حركات الشباب عند الاشارة!!

[بنـــــــــjorـــوتة]

صدق انه الشباب حركات خخخخ طالعوو شو يسون عند الاشارااات



@النوع الاول:

هو اللي يستغل وقته ويرتب سيارته ويفتح دروج السياره ويعفــس في الفواتير ويقطها في الشارع وفجأه ماتدري الا وهو ناقز في السيت اللي ورى ولا تستغرب اذا شفته ناط في دبة السياره ( الريـال مرتب ) وتنفتح الاشاره والاخ مشغول في التنظيف.



@النوع الثاني:

وهو اللي توه يكتشف ان ويهه محتاج تنظيف وسنفره ويسحب المنديل وعلى خشمه واذا خلص طفى السياره عشان ينظف اذنه بالمفتاح (قصده شريف) وشوي ويقص اظافر يده وماتدري الا وهو رافع ريوله عسب يقص اظاافر ريوله >>>>هذا اذا كان معه مقص اظافر واذا مامعه فالحل موجود طبعا يقص اظافرة بواسطة اسنانه (قمة النظافة)!!!!!!



@النوع الثالث:- ( نيهاهاهاهاي يتحرى عمره يويل الاخ )

وهو اكثر واحد يفرح اذا وقف عند الاشاره عشان يستعرض ويرقص هو وخويه ويرقصون السياره معهم.




@النوع الرابع

وهو عكس اللي قبله وهو اللي يشغل شريط أغاني حزيييينه
وانواع القلق والحزن والتفكير وطبعا الاغنيه حرينه وكئيبه ويكون ويهه موّرم من الصياح وكثر الاحزان




@النوع الخامس:-

وهو اللي دوبه مكتشف انه (أبو) ومايسمع اغاني وما تسمع غير هواشه وتلعينه على عياله اللي مالين عليه السياره وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويفلع عـياله بكرتون الاكلينكس اللي ماليه بالسياره والفضل يعود لمحطة البترول اللي لو تمر من عندهم عطوك كرتون كلينكس هديه.




@النوع السادس:-

وهو اللي يستغل الوقت ويجلس يشخص ويرش عطر وشوي يحط روج ومعلق الايفرون في اذنه ومشغل شريط انجليزي مسوي يتسمع غربي وانواع التحكيل في السيارات اللي جمبه.



@النوع السابع:-

وهو اللي اذا شفته ترحمه وتقول ميت من اليوع وتشك انه يالس في مطعم مو في سياره الريال ماسك الهمبرغر بيد والببسي والبطاطس بيد والشاورما في حضنه والفطاير عداله والبيتزا في السيت اللي وراه



@النوع الثامن:

وهو اللي تحس انه ماعنده وقت ابد ودايم انيق ولابس نظاره وخاتم ومبحلق في الجريده ومسوي زحمة في الشارع واللي عـداله مــلان ومشتغل مسجات بجواله.



@النوع التاسع والاخير:-

وهو اللي سيارته زحمه مو ناس >>>> لا مخلي كندوره ولا غتره ولا بدله ولا نعال الله يكرمكم الا ومركبها معه عشان يكون تبديل الملابس اسرع عند الاشاره (استغلال لوقته الذهبي) حتى لحــافه جايبها >>>>وماخذها معاه تعرفون الريال مشغووول طول يومه.



شباااااااب لا تزعلووووون لوول
نحن آآسفين لانه فضحناااااااااااكم خخخخخخخخخ


ملطـــــــــــــــــــوش

[أســ الحب ــيـر]

ههههههههههههههه
مافيني ولا شيء من هذااااا
ههههههههههههههه
انااااا اجلس اطالع في الاشاره وأذا كنت مشغل اغاني أكون جالس أحرك شفايفي ماهاا ولا احد ملا حظ .....ما جبتيني معهم الحمد لله أذا فلتنا منك..

[بنـــــــــjorـــوتة]

خخخخخخخخخ مشكور

[خالد الكوتش]

انا والله ولا وحده من الي تقولين انا اوقف على الاشاره اذا كان في اموره عند الاشاره بسياره اسير أشارلها انو من يطلع قبل الثاني بس اما اذا ما كان في اموره اكون اقعد اسمع اغاني واندمج وانسى الاشاره والناس تصرخ والي يشتم وبس اتخلص الاغنيه امشي عادي ولا كنو في شي (اعتبري حالك بتحضري فلم كوميدي بلاش تدقيقي على الحكي )

[اسير الهم]

الاخت العزيزه مابقيتي شي للبنات , كلامك صح بس مو عام على الشباب يمكن نسبه 10 % من الشباب اللي يسوون هالحركات .
مشكوره ع الملاحظات الحلوه والله يعين الشباب

[بنـــــــــjorـــوتة]

مشكورين ع المرور

[love_onnight]

بالعادة أكون مشغل المسجل ومعلي الصوت وأدخن .. ممكن أهز راسي مع الأغنية
يعطيك العافية على دقة الملاحظة

[بنـــــــــjorـــوتة]

يسلمو ع المرور