في سلوكيات خاطئة في مجتمعاتنا لذا يجب توضيح الخطأ ... ومحاولة اصلاحو بسلوك تربوي حضاري ...
-1-
خطأ
لما يصدم حدا فيك وأنت عمتمشي .. و بتوقع كتبك ... بتقوم بتاخدها وبتمشي .. وكل واحد منكن عميتأسف للتاني ...
صح
تمسكه من خوانيقو ... وتلزقو بالحيط .. وترفسو ببطنو .. ويا ريت تختمها بركبة أو كوع ...
وبعدين بتقلو شيل الكتب .. ومرة ثانية فتح عيونك يا لوح ..
---------------
-2-
خطأ
بتفتح الإشارة .. بيزمّرلك اللي وراك ... وبتطلع عالمراية ... وبتشوفو معصب و عمبيهوبر ... بتقوم بتأشرلو و بتعتذر ...
صح
تنزل له بمفتاح ال18 ... وتطقا على راسو ... وأول ما بيفتح الباب ... جرّو من تيابو ... وامسح فيه الارض
و بتقلو مرة تانية بتصير الاشارة خضرا .. حمرا ... زرقا ... بتاكل هوا وبتسكت ...
---------------
-3-
خطأ
بتدخل المحاضرة متأخر ... بيقلك الدكتور طلاع برا يا مهمل .. بتروح انت و متضايق ...
صح
انك تمسكو من الكرافه تبعيتو وبعدين تلفو وتلفو وتلفو وتلفو وتلفو وبعدين تريح شوي وبعدين تلفو وتلفو وتلفو وتضربو باللوح وبعدين تقومو وتمسكو من الجاكيت وتمسح فيه اللوح وتطلع ..
وقبل ما تطلع تقلو إي لأ صارت جامعة ابوك .. ؟؟؟
---------------
-4-
خطأ
قاعدين أنت والشباب ... وعمتشربوا بيبسي ... ورحت تحكي تيليفون ... بيقوم واحد وبيرج العلبه ... بتجي انت بدك تفتحها ..طشششش بتفور بوشك ...بتقوم بتقول ... هههههه الله يسامحك ولو ...والله رح ردلك هالمقلب ..
صح
تمسكو من رجليه ... وتخبطو بالارض .. وتجيب قنينة بيبسي .. وترجا ليوم الرج ... و بتفتحها بوشو ...
وبتقلو إي لأ .. صرت أخوك الصغير ... وبتمون عليي .. وهالمرة بلعتلك ياها مشان الشباب ...
---------------
-5-
خطأ
راكب سيارتك ومستعجل ... وكل اشارة بتوقف عليها ... حتى الاشارات اللي ما فيها حدا ...
صح
حتى لو انت مو مستعجل ... اقطع الاشارة ... الاشارة حطوها للي ما بيعرفو يسوقو واللي بيشفطو متلها متل المطبات يعني
---------------
-6-
خطأ
متابع فيلم حلو ومتحمس و عين الله حولك ..وبيجي واحد من اخواتك وبيغيّر المحطة .. بتقوم بتقلو ليش مانك شايفني متابع الفيلم ؟؟
صح
بتضربو بالصينية ... وبتلحقو بنفاضة الدخان ... وبتاخد منو الريموت كونترول .. وحط فيلمك ... وتابعو بكل صدر رحب ...
---------------
-7-
خطأ
تكتب بعد نهاية اي موضوع تكتبه بالمنتدى ( ان شاء الله ما طولت عليكن ... )
صح
المفروض تكتب اقرو وانتو ساكتين واذا طولت موضوعي بكيفي واللي مو عاجبو لا يقراه ...
مع خالص تحياتي للجميع
04-08-2007, 05:37 PM
تعلم الصح من الخطأ 
العرض العادي
