يومياتي في المدرسة
يا ألله يا كريم.. يا رزاق يا كريم
اه يمّا.. الشاي جاهز؟؟ -
اه يمّا هيني عملتلك بيض و بطاطا-
رحت عالحمّام.. غسلت وجهي و نعنشت.. أفطرت.. و لبست بنطاوني الجينز الأخضر و بلوزتي الزرقا و البوت المقطّع و قلنا يا الله
اليوم عندي امتحان اجتماعيات(بالصف السابع كان التاريخ و الجغرافيا والتربية واوطنية كتاب واحد ... زكان زنخ وصعب و دمّو تقييل) حطّيت البراشيم بالشنتة.. و رحت عند علاء البوية صاحبي و نزلنا مع بعض على مدرسة الوكالة(وكالة الغوث..)
ايش وله؟؟ جهزت البراشيم؟؟-
عييييب .... ضايل عليّ اخر درسين ببرشمهم بالفرصة-
اسمع... اليوم بدي أعطي ابراهيم ابو راس مصروفي و اخلّي يقعد جنبي( ابراهيم بقا أشطر واحد بالصف و راسو كان قد -
عجل الجرّافة.. وبقى لئيييم ما يرضاش يغشش حدا و بقو الاساتزة بحبّو)
أبو راس؟؟؟ والله لو تعطي مليون ليرة ما برضا مهو بخاف من خيالو.-
و الله و قبل ما أوصل بوابة المدرسة .. و اتذكر انواليوم دور صفنا بالذاعة المدرسية و مربي صفنا.. الاستاز عبدالعزيز التعجّب (عشنو بدرّس عربي).. كان حاكيلي أحضر فقرة(هل تعلم)و ما تزكرت غير قبل 5 دقايق..مهم امتحان الاجتماعيات نسّاني أهلي
.....و أسحب حالي و اقعد عالرصيف و أطول ورقة وقلم... و أعطيها معلومات
هل تعلم
هل تعلم أن الضفدع لا يرى الا بعين واحدة؟؟-
هل تعلم أن أطول شجرة بالعالم موجودة في البرازيل و يبلغ طولها 66 كلم-
هل تعلم أن فرعون كان يحب عصير الشمام-
هل تعلم أن هناك نوع من النباتات الموجودة بالهند يلتهم البشر-
.......
.......
.......
و الله و اكتبلك ست سبع معلومات من وحي خيالي و اروح....يالللله أي هو في حدا يدقق؟؟؟؟؟
....المهم
دخل الاستاز عدنان فزدق ( لقبه ) و بلّش يكتب بالسئلة على اللوح... و حط ابراهيم ابو راس عريف علينا عشان محدشّ يتمتم
....خلّص كتابة و بلّشنا
حسام المسطرين.. صار يتطلّع يمين وشمال.. اجا الأستاز بلّش يفتّش في... نفضه نفض.. مخلّاش محل ما فتّشو.. و ملقاش معو إشي... طبعا إحنا مش مسدقين؟؟؟ كييييف حسام المسطرين ما معو براشييييم؟؟؟ مهو استازنا كلياتنا بالغش؟؟؟؟ !!!أي والله ما بتتسدّق
ولّا هو طلع الأخ مرتكي على كتاب الاجتماعيات نفسو........هاهاهاها ابن هالحرام...كيف دارتلو؟؟؟؟....و الاستاز مسك الكتاب وفتّش جوّاتو و ما لقى ولا ورقة في
بحكيلكم.. مش معقوووول
المهم.. ترويحة... شمّة ريحة
.... و خدلك تعليق عالبنات
يلعن أنا ب 600 صرمايه........ امشي ع رمشي... ودوس ع ألبي و سحسل ع دربزين شواربي .... ميل عل برميل يا غزال... يا شنتة الهنا... ريتني كنت أنا.. و أغرق أنا بشبر ميّة.. أموت طخ بفرد بلاستك.. أموت شنق بحبل علكة... وشغلات كتييييير نسيتها هسه
كانت كل المدرسة تحب سوسن أخت مجدي الأحول.. وهي مش معبرة حدا غير خالد أبو خنانة.. وكنا كل يوم نكتله عشنا غيرانين منّو
و نضّلنا فايعين 3..4...5...6...7.. ساعات.. وبعدها نروح نلعب فطبل بمدرسة البنات و لمّا نروّح نروح نشتري سندويشة بشلن من عند أبو شاهر .. ونحط عليها شطّة و (حامظ).. و كل واحد على دار اللي خلّفو.. و عل فرشة.
فعلن يا اخواني يا محاجيب انو ايام الولدنة كانت احلى ايام بتمرّ عليّ و بضلّ أحن لهديك الأيام.. و أحن للعمايل اللي كنّا نعملها..
أيييه يا زمن
و صح لساني
22-07-2007, 02:46 PM
يوميات محجوب .......... الجزء الأول 
العرض العادي
