من بين الناس حبيتكــ((قصه سعوديــه))

[دلوعة الكويت]

][`~*¤!||!¤*~`][ الله يعطيك العافية
يا الله يا اخوي كمل القصة ملينا من النطرة][`~*¤!||!¤*~`][

[سكينة]

مشكور اخي على القصة بس نبي التكملة بسرعة تحياتييييييي

[الراهـvipـي]

&&&الجزء الأخيــــــــــــــــر &&&

بدر: لاتزعلين جوليا والله اني حبيتك بس كأخت لي وانا عمري ماوعدتك بالزواج صح ولا لا ؟؟؟؟
جوليا ساكتة وماترد لانها ماهي قادره تتكلم من البكاء
بدر: جوليا كل اللي ابيه منك انك تدعيلي ربي يوفقني وانتي انشاء الله بتلاقين اللي بنسيك بدر واهله كمان
جوليا ابتسمت: عمري مابنساك يابدر والله يوفئك مع اللي اخترتها
وقفل بدر من جوليا وحس براحة كبيرة
بدر: الحمدلله هم وانزاح من قلبي خليني اروح عند سارة
وراح بدر لغرفة نوف يحسب سارة موجودة وفتح الغرفة لقى نوف نايمة وسارة ماهي موجودة
بدر: وين راحت
وراح يدور عليها في البيت مالقاها ولقى نور خارجة من المطبخ
بدر: نور وين سارة
نور: الله لنا مسرع فقدتها
بدر: موشغلك
نور: هههههههههه اكلتني سارة راحت بيتهم
بدر: ليه
نور: حلوة ذي ليه عادي البنت راحت بيتهم ليه تحسب نفسك تزوجتها تراه لسه بيت ابوها بيتها
بدر: تافهه انا وش مقعدني اكلم ناس سخيفة
نور: والله مالسخيف غيرك
وراح بدر لغرفته ودق على جوال سارة وماردت عليه
سارة كانت في السيارة مع سواق اهل بدر وتطالع في جوالها وهو يدق بإسم ( دنيتي) وعيونها مليانة دموع
سارة في قلبها: ليه يابدر بس معقولة انت كذا لا مومعقولة بدر يحبني والادلة على حبه لي كثيرة انا المفروض مااتسرع بس انا سمعته يقولها ياربي مين هذي جوليا ومن وين طلعت بس انا احب بدر وانا اولى فيه من غيري انا اللي حبيت السنين هذي كلها وانا اكثر وحده استاهل بدر لازم مااخلي بدر بعد مالقيته لازم ياانا ياجوليا هذي
***********************
سامي: خلود ماكلمتي نوف
خلود: مسكينة نوف
سامي انفجع: وش فيها
خلود: مسكينة بنت عمها صار لها حادث وهي الحين بغيبوبة
سامي: الله يشفيها وكيف نوف
خلود: نوف مرة متأثرة الله يعينها
سامي: طيب روحولها نسوها شوي
خلود: والله فكرة نروح انا وعهود
سامي: خلاص يلا انا اوديكم
خلود: اوكي
***********************
.سارة بعد ماوصلت بيتهم دخلت غرفتها على طول وفكت عبايتها وجلست على السرير مسرحة وبعدين راحت سحبت من تحت مخدتها اللعلبة اللي اعطاها بدر يوم الملكة
سارة: هذي اكبر دليل انو بدر يحبني انا لازم مابين لبدر وانشاء الله مع الايام بنسيه جوليا هذي
وقررت انها تدق على بدر
ودقت سارة على بدر اللي ماصدق
بدر: حبيبتي سارة وينك
سارة: ههههههه في بيتنا
بدر: وليه لمن ادق عليك ماتردين
سارة: ا لا بس جوالي كنت حاطته سايلنت
بدر: طيب ليه رحتي من غير ماتمرين علي
سارة :اسفة حبيبي بس دقت علي امي وقالتلي اجي بسرعة عشان اسلم على خالاتي لانهم بيسافرون((( هذا الكلام صار امس وخالاتها سافروا بس سارة اضطرت انها تكذب)))
بدر: خلاص عاذرك تدرين ليه
سارة بدلع: ليه ياقلبي
بدر: لانك قلتي ياحبيبي
سارة تبغى تزيد بدر تولع: انت حبيبي وقلبي وروحي ودنيتي وعمري وكل شيء بحياتي احبك احبك احبك احبــــــــــــــــــــــــــك
بدر: ياويل حالي انا لحقيني سارة بموووووووووووت
سارة: انشاء الله يومي قبل يومك
بدر: الله يطول بعمرك واسعدك
وكملوا بدر وسارة حديثهم وسارة في بالها انها راح تنسي بدر جوليا وانشاء الله بتقدر
*******************************
خلود: نوف انشاء الله ربي بيشفي مي هي الحين محتاجة دعائكم لها والبكاء مايفيد
نوف: يعلم ربي اني بكل صلاة ادعيلها نفسي تقوم مي ونرجع نحب بعض زي ماكنا صغار هي صح مي غلطت علي كثير بس والله اني مسامحتها اهم شيء تقوم
خلود: انشاء الله ربي يستجيب دعائك بس انتي قومي غسلي وجهك وخلينا نسولف مع بعض والله مشتاقة لسوالفك وخفة دمك
ابتسمت نوف لخلود وراحت تغسل وجهها وخرجت مالقت خلود..... وغيرت لبسها بس انتبهت انه في شيء على السرير وراحت عنده ولقته كيس صغير في علبه فتحتها لقت فيها سلسلة ذهب مررررة ناعمة وابتسمت نوف ورجعتها مكانها وراحت عند البنات
خلود تبتسم لنوف حاسة انها شافت الهدية
نور: ياهلا والله بأختي اقول خلود تعالوا كل يوم عشان الضحكة تعم بيتنا
خلود: هههههههههههههه انشاء الله وبجيب اخوي معاي
نور: عاد اخوك هذا اهم شيء
نوف تضحك على خلود ونور الله لايحرمني منكم
نوف بصوت واطي خلود: قوليله مشكوووووور على الهدية
خلود: مين هو؟؟؟
نوف: اللي بتجيبينه معاك كل يوم ههههه
خلود: هههههههههههه يوصل
عهود: انتي وش عندك وش تقولين لنوف
خلود: سررررررررر
نور: هيييييه نوف احنا يالله تحملناك انتي وسارة الحين بتكملينها مع خلود
نوف: موتي حررررررررة ماني قايلتلك
نور: هههههه والله ماني ميتة ولاشيء بكرة تجين وتقولي لي
نوف: تكفين يالمهمة
خلود: سارة كيف حالها
نور: سارة عايشة بدنيا ثانية خخخخخخخخخ
خلود: ليه
نوف: لا بس تدرين ملكت وعاد تعرفين حال المتملكين
خلود: هههههههه الله يسعدهم انشاء الله ويسعدك مع سامي
نوف: انشاء الله
وكملوا البنات سوالفهم التي لاتخلوا من المناقرة
***********************
في المستشفى
مي حالتها زي ماهي وكان في الغرفة عندها مها وكانت تقرأ قران ودخل عليها ماجد
ماجد: السلام عليكم
مها قفلت القران: وعليكم السلام
ماجد: كيفك مهاوي وكيف مي الحين
مها تطالع في مي: انا بخير ومي الله يقومها لنا بالسلامة
ماجد: اميييييييين
مها: ماجد حبيبي ابغاك تمر على امي تاخذ عيالي توديهم بيت عمي امي بروحها تعبانة وعيالي اشقياء بيتعبونها
ماجد: انشاء الله بس انتي ارتاحي شوفي وجهك كيف اصفر
مها: من وين تجي الراحة الله يعين بس
ماجد: يلا مع السلامة وانتبهي على نفسك
مها: انشاءالله ... مع السلامة
***********************
يوسف ومن يوم اللي صار وهو يفكروش اللي خلى مي تركض في الشارع ااااه متى تقومين يامي وتريحيني من الشك اللي بيقتلني
عبدالعزيز: يوسف خير ياخوي لي ساعة وانا اكلمك وماترد
يوسف: سامحني بس مسرح شوي تدري اختي في غيبوبة والله اعلم تقوم ولا لا
عبد العزيز: خلي ايمانك بالله قوي والله يشفيها
يوسف: امين
عبد العزيز: قوم في محاضرة اليوم تعال روح معي وغيرالجو الكئيب هذا
يوسف: ايه والله جزاك الله خير ياعبدالعزيز
**********************
في السيارة
سامي: خلود عندي لك خبر
خلود ارتبكت: اش فيه
سامي يضحك: ههههههه وش فيك خير انشاء الله
عهود: يلا سامي قوووووووول
سامي: طيب طيب حريم مايصبرون.. خلود جاك عريس
خلود: انا ماابى اتزوج
عهود: وليه انشاء الله
خلود: بس كذا
سامي: ابلعي ريقك اول شيء اعرفي مين العريس بعدين ارفضي
عهود:ميييييييييييين بسرعة
سامي: فهد صاحبي خطبك
عهود: كلللللللللللللللللللللللوش
سامي: ههههههههههههه مرجوجة
عهود: هذا تعبير مؤقت عن فرحي لاختي الحبيبة
سامي: ههههههههههههههه خلود وش فيك ساكتة
خلود من الفرحة ماهي عارفة تتكلم اخيرا تحقق حلمي الحمد لله الحمدلله
عهود: هههههه انت ماتعرف المثل اللي يقول السكوت علامة الرضا
سامي:انتي اسكتي خلينا نعرف رأي العروسة
خلود: والله مدري خلني افكر
عهود: شفت كيف انا افهمها وهي طايره هي قالت خلوني افكر يعني موافقة لانها اول قالت ماابغى اتزوج
سامي: ههههههههه والله انك سوسة
عهود: ههههههههه اعجبك ترى انا موجودة في الخدمة بأي وقت
خلود: اقول اقلبي وجهك
عهود: على أي صفحة
سامي يضحك على اخواته: هههههههههه والله ضحكتوني طيب دام انك تفهمينها وهي طايره قولي لي كيف شكل نوف لمن تجيبون سيرتي
عهود: اشوفك قمت تصطاد في الماء العكر
سامي وخلود: هههههههههههههههههههههههههههههههههههههههههه
عهود: تضحك علي ها عناد ماني قايلة
خلود: مولازم انا اقوله
عهود: هههههههههههاي خلاص ضمنت
سامي: ضمنت ايش
خلود: ها اقول سام حبيبي خلك منها هذي هبلة
سامي: على قولتك خلينا بسالفتك ها ايش رأيك
خلود: زي ماقلتلك خلني افكر واردلكم
سامي: يصير خير انشاء الله
عهود: سامي تبغاني احكيلك عن نوف
سامي: ياليت والله
عهود: طيب خذ عندك خخخخخخخخ
وصارت عهود تتكلم عن نوف ماخلت شيء ماقالته له
*************************
في البيت
ام سامي: اليوم دقت علي ام فهد تخطب خلود
ابو سامي: والله فهد رجال والنعم فيه
__________________


خلود مستحية
سامي: ايوه هو دق علي قالي وانا قلت لخلود خلاص
ام سامي: ها اجل خبري قديم
ابو سامي: وايش رايك ياخلود
خلود: براحتكم
ام سامي: والله هما ناس طيبين وامه عسل
خلود: افكر واقولكم
ابو سامي: خذي راحتك يابنتي
واستأذنت خلود وراحت غرفتها وهي الفرحة ماهي سايعتها اخيرا ااااااااااه
ودقت على لينة تقولها
***********************
بعد مرور اسبوعين
كانت ام يوسف ومها عند مي
ام يوسف: مها شوفي مي اتحركت
قامت مها وراحت عند مي وفعلا لقت مي تتحرك
مها: مي حبيبتي
مي تحاول تفتح عيونها بس ببطء
مها: يمه مي فتحت عيونها
ام يوسف: ياحياتي يابنتي الحمد لله ياربي
وراحت مها تنادي يوسف اللي كان برا
ونادوا الدكتور
مها: هي توها فتحت عيونها بس ليش رجعت نامت
الدكتور: شيء عادي في البداية كذا هي انشاء الله بعد كم ساعة تقوم بس تطمنوا كل شيء تمام
ام يوسف: الله يسعدك ياولدي
وابتسم الدكتور واح عنهم
يوسف: الحمدلله على كل حال
وقامت مي بعد 4 ساعات وكان في اهلها كلهم ومي تطالع فيهم وهي خايفة منهم ودموعها بعيونها ماهي عارفة وش تقول بس اهلها مبسوطين اهم شيء انها قامت بالسلامة
في اليوم الثاني حاولت مها تكلم مي بس هي ماهي راضية تتكلم
ام يوسف: والله مدري وش فيها ليش ماتتكلم ودموعها مليانة بعينها
ماجد: الحين اروح للدكتور اساله
الدكتور: اختك مافيها شيء بس هي مصدومة نفسيا عشان كذا فقدت القدرة على الكلام لكن انشاء الله بعد كم يوم بتتكلم وانتوا لاتنسون انها قامت من غيبوبة
ماجد متحسر على مي: ربي يشفيها
وراح ماجد وقال لاهله على اللي قاله الدكتور وكان في يوسف وكانت مي مسويه نفسها نايمة بس هي صاحية
ام يوسف: مدري وش صارلها
يوسف في قلبه: مدري وش السر اللي عندك يامي انا حاس انك تقدرين تتكلمين بس انتي ماتبين
******************
نوف :يبه كيف اسوي ملكة ومي في المستشفى
ابو بندر: مي الحين بخير وقامت من الغيبوبة ولمن تطلع انشاء الله نسوي ملكة وانا قلت لسامي خليها عائلية وهو وافق
نوف: مي قامت الحمدلله
ابو بندر: ايوه قالي بندر اليوم ها وش رأيك
نوف: خلاص بس لمن تطلع مي
ابوبندر: خلاص انشاء الله
****************
بعد ماتطمنوا اهل مي انها قامت راحوا البيت وكان عندها مها ويوسف
يوسف: مي انا حاس ان انتي صااحية وتقدرين تتكلمين بس انتي ماتبين تكلمينا وصدقيني اننا احنا مابنسوي لك شيء وانا اوعدك بس تكلمي
مي في قلبها: وش اقولك يايوسف اقولك اني خرجت مع واحد وداني شقته لااا مستحيل
يوسف: مي ترى لو تكلمتي الحين بيكون من مصلحتك ترى ان اذا بسامحك الحين مابسامحك بعدين
مي فتحت عيونها وعلى طول نزلت دموعها المكبوتة داخل عيونها
مي: يوسف
وصارت تبكي
مها: مي حبيبتي الحمدعلى السلامة
مي: الله يسلمك
يوسف يبتسم لمي: ها اشوفك صاحية وتسمعيني كمان
مي: انا لي كم يوم في المستشفى
مها: لك 3 اسابيع
يوسف ياشر لمها عشان تطلع ومها فهمت الحركة وقامت
مي: وين رايحة مها
مها: 5 دقايق وراجعة
مي عارفة انه يوسف صرف مها الله يستر منك
يوسف: مي انا بكون صريح معك كل واحد فينا يخطي بس الغلط انه يستمر في الخطأ زي عندك انا كنت واحد بايع الدنيا باللي فيها كنت اسكر واعاشر بنات واشياء تغضب ربي بس الحمدلله ربي اهداني ورجع عقلي لي وانا اشكر ربي انه هداني انا كنت دايما احس انو شخصيتك زي احس اننا نتشابه في كل شيء وانا لمن دريت انه صار لك حادث حسيت انك مسويه غلط انا اجلت بحثي لين ماتقومين وتقوليلين انتي كل شيء والحين ابيك تتكلمين واوعدك اني اكون متسامح معك لابعد درجة
مي: انا ماني عارفة وش اقولك يايوسف
يوسف يبتسم: قولي كل شيء وانا اوعدك انه حيفضل سر بيننا
وحكت مي يوسف كل شيء عن ياسر وتعرفه بيها
يوسف: اها ياسرعلي
مي: انت تعرفه
يوسف: شفته كم مرة في الشقة اللي كنت اروحلها هو صديق عبير
مي: مين عبير
يوسف: وحدة كانت صديقتي
مي: يوسف انا ادري اني غلطانة بس عمري ماتصورت انه غروري وحقدي يوديني في داهية هذه كله ابتلاء من ربي في اللي سويته بنوف وصحبتها سارة
يوسف يفكر بنوف: تصدقين مها تقول انها اكثر وحدة تبكي عليك
مي: ياحبيبتي يانوف والله غلطت عليها كثير بس انا طلبت انها تسامحني في ملكة بدر وهي حضنتني والله انها عسل
يوسف: نوف هذي جوهره
مي: يوسف انت لسه تبيها
يوسف: انا ماانكر اني ودي اتزوجها بس انا اللي ضيعتها من يدي بأعمالي بس يالله الحين مابيدي الا اني ادعيلها الله يوفقها
مي: امين
يوسف: وانتي لاتشيلي هم ياسر هذا انا انشاء الله اجيب لك حقك منه
مي: تسلم يااخوي الله لايحرمني منك
بس ابوي وامي واخواني ايش نقولهم
يوسف: اصلا ابوي واخواني قلنالهم من زمان انك طلبتي من السواق يمشيك ونزلتي من السيارة بس امي ومها هما اللي كانوا شاكين زيي
مي: بس انا ماابي مها وامي يعرفون كفاية انت ومستحيه منك
يوسف: لاتخافين انا بمشيها لك
ويدق الباب وتدخل مها
يوسف: نادية جايه تزور مي
يوسف: طيب خليها تدخل وانتي يامي تطمني ولاتشيلين هم
مي ابتسمت لاخوها وحضنته
وقام يوسف بيطلع
مي: مين نادية
مها: هذي اخوها اللي صدمك وهي تبرعت لك بدمها ومشاء الله عليهم ناس طيبين كذا مرة يجون المستشفى يتطمنون عليك
مي: جزاهم الله خير
يوسف: يلا انا خارج ومها دخلي البنت لاتخلونها تنتظر برا
وخرج يوسف ولقى احمد برا ودخلت نادية مع مها
نادية: السلام عليكم
مي: وعليكم السلام
نادية: الحمدلله على السلامة
مي: الله يسلمك ومشكوووورين على اللي عملتوه
نادية: احنا ماعملنا غير الواجب
مي: تسلمين
وشوي ويدخلون ام بندر ونوف ونور
وبعد السلام والسؤال عن حالة مي
نوف: خوفتينا عليك ياالشينه
مي تضحك: ههههههههه الله يخليكم لي وسامحوني على اللي عملته
نوف: ايش هذا الكلام احنا بنات عم ونمزح مع بعض ويلا شدي حيلك واخرجي بالسلامة عشان بسوي ملكتي وترى شرطت اني مااسويها الا لمن تطلعين
مي: ياحبيبتي يانوف مبروك مقدما
نوف: الله يبارك فيك وعقبالك
مي: مااظن
نوف: وانتي وش ناقصك ماشاء الله حلا حلا بس انتي قولي انشاء الله
مي: انشاء الله
*******************
خلود بلغت اهلها موافقتها بعد ماجاء فهد وشافها ةاتخبل عليها واليوم جو اهل فهد يخطبونها رسمي وفعلا تمت الخطبة واتفقوا على كل شيء
******************************
ومرت الايام وخرجت مي من المستشفى وصحتها تحسنت بس يدها مجبسة والجرح اللي في جبهتها ماخف وانشاء الله مع الايام جرحها بيبرى
ا ليوم ملكة نوف في بيت اهلها والكل متجمعين والبنات يرقصون والجو كان روعة
سارة: ها كيف العروسة
نوف: اسكتي ياسارة خايفة مرررة
سارة: ههههههههههههه جالك اليوم تذكرين لمن تضحكين علي
نوف: هههههههه والله الزواج مو هين له رهبة
سارة: ايه والله
وومرت الملكة على احسن مايمكن ونزفت نوف ودخل عليها سامي ولبسوا الدبل وكانت نوف مستحية من سامي وبنفس الوقت تحمد ربها على زوجها سامي
وبعدين راحوا العرسان في الغرفة
سامي: مبروك
نوف: الله يبارك فيك
سامي: نوف
نوف: ها
سامي: طيب طالعي فيني
نوف رفعت عيونها وجات بعيون سامي
سامي: انتي حلوووووووووة مرة
نوف: هههههه عيونك الحلوة
سامي: الله الله
نوف: وانت كمان حلو
نوف استغربت من نفسها كيف قالت كذا
سامي: الله يحلي ايامك
وسكتوا دقيقة بعدين سامي تكلم
سامي: دايما يانوف افكر واقول سبحان الله كيف تعرفنا على بعض
نوف: حتى انا والله
سامي: هههههههههه كل مااذكر شكلي يوم صدمتك حتى اخواتي دايما يذكرونها
نوف: ليه
سامي وهو يضحك: يعني كان اول مرة يصير معي كذا والصراحة وقتها عجبتيني
نوف: عادي تصير في احسن العائلات ههههههههههههه
سامي: ههههههههههههههههه
وبعدين جلس ربع ساعة بعدين راح
.................................
وخرجت نوف بعد ماراح سامي وراحت لقت الناس راحت وشافت بدر وسارة جالسين في الصالة
سارة: ها ايش الاخبار
نوف: تمام


بدر: سامي راح
نوف: ايوه راح انت ماشفته
بدر يطالع في سارة: والله وانا قاعد مع حبيبتي سارة انسى الكل
سارة استحت من كلام بدر
نوف: الله الله على الرومنسية
بدر: انا كريم وسارة تستاهل
سارة: تسلم
نوف: هههههههههههههه يلا عن اذنكم اخليكم تكملون جو الرومنسية
بدر: اذنك معاك هههههههه
نوف: عاااااااارفة ماني مسطلة زي بعض الناس
وراحت نوف عنهم وتركتهم يكملون جو الرومنسية على قولتها
سارة: بدر في شيء بقولك عليه
بدر: امممممممممم ايش هو
وحكت سارة بدر على اللي سمعته عن جوليا
بدر : والله ياسارة واللي جعلني اموت لو كذبت
سارة: بدر لاتقول كذا مرة ثانية والله ازعل
بدر: ههههههه طيب خليني اكمل لك جوليا انا اعتبرها زي اختي وانا فهمتها على كل شيء وقلتلها عنك وهي تفهمت وصدقيني مابينها وبيني أي شيء غير انها كانت زميلة لي في الغربة
سارة باست بدر من خده: والله مصدقتك وانا بيني وبين نفسي عاهدتها اني بنسيك جوليا وطوايفها كمان
بدرمتأثر من بوسة سارة: اممممممممممم انتي اللي في القلب وحبك يجري بدمي
*******************
يوسف: مي تعالي ابغاك بغرفتي
مي: خير
يوسف: انشاء الله خير بس تعالي
وراحوا مي ويوسف غرفة مي
يوسف: انا سالت عن ياسر
مي ارتجفت من سمعت طاري ياسر: ايوه
يوسف: انا لقيت واحد صديقه اسمه عمر
مي: ايوه وايش قال
يوسف: المهم سالته عنه قال ياسر مات
مي انصدمت: ايييييييش
يوسف: ايوه مات بنفس اليوم اللي صار فيه لك الحادث
مي: كيف مات
يوسف: صار لها حادث وكانت معاه عبير
مي: ومين عبير
يوسف: عبير اللي قلت لك عليها
مي: ايوه
يوسف: اسمعي ياسر وعبير اصحاب من زمان بس هذي عبير هي تعرفك وحاقدة عليك
مي: اسمها عبير ايش
يوسف: عبير ال........
مي: عبير ماغيرها
يوسف: اذكرتيها
مي: ايوه هذي اعرفها كانت صديقتنا انا ووحدة من صحباتي بس في يوم غلطت علي وهزاتها قدام البنات وبس بعدين ماصارت تجي معانا
يوسف: ايوه هو هذا عبير هذي حقدت عليك وهي اللي ارسلت لكي ياسر على الايميل وهي كمان تعرفت علي تبي تدمرنا انا وانتي
مي: النذلة الحقودة انا لازم اوريها على اللي سوته فيني
يوسف: الله عاقبها هي وياسر ماتوا الاثنين في حادث بشع
مي: استغفر الله العظيم اللهم اغفرلنا ذنوبنا وارحمنا
يوسف: امين وانتي الحين انسيهم وانتبهي لدراستك مابقي شيء على الاختبارات لحقي على نفسك
مي تبتسم: انشاء الله والله يخليك لي ولايحرمني منك
وقامت مي وباست راس اخوها
يوسف: هههههههههه عفية على الشاطرة
مي: هههههههههههههههههههه
يوسف: مي ايش رايك بنادية
مي: نادية نادية
يوسف ابتسم: ايوه اللي انقذوك
مي: والله انهم ناس طيبين حتى في البيت جونا بس انت ليه تسأل
يوسف: افكر اخطبها
مي: بس هي مخطوبة
يوسف بحسرة: والله يلا مافي نصيب
مي: ههههههههههههههه امزح ايش فيك انت
يوسف: مي تكلمي عدل
مي: والله نادية مافي منها اثنين وتستاهلك
يوسف: خلاص بقول لامي تخطبها لي
مي: الله يوفقك
************************
نوف تكلم سامي
سامي: نوف
نوف: عيونها
سامي: تسلملي عينك بس كنت بقولك اني احبك
نوف: ههه وانا كمان
سامي: انتي ايش
نوف: هههههههه احبببببببببك
سامي: احبببببك
نوف: انت حياتي
سامي: الله الله تصدقين نوف لمن اول صدمنا ببعض حصلي بعد يومين موقف ثاني
نوف : ليكون صدمت ببنت
سامي: ايوه
نوف: هههههههههههههه وايش صار
سامي: كنت جالس مع اصحابي وكنت بقوم ومعي بيبسي وانا قايم كان وراي بنات وصدمت في وحدة فيهم وانكب عليها البيبسي
نوف في قلبها هذي انا معقولة ماعرفني
نوف: وماعرفتها
سامي: لا والله بس من جد انحرجت منها مسكينة خليت عبايتها كلها بيبسي
نوف: هههههههههه والله مسكينة وطول ماهي في السيارة وهي متضايقة من البيبسي وودها تعطيك بكس
سامي: هههههههههههههه والله ماالومها وانتي ايش عندك تتكلمين وكانها انتي
نوف: هههههههههه مو انا اعرفها
سامي: لا ياشيخة
نوف: هذي اناااااا
سامي: من جدك
نوف: ايه والله بس توقعتك عرفتني
سامي: لا والله بس انا جاني احساس بس قلت اكيد اني متأثر من المرة الاولى
نوف: ههههههههههه بس والله صارخت عليك لاني ماعرفتك بس لمن انتبهت لك تذكرتك وانحرجت مرررة
سامي: هههههههه كنت تصارخين بس بعدين اعتذرتي بس تعالي هنا انا شكلي مارحت عن بالك
نوف: يعني
سامي: كيف يعني
نوف: الصراحة انت شغلت تفكيري من اول يوم شفتك
سامي: والله نفس الاحساس نوف احبك احبك احبك
نوف: وانا اموت فيك
****************************
عدت الايام وجت الاختبارات والكل اجتهد واخذ العلامة على قد احتهاده
نوف وسارة خلصوا الجامعة ونجحوا بتقدير جيد جدا.. سمر خلصت اولى ثانوي ولسه المشوار قدامها .. ونور خلصت ثاني ثانوي وخطبها ماجد حبيب القلب وطبعا فرحوا الاخوان بهذي الخطبة وخصوصا انه نوف ويوسف ماصاروا لبعض.. ويوسف خطب نادية ووافقت وزواجهم بعد سنة لانه نادية طلبت انها تتزوج بعد ماتخلص الجامعة.. وخلود خلصت الكلية ونجحت وصارت ملكتها على فهد وكانت عائلية.. واخوها عبد الرحمن اتخرج من الثانوي بتقدير ممتاز ونسبة 99 مسكين طول السنة وهو يفحط لازم بتكون نسبته كذا ...
واليوم زواج نوف وسارة بعد مااتفقوا بدر وسامي انه يصير بيوم واحد
والكل فرحان نوف وسارة بيوم واحد ماشاء الله
في الغرفة كان نوف وسارة جالسين وكل وحدها لابسة ومتجهزة نتظر العريس
نوف: احلى مافي الموضوع انه انا وانتي زواجنا بيوم واحد
سارة: أي والله الحمدلله بنودع العزوبية مع بعض زي ماودعنا الدراسة
نوف: هههههههههههههه والله تنكتين
سارة: ههههههههههههه الطف الجو
نوف: ها خايفة
سارة: بموت من الخوف وانتي
نوف: يويو خليها على ربك احس عظامي كلها ترتجف
ودخلوا عليهم سمر ونور: الف الصلاة والسلام عليك ياحبيب الله محمد كللللللللللللللللللللللللللللللللللللللللللللللللل لللللللللللللللللللللللوش هههههههههههه
ونوف وسارة ضحكوا عليهم
نوف: عقبالكم
سمر + نور : اميييييييييييين
سارة: مستزوجات ههههههههههه
نوف: الله يعين ماجد وونايف عليكم والله بتشيبونهم
نور: والله ماجد يحبني ويقولي تدللي على قلبي بس بالراحة
نوف وسارة وسمر :هههههههههههههههههههههههههههههههههههههه
ههههههههههههههههههههه
سمر: حلوة بالراحة هذي
نوف: مااظن انها ناعمة هذي دفشة
نور: ماالدفش غيرك الناس بيوم زواجهم يكونون طيبين حبوبين وهذي هي في جهة والعرايس في جهة
نوف: نشوفك بيوم زواجك ايش بتسوين
نور: الله متى يجي بس
__________________

سمر: لا نوف قولي لابوك يعجل بالزواج ترى البنت واصله حدها
وضحكوا البنات وشوي نوف راحت لغرفة لوحدها عشان سامي بيشوفها
وسارة في نفس الغرفة ودخل عليها بدر وامه وخواتهاوام سارة وخالاتها ونور وسمر وراه يزغردوا بدر اول ماشاف سارة انهبل وقف مكانه الله الله ايش هالجمال بدوخ انا كانت سارة من جد جنان بفستانها الابيض الناعم كانها حورية اوملاك نازل من السما ودقته امه
ام بندر: بدر ادخل
بدر: ها طيب
وراح لعند سارة وسلم عليها
وبعد مااصورت العائلة معاهم تركوهم لوحدهم
وننتقل للجهة الثانية عند نوف كانت نوف واقفة تنتظر دخول سامي وفعلا شوي وتسمع الزغاريد ويدخلون الحريم ومعاهم سامي اللي كان شكله جنان وسامي مو احسن من بدر وقف متجنن من جمال نوف وفعلا نوف تغيرت كثير والكل لاحظ هذا الشيء العرس اثر عليها وحلاها كثير وبرضوا العائلة تصورت معاهم <<<<<<< من قدهم تصوروا مع عروستين هههههه
*****************
وجاه وقت الزفة اول شيء نزفوا بدر وسارة
البلكونة كانت كبيرة ولها بابين
الباب الاول خرجت منه سارة وماسكها ابوها من يدها وشغلوا اغنية وديع الصافي ونجوى كرم اللي تتكلم عن الاب وبنته وبعدين طلع بدر من الباب الثاني والبنات يصارخون وبدر راح لجهة سارة وابوها اللي سلم بدر سارة يد بيد وباس بدر جبهة سارة وبعدين راح ابوها ووقفوا بدر وسارة قدام الناس ورقصوا سلو وبعدين رموا على الحريم ورد كان مجهز بسلة وبعدين انزفوا على اغنية محمد عبده والكل كان متهبل على جمالهم
وجلسوا شوي وخرجوا استعدادا للزفة الثانية
............
رجعت الانوار انطفت استعدادا لزفة نوف
طبعا اول شيء خرج سامي من الباب وهو مبتسم ومشغلين اغنية هشام عباس فينه حبيبي فينه وسامي مسوي نفسه يدور على نوف ويعنني بينط من البلكون يدور عليها<<< الاخ ممثل هههههههههههه
وبعدين خرجت نوف من الباب الثاني على اغنية خليني اعيش لاليسا
وتلاقوا سامي ونوف وباس سامي نوف على خدودها ومسكوا ايدين بعض وبدلوا مكان الدبل من اليمين لليسار وبعدين رموا ورود على الحريم والبنات صريخ وتصفيق والكل يضحك على سامي
سامي: الله يرجها خلود خلتني ممثل ههههههههه
نوف: هههههههههههههههههه
***********
وانتهى الزواج والكل راح بيته وهو مبسوط كان الزواج مرة حلو وكل شيء مرتب وكل الحريم شهدوا على جمال سارة ونوف وانه كل وحدة فيهم فيها شيء حلو عن الثانية الله يسعدهم ويوفقهم
****************************
سامي: منور البيت
نوف: منور بصاحبه
سامي: نوف في بداية حياتنا اوعدك انشاء الله يانوف اني اخليك اسعد مخلوقة على وجه الارض واني اشاركك الحلوة والمرة وانشاء الله ربي يسعدنا ويوفقنا ويرزقنا بالذرية الصالحة
نوف: انشاء الله انا ربي يوفقني واني اقدر اسعدك ومااكدرك بيوم والله لايحرمني منك
سامي: احبك يااحلى واغلى نوف وتفضلي الحين بيتك وسمي بالله
نوف: ههههه بسم الله
ودخلوا نوف وسامي بيتهم وربي معاهم ويحرسهم
..........................................
في الجهة الثانية نروح لاحلى عرسان
بدر وسارة
بدر: سارة حبيبتي اخيرا صرنا بيتنا ولوحدنا مافي شيء يبعدني عنك ياقلبي ياسارة معاك نسيت الالام ومعاك بنيت الاحلام وانشاء الله اقدر اسعدك وااخليك اسعد انسانة
سارة تحضن بدر: انت اللي حياتي وعمري وكل دنيتي وانشاء الله مايفرق بيننا شيء وصارت سارة تغني لبدر
من بين الناس حبيتك من بين الناس
وبكل احساس اغليتك وبكل احساس
حبك جرى بدمي نساني كل همــي
خلى حياتي غير من بين كل الناس
صرت بحياتي الروح واللهفة والأشواق
الصمت لك والبوح ولشوفتك اشتاق
عمري فدى عيونك يساحر بلونك
وياك مهما يصير من بين كل الناس
******************
بعد مرور سنة
بدر وسارة ربي رزقهم بولد يجنن يشبه ابوه وامه وسموه عبد الله وعمره 3 شهور وسارة تعبت في ولادته وولدت على سبعة...
ونوف حامل بالشهر السابع وخايفة انها تولد زي سارة على سبعة وسامي مداري عليها ومخليها مرتاحة....و خلود تزوجت فهد وهي مبسوطة معاه.. ويوسف تزوج والحين في شهر العسل ...ومي تشافت جسديا ونفسيا وخطبها عبد العزيز صاحب يوسف.... نور تتحضر لزواجها من ماجد اللي باقي عنه شهر واللي بنفس اليوم بتصير فيه ملكة نايف وسمر
*****************
نوف وسامي قاعدين يحتفلون بيوم زواجهم اللي عدى عليه سنة بس نوف كانت تعبانة شوي بسبب حملها بس ماتبين لسامي كفاية فرحته وحبه لها
ومن جهة ثانية
بدر دخل بيته واول مافتح الباب طاحت عليه ورود وكان جو البيت حلو
سارة: كل سنة وانت حبيبي وزوجي وابو عيالي
بدر يحضن سارة : وانتي حبيبتي
طبعا بدر وسارة يحتفلون بيوم زواجهم اللي عدى عليه سنة كمان
بدر: وين عبودي
سارة: وديته عند امي عشان نأخذ راحتنا
بدر: هههههههه ياحليله
ومسك بدر يد سارة وراحوا يحتفلون مع بعض ويبدأو حياة جديدة كلها حب وسعادة

&&& كلمتي&&& <<<< كلمة الكاتبه الاصليه (وهم)
عندما يدخل الحب حياتنا يتغلل فيها ويحليها فيتبدل حالنا وأحوالنا ونصبح أسيرين لهذا الحب وتكون حياتنا مرهونة به وتتحول حياتنا إلى أحلام وردية، فالحب كنز علينا مجاراته بالطريقة الجميلة التي لا تشوهه ..... " فأهلا بك أيها الحب وهنيئا لنا بك "
عندما كتبت قصتي "من بين الناس حبيتك" كنت أريد من خلالها انا اثبت شيء ما في قلبي ألا وهو الحب الذي يعيشه أغلبنا ,, فأردت انا أظهره في صورة جميلة تحيي الحب وتجعلنا متيمين به .........
فالحب شعلة في حياتنا نريدها دائما مشتعلة حتى تزهو حياتنا بالحب وتثمر ما نريده نحن منها ، ونجزم في النهاية أن حياتنا نريدها بهذا الحب الذي لا نشعر بحلاوة الدنيا من دونه0
... أبطال قصتي ...
* بدر وسارة / جمعهما الحب من الصغر كبروا عليه وتربوا على خطواته بنوا الآمال والأحلام الوردية ودمجوها بالواقع وفي النهاية تتوجت هذه الأحلام والآمال بالنهاية السعيدة ، فأهلا بكم بدنيا الحب0
* سامي ونوف/ جمعهما الحب صدفة ومع تتالي الأيام نمى هذا الحب وعبر عن مشاعره فأستقبل خير استقبال ووجدت النهاية لهم بما يرضاه قلبيهما0
* فهد وخلود / كان حب من طرف واحد ولكن ببعض الجرأة والحيلة أصبح من طرفين وهذا الحب تكلل بالنجاح بعد صراع بين القلب والعقل رضخ العقل على مافيه سعادة للقلب ومهد الطريق للحب0
* ياسر ومي/ حب كان أساسه اللعب بالعواطف ولكنه مع الأيام نمى ولكنه بما أنه بني عن خطأ فهو لم يأخذ راحته في التأقلم وتحطم0
*****************************
انتــــــــــــــــــهــــــــــــت القصه



يالله كل سحليـــة تشكرني وتكتب لي كلمة؟؟

[عصفوره الرياض]

الف الف الف شكر لك مع انك تاخرت علينا ....
مع خالص تحيااااااااتي لك ....

[الراهـvipـي]

العفو اختي عصفوره
واشكر لك متابعتكـ

[احلاهم وبتحداهم]

رووووووووووووووووووووووووووووووعه
عن جد روعه
وقليله عليها كلمة روعه
الله يعطيك العافيه يالغلا
وان شاء الله قمت بالسلامه الحين


تقبل مروري ومتابعتي



تحياتي

[عطر الليل]

يعطيك الف الف الف عافيه
وكل سنه وانت طيب واهل المنتدى كلهم يارب
اختك ريناد

[الراهـvipـي]

وانتي طيبه
واشكر لكم متابعتكم
وانتظروا الروايه الجديده

[ولد السعوديه]

الف الف شكر يا اخوي على القصه الجميله
ولو انك تاخرت علينا شويه بس من حقك
اتغلى لان القصه رائعه
مع خالص تحياتي

[kadellys]

يسلمواديك حياتى الله يعطيك العافية
بس الي عندك طلب
اتحفينا برواية مثلها