ام رشا: اليوم جالك عريس
رشا: اوكي ووين المشكلة
ام رشا: ما بدك تعرفي مين هو
رشا: والله ما بهمني, بس ازا بدك تحكي مين هو انت حرة
ام رشا: طارق ابن عمتك
رشا: ويا اهلا وسهلا ومن وين هاد طلعلي لا عمري شوفته ولا شافني ولا بعرف بالاصل انه اللي ابن عمة اسمه طارق
ام رشا: رشا حبيبيتي لازم توافقي لأنه هاي عمتك وابنها ما بينعاب مال وجمال وعلم وما ناقصه شي
رشا: وانا مش موافقة وما بدي , بدي اكمل تعليمي
ام رشا: (بتصرخ على رشا )عمره العلم ما فاد صحابة وانت بعدين معك, مسكرة الطريق بوجه اخواتك لهلا ولا وحدة منهم اتقدملها واحد الكل بيجيلك انت.
رشا: شو مابدك تعملي اعملي وشو مابدك تحكي احكي وانا مش موافقة وكل واحد بياخد نصيبه
ام رشا: على العموم لما يجي ابوكي بخليه يتفاهم معك
وطلعت رشا من غرفة امها ودخلت على غرفتها وهي بتبكي ومقهورة
ودخلوا اخواتها وحكيوا معها وقعدوا يخففوا عليها.
وبعد شوي حكت مع لؤي بس ما حكت اله شو اللي صار لأنها متأكدة انه مستحيل اهلها يغصبوها
والمسا اجا ابو رشا وناداها
ابو رشا: شو يا بابا شايفك زعلانة
رشا: اتخيل ماما بدها اياني اوافق على واحد انا لا بعرفه ولا عمري شوفته, ولساتني صغيرة يعني بدي ادرس
ابو رشا: (بيقاطعها) اسمعي انت لو تلفي الدنيا كلها ما بتلاقي مثل طارق شب كامل مكمل وغير هيك هاد ابن عمتك وهاي احسن طريقة حتى تصير صلحة بيني وبين عمتك
اسمعي انت اذا بتفكري اني رح ادرسك بتحلمي انا مارح ادرسك وبدك توافقي عليه.
سحبت رشا حالها من الغرفة وطلعت وهي بتبكي
حكت مع لؤي وحكتله شو اللي صار قالها انا بكرة جاي اخطبك
فرحت رشا كتير ونسيت كل اللي صار وحكت لأختها تيماء
وفعلاً بنفس الليلة حكى لأهله الموضوع ووافقوا على خطبة بالوقت الحالي
وتاني يوم الصبح حكت ام لؤي على بيت رشا ولما قالتلها انها بدها تشرب فنجان قهوة رحبت الأم فيها واتفقوا تيجي العصر
ورشا قلبها طاير من الفرحة وما مصدقة نفسها
واجت ام لؤي
ولما حكت لأم رشا انها بدها تخطب رشا لأبنها لؤي انقلبت احوال ام رشا
ام رشا: بس والله رشا مخطوبة لابن عمتها
ام لؤي: كيف يعني
ام رشا: امبارح انقرأت فاتحتها
ام لؤي : على العموم يا أختي فرصة سعيدة وانشالله بضل العلاقة بينا طيبة والف مبروك لرشا
ام رشا: خليكي قاعدة والله متشرفين فيكي
ام لؤي: الأيام جاية بس اعذريني مواعدة ضيوف يجيوني وما بدي اتأخر عليهم.
وسلموا على بعض وطلعت ام لؤي من البيت وهي مش عارفة شو رح تحكي لابنها
وكان لؤي بيستناها برة بيت رشا بسيارته
واول ما شافها قاليلها ها بشري
ام لؤي: رشا امبارح ابوها قرأ فاتحتها على ابن عمتها
لؤي: شو مستحيل لا يا ماما انتي بتمزحي اصلاًُ هي ما وافقت كيف يعملوا هيك
وشغل السيارة وطلع بسرعة ورن على رشا
لؤي: رشا انت هلا بدك تحكي لأهلك انك على علاقة معي
رشا: شو مالك شو في
لؤي: ابوكي امبارح قرأ فاتحتك على ابن عمتك
رشا: مستحيل انا ما وافقت لؤي معقول اهلي غصبوني ( ونزلت دموعا وضلت تبكي)
لؤي: ررشا وغلاوتي عندك ما تبكي والله يا حبيبتي بموت اذا ما بتكوني اللي رشا هلا انتي احكيلهم عن اللي بينا واتركي الباقي علي
رشا: لؤي والله خايفة حبيبي واللع بموت من غيرك مستحيل اخد غيرك والله مستحيل
وبلشوا الاتنين يبكوا
راحت رشا عند امها وسألتها مزبوط انه انقرأت فاتحتي
ام رشا: لا بس انا حكيت هيك عشان الست اللي كانت عندنا بدها تخطبك لابنها وانا وابوكي وافقنا على طارق
رشا: على العموم انا مش موافقة على طارق واذا بدكم ترتاحوا مني انا عندي عريس
ام رشا: شو...
رشا: هاي الست اللي كانت عندك بتكون امه
ام رشا: فعلاً انك ما بتستحي وضربتها كف على وجها
رشا: على العموم انا مصرة على موقفي وهاد الكف ما رح يأثر اذا كان ثمن اني اتزوج من لؤي الضرب والاهانة فهاد ثمن جداً رخيص
وحكت ام رشا تلفون مع ابوها وقالتله اللي صار وحكت مع خالتها واجت خالتها وبلشت تقنعها ورشا ابداً ما هي سامعتها
واجا ابو رشا وناداها
ابو رشا: انت وحدة خاينة, خنتي الثقة اللي اعطيناكي اياها واتعرفت على شب وشو اسمه؟
لؤي
دارس؟
رشا: لأ
شو بيشتغل؟
رشا:ما بيشتغل
اهله اغنيا؟
رشا: وضعهم عادي
ابو رشا: فعلا انك بنت ناقصة وما بتفهم يعني شو فيه اشي حتى تتزوجيه هاي المشاعر الوسخة اللي بتحميليها لإله رح تتغير وما رح اضل لأنه اختيار غبي
رشا: اوكي بس انا راضية وموافق اعيش معه
ابو رشا: اخرسي.. ما بدي اسمع صوتك.... انت وحدة غبية ...وقحة... ما تحكي..
ودخلت تالا رشا على الغرفة
ورشا مش عارفة شو بدها تعمل
وتاني يوم حكت رشا مع لؤي وقالتله شو اللي صار
وطلع لؤي على محل ابو رشا
لؤي: السلام عليكم
ابو رشا: وعليكم السلام
لؤي: انا لؤي
ابو رشا: اتفضل
لؤي : يا عمي انا بدي بنتك بالحلال
ابو رشا: وانا ما عندي بنات للزواج
لؤي: عمي شو ما بدك احنا حاضرين
ابو رشا: يعني انا اذا واحد بده يتزوج بنتي وجايني من الشارع لازم اوافق؟؟ يا ابني الزواج مش هيك في عادات وتقاليد في شغلات اكبر منا وما بسير هاد الحكي, ولو سمحت تتوكل على الله وتنسى الموضوع
لؤي: انا ما بقدر يا عمي والله لأسعد بنتك بس الله يخليك توافق,, انا بحياتي كلها ما اترجيت حد بس والله كل اشي عشانها بهون
ابو رشا: اطلع من هون واحد قليل ادب
وطلع لؤي والمسا جاب ابو وراحو على المحل وطردهم ابو رشا
وضله يروح كل يوم وابوها يطرده
اخر شي
لؤي: مرحبا رشا
رشا: اهلا حبيبي
لؤي: كييفك
رشا: تعبانة والله رح اموت طول اليوم بحكي وبحاول اقنعهم وهما ما راضيين
لؤي: رشا..... وافقي
رشا: بكيت ...كيف ... شو
لؤي: وافقي هلا وخلينا شوي نرتاح من المشاكل خلينا نعرف نفكر منيح انا والله عملت كل اللي بقدر عليه بس لازم يكون في حال اخطبيه وطفشيه
رشا: بس لؤي انا متلك تعبانة بس ما بقدر اكون لحد غيرك
لؤي: رشا مستحيل اهلك يوافقوا وما الك غير اطفشيه هو
رشا: مسحت دموعا ... على العموم انت ما بتستاهلني وفعلاً انك استسلمت بسرعة
لؤي : والله كل عشانك انت 24 ساعة بالهم والصراخ والنكد
رشا: وانا بقولك هاد ثمن رخيص مقابل اني اكون معك
لؤي: والله بحبك موت
رشا: بموت فيك
لؤي: اشتقتلك.. اشتقت اكون معك اسمع صوتك اشوف عيونك اشم نفسك احس نبضك
اشتقت العب بشعرك وتغفي على صدري متل بيبي صغير,, وقعد يبكي
رشا: اشتقت لعيونك اشتقت لضحكتك وهمسك لصوتك ورسمك وقعدت تبكي .....
رشا: انا هلا رح احكي لأهلي اني موافقة على طارق
يتبع[/a7la1]
03-10-2006, 12:35 PM
المواضيع المتشابهه 
بتبكي)لؤي لو سمحت اتركني وروح من هون وبكرة بحكي معك
العرض العادي
