إعـتـراف
للشاعر المرحوم أبي ضاري
( سالم خالص )
إعداد : د . عدنان جواد الطعمة
إصحيت واستيقظ ضميري او جيتك اليوم أعتذر
چـان کل حبي او حنيني . . إلك تمثيل او مكر
أكذب . . ابچلمة أحبك
واشتغل عاطفة گلبك
چنت متقصد أعذبك
دخذ من تمثيلي عبره او صير يا ولفي حذر
إصحيت واستيقظ ضميري او جيتك اليوم أعتذر
* * *
حفنه اسنين من عمرك . . و اغلى أيام الشباب
آنه منك ضيعتها . . بالخداع او بالعذاب
جيت أكفّـر عن ذنوبي . . او خلي موضوع العتاب
أعترف . . آنه خدعتك . . بين أوهام او سراب
آسف هوايه ظلمتك
و بحـچی مصفـّـط خدعتك
حتى من بیتك حرمتك
وسلبت منک الراحه ابـگلب قاسي او محتکر
إصحيت واستيقظ ضميري او جيتك اليوم أعتذر
* * *
چنت أمثل دور مخلص . . لابس ابوجهي قناع
چنت استخدم ابحبي . . كل أساليب الخداع
او چانت ادموعی اللئیمه من صمیم الأبتداع
وانت چنت ابحسن نیه تايه ابهيمه او ضياع
چنت مخدوع ابكلامي
او ما چنت تعرف مرامی
حتى نظراتي او سلامي
حيله تتراگص ابعینی . . وانت مشغول الفكر
إصحيت واستيقظ ضميري او جيتك اليوم أعتذر
* * *
صورتلك نفسي مخلص . . مالي بالدنيه مثيل
او چنت انت ابحسن نیه اتگول : یا نعم الخلیل
قابلت چذبي او خداعي ابطيب واخلاص او جميل
أعترف . . آنه خدعتك . . حتى من گتلك علیل
چنت حیال او مراوغ
حتى من أنحب واناشغ
گلبي : من العطف فارغ
وانت مثلت الشهامه او جاوزت حد الصبر
إصحيت واستيقظ ضميري او جيتك اليوم أعتذر
* * *
إتأكدت واعرفت زيفي . . وانت معذور ابجفاك
لا أنه صادق ابحبي . . او لا أنه من مستواك
ما ملك روح التواضع . . . والنبل واحد سواك
فضل منك جاملتني . . وآنه گایلها وراك
نادم او أعتذر منك
مطلعت عد حسن ظنك
والخجل : أبعدني عنك
مذنب او ماريد گلبك . . على امثالي ينكسر
إصحيت واستيقظ ضميري او جيتك اليوم أعتذر
دخذ من تمثيلي عبره او صير يا ولفي حذر
شرح بعض مفردات القصيدة
وجيتك = و جئت إليك
چان = کان
گلبك = قلبك
چنت = کنت
دخذ = خذ ( فعل أمر )
إصحيت = صحوت
و بحـچی مصفـط = و بكلام مرتب
او چانت = و کانت
وانت چنت = و أنت کنت
چنت مخدوع ابکلامي = كنت مخدوعا بكلامي
او ما چنت تعرف مرامی = و لم تکن تعرف قصدي، غرضي
او چانت دموعي = و کانت دموعي
چذب = كذب
گتلك = قلت لك
گایلها وراك = قلتها خلفك
گلبي = قلبي
گربك = قربك
انريد = نريد
إگعد = اقعد ، اجلس
هذا الحـچي = هذا الحكي ، الكلام
مو گلبي = ليس قلبي
اللي يون = الذي يئن
ليش الـچذب = لماذا الكذب
باللي جره = بالذي جرى ، حدث
يمته يلـحـگني السره = متى يأتي دوري
لشوكت نارك تظل بيه اموجره = وإلى متى تظل نارك مستعرة بي
يمكن صدگ = يمكن صدق
الشوگ = الشوق
ریت = لیت ، لعل
شوّفت قلبي الضيم = أريت قلبي القهر والضيم والمر
ألمانيا في 25 / 7 / 2007
25-07-2007, 07:48 PM
إعـتـراف 
العرض العادي
