موسوعه لكلمات الاغاني

[بندوري]

أغنية الفنان (فهد عبدالمحسن)(يوم انا وياك)


عام مضى تقل ساعة يوم انا ويـاك @ واليوم تمضي الدقيقـة كنهـا عـام

وانا اتصبر ومني العين في رؤياك @ لاشك خيّب زمانـي كـل الأحـلام

قسى علىّ الزمن مابين يوم اقصاك @ عني وصار الفؤاد لوصلكـم ضـام

إنشد ولا أحدن ذكر لي وين أنا القاك @ ضاع الجميل أوتغيـر ذاك الإقـدام

يلومني فيك ناس مالقت بشفاك ذاك @ الحـلا اللـي لقيتـه إبعـز الأيـام

[بندوري]

أغنية الفنان (فهد عبدالمحسن)(عاتب ظروفك)


عاتب ظروفك ظروفي لاتعاتبهـا @ انت السبب لاتحاول تنكر اوصافي

رجع ظميرك واحاسيسك وحاسبها @ الحق مقبول في ظاهره والخافـي

روحي أنا لك والوفاء لا لاتطالبها @ ياما عطتك الحنان الصادق الوافي

من يوم جوه تغير قلـت جنبهـا @ وش عاد تنفع ليالي نورها طافـي

أهملت زينه وعديـت المعايبهـا @ اعطيتها يوم ضاقت يالغضي قافي

لصار قلبك نوى روحي يعذبهـا @ عندك لنا دين والديـان يستافـي

دنياك لابد مـن يـوم تشوابهـا @ مثل الذي منك قلبي بالهوى شافي

[بندوري]

أغنية الفنان (فهد عبدالمحسن)(راح النهار)


راح النهار ياويل عيني من اليـل @ ياويلهـا ماظـن دمعـه يعيـنـه

القلب ماهو قـادر يكتـم الويـل @ الليل لامـن جـااه بيـح كنينـه

لين انتحيت وصار جسمي بلا حيل @ اوجست موجات بصدري حزينـه

نوب صياح ونوب اسمع مواويل @ يطغى على نغمات قلبـي ونينـه

على الذي ما يعترف بالمراسيـل @ بس الرسايل منه باطراف عينـه

حرق عروق القلب مامنه تحصيل @ معذور قلبـي لـو يبيـن حنينـه

شوقي لساعات اللقا والمواصيـل @ شوق الغريق الـي تحـرا سفينـه

لاقيت في حبه عـذاب وغرابيـل @ عزاه روحي ضمها لـه رهينـه

[بندوري]

أغنية الفنان (فهد عبدالمحسن)(المشاعر)


حركت فينـي المشاعرواخـتفت @ وتركتني بحيرتي ومواجهـا

واعذابي كانهـا منـي اكتفـت @ كيفها دنياي غـاب سراجهـا

شمعة نارت حيات،ي وانطفت @ كنت أظنه هي حياتي ا ودادها

أحكمت بالبعد روحي ما نصفت @ وش حياتي بعدهـا محتاجهـا

لاخبر منها ورسايل لي لفـت @ ما سئلت عن حالتي وش جالها

أنتظر بلك الخطا منها عرفـت @ عودت تحمل لروحي علاجهـا

[بندوري]

أغنية الفنان (فهد عبدالمحسن)(أشرقت دنياي)


اشرقت دنياي من بعد الظـلام @ وانبرى جرح بقلبي من سنيـن

واهتنيت اليوم في حلو المنـام @ والسعادة أصبحت لـي تبيـن

في سماء حبي ظهر بدر التـمام @ وانجلاً اهموم عن قلب حزين

كم تلوع خافقي بدنيـا الغـرام @ كم قضيت الماضي بحزان ونين

احترس من عاذلي بنقل الكـلام @ وسرنا يالترف مـاودي يبيـن

ياربيع العمر ياحسـن القـوام @ بالوصل داويت جرح بي دفين

[بندوري]

أغنية الفنان (فهد عبدالمحسن)(راجع حساباتك)


وقف وراجع حساباتك قبل تجفى @ أخاف تندم واساعتهـا تمناهـا

تجي تدور علينا والقـدم يحفـى @ وبالتالي الوقت ترجع قبل تلقانـا

اسمع كلامي ترى الأيام ماتقفى @ ماراح منها خلاص اقفى واخلانا

[بندوري]

أغنية الفنان (فهد عبدالمحسن)(مثل الذهب)


مثل الذهب مهما علا فوقه غبـار @ يبقى طوال الوقـت سلعـه ثمينـه

مثل المطر مهما المطر سال مدرار @ لو غاب عام صاحوا الناس وينـه

ومثل البحر غلطان من قال غـدار @ موجه تساوى لكل طيـر وسفينـه

ومثل اشتياق الأم أنا أشتاق للـدار @ شوق العمى للشوف بصبي عينـه

دار سكن فيها السناعيـس تنـزار @ غصباً على اللي جاحداً في حنينـه

دار الشرف والجود داراً للاخيـار @ مشاعري وإن جيت أعبـر دفينـه

للضيف فيها قدر وحقـوق للجـار @ محداً ينام ونفـس جـاره حزينـه

طبايع لأهل الجبل كبار وصغـار @ نفطـم عليهـا كلنـا خابريـنـه

أقولها ومهما الزمن جـار أو دار @ {{حايل}} مـع الأيـام يـزداد زينـه

[بندوري]

أغنية الفنان (فهد عبدالمحسن)(من تكون؟)


من تكون اللـي حياتـي لجلهـا @ من مأس الجرح لطياف الامـل

من تكون اللـي سكنـت بقلبهـا @ مالي غيري في تباريحه محـل

من لها غيري ومن لي غيرهـا @ لا حظرت اصبحت أنا كل الاهل

رمز حرف العين بادي بسمهـا @ لو يراها فاقـد الحـظ احتفـل

هزني والهـم شعـوري حبهـا @ وحب غيري صابها عنا جهـل

يا رسـول الحـب عنـي قلهـا @ صوب حايل قلبي العاشق رحل

[بندوري]

أغنية الفنان (فهد عبدالمحسن)(قلتها)


قلتهامن داخل القلـب الجريـح @ قلتها مرضـاك لاتتعـب وراي

للشحيح ان حدني وقتي شحيـح @ وللقلوب الطيبة تمطـر سمـاي

من وعيت ابوجه هالدنيا صريح @ طبعك القـدار ماينفـع معـاي

عادتب مابكي على جال الضريح @ اطلب المولى وهو يجبر عـزاي

من غرورك حاسب لملحك يطيح @ ينتثر لاصار ماهمـك غـلاي

التقى قلبي مع الضبـي المليـح @ كامل الاوصاف بعيونه هنـاي

عقبك البال المشقـى مستريـح @ ياقليل الخاتمـة قربـك شقـاي

[بندوري]

أغنية الفنان (فهد عبدالمحسن)(ضاقت بي الدنيا)


ضاقت بي الدنيا وانا منك مجـروح @ وامسيت من حبك جريـحٍ شقـاوي

راحت حياتي منك ما شفت مصلوح @ لا وا حسافه راح عمـري هقـاوي

ياللي سحرت القلب لا تجرح الـروح @ عندي امل لا تخيب فيك الرجـاوي

مقدر على نسيان حبـك ولا البـوح @ وانا اعرف انـك اه للصـد نـاوي

ارحم عليلٍ صار من طبعـه النـوح @ عطني دوا للجرح كان انتـه نـاوي

من جرح حبك صرت هايم ومطروح @ ضاع العمر والجرح مالـه مـداوي