وصفات لجمال العيون

[nettawy_ta7n]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

وعلشان أنا عارفة إن كل قرائنا الأعزاء بيحبوا الوصفات الطبيعية عملت لكم مخصوص شوية الوصفات دي اللي هتساعدكم على التخلص من كل المشاكل...
نشوف مع بعض..

وصفة المية الباردة

المكونات:
فنجان مية باردة.
الطريقة:
حطي عينك في الفنجان وحاولي إنك تفتحيها وهي في الفنجان وتغمضيها مرتين... بعد كده ارفعي راسك إلى وراء وكرري نفس اللي حصل مع عينيك التانية بس خدي بالك إنك تغيري مية الفنجان..
ياريت تعملي الوصفة دي كل يوم قبل ما تنامي لأنها هتساعدك على ترطيب عينك وتنظيفها من أي تراب ممكن إنه يدخل فيها من الجو وكمان هتساعد على القضاء على أي التهاب في العين..

وصفة القطن بالمية

المكونات:
- قطعتين قطن
- ماء بارد
الطريقة:
كل اللي عليكِ إنك كل يوم قبل ما تنامي بعشر دقائق تغمضي عينيك وتحطي عليهم قطعتين من القطن المبلولين بالمية الساقعة...
كرري الموضوع ده يومين في الأسبوع وعلى فكرة الوصفة دي بتساعد على تخفيف انتفاخ الجفون.

وصفة منقوع البابونج

المكونات:
معلقة كبيرة بابونج "هتلاقيه عند العطار"
كوباية مية كبيرة.
قطعة قطن أو شاش طبي.
الطريقة:
اغلي كوباية المية وبعد كده ضيفي إليها معلقة البابونج وغطيه وسيبيه لمدة 20 دقيقة بعد كده صفيه... واستخدميه لعمل كمادات لعينك باستخدام قطعة القطن والشاش
كرري الموضوع ده مرتين في الأسبوع وهتشوفي الفرق بنفسك...

وصفة شرائح الخيار

المكونات:
شرائح خيار
الطريقة:
ودي وصفة بنات كتير عارفينها وهي إنك تحطي شرائح الخيار على عينيك من فوق لمدة نص ساعة وعلى فكرة الوصفة دي بتساعد على القضاء على علامات الإرهاق أو التعب اللي بتكون حوالين العين والقضاء على الهالات السوداء كمان. كرري الوصفة يوميا لمدة أسبوع..

وصفة المعلقة

حطي معلقة صغيرة في الثلاجة لمدة ساعة. بعد كده أخرجيها من التلاجة وضعي الجزء المجوف من المعلقة فوق عينك بس خدي بالك إن المعلقة ماتكونش باردة زيادة عن اللزوم علشان ماتضرش جلد عينيكِ..

وصفة البطاطا

هاتي بطاطا وقشريها وابشريها وبعد كده حطيها في الخلاط ومعاها شوية مية.. بعد كده هاتي قطعة شاش وصفي الخليط..
بعد كده حطي عصير البطاطا أسفل العين، وسيبيه لغاية ما يمتصه الجلد بعد كده اغسلي عينيك بمية فاترة....

بس كده خلاص.. خلص كلامنا المرة دي...

واوعوا تنسوا تبعتوا آراءكم وتعليقاتكم الجامدة قوي
وانتظرونا الأسبوع القادم في مشكلة جديدة من مشكلات البنات والصيف...

سلام

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[سنفورة الحلوة]

مشكووورة عزيزتي على الوصفاااات

[الحور العين]

مشكووورة أختي على الوصفات
بارك الله فيكي

[ديدى1001]

شكر ا لك على الوصفات الرائعه والسهله

[سكر وعسل]

بالنسبة لي انا حفظت هذا الموضوع عندي باللاب توب
عشان أرجع له وأستفيد منه

شكرا ويعطيك العافية

[خل عينك تناظر]

يعطيك العافيه على النصائح الحلوه
صح لازم نهتم بعيونا لأنها نص الجمال
يسلموووووووووو

[سمايا]

مشـــــــــ ع الوصفات ـــــــــــــــــــــكوره

[rayan net]

مشكورة ياغالية علي النصائح
وبانتظار جديدك

[lamiaa62]

machkoura okhti

[warda84]

مشكووورة عزيزتي