aعــــــاشـــق الحـــــــــريـــة
اعشق حياة الحرية
و أحب الأمور العفوية
واجعل أموري تلقائية
أفضل الكلمات العادية
و أعيش عالمي بواقعية
أتقبلها بكل ما فيها من حسن وقبيح
يوم جمبري ويوم فول وطعميه
وبحب الأحلام الوردية
يقولون أني مفعم بالسلبية
وغير قادر على تحمل المسؤولية
وان عندي عقدا نفسية
قد أكون وقد لا أكون
بتلك الصورة المزرية
منذ بداية وعيي بالحياة
وآمالي تتحطم فوق صخور
الواسطة والمحسوبية
لم أبالي فأنا متفائل بطبيعتي
وانتظر الفرصة الذهبية
قالوا أن العمر قد آن
لأن ادخل عش الزوجية
وكانت متطلباتها
وظيفة شيك وشقة وشبكة وفرح وعربية
والعبد لله والحمد لله عنده الستر
وما عندهوش ولا واحدة من دية
لكن عندي ديون واقعية
قالوا ما هي الديون بسبب مشاريعك الوهمية
ولازم تشوف لك وظيفة حكومية
طب أجيب منين المحسوبية
سعيت ولقيت
وكانت النتيجة إن الماهية مية
والله ميه ميه
فالولي حلها انك تشتغل في الفترة المسائية
والله فكرة
الواحد لسه شباب ولو إن الصحة والحمد لله شوية
من أكل المواد الصناعية
قلت ارجع من دية وانزل على دية
تعرفوا لقيت إن الجاموسة
إلي بدور بالساقية أحسن مني
على الأقل هي بتلف بالساقية
لكن أنا إلي الساقية بتلف بيا
يعيش عصر النقدية
قالو لي انه ده حال جيلك كله
لقيت إن واحد من كل عشرة
حارب وكافح وأتداين وباع كل عزيز وغالي
عشان يبني عش الزوجية
والباقية لقيتهم بيبيعوا بس شوية شوية
المهم إن الأخ المكافح
لقيته قاعد جنبي على القهوة
يبكي ويلعن أبو اليوم إلي فكر فيه بالفكرة دية
وزادت ديونه
و زاد عليهم مشاكل عائلية
المهم إن كل ده ولا أثر فيا
وقلت يا راجل يمكن يكون أخونا ده
ما عرفش يختار ولا ينظم أموره المادية
وقلت أول خطوة الاختيار
أختار العاقلة بنت الأصول المتربية
وكان
وما خابش ظني ... في الأول
كان في قبول وترحيب وعبارات عادية
هب وطبيت و حبيت وكتبت قصائد شعرية
شوية وظهرت القرارات الدستورية
طلبات بسيطة خالص
شقة في الهرم وفرح في سونيستا وخاتم ألماظ
ووظيفة شيك تنكتب في البطاقة الشخصية
قلت يا راجل كل ده مش مشكلة المهم النية
وانا ما كدبتش عليهم وعارفين كل ديوني وماضيا
والمهم اكتر إن بنت الحلال موافقة ومستنية
وكانت دايما تقولي أنت أجمل حاجة حصلت ليا
وتتخيلوا يا أسيادنا إن بنت الحلال المتربية
وافقت عليا عشان أكون كوبري ومعديه
اصل كان عندها مرحلة تحول غير طبيعية
في حياتها العائلية
ما تفهموش غلط هي بنت بريئة وتصرفت بعفوية
واكبر غلطه عملتها في حياتها كذبة بيضا مقلية
وكلنا عارفين إن أمنا حوا أديت أبونا ادم أغلى هدية
انه يسيب الجنة العالية وينزل للكرة الأرضية
وبنت حوا هي هي حوا
ما تغيرتش ولو واحد في الميه
عموما أنا مش زعلان ولا مخنوق ولا هطق
و لا طلعت عندي عقد نفسية
لكني أخذت القرار
أنا عاشق الحرية
09-07-2007, 05:11 PM
عشقه للحرية 
بشكرك اخي فارس مرورك يسعدني دائما
العرض العادي
