&&& الجزء الثامن &&&
في بيت سارة
أم سارة: قومي حبيبتي وش النوم هذا
سارة: يمه اتركيني ماأبى أقوم
أم سارة: حبيبتي فيك شيء تعبانة
سارة: لا ماني تعبانة بس أمس ما نمت بدري
أم سارة: طيب حبيبتي نامي
وخرجت أم سارة من الغرفة وهي خايفة على بنتها حاسة انو فيها شيء وجهها مرررة تعبان
نوف دقت على جوال سارة لقته لسه مقفل
نوف: خليني ادق على بيتهم
نوف: الوو السلام عليكم
ام سارة: هلا وعليكم السلام
نوف: كيفك خالتي
ام سارة: هلا نوف الحمدلله
نوف: خالتي ممكن تنادينلي سارة ادق على جوالها مقفل
أم سارة: والله يانوف توي خارجة من غرفتها تقول تبى تنام أمس مانامت بدري مدري وش فيها كأنها كانت تبكي
نوف: خلاص انا الحين بجي عندكم
أم سارة: الله يحيك يابنتي
نوف: مع السلامة
أم سارة: مع السلامة
...............................
نوف وهي لابسة العباية شافها بدر
بدر: على وين نوف
نوف: بروح عند سارة
بدر: مسرع اشتقتي لها أمس عندك
نوف: حبيبي انا اشتاق لسارة كل دقيقة موكل يوم سارة حبيبتي
بدر: طيب لاتدفين تبيني أوصلك
نوف: لا ماله داعي أخاف منت فاضي
بدر: افا حتى لو مني فاضي أفضى لك كم نوف عندي
نوف: تسلم حبيبي يلا أجل
بدر: اوكي
في بيت سامي
خلود: تصدقين يمه أمس سامي صدم وحدة
ام سامي: وش صدم وحدة وايش صار لها ماتت
سامي: يمه ليه أنا أموت لها الدرجة
خلود: هههههههههههههههه خرعت البنت
ام سامي: وش السالفه مين صدمت
سامي: لا تخافين يمه ماصدمت أحد بس امس في السوق البنت كانت تمشي بسرعة وصدمت فيه
أم سامي: الحمدلله احسب صدمتها بالسيارة
خلود: لا بس هي اتعورت مع خشمها بس شفناها انا وسامية مافيها شيء
سامي: بس ياعليها جمال
أم سامي فرحت: ها نخطبها لك
خلود + بدر : هههههههههههههههههههههههههههههههههههههههههههههه
أم سامي: من جد ماتستحون وش قلت يضحك
سامي: يمه من جدك انتي ليه هي السالفة لعبة
خلود: البنت حتى مانعرفها ولا نعرف اخلاقها تقولين نخطبها
أم سامي: أقول الشرهة علي اني ابزوجك واسعدك
سامي: ماقلنا شيء بس مو أي وحدة وحدة نعرفها
ام سامي: اسكت بالله عليك عمرك مابتتزوج انا اللي متعبة نفسي خليني اقوم أحسن لي ماعندكم سالفة
سامي: يمه تعالي وين رايحة
خلود: حرام عليك ياسامي والله أمي بتفرح فيك
سامي: اقول غيري السالفه خلاص مليت منها
خلود: براحتك
خلود: عندي رقم نوف
سامي: مين نوف
خلود: نوف اللي صدمتها
سامي وهو مهتم: والله وكيف عرفتي اسمها
خلود: نست جوالها واخذت جوالي تدق منه وبعدين سمعتها تقول لأختها انا نوف
سامي: ومسجلته عندك
خلود: على طول خزنته عندي خليني أتعرف عليها أحسها طيبة
سامي: بس انتبهي لاتكون ماهي كويسة وتخربك
خلود: لا لا تخاف مني صغيرة انا أكيد لو بحس انها كذا ماني معطيتها وجه
سامي: اوكي يلا باااااااااااااااي
خلود: بسم الله وش فيك كذا فجأة بااااااااااااي
سامي: ههههههههههه افهميها حبيبتي يعني السالفه انتهت وانا بطلع بااااااااااي
خلود: طيب حل بااااااااااااااااااي
في السيارة
نوف: بدرانت ليه ماتبى تتزوج
بدر: احس اني مو حق زواج
نوف: وش تقول بالعكس انت ماشاء الله عليك جمال ووظيفة وتقدرتفتح بيت
بدر: الحمد لله ماقلت شيء بس لسه ماجاء الزواج في بالي
نوف: تصدق يابدر نفسي انك تتزوج وحدة في بالي
بدر: قصدك ساررة
نوف انفجعت : وش عرفك
بدر: سهلة اتوقعت هي لانك مرة متعلقة فيها وتحبينها
(في قلبه موأكثر من حبي لها)
نوف: والله يابدر سارة بنت حبوبة مين يقدر مايحبها
بدركان مسرح يفكر
نوف: بدر بدر
بدر: ها
نوف: وين رحت
بدر: معاك
نوف: ها وش رأيك بسارة كزوجة
بدر: سارة ماتنعاب بس انا مابى اتزوج الحين
نوف: براحتك بس صدقني ماراح تلاقي أحسن من سارة
.............................
وصلت نوف بيت سارة وبعد ماسلمت على أم سارة راحت لغرفة سارة
نوف: سارة افتحي الباب أنا نوف
وشوية وتقوم سارة وتفتح الباب
نوف: سارة حرام عليك اللي تسوينه في نفسك شوفي وجهك كيف صاير
سارة: نوف الله يخليك ماني ناقصة
تدخل نوف الغرفة وتسكر الباب ومسكت سارة من يدها وجلستها على السرير
نوف: سارة لا تعذبين نفسك اذا من نصيبك والله بتاخذيه
سارة: كيف تبيني ارتاح اصلا انا الغلطانة اني في يوم كذبت على نفسي ووعدتها باأشياء انا اللي اخترعتها بنيت لي أحلام وأمال من خيالي كذبت على نفسي كذبة وصدقتها
نوف: حبيبتي انتي ماغلطتي اذا حبيتي الحب مو غلط وانشاء الله ربي يعوضك خير انتي طيبة وربي مابيتركك بس انت الجأي له بالدعاء وانشاء الله بيفرجها عليك
سارة: ونعم بالله بس خلاص انا مأبى شيء من الدنيا ابى أموت
نوف تحضن سارة: لا حبيبتي لاتفاولين على نفسك حرام عليك كفاية انا احبك وبضحي بالعالم كله عشانك وصدقيني انتي كثير يحبونك أمس امي تقول لي كذا وحدة سألت عنك
سارة وهي تبكي: انا ماهموني الناس انا اللي يهمني هو بدر
نوف: ياقلبي لا تيأسين انشاء الله ربي بيساعدك شوفي انا كيف محكوم عليه اتزوج من واحد أكرهه وشوفيني كيف اضحك لكني من جوه أحس اني بموت بدل المرة الف
سارة حضنت نوف وصاروا الثنتين يبكون بكاء يقطع القلب
بدر كان يفكر بكلام أخته عن سارة
بدر: أأأأأأأه يانوف لوتدرين انا قد ايش احب سارة عمري ما نسيتها طول غربتي وانا افكر فيها قلبي تعلق فيها من هي صغيرة كنت دايما لمن اشوفها احس بإحساس ثاني عمري ماحبيت احد مثل ماحبيتها حبيت برائتها ,, طفولتها,, حيائها,, ضحكتها كل شيء فيها بس هي اللي نسيتني طول السنين اللي فاتت ماسألت عني مافكرت في يوم انها تدق تطمن علي ياليتها تحس بلي فيني أنا حاولت اني انساها لكن لمن شفتها في بيتنا تجدد حبي لها لكنها ماسلمت علي ولا اهتمت فيني ومالقيت قدامي الا اني أطنشها واسوي نفسي اني ناسيها يمكن مع الايام بتعود على هذا الحال
................................
نوف وسارة بعد لمن بكوا ارتاحوا شوية وطلعوا اللي في قلبهم من حزن وعذاب لبعض وبعد كذا صاروا يبتسموا ويذكروا الذكريات الحلوة وسارة ماقدرت تنسى اللي صار بس عشان نوف وسالفة زواجها من يوسف حبت سارة ماتزيد على نوف وتتظاهر انه خلاص مافيها شيء
(كذا الاصحاب ولا بلاش مع بعض في السراء والضراء)
سارة: اه يانوف لو تدرين قد ايش انا أحبك مااتصور حياتي من دونك
نوف: حبيبتي موأكثر مني
سارة: لا انا أكثر
نوف: ههههههههههههه انا اكثر
سارة: لالا تحاولي انا أكثر
سمر: بسم الله وش فيك انتي وهي وجععععععع كل هذا حب اعطونا شوية
سارة: وجععع قولي ماشاء الله
سمر: ماشاء الله مرررررررة بعطيكم عين
سارة : يمكن ليه لا
سمر: أقول خلينا نخرج نتمشى والله طفشت
نوف: والله فكرة وش رأيك سارة
سارة: هااا مدري
سمر وهي تبوس سارة: حبيبتي سارة يلا خلينا نطلع والله طفش
سارة: حببتي ماقلت شيء بس يمكن أمي ماترضى
نوف: لا نروح نكلمها وبترضى خلينا نجرب محنا خسرانين شيء
سارة: اوكي يلا
وراحوا البنات وكلموا أم سارة وفرحت لمن شافت سارة تضحك ورضت لهم كله عشان سارة تغير جو
سمر: نوف اتصلي بنور خليها تجي معانا
نوف: الحين ادق عليها تجي هي والسواق عشان يودينا
ودقت نوف على نور وفرحت نور لانها تحب سارة وسمر واتفقوا انها تستأذن من امها وتجي مع السواق وراحوا سارة وسمر يلبسون للخرجة
..............................................
نور: يمه بروح بيت سارة
ام بندر: وليه من اول مارحتي مع أختك
نور: لا مو بجلس عندهم يعني بعد إذنك بروح أخذ نوف وسارة وسمر ونروح نتمشى
أم بندر: وين يتروحون
نور: لسه ماحددنا الله يخليك يمه خلينا نروح
أم بندر: لا اخاف عليكم مافي روحة لوحدكم
نور: يمه لاتكونين معقدة
أم بندر: نور ماتستحين تقولين عن أمك كذا يعني لأني أخاف عليكم صرت معقدة
نور: يمه ماأقصد والله بس ليه تخافين
أم بندر: قلت لا خلاص اتصلي على أختك خليها تجي مافي خرجة
قامت نور دقت على نوف
نور: الوووو نوف
نوف: نور وينك لسه ماجيتي
نور: نوف امي ماهي راضية نخرج وتقولك يلا تعالي
نوف: احلفي
نور: والله العظيم
نوف: ياربي عليها امي خلاص انا بجلس شويه وبعدين أجي
نور: اوكي بااااااااااااااي
نوف: بااااااااااي
سارة: وش فيه
نوف: تقول امي ماهي راضية
سارة: خسارة
سمر: وش رأيكم نخلي امي تكلمها
نوف: والله فكرة
ونادت سمر أمها وقالولها
أم سارة: خلاص انا بكلمها
ودقت أم سارة على أم بندر
أم سارة: الووووووو السلام عليكم
ام بندر: هلا وعليكم السلام
ام سارة: كيف حالك أم بندر وكيف حال العيال
أم بندر: والله كلنا بخير كيفكم انتوا
أم سارة: الحمدله بخير اقول منى خلي البنات يخرجون مع بعض حرام طفشانات
أم بندر: والله ياأم سارة أخاف يتأخرون أبوهم مايرضى
أسارة: حاولي منى وانشاء الله مايتاخرون
أم بندر: رايك خلاص بس لا يتأخرون
أم سارة: ولا يهمك بوصيهم انشاء الله
أم بندر: خلاص الحين تجيكم نور
أم سارة: الله يحيها يلا مع السلامة
أم بندر: ياهلا مع السلامة
أمسارة: خلاص رضت
سمر حضنت أمها وباستها: الله يخليك لنا تستاهلي kمية بوسة أممممممممممممممممممممواه
ام سارة: ههههههههههههههه خلاص ذبحتيني
نوف: تسلمين خالة
ام سارة: الله يسلمك حبيبتي بس ماوصيكم لا تتأخرواkترى أمك بتزعل لو اتأخرتم
نوف: لا انشاء الله مابنتأخر لا تخافين
وجات نور واخذت البنات وراحوا
نوف : ممتاز حط أغنية
ممتاز: ايش يبغى أغنية ماما
نوف: ماما في عينك ماتستحي
سارة+ نور+سمر: ههههههههههههههههههههههههههههههههههههههههههه
نوف: وجععع وش فيكم تضحكون
سمر: صراحة نوف لايقة عليك ماما هههههههههههههههههههههههه
نور: ممتاز حط أغنية هندية
نوف: وجع هذا اللي ناقص
نور: وش فيك انتي الأغاني الهندية حلوة
ممتاز: صح نور
نوف: ماشاء الله وش معنى انا تقولي ماما لايكون خلفتك ونسيتك وبعدين انا ماكلمتك
ممتاز: ايش في انت معصب روح اتمشى انبسط
نوف: لا وش رأيك تجي معانا
سارة: نوف خلاص وش فيك على الرجال
نوف: اوف خلاص أقول ممتاز حط شريط راشد
ممتاز: أوكي هههههههههههههههههههههههههه
نوف: وجع مين زين الضحكة
وصلوا البنات السوق وداروا مع بعض واشتروا اللي يبونه
وبعدين جلسوا ياكلون ايس كريم
ونوف شافت واحد من بعيد مشبهه عليه
سامي: صح وليد سمعت انك ببتزوج
وليد: ايه صح بتزوج ياخي خلاص شغل واشتغلنا خلينا نتزوج وننبسط
محمد: الزواج فيه بسطة والله بلشة حرمة تربطك فيها فين رايح ومن وين جاي
وليد: مصيرنا بنتزوج اجل بتجلس عزابي طول عمرك
محمد: خليني كذا مرتاح روح شوف علي حالته حالة
سامي: أخونا شكله متعقد مرة
وليد: ماعليك منه مصيره بيتزوج قولي انت متى النية
سامي: والله لسه ماني ناوي الحين اتزوج
وليد: افا ليه
محمد: أحسن لك
فهد: ياخي وش عليك في الرجال خليه يشوف حياته
سامي: لا بس كذا انا ماني رافض الزواج بس كل شيء بوقته حلو
فهد: خلاص خلوا وليد يتزوج وذيك الساعة يقولنا كيف الزواج
نوف قاعدة تفكر فين شافته
سارة: نوف نوووووووووف
نوف: هااااا
نور: اللي مأخذ عقلك
نوف: تصدقوا بنات الرجال اللي هناك مو غريب علي
سارة: أي رجال
وصاروا كلهم يطالعون مكان ما تطالع نوف
نوف: هييييه انتي وهي لا تطلون لا يشوفكم
نوف: ااااه تذكرت مين هو
كلهم : مين
نوف: الولد اللي صدمت فيه في حراء <<<<<< ( اكيد عرفتوه سامي)
سارة: والله
نور: اه تذكرته بس ماشاء الله عليه حلو وشياكة
سمر: وش السالفه ماأعرفها مالي قولولي
وحكت نوف سمر الحكاية
سمر: الله رووووووووووووووعة
سارة: وش هو اللي روووووووووووووعة ( وتقلد سمر)
سمر: هه لا بس حلو كذا ياليت اصدم في احد وتطيح غطوتي من جد جنان
سارة: سمر وجعع وش هذا الكلام ياويلك لو تسمعك امي
سمر: سارة خليك فرررري بعدين أمي مو معانا وما بتعرف بالسالفه الا اذا أحد قالها
سارة: طيب انا بقولها
سمر خافت: سارة من جدك انتي الله يخليك لا تقولي لها
نور: هههههههههههههههههههههههههه خوافة
سمر: ياحبيبتي عند امي مافي ياامي ارحميني
ونوف ماهي معاهم تفكر في سامي والموقف اللي صار بينهم
سارة: نوف وش فيك ساكتة
نوف: ..............
نور: لا البنت ماهي معانا نووووووووووووووووف
نوف: وجععع وش فيك تصارخين مااسمع يعني
سارة: من اليوم ننادي منتي معانا وين رحتي
نوف: معاكم بس سرحت شوي
سمر: اها في مين
نور: أكييييييييد في الجمال اللي قاعد هناك
نوف: نور اسكتي ياهبلة وش عرفك انتي
سمر: طيب قوليلنا انتي
نوف: ولا شيء ياربي على اللقافة يلا غيروا السالفه
وصاروا البنات يسولفون ويضحكون وانبسطوا مرررررة
وهنا دق جوال نور ولمن شافت انه بدر المتصل حطت السبيكر
نور: هلا بدر
نوف على طول طلت في سارة اللي سرحت لمن سمعت نور
نوف في قلبها: وقته هذا كمان الهبلة هذي حاطة سبيكر انا ماصدقت تنسى شوي الله يهد شيطانك يانور
بدر: هلا والله وينكم
نور: احنا في السوق انا ونوف وسمر وسارة
نوف على طول مسكت يد سارة اللي صارت مرتبكة
بدر: والله رايحين لحالكم ماشاء الله
نور: بدر وش فيك مافيها شي واحنا استأذنا من أمي
بدر: طيب لاتتأخرون وراك مدرسة
نور: اوف لازم تجيب سيرتها وتنكد علي
بدر: ههههههههههههههههههههههههههه مردك لها ياحلوة يلا بااااااااااااااااي وسلميلي على سارة وسمر
سمر: الله يسلمك بدر
بدر: مين معاي
نور: هذي سمر انا حاطة سبيكر
بدر: اهلين سمر كيفك
سمر: انا بخير كيفك انت
بدر: تمام ها كبرتي ولا لسه صغيرة
نور: ههههههههههههههههههه لو تشوفها ماتدخل من الباب
سمر: هييييييه بايخة الحمد لله انا رشيقة
نور: هههههههه روحي يادبببببببببة
بدر: هههههههههههه الله يرجكم وين نوف وسارة وش فيهم ساكتين
نور: مدري وش فيهم فجأة برطموا
نوف: أقول اسكتي تافهة
بدر: افا نوف وش فيك زعلانة
نوف: لا ولا شيء
بدر: كيفك سارة
سارة انفجعت وماهي عارفة ترد وزاد ارتباكها
سمر تدق سارة: ردي عليه سلمي لا تنحين
سارة بدون نفس: بخيررررر
(من تصرف سارة كان في 3 ردود أفعال
نبدأ بنوف اللي فرحت من تصرف سارة
ونروح لسمر اللي انصدمت من رد سارة لانها في بالها انو سارة تموت في بدر وغريبة ترد عليه كذا من دون نفس
وأخيرا بدر اللي انقهر من سارة حتى ماسألته كيف حاله هو)
بدر: يلا اخليكم بس لاتتأخرون باااااااااااااااااي
نور سمر: بااااااااااااااااااي
بعد ماقفلت نور
نور: هييه وش فيك انتي وهي فجأة ارتبكتوا
سمر: انا اعرف ليه ياحبيبتي
نور: دببببة طيب قولي
سمر: اول شيء احترمي نفسك بعدين أقولك
نوف: بس انتي وهي أزعجتونا
سارة اللي انقهرت من بدر ايش معنى سمر يدردش معاها وانا بس كيف حالك : خلاص يلا نروح اتاخرنا
نور وسمر : بدري
ههههههههههههههههههههههههههههههه
نوف: وجع افكارهم وحدة
سارة: بدري من عمركم نسيتي امك
نور: اوف يلا خلاص بس لازم نعيدها
سمر: ايوه لازم
نوف: انشاء الله
وقاموا البنات ومشواا ونوف عيونها على سامي والبنات يضحكون عليها
نوف: وش فيكم انتوا
نور: ارحمي الرجال اكلتيه
نوف: مرررررة اقول اسكتي وجععع
وضحكوا البنات على نوف
وشويه ويقوم سامي وكان معاه بيبسي ولمن قام كانوا البنات مارين من عندهم وصدم سامي بنوف وانكب البيبسي عليها
0000000000000000000000000000000
&&&الجزء التاسع &&&
وشوي ويقوم سامي وكان معاه بيبسي ولمن قام كانوا البنات مارين من عندهم وصدم سامي بنوف وانكب البيبسي عليها
نوف: لاااااااااااااااااااااااااااااا
سامي: اسف والله ماشفتك
نوف: ياربي ماتشوف انت أعمى وجعععععع انشاء الله ويقول اسف عاد
سامي: والله ماأقصد >>>> في قلبه : ايش حظي في يومين تحصل هاالأشياء
نوف: علي يعني تقصد ولا ماتقصد وش بستفيد من أسفك وسختني وخلاص
بعدين طالعت نوف في وجه سامي وانصدمت
نوف في قلبها: ياربي انا وش سويت والله ماعرفته المفروض مااقوله كذا
سامي بعصبية: اسف وتأسفت لك وش تبين اسويلك
نوف خافت منه: لا عادي حصل خير انا عارفة انك ماتقصد وأسفة لو غلطت عليك
سامي: لا عادي
وراحوا البنات وهم يضحكون على نوف
وكمان اصحاب سامي يضحكون على سامي وشكله اللي كان مررة مرتبك وبنفس الوقت معصب
وليد: ههههههههههههه سامي وش فيك
محمد: تلاقيه يفكر في القمر
سامي: أي قمر واي خرابيط والله انك فايق
وليد: حبيبي ريلاكس تحصل في اكبر العائلات
سامي: والله انكم فاضيين يلا باااااااااي
وليد: تعال وش فيك زعلت
محمد: ولا بتلحق القمر
فهد: اتركوه في حاله
سامي طنشهم وراح عنهم وهو طالع شاف نوف واللي معاها طالعين السيارة
نوف: ياويلي وش قصتي مع هذا الرجال بس اصدم فيه
سمر: صراحة جنان
سارة: هيييه انتي وش هو الجنان
سمر: الموقف روعة
نوف: والله انكم فايقة عبايتي كلها بيبسي وتقول جنان
سارة: ماعليك منها عقلها ناقص
سمر: ياهبلة انتي وهي في أحد يصحلها تتصدم في واحد حلو ومرتين بعد والله لو انا كان تلاقيني طايرة في الجو
سارة: حشى عصفور مو بإنسان
نور: هههههههههههه ولا اختنا اول شيء سبسبته بعدين قاعدة تتأسف له والله لو انه ممتاز كان علقته مع رأسه
سمر: هههههههههه حلوووووووووة يدك
ومدت نور يدها وضربتها بيد سمر
نوف: هههههههه بايخة بعدين مايخصك انتي وهي هذا كلام كبار
نور: عشتوا يالكبار انتوا
سمر: الا قولي عجايز
سارة: عجايز بعينك ماتستحين
نوف: بس تتوقعون هو عرفني
سارة: ماأعتقد عرفك
نور: والله الرجال محد يدري وش اللي براسهم
نوف: يويويو لو عرفني من جد فشلة
سمر: لا فشلة ولا شيء هو يقربلك يعني ولا يعرفك
نوف: ايوه صح بس عسى مايظن اني بالعنية مريت من عنده
سمر: لاا عادي احنا مرينا لانه قصدنا بنطلع من السوق مو نتجول
نور: نوف وش تسوي لو اللي صارلك كان مع يوسف
نوف: لو هو بأخذ منه البيبسي وأكبه على راسه
سمر: كل هذا كره
نور: الله يعينك يايوسف بتتبلي بلوة ماكانت على البال ولا الخاطر
نوف: ايش البلوة
نور: انتي في غيرك
نوف تضرب أختها مع راسها: انا بلوة ياحمارة والله له الشرف يتزوج وحدة مثلي
سارة: ايوه والله
نوف: على سيرته ترى الاسبوع الجاي بيجي يشوفني
سارة: والله خلاص وافقتي
نوف: هو ابوي اعطاني فرصة اوافق ولا لا خلاص ياحبيبتي انكتب علي العذاب
سارة: لاتقولي كذا الله بيساعدك انشاء الله
سمر : شكلهم ابوك وعمك متفقين يزوجون عيالهم لبعض
نور: انا بالنسبة لي مايهمني
سمر: ليه ماعنده غير يوسف ولد
نوف: لا في ماجد ومازن
سارة: طيب هم كبار
نور: ماجد كبير عمره 23 أما مازن صغير
سارة: أجل أكيد بيكون ماجد لك ياحلوة
نور: مايهمني لانه ماجد حبوب وحليوة
سمر: قولي كذا شكلها أختنا طايحة لشوشتها في الحب
نور: ووش فيها ولد عمي وانا اولى به
نوف: هييييه فين احنا دشين سوق وتقلد نور ولد عمي وانا أولى به
سارة: وش فيها طيب لو كان كويس مافيها شيء
نوف: اانا ماطيقهم كلكم
سمر: الله يصبرك يانوف هههههههههههههههههههههه
نور: قولي الله يصبر يوسف عليها
نوف: هييييه انتي وش فيك عليه وجع ولا كأني اختها
نور: طيب انتي ليه تحكمين على الرجال يمكن يكون طيب
نوف: انتي لاتدخلين أنا اعرف يوسف كويس
سارة: الله يعينك حبيبتي
نوف: اميييييييييين يارب ويفكني منه
وتموا البنات سوالف وضحك الين وصلوا البنات سارة وسمر بيتهم وبعدين راحوا بيتهم
..........................................
سامي قاعد يفكر باللي صار مو مصدق في يومين يصير له كذا ( بس توقع سارة في محله لانو سامي ماعرف نوف)
خلود: سام سااااااااااامي
سامي: هاا
خلود: أعترف بسرعة مين اللي تفكر فيها
سامي: مابقول وش بتسوين وريني يلا
خلود: هههههههه مابسوي شيء
سامي: تصدقي خلود اليوم صار لي شيء
خلود جلست عند سامي: ها وش صار
سامي: ياحبكم يالحريم للسوالف عناد ماني قايل قومي فارقي
خلود: سام حبيبي قول يلا
وحكى سامي لخلود عن كل اللي صار له
خلود: يامسكين
سامي: اقول فارقي الحين هذا اللي عندك مسكين
خلود: انت ليش مكبر السالفة انت ماتعرفها ولاشيء
سامي: بس مره كنت مرتبك لمن انكب عليها البيبسي وانحرجت قدام اصحابي
خلود: سامي والله عادي تصير كثير
سامي: على قولتك الا فين عهود
خلود: تكلم صحبتها كله حش في صحباتهم
سامي: وانتي اخس منها
خلود: سام حبيبي وش فيك علي إحمد ربك خلود بكبرها قاعدة معاك
سامي: ههههههههههههههههه مو نصها
خلود:أقول فارق الشرهة علي خليني اروح عند أمي
سامي: احسن فكيني منك دبببببببببببة
خلود: انت الدب غوريلالالالا
سامي: اختاري واحد فيهم يادب ياغريلا
خلود: الأثنين لا يقين عليك ههههههههههههههههههههههههه
وراحت خلود عن سامي ورجع سامي يفكر باللي صار له
.................................................. ...
في الجامعة
سارة: تصدقين نوف خلاص طفشت من الدراسة
نوف: خلاص مابقي شيء المستوى هذا والجاي ونخلص
سارة: انشاء الله بس من لنا شهر بدينا دراسة بس احسها ثقيلة
نوف: لا بالعكس الايام تمر بسرعة
سارة:يمكن
نوف حست بسارة
نوف: سارة تصدقين عجبتيني أمس لمن رديتي على بدر بدون نفس
سارة: انا ماكنت برد بس لمن دقتني سمر ارتبكت ورديت بس غريبة عليه خلاص تذكرني
نوف: سارة مدري ليه عندي احساس انه بدر متذكرك بس هو سوي نفسه ناسيك
سارة: وش عرفك
نوف: مدري بس يوم شافك لمن خرجتي من غرفتي جاني وقالي من هذه بس حسيت انه يستعبط وانه عارف حتى لمن قلتله هذي سارة بنت جيراننا قال حلوة من صغرها وحتى الحين حلوة
انبسطت سارة من مدح بدر
نوف: عاد مسوي نفسه ناسي والله انه كذاب انا نوف وماتمر عليه هاالاشياء
سارة: طيب ليه هو يسوي كذا
نوف: هذا اللي نفسي اعرفه وانشاء الله بعرفه طيب يابدر مااكون نوف اذا ماعرفت ايش عندك
وجتهم صحبتهم ريم
ريم: اعترفي انت وهي تحشون في مين
نوف: ههههه فيك طبعا نقول ريم هبلة ودببة ونكدية ودمها ثقيل
ريم: ههههههههههه بايخة الحمدلله اعرف قدر نفسي
سارة: رورو حبيبتي والله تمزح
نوف: تدليعينها كمان
ريم حضنت سارة: حبيبتي سوسو أمممممممممممممواه
ريم: باركولي انخطبت
سارة: والله مبروك
ريم: الله يبارك فيك عقبالكم
سارة: في وجودك حبيبتي
نوف: الله يعينه شكله امه داعية عليه
ريم بدلع: الا قولي امه داعيه له
سارة: نوف وش فيك انتي
ريم: سارة علميها الأدب صحبة على الفاضي
نوف: انا ياحبيبتي متأدبة وخلاص لا تزعلين مبروك منك المال ومنه العيال هههههههههههههههههههههههههههههههههههههههههه
سارة: هههههههههههههههههههههههههههههههههههههههه
ريم: والله انكم ماتستحون قاعدين تتريقون خليني أقوم أحسن لي
نوف: هييييه انتي زعلتي ترى أمزح خلاص مبروك يتربى في عزك ههههههههههههههههههههههههههههههههههههههههههههه
ريم شدت شعر نوف : نوفو أحسنلك اسكتي لاخلي شعرك كشة
نوف: أي أي أي اتركي شعري والله أمزح مبروك والله يسعدك
ريم تركت شعر نوف: ايوه كذا تسنعي
سارة: ههههههههههههههههههههههههههههههههه والله انكم نكت
و طلت بساعتها : نوف اتأخرنا بقي 3 دقايق على المحاضرة قومي بسرعة
نوف: يو القاعة بعيدة اكيد بتطردنا الدكتورة
ريم: ههههههه خليك من تريقتك فيني
سارة: يلا نوف باااااااي ريم
نوف: بااااااااااااي ريم ولاتزعلين
ريم: لاعادي ماأزعل من حبايبي ويلا باااااااااااااي
وقاموا نوف وسارة وراحوا المحاضرة وهم يركضون حتى يلحقوا عليها
.................................................. .
مر الاسبوع وماصار على سالفة سارة وبدر شيء
بس اليوم الخميس شوفة نوف
أم بندر: نوف وش فيك قومي اتجهزي مابقي شيء ويوسف يجي
نوف: اوف والله يمه ماني طايقته كيف أجلس معاه حرام عليكم
أم بندر: اسكتي لايسمعك أبوك والله لايطين عيشتك
نوف: كل من ابوي ماراح أسامحه طول عمري
أم بندر: خلاص اتعوذي من الشيطان وقومي البسي
وراحت ام بندر وصارت نوف تبكي وبعد مارتاحت شوي قامت غسلت وجهها ولبست لبس عادي وماحطت في وجهها ولاشيء
نوف: يمكن لمن يشوفني كذا يبطل
بدر: نوف وش فيك
نوف: خلاص بتزوج يوسف
بدر: من قال
نوف:بدر ماني ناقصتك يوسف بيجي الحين وحضرتك تقولي من قال
بدر: انا عارف انه يوسف بيجي بس انشاء الله ماراح يتزوجك
نوف: خلاص ماينفع شيء الحين
بدر: نوف خلي كل شيء علي وبتشوفين
راحت نوف وحضنت بدر: الله لايحرمني منك
بدر: اميييييييين
................................
جاء يوسف لوحده ودخل أبو بندر يستعجل نوف عشان تدخل عند يوسف
أبو بندر: نوف يانوف
نوف جت عند أبوها
نوف: نعم
أبوبندر طالع بنوف : وش فيك كذا مبوزة اضحكي
ابتسمت نوف لابوها: هااا يعجبك كذا
أبو بندر: بلا فلسفه زايده ويلا ادخلي وياويلك لو قلتي شيء مو زين
نوف: حاضر
ودخلت نوف مع أبوها ويوسف على طول قام لمن شاف نوف
أبوبندر دق نوف عشان تسلم على يوسف
نوف وبدون نفس وشوي وتبكي: السلام عليكم
يوسف: وعليكم السلام
ابو بندر: اتركم لوحدكم عن اذنك يوسف
يوسف: تفضل عمي
نوف: بس وسكتت لمن شافت ابوها فتح لها عينه
وجلست نوف وجاء يوسف جلس قريب منها
نوف في قلبها: وجعع انشاء الله أكرهك اكرهك
يوسف: كيف حالك نوف
نوف: بخيييير
يوسف: ماشا
10-09-2006, 02:37 AM
تحيااااتي لك