قصيدة أم بعد ان رماها ولدها في دار العجزه

[عنيده!!وعزتي راس مالي]

السلام عليكم ورحمة الله وبركاته
هذي قصيده شفتهاا في منتدى وحبيت تشوفونهاا...


تقول فيها الأم:

وين انت يا حمدان امـك تناديـك **** وراك ما تسمـع شكايـا وندايـا

يا مسندي قلبي على الدوم يطريـك*** ما غبت عن عيني وطيفك سمايـا

هذي ثلاث سنين والعيـن تبكيـك**** ما شفت زولك زاير يـا ضنايـا

تذكر حياتي يوم اشيلك واداريـك**** والاعبك دايـم وتمشـي ورايـا

ترقد على صوتي وحضني يدفيـك**** ما غيرك احدٍ ساكن فـي حشايـا

واليا مرضت اسهر بقربك واداريك *** ما ذوق طعم النوم صبح ومسايـا

ياما عطيتك من حنانـي وبعطيـك**** تكبر وتكبـر بالأمـل يـا منايـا

لكن خساره بعتني اليـوم وشفيـك **** واخلصت للزوجه وانا لي شقايـا

انا ادري انها قاسيـه مـا تخليـك**** قالت عجوزك مـا ابيهـا معايـا

خليتني وسط المصحه وانا ارجيك*** هذا جزا المعروف وهذا جزايـا

يـا ليتنـي خدامـة بيـن اياديـك **** من شان اشوفك كل يوم برضايـا

مشكور يا ولدي وتشكر مساعيـك*** وادعـي لـك الله دايـم بالهدايـا

حمدان يا حمـدان امـك توصيـك*** اخاف من تلحق تشوف الوصايـا

اوصيت دكتور المصحه بيعطيـك*** رسالتي واحروفهـا مـن بكايـا

وان مت لا تبخل علـي بدعاويـك*** واطلب لي الغفران وهذا رجايـا

وامطر تراب القبر بدموع عينيـك*** ما عـاد ينفعـك النـدم والنعايـا

وانشاء الله مايكون مكرر

ممكن ردودكم؟؟

مشكوره اختي على القصيده

تحياتي

[توتو]

مشكوووووووووووووره اختي على القصيد
رووووووعه

يعطيكي الف الف عااااااااااااااااااااااااافيه

[النايف]

عنيدة

لا هنتي على مجهودك الطيب

واشكرك على ما اخترتي احسنتي الاختيار عنيدة

الله يعين الام المسكينه وينتقم من ولدها الجاحد

رسالتك عنيدة وصلت واتمنا من الجميع يقتدي فيها

يا جماعه هالله هالله بالوالدين

تقبلي تحياتي

[عنيده!!وعزتي راس مالي]

مشكووورين اخواني على المرور
ولا تحرموني طلتكم....


لكم حياتي قبل تحياتي

يعطيك العافية عنيدة

والله يقدرنا على بر والدينا

وفيه قصيدة مماثلة كتبتها بعنوان قصيدة في الأم
راح تعجبك إن شاء الله . ( تلاقينها في منتدى الإبداعات الأدبية )

تقبلي مروري ،،،


( ومن يومها كان الرحيل ،،،، وليل الشتاء القاسي الطويل )