنود هزت راسها:أي امي كلمت ابوي حجز على بكره ..
هيفاء:يلا حبيبتي اشوفك على خير..
العنود ضمت هيفاء:راح اشتاق لك ..كلميني يوم بيوم..
هيفاء هزت راسها:ان شاء الله ..
العنود برجا:ماراح تجينا بكره ..
هيفاء :لاماظنتي ..يمكن امي بس انا ماقدر..خليني انودع بعض الحين ..
العنود نزلت راسها :على راحتك ياعمري وسلمي على الجوهره عني..
قامت هيفاء من مكانها وراحت للباب بتطلع وهي تطالع العنود بعيون معذبه
هيفاء وهي تصنع الابتسامه:يوصل ..
طلعت هيفاء ونزلت برى للحديقه وهي تفكر وشلون راح تستحمل الاسابيع الجايه بدون العنود ..مع من تطلع و من راح تقولها سوالفها مع تركي ..هيفاء العبره خنقتها ماتخيل لندن بدون العنود ..العنود الوحيده اللي مالها بديل عندي..





لقت امها وعمتها يتناقشون بجديه وباين ان السالفه عن سفرهم للسعوديه..سمعت امها تحاول تقنع عمتها بس عمتها ماقالت لها ان السبب الرئيسي هو تعب العنود وحالتها النفسيه لها السبب امها مب راضيه تفهم ليش رجوعهم المفاجئ لاسيما انهم قبل نكسة العنود كانوا فرحانين ومكيفين على السفره ..هيفاء حست ان هالوقت المناسب انها تدخل وتنقذ عمتها من اسئلة امها المتطلبه..
هيفاء حطت يدها على كتف امها:يما الله خليك افهمي ..انا متأكده ان عمتي لها اسبابها..
ام حمد طالعت هيفاء بنظرة شكر:والله اعذريني ياام فهد..الود ودنا نقعد معكم بس الظروف جابرتنا وابو حمد حجز خلاص..
ام فهد بيأس:متى النيه انشاء الله..؟
ام حمد : بكره ان شاء الله..
ام فهد وقفت:تامرين على شئ ياام حمد وربي انك لوتطلبين عيوني ماتغلى عليك..
ام حمد بدهشه:على وين تونا بدري..
ام فهد:لازم نخليكم تبرزون اغراضكم وبعد مثل ماانتي شايفه مها نعسانه تبي تنام..
ام حمد:ماابي الا سلامتك ياطويلة العمر..
هيفاء مسكت عمتها تسلم عليها:يلاعمتي تروحون وترجعون بالسلامه ..
ام حمد:ليش ماراح نشوفك بكره ..؟
هيفاء نزلت راسها عشان ماتبين دموعها:لاوالله ماقدرياعمتي اودعكم الحين احسن..
ام حمدابتسمت:افاا هذا وانا معتمده عليك عشان تخففين على العنود حزنها على فراقكم..
هيفاء بحزن:انا اللي محتاجه حد يخفف علي ياعمتي ..ماحد يقدر يعوض علينا غيابكم..
التفتت هيفاء وراها بينما امها تسلم على عمتها شافت محمد يلعب بالحشيش قربت منه ..لما رفع راسه وشافها ابتسم لها ابتسامه تعور القلب خلى قلب هيفاء يذرف دم
محمد بمرح:هيوف تعالي العبي معي اختك مها الخايسه راحت وخلتني..
هيفاء ابتسمت بحزن :لاحبيبي ماقدر بنروح الحين..ماراح تسلم علي..
محمد هزراسه وراح ضمها وهيفاء ضمته بالمثل لما رفع راسه..
هيفاء بتحذير:مااوصيك على امك والعنود الله الله فيهم تراك انت رجال البيت ..
حط محمد يده على خصره:ليه وين راح ابوي وحمد..
هيفاء:ابوك الله يخليه لكم اما حمد مخبل..
محمد:هههههههه اذا سمعك حمد تقولين هالكلام بيذبحك..
هيفاء:هههههههه يخسي مايقدرعلى هيفاء بنت سلمان ..هاا حبيبي توصي على شئ خاطرك فيه..





محمد وهو يفكر:امم لا مابي شئ..لالحظه اذا في شريط بلاي ستايشون جديد اشتري لي..
هيفاء ابتسمت:ماشي يامستر محمد..اي اوامر ثانيه..
محمد هز راسه:لا.
هيفاء واهلها طلعوا من شقه عمتها..وهي تحس بفراغ داخلها وكانها فقدت شئ غالي على قلبها حست انه جزء منها خلت وراها تاملت هيفاء شوارع لندن في السياره وكل شارع يحمل ذكرى مع العنود او حادثه معينه ..هنا ماقدرت تستحمل بدأت دموعها تنزل بصمت تبكي على رفيقتها والا نسانه الوحيده اللي تفهمها كرهت هيفاء لندن حست انها
فاضيه وبارده ..دعت هيفااء برجاا من ربها انه يصبرها لين ترجع السعوديه ..
لما رجعوا البيت كان كل واحد منهم يحس انه ماعنده كلام يقوله للثاني فكل واحد راح لطريق غرفته ..حمدت هيفاء ربها انها ماشافت تركي اليوم وخاصة الحين
لانها تحس انها ضعيفه ماتقدر تدافع عن نفسها مشت بخطوات بطيئه متثاقله بالالم
لاحظت ان ضوء مكتبه مفتوح ..اكيد عنده اشغال اهم من مناقرتها تخيلت هيفاء لوكانت العنود عايشه معهم هل كان بيعامل العنود مثل مايعاملها كأنها شخص غير مرغوب بها..هيفاء اول ماوصلت لغرفتها نامت على السرير بدون ماتغير ملابسها
وفي نفسها تامل ان النوم يمسح هموم النهاراللي عانتها..

*************************
بس فيه واحد ماكان معاهم فهد طلع من بيت عمته بعد العشا .. ركب سيارته وتوجه للمستشفى وهو لازم يبلغ فواز انه فك الخطبه على الاقل ان كان فواز يحب العنود ويبي يخطبها هذي تكون فرصته..وبينه بين نفسه يحس براحه واكتشف ان كان العنود مثل اخته واصلا حتى ولو استمر بالخطبه مستحيل تنتهي بزواج لان مشاعره اتجاها مشاعر اخويه..
وصل فهد للمستشفى وحس ان الوقت متاخر بس احساسه يقوله ان فواز صاحي فاخذ اللفت للطابق اللي فيه غرفة فواز واتجهه لغرفته وطق على الباب قبل مايدخل..ولما دخل حصل فواز مستلقي وحاط ايده ورا راسه ..
فهد:السلام عليكم.
فواز عدل من قعدته:وعليكم السلام..هلا فهد..
فهد بابتسامه:عسى مازعجتك؟
فواز:لا ازعاج ولاشي الا بالعكس زهقان..
فهد:اهااا..
فواز:ها شخبارك؟
فهد بتوتر:والله مافي شي جديد....
فواز حس انه فيه شي:خير فهد فيك شي؟
فهد: هاه..لا بس اليوم فكيت خطبتي من العنود..
فهد وهو يراقب ملامح فواز وبريق الامل اللي اشتعل للحظه بعيونه وانطفى: فكيت خطبتك..ليه في شي؟.
فهد:لا مافي شي بس مثل ماقلتلك من قبل البنت انا عاده مثل اختي.
فواز بغموض:وهي شلون تقبلت الخبر..
فهد:عادي..
فواز: وبس هذا اللي موترك.
فهد : ايه والله ياخي احس اني كنت حامل هم..
فواز بمرح: حشا عذا وانت خاطب ..اجل لو عرست وش كنت بتسوي..
فهدوهو يضحك ومرتاح ان فواز نفسيته تحسنت: هههههههه..بليس لا تقول...
قعد فهد فترة عند فواز يتسامرون ويسولفون لغاية ماقطعت عليهم الممرضة وتطلب من فهد انه يطلع لان الوقت اللحين متاخر..
فهد بابتسامه:حشا حتى جامعتنا مش كذا..
فواز وهو يضحك:هههههههههه..الله وكيلك مو هذا اللي مطفشني..
وقبل مايطلع فهد التفتت على فواز:ايه على فكرة ترا حمد بكره بيرد السعودية.
فواز بدهشه:لاااااااا..وش عنده الاخو؟
فهد:مو هو بس الاهل كلهم..عالعموم انا تاخرت يله تصبح على خير..
طلع فهد وترك فواز لصدمته مامداه يفرح بخبر ان فهد فك الخطبه يجي وينسفه بخبر انها بترد السعوديه..

*********************

قامت هيفاء من النوم متأخر بسبب تعبها البارحه حست بثقل بجسمها غسلت وجهها وغيرت ملابسها اللي من امس ونزلت تحت تتفطر وتدعي في نفسها انه تركي مايكون موجود لانها مالها خلق حد ..كلت فطورها من غير نفس ..خافت من هدوء البيت المفاجئ ماكان قي صوت لايكون راحوا خلوها مب غريبه يسونهاا..راحت واستطلعت في اركان البيت مالقت حد ..حتى مها اللي كله منقعه عند التلفزيون
مالقتها هنا صدق بدا الرعب الحقيقي يدب في قلبها ركضت للتليفون تكلم شقة عمتها
لاحظت نوته جنب السماعه رفعتها وقرأتها ..تقول فيها امها انهاوابوها ومها اختها
راحوا لشقة عمتها يساعدونها على ترتيب الاغراض لقوها نايمه ولاقدروا يقومونها
واذا بغت تجي تكلم السايق يجيبها ..حست باكتتْاب لانها راح تقضي اليوم ماعندها شئ تسويه ..رجعت للمطبخ تشرب العصير بسرعه وترجع لغرفتها قبل مايشوفها تركي ويستغل فرصة انهم لحالهم في الشقه..على اخررشفه شربتها من العصير انفتح الباب وعيونها تطالع الشخص عند الباب بخوف انه يكون الشخص اللي في بالها





طلت زهره الاثيوبيه من الباب والابتسامه على محياها لما شافت هيفاء..طلعت منها تنهيدة ارتياح ضحكت هيفاء على خوفها وسلمت على زهره بفرح..
زهره بابتسامه:لساتك قايمه يااميس هيفاء ..من شان اعملك الفطور..
هيفاء هزت راسها:لا زهره مشكوره انا فطرت ..من وين جايه..؟
زهره وهي تحط الاغراض اللي في الاكياس في الثلاجه:لساتني جايه من السوبر الماركت ..المدام ام فهد طالبه مني اشتري اغراض البيت..
هيفاء وهي حاطه يده على خدها متملله:وفهد اخوي وينه ..؟
زهره رفعت عيونها فوق تذكر:على مااظن لساته ماصحى..
طل عليهم من باب الصاله راس فهد ووعيونه منفخه من النوم كان وجهه متكاسل كأنه ماله خلق لحد..
هيفاء ضحكت:جبنا سيرة القط جانا ينط..
فهد وهويفرك عينه:صباح الخير.
ردوا اللي في المطبخ:صباح النور.
فهد وهورافع حاجب واحد:خير عسى ماشر من صباح الله خيره تحشون فيني..
هيفاء ابتسمت:الخير في وجهك بس كنت اسئل زهره عنك..
زهره بمرح:هاا يامستر فهد ايش عاوز على الفطور..
فهد سند راسه على طاولة المطبخ بتعب:كالعاده.
بدأت زهره تعد الفطورحق فهد ..هيفاء ارتاعت من شكل اخوها المرهق اللي يشوفه يقول مانام الليل خالص..
هيفاء باهتمام :فهد وش فيك مانمت امس..؟
فهد رفع راسه بثقل:بلا نمت امس بس هالايام نومي مايزيد على الخمس الساعات..
هيفاء باستغراب:من اللي جبرك تعذب نفسك..
فهد كان سرحان ومارد عليها..
بعد خمس دقائق التفت فهد عليها:الا الاهل وينهم مابينوا..
سكتت هيفاء لما حطت زهره الصينيه قدام فهد ..
هيفاء كملت:راحوا بيت عمتي يسلمون عليها..
فهدوهو مركز على اللي قدامه:لــــــــــــــــــــيه..؟
هيفاء بجديه:لانهم بيسافرون بكره..شفيك نسيت
فهد وهو يضرب على راسه :اوووف نسيت عشان كذا حمد ذبحني بالتلوفونات...
قام فهد ولاكمل صحنه:انا بروح لبيت عمتي..
هيفاء وقفت:فهـــــــــــــــــــــــــــــــد !
بس فهد اشرلها بيدينه وكمل طريقه بدون مايوقف..
زهره باستغراب:ماله مستر فهد ..؟
هيفاء هزت راسها :مااعرف يازهره وش فيه..
قامت هيفاء وطلعت للحديقه وهناك شغلت النافوره وقعدت تفكر كانت شاغله فكرها بالعنود بنت عمتها هالايام حاسه ان العنود رفيقة عمرها ماراح ترجع مثل اول المرحه والعفويه اللي الحب المدفون في قلبها انكسروانجرح
صارت مثل المرأه اللي اكتفت من الحياه وعطاياها وتحمل هموم اكبر ..هيفاء انصدمت من نفسها لقت جزء منها يحسد العنود..على الاقل هي عاشت الحب وجربت مرارته وحلاوته ..اما انا مالقيت من هالدنيا الا الاخذ ولاعطتني شئ املكه لوحدي ..هيفاء كانت قاعده في الحديقه شاردة الذهن وحاطه يدها على خدها مالا حظت العيون اللي تاملها من النافذه ..عيون غامضه ماحد يعرف بالمشاعر اللي تخبيها ..خرجت من هيفاء تنهيده غصبا عنها من الاحوال الرديئه اللي تمر عليهم ..وفي نفس الوقت الضعف بدا يراودها لانها ماقدرت تكون شق في درع تركي المنيع كان دايما يحسسها بالا حتقار وان احسن من مستواها ..لاحظت هيفاء ان مكالماتها قلة مع نواف وهذا اللي لاحظه تركي وخلاه يحس بالا نتصار ..شعور القهر ألمها لانها سمحت للمغرور ينسيها خطيبها ..شوي شوي اكتشفت هيفاء ان تركي خذا جزء من افكارها وهذا اللي مستحيل ترضى به اوشخص يتمنى تعاستها تخليه يتسلل لكيانها
*******************
ايش تتوقعـــــون راح يصير؟

الجـــ الرابع عشر ـــزء
العنود وهي قاعده بالمطار مع اهلها ينتظرون موعد رحلتهم...قعدت تناظر الناس المسافر منهم والقادم منهم والتفت تشوف بنت تودع صديقها وهي تبكي ..وماتدري ليه بس حست بالم لما شافت هالمنظر..شوي الا تلفونها يرن رنة مسج طلعت التلفون عشان تقرا المسج الا مكتوب فيه:
..يهــون عــلى قلبــك يبتعـــد ويتـــركني..
(فواز)
العنود انصدمت لما قرت الاسم ..فواز..لكن من وين جاب رقمي ردت تقرا المسج والدموع متجمعه بعيونها ودها ترد عليه بس تدري انه مافي فايده وكان ودها تقهره وترد عليه بكلمه وهي ايه يهون..فواز اللي كان قاعد بالشقه وينتظر رد منها بس لما شاف ان مرت مدة عرف انها ماراح ترد..تمنى ان الجوهره تعرفت عليها من زمان هو لما شاف الجوهره مشغوله بالمطبخ انتهز الفرصه وطلع رقم العنود..تنهد واستلقى على الكنبه وهو يراقب التلفون في امل انها ممكن ترد..وفي نفس اللحظه كانت عيلة ابو حمد تصعد للطيارة والعنود اللي كانت ترتعب من طاري الطياره كان هدوءها مروع حتى امها لاحظت هالشئ وهنا حست ان قرارها انهم يردون السعودية كان قرار صائب ..العنود قعدت جمب الشباك ومحمد اخوها كان قاعد بجمبها قفلت حزام الامان وقعدت تراقب لندن من شباكها وكانها تودعها وتودع كل ذكرياتها فيها سواء من مرة او حلوة.

*******************

اما بالنسبه لهيفاء اللي كانت قاعده بالبيت لحالها متملله وتفكر شلون تقضي وقت فراغها اللحين بدون العنود..قامت من مكانها وتوجهت للدرج عشان بتروح لغرفتها لما شافت مكتب تركي مفتوح فجاها فضول انها تدخل وتشوفها لانها بالعاده تكون مغلقه فتحت الباب اكثر ودخلت وشافت ارفف مليانه بالكتب ومكتبه كان مليان بالاوراق المبعثره وريحة السجاير للحين موجوده بالجو توجهت لللارفف تقرا اللي موجود فيه لغاية ماوصلت لرف كان نوع الكتب اللي فيه عباره عن قصص بوليسيه خذت واحد من الكتب وقعدت على الكنبه الجلديه تقرا فيه وغرقت بالكتاب وفقدت الاحساس بالوقت لدرجة ان تركي لما دخل ماحست فيه.
تركي بحده: وش قاعده تسوين؟
هيفاء سكرت الكتاب ووقفت مرتبكه: قاعده اقرا....
تركي بسخرية: يعني ماشوف...قصدي ايش اللي دخلك مكتبي..؟
هيفاء بارتباك:شفت باب المكتب مفتوح ..دخلت..
تركي توجه لمكتبه وقعد هناك: بس بهالبساطه..لا احم ولادستور..
هيفاء وهي ترد الكتاب مكانه: آسفه ماكان قصدي..
تركي وهو يشعل سيجاره : اعتذارك غير مقبول..
هيفاء وهي تحس بالغضب: اصلاً انا الغبية اللي اعتذر منك..
تركي بسخريه: بصراحه تصلحين ممثله..وكمل بقسوة: اذا بتمثلين مثلي على نواف مو علي..
هيفاء تحس ان ودها تقذف شي بوجهه: ممكن اعرف انت ليه كذا؟
تركي وهو يطالعها بسخريه:..........
هيفاء ضربت الارض برجلها من الحره وطلعت من المكتب وهي تصفق الباب وراها بقوه ورقت فوق لغرفتها وهناك رمت نفسها على السرير وهي تصر على اسنانها من الغيض..بعد دقايق سمعت طرق على الباب ومن غير نفس..
هيفاء:مييييييييييييين؟
تركي: انا تركي.
هيفاء فزت من السرير مصدومه..تركي ايش يبي اكيد يبي يكمل تهزيئه فكرت بينها وبين نفسها انا لازم ماسمح له..قامت من مكانها معصبه ومستعده تواجه..افتحت الباب بقوه:نعــــــــم؟
تركي وعلى وجهه ابتسامه: من جدك زعلتي؟
هيفاء انصدمت من التغيير اللي طرا عليه: خير ايش بغيت؟
تركي وهو مازال يبتسم: بغيت اعتذر منك..
هيفاء وهي ترد عليه بنفس جملته :اعتذارك غير مقبول..وصكت الباب بوجهه.
وتوجهت للسرير بس تركي فتح باب الغرفة بغضب وهيفاء تطالعه بغضب.
هيفاء:انت شلون تتجرأ وتدخل غرفتي..
تركي وهو يمسك ايدها بقوه:انا كم مره قلت لك لا تعطيني ظهرك وانا اكلمك..
هيفاء وايدها تعورها من ضغطه:تركي ايدي ..
تركي وهو يصر على اسنانه: ياويلك ان سويتها ثاني مره..
هيفاء وهي تحس ان ايدها انشلت والدموع تنزل من عينها: ايدي تعورني..
تركي لما شاف دموعها انصدم وهد ايدها وهو مصدوم من اللي سواه بس هي تنرفز الواحد..قعد يطالعها وهي تفرك معصمها ودموعها تنزل بصمت..
تركي بحزن: هيفـــاء انا آسف..
هيفاء طالعته من بين دموعها بكره وهي تصرخ:انااكرهك..اكــــــرهك..
اطلع برا وخلني بسلام...
هيفاء وهي تشوف المشاعر اللي بانت بعيونه وهو يطالعها بنظرات غريبه وماتعرف لها تفسير..
تركي طلع من الغرفه من دون مايقول شي وترك هيفاء وراه حزينه وحيرانه من المشاعر اللي غزتها بالايام الاخيرة ولاتعرف لها تفسير ..طالعت ايدها وحصلتها محمره ..مشت للحمام وفتحت المويه وخلتها تنساب على ايدها تكمدها ..بعدها رجعت للغرفة وهي تفكر بان هالافكار والاحاسيس اللي تحس فيها مجرد اوهام وانها مان تتصل بنواف الا وتختفي.فاخذت تلفونها وهي تدق على رقم نواف وتنتظر بس ولاول مره نواف مارد عليها قطبت جبينها مستغربه،تنهدت واسنسدحت على السرير وهي تفكر بالعنود وتمنت انها راحت معهم بس هي عرفه رد امها ايش بيكون..طرا على بالها تتصل بالعنود تشوف اذا كان تليفونها مسكر معناته سافرت واذا كان مفتوح فرصة وتفضفض لها لكن نفس الشي حصلت تلفونها مغلق.
قررت انها تجلس بالغرفة تفادي انها تتصادم مع تركي وتنتظر اهلها لغاية مايجون وينقذونها من هالوضع الكريه.

*********************
فواز كان قاعد يمشي في غرفته وهو يفكر ياترى هل يلحقها للرياض ولا لأ؟بس الخوف انه يروح وترده وهنا هو مايقدر يستحمل اللي بيصير له لو رفضته.. فجأه احد يطق على باب غرفته..
فواز وهو يقط نفسه على الكرسي بتعب:ميــــــــن؟
الجوهره: انا يافواز.
فواز:تعالي ادخلي.
الجوهره دخلت ولما شافت غرفته معتفسه قطبت جبينها بقلق:فواز ماتبي تاكل شي ترا حطينا الغدا.؟
فواز من غير نفس: مابي مشكوره.
الجوهره تنهدت وتوجهت للسرير وقعدت: ممكن اعرف انت ايش فيك؟
فواز وهو يبتسم بسخرية: يعني ايش فيني مافيني الا العافيه..
الجوهره بحزن: فواز انا اختك اذا ماقلت لي ايش فيك يعني حق مين بتقول؟
فواز كان متردد اذا يقول لها ولا لأ بس بالاخير استسلم وقرر ان يبوح لها ممكن يلقى الجواب عندها.
فواز وهو يبتسم بمراره:انا اللي فيني يالجوهره مرض ماله علاج.
الجوهره بهدوء:مافي شي ماله علاج.
فواز بسخريه: بس انا علاجي مرتبط بوحده.
الجوهره وهي تنتظر منه ان يكمل:...............
فواز بتعب:انا احب يالجوهره.
الجوهره وهي منزله راسها: اعرف.
فواز طالعها بصدمه: وش دراك.؟
الجوهره بصوت منخفض: لما كنت بالمستشفى بالغيبوبه نطقت باسمها.
فواز وهو رافع حاجبه: كملي.
الجوهره وهي تحط عينها بعينه: انت تحب العنود.
فواز حس بصدمه يعني الجوهره كانت عارفه طول هالوقت ولا قالت شي.
الجوهره باسف: اسفه يافواز ما كان قصدي..
فواز قطع عليها الكلام: عادي ..لانها خلاص راحت.
الجوهره بتفكير: خلاص يافواز انت لازم تنساها ..هي اللحين ملك لواحد ثاني.
فواز ببرود: لا لان فهد فك الخطبه..بس المشكله ان هي سافرت وراحت.
الجوهره :طيب ايش المشكله روح واخطبها.
فواز بمراره: شلون وانا خنت ثقتها فيني..
الجوهره:شلون؟
فواز خبر الجوهره بكل شي صار بينه وبين العنود من اول ماشافها لاخر مره شافها فيه اللي هو بعد ما شافته مع ساره.
الجوهره بتفكير: طيب انا عندي الحل.
فواز وهو يطالعها برجا: هاتي الحل.
الجوهره :ابتعد عنها ..كمل دراستك وانساها.
فواز وقف بعصبيه:انت جنيتي شلون تبيني انساها..اقولك ماقدر اعيش من غيرها تقولين لي انساها..
الجوهره: انت اسمع كلامي وبتشوف.
الجوهره قعدت تحاول بفواز عشان يقتنع بفكرتها لغاية ماخيرا اقتنع وقرر انه خلاص يرجع يكمل دراسته ويكمل حياته عادي.

********************

بعد عدة ساعات اعلنت الطيارة عن وصولها لمطار الملك فهد بامان وبدوا الركاب اللي فيها بالنزول من الطيارة .
واخيرا وصلت للرياض هذا اللي فكرت فيه العنود وهي مستانسه وتحس بالامان قعدت تنتظر ابوها وحمد مع امها واخوها محمد مستعجله تبي تروح البيت وخصوصا لغرفتها وهناك خلاص بتبتدي صفحه جديده وتحاول تنسى كل شي صار لها بلندن..خلص ابوها من الجوازات وطلعوا وحصلوا السايق ينتظرهم برا ومعاه السيارة وطول ماهم بالطريق قعدت العنود تشبع عيونها بالرياض ومنظرها بالليل وهي تتاوه هذي اول مرة صدق احس اني مشتاقه للرياض.
اول ماوصلوا للبيت على طول توجهت العنود لغرفتها وهناك حصلت كل شي بمكانه حتى الثياب اللي كانت مطلعتها على اساس تاخذها وعلى اخر لحظه خلتها كانت مثل ماهي بمكانها..مسكت البرواز اللي كان موجود على التسريحة واللي كان يحتوي على صورة غالية على قلبها وهي عبارة عن صورة لها هي وهيفاء ماخذينها ببلكونتها وهم مو لابسين الا بجاما ومصورين صورة عباطه كانت هيفاء شاده شعر العنود بينما العنود مطلعه لسانها..ماحست العنود بدموعها الا وهي نازله يالله وش قد مشتاقه لهيفاء..مسحت دموعها وردت الصورة لمكانها وخذت التلفون عشان تدق على هيفاء وتاخذ اخبارها مع ان الوقت كان متاخر وكانت خايفه انها تحصل هيفاء نايمه بس مع ذلك دقت ..رن التلفون كذا رنه الا صوت حزين يرد عليها.
هيفاء:الــــــو؟
العنود قطبت جبينها باستغراب: هيــــــفاء؟
هيفاء فزت من السرير وهي تضوي نور الابجوره:العنــــــــــود!
العنود وهي تضحك:ههههههههههه...يعني مين غيري بيدق عليك هالحزه.
هيفاء بصوت حزين: اشتقت لك يالخايسه حييييل..
العنود وهي تمزح:عيــــــاره مافيك الا العافيه توك شايفتني البارحه.
هيفاء وهي ماتعرف ليه تبكي: العنود يارتيك مارحتي..
العنود استغربت صياح هيفاء: هيفاء شفيك..فيك شي؟
هيفاء وهي تحاول تجمع حالها: تركي الحقير..
العنود وهي تتنهد:بعد ايش سوى المتوحش؟
هيفاء بابتسامه حزينه: اما في هذي الكلمه معاك حق لانه صدق متوحش وحقير..تعرفين ايش سوى؟
العنود وهي متوتره:ايش سوى ياهيفاء؟
هيفاء وهي تحس انها راح تبكي: دخل علي الغرفة وعورني بايدي..
العنود انصدمت:أيــــــــــــــــش...وان شالله سكتي..
هيفاء ودموعها تنزل بحراره: يعني ايش تبيني اسوي؟
العنود بحده: كان خبرتي خالتي.
هيفاء وهي مبققه عيونها: انت صاحيه..لا يابنت الحلال ماقدر..
العنود وهي محتاره منها:طيب ليه؟
هيفاء بتوتر: لا ياختي ماقدر، مابي اسوي فضيحه..
العنود احتارت من هيفاء: يالغبيه هذي فرصتك عشان تردينها له خبري خالتي..
هيفاء وهي ماتدري ليه ماتقدر: ماقدر يالعنود ماقدر..
العنود استغربت: هيفاء شفيك..مو انتي اللي دايماً تقولين انك تنطرين منه موقف عشان تردينها له.
هيفاء ودموعها تنزل بصمت:بلى.
العنود بصبر: طـــــيب؟
هيفاء بحزن: ماعرف يالعنود..
العنود تنهدت: طيب على راحتك..خلاص اخليك اللحين تبين شي.
هيفاء بصوت منخفض: العنود انتي شخبارك؟
العنود بصوت حزين: ماشي حالي ..انا قررت افتح صفحه جديده وماراح اتراجع عن قراري.
هيفاء وهي تبتسم: خلاص ياعمري..باي.
العنود:بـــــــــــــــــاي.
العنود سكرت من هيفاء وهي تناظر التلفون وماتدري ليه بس هي فتحت اخر رساله وصلتها وقعدت تقرا فيها ..وكانت على وشك انها تمسحها بس ماتدري ليه غيرت رايها ..حطت التيلفون على التسريحه وتوجهت للحمام تبدل وتنام.

***********************

طلع الصباح وقامت هيفاء من النوم واحساسها ينبئها ان اليوم راح يكون غير عن باقي الايام وماتعرف ليه..قامت وخذت شاور وبدلت ملابسها وحطت ميك اب خفيف ونزلت تحت وشافت الكل مجتمع حول الطاوله يتفطر ماعدا تركي فتوقعت انه ممكن يكون لسا نايم قعدت على الطاوله وهي تناظر الفطور بقرف .
امها بغضب: هيووف وش عندك تناظرين الاكل كذا..
هيفاء : لا يمه بس ..مالي نفس لاكل البيت..
قامت من الكرسي وهي تمسك شنطتها وتحطها على كتفها :تدرين يمه بفطر بالكافيه اللي موجود تحت جمب الشقه..
امها وهي تقرا الجريده:خلي مها تروح معك..
هيفاء بتذمر:بس يمه...
لكن ام فهد عطتها نظره سكتتها فقامت هيفاء من غير نفس وتوجهت للصاله تسأل مها.
هيفاء وهي تخوصر لمها: مها تبين تروحين معي للكافيه تحت؟
مها وهي مندمجه مع التلفزيون: لا مابي انا فطرت خلاص..
هيفاء رفعت عينها تحمد ربها حثت الحطى وطلعت من الشقة واستخدمت الدرج بدل اللفت واول ماطلعت لفت عند زاوية العماره وحصلت نفسها قدام الكافيه بس المفاجأه انها شافت تركي قاعد بالطاوله الموجوده برا الكافيه وكان سرحان وشكله ما انتبه لها فحاولت تسحب نفسها وترجع بس تركي التفت وشافها فجمدت هيفاء بمكانها وقلبها يرقع مثل الطبول لانها شافته يوقف .
تركي بصوت هادئ وهو يسحب الكرسي اللي مقابله: تعالي ياهيفاء ابي اكلمك بموضوع.
هيفاء ترددت لكن تركي ابتسم لها باطمئنان: ماراح آكلك.
هيفاء هزت كتوفها وقعدت على الكرسي من غير ماتحط عينها بعينه بعدها جا الجرسون ياخذ طلبها فاطلبت كرسون وعصير برتقال ولما راح الجرسون قعدت تتفرج على الرايح والجاي وهي تعبث بغطاء الطاوله بتوتر ولما شافت ان الصمت طال التفتت عليه الا هو يطالعها بسخريه وكأنه حاس بتوترها فنزلت عينها لتحت.
تركي بهدوء:هيفاء..حبيت اعتذر عن اللي صار امس..
هيفاء وهي شاغله نفسها بشنطتها وببرود: ماصار شي.
تركي بصوت منخفض: طالعيني وانتي تكلميني.
هيفاء رفعت عيونها اللي كانت مليانه حقد: عاجبك كذا.
تركي بهدوء: لا.
هيفاء وهي متوتره من نظراته: طيب في ايش كنت تبي تكلمني.
تركي :ولا شي بس حبيت اعتذر عن اللي صار امس ..ونتكلم عن الماضي.
هيفاء بحده: الماضي لااا.
تركي بابتسامه :طيب بالحاضر.
هيفاء ببرود: مثل ايش.
تركي: مثل دراستك..ايش ناويه تتخصصين؟
هيفاء قعدت تخبره ان حلم حياتها انها تجيب نسبه وتخصص تاريخ وشوي شوي حست ان التوتر خف وبدت تسمتع بمناقشاتها معه بس فجأه انتبهت لنفسها انا شلون اقعد مع واحد مش حلال علي واسولف معاه بكل راحه بس هذا تركي همس لها قلبها..رفعت راسها من سرحانها وحصلت تركي قاعد يتاملها وبعيونه نظرات غريبه..
تركي بصوت اجش ورجاء: هيفاء اتركي نواف..
هيفاء بققت عيونها من الصدمه يعني هو عازمني بس عشان يستدرجني..بس تركي كمل من غير مايحس بالتبدل اللي طرا عليها:هيفاء اذا انت بتاخذين نواف عشان فلوسه..انا عندي فلوس اكثر ومستعد اخذك..
تركي كان بس يبيها تعترف انها ماخذه نواف عشان فلوسه مع انها تنكر بس مايدري ليه قلبه مو راضي يصدقها..
هيفاء بصوت ملئ بالالم: لهالدرجه انت حقير مستعد تضحي بمالك وكل شي بس عشان ماتزوج اخوك...طيب واذا قلت لك انه حتى ولو كنت آخر انسان بالدنيا مارح اخذك.
قامت من مكانها وطلعت ركض ومتوجهه للحديقه العامه اللي يفصل بينها وبين الشقة الشارع العام وهناك قعدت تحت الشجره وهي تحاول تلتقط انفاسها وهي تمسح دموعها .. يالله شلون ماحست بهالشي من قبل هالاحساس ماتحس بيه الا وتركي بس موجود..ماتحسه مع نواف او اي رجال ثاني بس تركي اللي اذا شافته او حست بقربه او لمسته تحس بجنون نبضات قلبها وتسارع انفاسها..تاوهت بصمت على المصيبه انا شلون ماعرفت من قبل ..انا احبه..نزلت دموعها حاره وهي تتمتم بالكلمه ..انا احبه..فجأه الا منديل ممدود لها رفعت راسها ومن بين دموعها شافت تركي واقف فوق راسها..
هيفاء لفت وجهها تتجاهله..بينما تركي نزل لمستواها وهو يتكلم بصوت ملئ بالمشاعر: هيفاء انتي اللي بايدك تنهين كل هالمشاكل بس لو تعترفين ان انتي ماخذه نواف عشان فلوسه..
هيفاء وهي ترفع عيونها بصبر: يالله انت لهالدرجه ماتفهم..انا قلتلك انا خذيته مو عشان فلوسه ..فاهـــــــــم.
تركي بضيق: طيب انتي ليه بتاخذينه ممكن تفهميني؟
هيفاء وهي تطالعه ببرود: لآنـــــي احبـــــــــــه..
تركي اجفل من كلامها بس مابين عليه هالشي فبسخريه: هه...تحبينــــــــه واضــــــح..وهو عسى يحبك بس؟
هيفاء بثقه: اكيــــــــد .
تركي قط راسه ورىوهو يضحك مما خلا هيفاء تستغرب هالشي: شفيك تضحك؟
تركي وهو يتفرس فيها: مسكينه ياهيفاء والله ماقول الا الله يعينك...
هيفاء بخوف: وش قصدك؟
تركي بسخريه: انتي اللحين من جدك تحسبين نواف ماخذك عن حب؟
هيفاء بتوتر: ايه اجل عشان ايش؟
تركي: نواف ياحبيبتي بياخذك عشان الورث..
على ان هيفاء توترت لما سمعته يقول حبيبتي بس هي عارف انه مايقصدها: .........
تركي كمل بقسوه: نواف مو مسموح يمسك الورث الا لما يتزوج...
هيفاء انصدمت من كلامه بس ماتبي تصدقه: انـــــت كـــــذاب!
تركي وهو يوقف ويهز بكتوفه باستهزاء: حلاص لاتصدقيني بس لما تكلمينه اساليه هالسؤال...رفع ايده اشارة توديع ومشى بعيد عنها لغاية ماغاب وتركها وراه عايشه بحيرة وماتعرف اذا تصدقه ولا لأ بس حست ان عشان تتاكد لازم تكلم نواف وتستفسر منه قبل ماتحكم عليه.
قامت من مكانها متجهه للشقة وهناك يحلها الف حلال...

***************************

في نفس اللحظه كان فهد قاعد مع فواز بالقهوه قاعدين يسولفون .
فهد وهو يتأفف:اووووف..بكره بتخلص الاجازه..
فواز بابتسامه: احسن والله اشتقت للجامعه..
فهد وهو مبقق عيونه: انت من جدك على وشو مشتاق على القومه من الفجر والكراف والتعب..صدق انك مانت بصاحي..
فواز وهو يضحك لدرجه بينت معها قمازيته:هههههههههههههه..ياحليلك يافهد وانت من جدك صدقت..
فهد كان بيرد بس قطع عليهم ان جوال فواز ولع دليل بلوتوث فهد رفع عينه لفواز اللي كان يبتسم بغرور: حشا مامدانا تونا واصلين..
فواز رفع التلفون وضغط على استقبال وشوي الا جايته صورة قلب يدمي وتحته مكتوب
((ممكن اتعرف؟))
رفع فواز راسه يراقب الكافيه وبنفس الوقت كان يرسل رساله لصاحبة البلوتوث.. بالوقت اللي سمع فيه رنت المسج طاحت عينه على وحده كان جوالها هو الوحيد اللي رن فعرف انها هي ابتسم بسخرية والتفت على فهد اللي كان يناظره: عرفت منهي؟
فواز بثقــــــه: اكيـــــد.
فهد وهو يلف بعينه على الكافيه: طيب ورني وين مكانها.
فواز وهو ياشر بعيونه للبنت اللي قاعده على يمينه ولا تفصل بينهم الا طاولتين..فهد لما طاحت عينه عالبنت توقعها تكون شينه بس لما شافها هذي وحده تطيح الطير من السما التفتت على فواز مستغرب حركاته هذي مادام فواز يحب العنود ليه يعبث مع هالبنت ..
فهد بجديه:ايش ارسلت لها؟
فواز: ممكن.
فهد: وهي ارسلت شي ثاني؟
فواز وهو حاط التلفون على الطاوله ويكمل شرب الكابتشينو:لا.
شوي الا تلفونه يولع فاستقبل ولما اصدحت رنة المسج فواز مارفع التلفون ولا فتحه..فاستغرب فهد حركته:ماراح تفتحه.
فواز بسخريه: لا...خليها على نار شوي وتعرف اني مو سهل.
فهد تضايق من حركات فواز:فواز خل منك هالحركات واللي يسلمك.
فواز وهو يكمل الكابتشينو ببرود: ماراح اخليها..
فهد قام من مكانه متضايق: اجل خل هالحركات تنفعك.وطلع من المكان.
اللي ماكان عارفه فهد هو ان فواز يعتقد انه برجوعه لحركاته القديمه وانه اذا تعرف له على بنت غير العنود راح ينساها بس مهما سوى ومهما فعل راح تضل هي مختلفه عنهم العنود الوحيدة اللي ماعطته وجه..شوي الا تلفونه يضوي فالتفت على البنت اللي كانت تناظره بنظرات ساحره فحس بحيره بس بالاخير مسك التلفون ورفض المسج وهو عيونه عليها تناظرها باحتقار.وبنفس الوقت غضبان من نفسه لانه ماقدر يطلع العنود من راسه.
قامت البنت من مكانها معصبه لانها ماقدرت تجيب راسه وطلعت من الكافيه.
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــ
لطولهاااااااااا سأنزلهاااااااا على أجزاااااااء يومااا جزء طويل كمان
شــــــــكرااا