اتحديت العالم .... واخسرت
هاي القصة واقعية بكل معنى الكلمة
رح اكتبها بأجزاء واذا عجبتكم بكمل
رشا اسم بطلة القصة كانت ملعوبة وحلوة كتير من هي صغيرة
كانت اية بالجمال وطاغية بالجاذبية
مستحيل تمشي بالشارع وما حدى يطلع عليها سواء اولاد ولا بنات
هي بنت من عائلة متوسطة بس كل شي متوفر عندهم وهي الوسط بين اخواتها
وكانت متفوقة بدراستها
هاي البنت عايشة في الأردن والاردن بلد متفتح غير عن الخليج
اللبس غير محتشم وقليل ما تكون البنت محجبة
رح ابلش بقصتها ومن هي عمرها 15 سنة كانت رشا مروحة من المدرسة مع صاحباتها يضحون ويمزحون ورشا طبعاً احلاهم وأخفهم دم وكانت كتير محبوبة من زميلاتها
حتى اللي ما بتدرس معهم كانوا يعرفوها
وهي ماشية مع صاحباتها شافت شاب اسمر وطويل وعينيه عسلي فيهم سحر لا يوصف
ما قدرت اتشيل عينها عنه وضلهم يتبادلوا النظرات كأنه ما في حد غيرهم
هاد الحب من اول نظرة
لؤي.... اسمه لؤي
شاب جذاب وحلو ما بينعاب
اخلاق..شخصية
صحيت ربا على اللي بتعمله وكملت مشي .. لحقها لؤي..
في مجال اتعرف
لأ
ليه
من غير ليه لأ ( اثقيلة البنت)
وحاول كتير بس بدون جواب
مل ورجع على طريقه
رشا وصحباتها ماتوا من الضحك على الموقف
صاحبتها غالية بتقولها: ليه ما وافقتي
رشا: والله مش عارفة شو السبب
غالية: يا هبلة بجنن هاد الشب كل البنات حاطين عينهم عليه, ومنى عينهم يتعرفوا عليه , وانت بتقوليلوه لأ.
رشا: والله ما أنا عارفة بس من كثر ما سحرني ما عارفة شو أعمل
غالية: اذا طلب يحكي معك مرة ثانية بتوافقي. اوكي
رشا: لأ. انا ما بحب المشاكل واذا اهلي عرفوا بينجنوا. مستحيل اخون ثقتهم في, وانا بعدي صغيرة على هيك حركات
غالية: اوكي انت حرة بس فرصة لا تعوض
رشا: وانا مابدي اياها, يلا باي وصلنا بيتك ولا مابدك تروحي
غالية: لا ميتة من الجوع وماما عاملتلي اكلتي اللي بحبها. منسف,
رشا : لا الله عليكي خليني اتغدى عندكم
غالية: اوكي اتفضلي
واتغدت رشا في بيت صاحبتها وروحت على البيت
ام رشا: شو لهلا المدرسة
رشا : لا حبيبتي بس اتغديت عند غالية كانوا عاملين منسف
ام رشا: طابعاً وانت ما بتحبيه الا شوي, بالعافية حبيبتي
رشا: شكراً
دخلت على غرفتها وكانوا اخواتها البنات قاعدي
(طابعاً رشا عندها اختين )
اختها الكبيرة تالا بتسألها شو وين لهلا
رشا: كنت عند صاحبتي
تالا: مالك سرحانة
رشا: لا ما في شي بس تعبانة شوي
تالا: اوكي حبيبتي بدلي ملابسك وارتاحي شوي
رشا: اوكي
(بدلت رشا وراحت ركاض عند اختها تيماء(تيماء اصغر منها بسنة ومعا بنفس المدرسة)
رشا: تيماء حبيبتي اليوم شفت فارس احلامي
تيماء: اوكي
رشا : ما قادرة اقاوم
تيماء : ديري بالك, انت نفسك تحكي معه
رشا: موت
تيماء: انت حرة, بس نصيحتي بكير, عيشي حياتك اول
( وطلعت من عند تيماء وراحت تحضر مسلسل السبعة وبعدين درست ونامت, بس ليلها طويل وصورته ما بتنشال من عينها, عينيه فيهم سحر لا يقاوم, ونامت وهي مش عارفة شو مخبي الها المستقبل)
ثاني يوم وهي مروحة من المدرسة لحقها وحكى معها لما كانت لحالها.
لؤي: رشا
رشا: شو عرفك بإسمي
لؤي : معقول انت مشهورة كأنك ممثلة من هوليود
رشا: (اخذت مقلب بنفسها) وجاوبته شو بدك؟(يا تقيل)
لؤي : بدي احكي معك انا شوفتك وعارف انه انت الي زي ما انت هلا واقفة قدامي
رشا: in your dreams (في احلامك)
لؤي: وانا احلامي كلها حقيقة (هاد رقم تلفوني احكي معي وبستناك) وراح
اخذت رشا الرقم ومشيت متل المسحورة (آه يا رشا لو تعرفي شو مخبيلك القدر)
التقت مع اختها تيماء عند باب البيت
تيماء: هاد هو
رشا: مين
تيماء: اللي كنت واقفة معه
رشا: شو رأيك فيه
تيماء: بسم الله متل القمر
رشا: انا مش قادرة اقاومه في شي بيشدني اله ما بعرف
تيماء: حبيبتي ديري بالك وانت عارفة لوين العلاقات بتوصل
رشا: ماتخافي حبيبتي , صحيح اعطاني رقمه, رح احكي معه
تيماء: لا يا مجنونة
رشا: لأ رح احكي معه
ودخلوا البيت مع بعض سلموا على امهم وبدلوا ملابسهم واتغدوا ودرسوا
رشا: تيماء
تيماء: نعم
رشا: حبيبتي جيبيلي التلفون
تيماء: جيبيه انتي
رشا: اوكي
واخذت التلفون وقعدت في الحديقة على المرجوحة, مسكت رقمه,احكي, شو فيها بتسلى
ضربت عليه
لؤي:الو
رشا:هالو
لؤي: رشا كيفك
رشا: شو عرفك انه انا
لؤي: قلبي دليلي
رشا: شو هالثقة
لؤي: بحبك
رشا: بهالسرعة
لؤي: انتي اللي
رشا: انت شو اسمك
لؤي: لؤي ما بتعرفي
رشا: لا والله
لؤي: انت اية من الجمال انت بنت ما الها شبيه, بتعرفي سحرتيني, ما قادر اشيلك من بالي, كنت بفكر انه قلبي بايدي, بس انت خليته يطلع من جسمي ويطير, بحبك
رشا: حيلك بكير علينا , صحيح قديه عمرك
لؤي: 19
رشا : بتدرس
لؤي: بدرس محاماة في جامعة ...............
رشا: ممتاز
لؤي: بدي اشوفك
رشا: ساكتة (بس من جواها نفسها تقواه يا ريت لو تجيني هلا)لؤي انا رح اسكر الخط ماما بتناديني باي
لؤي : باي حبيبتي
كانت امها فعلا بتناديها
رشا, رشا
نعم مامي
شو وينك
رشا: كنت قاعدة في الحديقة بحكي تلفون مع صاحبتي
ام رشا: يالا حبيبتي روحي البسي اختك تالا حكت انه بعد ما اتخلص دوامها رح تروح عند صاحبتها وبعدين تيجي حتى نتعشى برة
رشا: طيارة وبكون جاهزة
اجت تالا ودقت على موبايل امهاوطلعوا بالسيارة
وراحوا اتعشوا في KFC وهما قاعدين هناك شافت وجه مش غريب عليها
اذا حبيتوا تعرفوا نهاية القصة اطلبوا وانا بنفذ
19-09-2006, 01:26 PM
اتحديت العالم .. زاخسرت (قصة واقعية لا تفوتكم) 
المواضيع المتشابهه 
العرض العادي
